པར་རིས་གསར་འགྱུར།
ཟླ11པའི་ཚེས14ཉིན་གྱི་ཕྱི་དྲོར། ཡུས་ཧྲུའུ་བོད་རིགས་རང་སྐྱོང་ཁུལ་འབྲི་སྟོད་རྫོང་སྐྱིད་དགའ་སློབ་ཆུང་དུ། ལོ་རིམ་གསུམ་པའི་འཛིན་གྲྭ་བཞི་པའི་སློབ་མ་རྣམས་གཙང་གསུམ་འབྱུང་ཡུལ་རྒྱལ་ཁབ་སྤྱི་གླིང་གི་ན་ཆུང་སྐྱེ་ཁམས་ཀུན་སྤྱོད་སློབ་གསོའི་རྟེན་གཞིར་སྐྱེ་ཁམས་སློབ་ཁྲིད་ལ་ཞུགས་ཤིང་། དགེ་རྒན་གྱིས་སློབ་མར་གད་སྙིགས་ཀྱི་རིགས་དགར་སྟངས་ཁྲིད་པ་དང་། སློབ་མས་ལག་ལེན་དངོས་སུ་བསྟར་ནས། གད་སྙིགས་མི་འདྲ་བ་རྣམས་སོ་སོར་དགར་གྱིན་འདུག
སྐྱིད་དགའ་སློབ་ཆུང་གི་སློབ་གཙོ་གཞོན་པ་རིན་ཆེན་གཡང་སྐྱིད་ཀྱིས་ངོ་སྤྲོད་བྱས་པ་ལྟར་ན། གཙང་གསུམ་འབྱུང་ཡུལ་རྒྱལ་ཁབ་སྤྱི་གླིང་གི་ན་ཆུང་སྐྱེ་ཁམས་ཀུན་སྤྱོད་སློབ་གསོའི་རྟེན་གཞི་འཛུགས་དོན་ནི། ན་ཆུང་རྣམས་ཀྱི་ཁོར་ཡུག་སྲུང་སྐྱོབ་ཀྱི་ཤེས་རྒྱ་བསྐྱེད་པ་དང་། རང་གི་ཕ་ཡུལ་གྱི་རི་ཆུ་རིག་གནས་ལ་རྒྱུས་ལོན་པར་ཤུགས་བསྣན་ཏེ། རྒྱལ་ཁབ་སྤྱི་གླིང་དུ་འཚོ་སྡོད་བྱེད་པའི་མི་རྣམས་ལ་ཆུ་བོ་རེ་རེ་དང་སྲོག་ཆགས་རེ་རེར་སྲུང་སྐྱོབ་བྱེད་པ་ནས་འགོ་ཚུགས་ཏེ། རི་སྔོ་ཆུ་དྭངས་ཀྱི་སྐྱེ་ཁམས་ཁོར་ཡུག་སྲུང་སྐྱོབ་བྱེད་པར་སྣེ་འཁྲིད་རྒྱུ་དང་། ཁོར་ཡུག་སྲུང་སྐྱོབ་ཀྱི་གོ་རིམ་ཁྲོད་སློབ་མའི་ཀུན་སྤྱོད་སློབ་གསོ་མཐོར་འདེགས་བཏང་ནས་སློབ་མར་འཚོ་བའི་གོམས་གཤིས་ཡག་པོ་ཞིག་ཆགས་སུ་འཇུག་རྒྱུ་དེ་ཡིན།
འདྲ་པར་མནན་ནས་མཚོ་སྔོན་བོད་ཡིག་གསར་འགྱུར་ཚགས་པར་ཀློགས།
