بىلەمسىز؟ يۇقىرى قان بېسىمنى كەلتۈرۈپ چىقارغان ھەقىقىي قاتىل تۇز ئەمەس، بەلكى ناترىي! نۇرغۇن كىشىلەر تۇزنى ئىستېمال قىلىشنى يۇقىرى قان بېسىمنى كەلتۈرۈپ چىقىرىدىغان باش جىنايەتچى دەپ قارايدۇ، ئەمەلىيەتتە ھەقىقىي باش جىنايەتچى تۇز تەركىبىدىكى ناترىينى ئىستېمال قىلىشتۇر. دۇنيا سەھىيە تەشكىلاتى تەۋسىيە قىلغان ھەر بىر ئادەمنىڭ كۈندىلىك ناترىي قوبۇل قىلىش مىقدارى بەش گرام.
01
ناترىي نەدىن كېلىدۇ؟
ئاش تۇزىدىن باشقا، بىز يېگەن چىلىغان كۆكتات، گۆش مەھسۇلاتلىرى، ئىستىراھەت يېمەكلىكلىرى، پۇرچاق ياسالمىلىرى، كۆكتات، مېۋە-چېۋە قاتارلىق يېمەكلىكلەردىمۇ مەلۇم مىقداردا ناترىي بار. شۇڭا بىز كۈندە قوبۇل قىلىدىغان ناترىي مىقدارى تۇز تەركىبىدىكى ناترىي مىقدارىغا تەڭ بولغان تەقدىردىمۇ، بىز يەنە باشقا يېمەكلىكلەردىن ناترىي قوبۇل قىلىمىز.
بىز ھەر كۈنى ئىستېمال قىلىدىغان تۇزنىڭ تەركىبىدىكى ناترىي مىقدارى بەش گىرام بولسىمۇ، ئەمەلىيەتتە قوبۇل قىلىدىغان ناترىينىڭ مىقدارى يەنىلا بەش گىرامدىن ئېشىپ كېتىدۇ. شۇڭا ھازىر يۇقىرى قان بېسىمغا گىرىپتار بولۇش نىسبىتى تۆۋەنلىمىدى.
02
ناترىي مىقدارى يۇقىرى بولغان يېمەكلىكلەر تىزىملىكى
ئاش تۇزىدىن باشقا، تەركىبى يۇقىرى يېمەكلىكلەردىن تۆۋەندىكىلەر بار:
تۇزغا چىلانغان يېمەكلىكلەر: تۇزدىن ياسىلىدۇ، ناترىي مىقدارى ئىنتايىن يۇقىرى.
پەمىدۇر قېقى:100 گرام پەمىدۇر قېقى تەركىبىدىكى ناترىي مىقدارى 2095 مىللىگرامغا يېتىدۇ.
ئۇششاق يېمەكلىك:100گرام كاۋاۋىچىن تۇز پېچىنىسى تەركىبىدە 1715 مىللىگرام ناترىي بار.
پىشلاق:100g پىشلاقتىكى ناترىي مىقدارى تەخمىنەن 1700 مىللىگرام.
دېڭىز قىسقۇچپاقىسى: بىر قىسقۇچپاقىنىڭ تەركىبىدە 1463 مىللىگرام ناترىي بار.
ئېچىتقۇ، سودا: بىر قوشۇق سودا، تەركىبىدە 1368 مىللىگرام ناترىي بولىدۇ، بىر قوشۇق ئېچىتقۇ، تەركىبىدە 530 مىللىگرام ناترىي بولىدۇ.
شورپا ماتېرىيالى بوغچىسى: بىر دانە 5g لىق شورپا ماتېرىيالىنىڭ تەركىبىدىكى ناترىي مىقدارى تەخمىنەن 1200 مىللىگرام.
كولباسا، سۈرلەنگەن گۆش، تۇزلانغان گۆش:20 گىرام قۇرۇتۇلغان كالا گۆشى تەركىبىدىكى ناترىي مىقدارى 443 مىللىگرام.
سالات قىيامى، جياڭيۇ: بىر قوشۇق جياڭيۇ تەركىبىدىكى ناترىي مىقدارى 335 مىللىگرام.
ئېچىتقۇ: تەخمىنەن 6g ئېچىتقۇنىڭ ناترىي مىقدارى 216 مىللىگرامغا يېتىدۇ.
03
قان بېسىمىنى ئۈنۈملۈك تۆۋەنلىتىدىغان تۆت خىل يېمەكلىك
1. جياۋگۇلەن (گىنوسپېرمۇم كۆكى)
« شىمالدا ئۇزۇن ئاق ئادەمگىياھ، جەنۇبتا جياۋگۇلەن» جياۋگۇلەن يۇقىرى قان بېسىمنىڭ« كۈشەندىسى» دەپ ئاتىلىدۇ. شۇنىڭ بىلەن بىر ۋاقىتتا، جياۋگۇلەننىڭ ئەكس تەسىرى يوق، ئۇنى ئۇزاق مۇددەت ئىچىشكە بولىدۇ.
2. دولانا
يۈرەك مۇسكۇلىنىڭ قىسقىرىش كۈچىنى ئاشۇرۇپ، يۈرەك مۇسكۇلىنىڭ ئوكسىگېن سەرپىياتىنى تۆۋەنلىتىپ، يۈرەك سانجىقىنىڭ ئۈنۈملۈك ئالدىنى ئالىدۇ.
3. كۆممىقوناق پۆپۈكى
كۆممىقوناق پۆپىكىنى قۇرۇتۇلغاندىن كېيىن چاي دەملەپ ئىچىلسە، سۈيدۈكنى راۋانلاشتۇرۇش، قاننى توختىتىش، ئىچ سۈرۈشنى توختىتىش ئۈنۈمىگە ئىگە بولۇپلا قالماستىن، يەنە قان بېسىمنى تۆۋەنلىتىش رولىمۇ بار.
4. ئاچچىق قارا بۇغداي
ئاچچىق قارا بۇغداينىڭ ئوزۇقلۇقى ئىنتايىن مول بولۇپ، تەركىبىدە كۆپ مىقداردا ۋىتامىن بار، بۇنىڭ ئىچىدە ۋىتامىن B2 نىڭ مىقدارى كۆممىقوناق بىلەن گۈرۈچنىڭ 2 ~ 10 ھەسسىسىگە توغرا كېلىدۇ.
04
ئۈچ خىل بېسىم تۆۋەنلىتىش ئۇمىچى
1. كەرەپشە ئۇمىچى
كەرەپشە كۆكتاتلار ئارسىدىكى قان بېسىمنى تۆۋەنلەتكۈچى چولپان بولۇپ، ئۇنىڭ تەركىبىدە كىسلاتالىق قان بېسىمنى تۆۋەنلەتكۈچى تەركىب بار، ئۇنىڭ جىگەرنى تىنچلاندۇرۇپ، قان بېسىمنى تۆۋەنلىتىش رولى بار.
2. جۇخارگۈل ئۇمىچى
جۇخارگۈل جىگەر قېنىنى قۇۋۋەتلەيدۇ، جىگەرنى ئىسسىتىپ، قان بېسىمىنى تۆۋەنلىتىدۇ، شۇڭا يۇقىرى قان بېسىمى، ئارتېرىيە قېتىشىش قاتارلىق كېسەللىكلەرگە گىرىپتار بولغان بىمارلارنىڭ جىگەر ئىسسىقى ئېشىپ كەتكەنلەر جۇخارگۈل ئۇمىچىنى كۆپرەك ئىچىپ بەرسە بولىدۇ.
3. ئاق مور ئۇمىچى
ئاق مور مەنپىيلىكنى يېتىلدۈرۈپ سۇيۇقلۇق ھاسىل قىلىدۇ، قۇۋۋەتنى ئاشۇرۇپ، قان بېسىمنى تۆۋەنلىتىدۇ، ھەر خىل تىپتىكى يۇقىرى قان بېسىم بىمارلىرىنىڭ ئىستېمال قىلىشىغا مۇۋاپىق كېلىدۇ.
05
ئۈچ خىل قان بېسىم تۆۋەنلەتكۈچى چاي
كۆممىقوناق ساقىلى چېيى
جۇڭيى دورىلىرى ئىچىدە كۆممىقوناق ساقىلى يەنە« ئەجدىھا بۇرۇتى» دەپمۇ ئاتىلىدۇ، ئۇ قاندىكى ماينى، قان بېسىمىنى ۋە قان شېكىرىنى تۆۋەنلىتىشتە ناھايىتى ياخشى رول ئوينايدۇ. كۆممىقوناق ساقىلى چېيى قايناتقاندا، كۆممىقوناقنىڭ ساقىلىنى ئېلىپ، ئازراق ناۋات قوشۇپ قايناتساق بولىدۇ.
نېلۇپەر ئۇرۇقى چېيى
نېلۇپەر ئۇرۇقىنىڭ ئۆزىكى بولسا نېلۇپەر ئۇرۇقىنىڭ ئوتتۇرىسىدىكى كۆكۈچ يېشىل رەڭلىك تۆرەلمە بىخى بولۇپ، ئۇنىڭ تەمى ئىنتايىن ئاچچىق، لېكىن قان بېسىمنى تۆۋەنلىتىپ ياغنى يوقىتىش ئۈنۈمى ئىنتايىن ياخشى.
دولانا چېيى
ھازىرقى زامان تېببىي ئىلمىنىڭ قارىشىچە، دولانە تاجسىمان ئارتېرىيىنى كېڭەيتىش، قان تومۇرلارنى كېڭەيتىش، قاندىكى ماينى تۆۋەنلىتىش، قان بېسىمنى تۆۋەنلىتىش، يۈرەكنى كۈچەيتىش رولىغا ئىگە.
بۈگۈنكى مەزمۇنلارنى ياقتۇردىڭىزمۇ
