ལོ་ཚོགས་ཀྱིས་བརྩམས་ཆོས་ནང་དུ་གཏམ་རྒྱུད་ཟློས་གར་གྱི་ཚན་པ་དང་། ཟིན་ཐོ་དང་འགུལ་རིས་ཚན་པ། གྲངས་སྒྱུར་སྨྱན་སྦྱོར། བརྙན་ཐུང་དང་ཟློས་གར་ཐུང་ངུ་སོགས་ཚན་པ་མང་པོ་སྒྲིག་འཛུགས་བྱས་ཡོད། དཔྱད་འདེམས་ཚོགས་པས་སྒྱུ་རྩལ་རང་བཞིན་དང་། སློབ་གསོའི་རིན་ཐང་། སྤྱི་ཚོགས་ཀྱི་ཤུགས་རྐྱེན་ཐེབས་ནུས་སོགས་སྣ་མང་ཕྱོགས་བསྡུས་ལ་གཞིགས་ཏེ་དཔྱད་བསྡུར་གཏན་འབེབས་བྱས་ཤིང་། དཔྱད་འདེམས་བྱས་འབྲས་དོན་གནས་དང་མཐུན་ཞིང་དྲང་གཞག་ཡོང་བར་འགན་ལེན་བྱས། དཔྱད་བསྡུར་བརྒྱུད། རྒྱལ་ཁབ་ཕྱི་ནང་གི་ཕུལ་བྱུང་བརྩམས་ཆོས་མང་པོའི་ཁྲོད་དུ་མཚོ་ནུབ་ཁུལ་མཉམ་འདྲེས་སྨྱན་སྦྱོར་ལྟེ་གནས་དང་སེ་འབྲུའི་གློག་བརྙན་འཕྲིན་ལས་སྒྲུབ་ཁང་གིས་ཕབ་སྐྲུན་བྱས་ཤིང་། རྒན་རྡོ་རྗེ་སྒྲོལ་མ་དང་དོན་འགྲུབ་ཚེ་རིང་གིས་བརྙན་སྐྲུན་གྱི་འགན་ཁུར་པ་དང་། བོད་ཀྱི་ཕུལ་བྱུང་ན་གཞོན་འཁྲབ་ཁྲིད་པ་རྐ་ཕུག་བསོད་རྡོས་འཁྲབ་གཞུང་དང་འཁྲབ་ཁྲིད། སྒྲིག་སྦྱོར་སོགས་ཀྱི་འགན་གཅིག་ལྕོགས་སུ་ཁུར་བའི་ཁྲིམས་ལུགས་དང་སློབ་གསོའི་སྐོར་གྱི་བྱིས་པའི་ཟློར་གར《ནར་སོན་གྱི་ལོ་ཟླ》ལ་སྤྱི་ཚོགས་དཔྱད་བསྡུར་གྱི་ཟློས་གར་ཚན་པ་རུ་བྱ་དགའ་ཨང་གསུམ་པ་ཐོབ།
བྱིས་པའི་གློག་བརྙན་ཟློས་གར《ནར་སོན་གྱི་ལོ་ཟླ》ནི་མིའི་རིགས་ཀྱི་ལས་དབང་གཞི་གཅིག་ཅན་གྱི་བྱ་གཞག་སྟེ། ང་ཚོ་ངེས་པར་དུ་བརྒྱུད་དགོས་པའི་སློབ་གསོའི་ཁོར་ཡུག་གསུམ་གྱི་གཏམ་རྒྱུད་ཁྲོད། སློབ་གསོའི་ཁོར་ཡུག་གང་ཞིག་གིས་མི་ཚེའི་ནར་སོན་གྱི་ལོ་ཟླ་ལ་གཙེས་པའི་སྐྱོ་གར་དང་། ཕུགས་འདུན་ལམ་ཁའི་ཁྲོད་འཕྲད་པའི་མངར་སྐྱུར་ཚ་གསུམ་གྱི་གཏམ་རྒྱུད་བརྗོད་ཡོད།
འདྲ་པར་མནན་ནས་མཚོ་སྔོན་བོད་ཡིག་གསར་འགྱུར་ཚགས་པར་ཀློགས།
