ཐུན་ཏེའི་འབའ་ཆུའི་བཞུར་རྒྱུད་ཀྱི་ཁོར་ཡུག་བཅོས་སྐྱོང་ལས་གཞི་མཇུག་བསྒྲིལ་ནས་ཆུའི་སྐྱེ་ཁམས་སྲུང་སྐྱོབ་ལ་ཕན་འབྲས་མངོན་གསལ་བླངས།
འཕྲིན་གཏོང་པ། གསེར་མོ་མཚོ། གཅོད་པ་ཐར། སྙིང་དཔལ་རྒྱལ། ཉི་མ་བཟང་བོ།
ཐུན་ཏེ་རྫོང་གི་རྨ་ཆུའི་སྟོད་རྒྱུད་དུ་འབབ་པའི་འབའ་ཆུའི་བཞུར་རྒྱུད་ཀྱི་ཁོར་ཡུག་ཕྱོགས་བསྡུས་བཅོས་སྐྱོང་དང་ཆུའི་སྐྱེ་ཁམས་སྲུང་སྐྱོབ་ཉམས་གསོའི་ལས་གཞི་དུས་ཐེངས་གཉིས་པ་བདེ་བླག་ངང་མཇུག་བསྒྲིལ་ཞིང་། ལས་གཞི་དེས་འབག་བཙོག་དངོས་པོ་ཕྱིར་འབུད་ཚད་ཇེ་ཉུང་དུ་གཏོང་བ་དང་། ཆུའི་སྐྱེ་ཁམས་ཁོར་ཡུག་གི་སྤུས་ཚད་མཐོ་རུ་གཏོང་བ། རྨ་ཆུའི་སྤུས་ཚད་བརྟན་པོ་ཡོང་བར་འགན་ལེན་བྱེད་པ། འབའ་ཆུའི་འགྲམ་ངོགས་ཀྱི་སྡོད་དམངས་ཀྱི་འཚོ་བའི་ཁོར་ཡུག་ཇེ་ལེགས་སུ་གཏོང་བ་བཅས་ཀྱི་ཐད་ཕན་འབྲས་མངོན་གསལ་བླངས་ཡོད།
རྨ་ཆུའི་སྟོད་རྒྱུད་དུ་འབབ་པའི་ཐུན་ཏེའི་འབའ་ཆུའི་བཞུར་རྒྱུད་ཀྱི་ཁོར་ཡུག་ཕྱོགས་བསྡུས་བཅོས་སྐྱོང་དང་ཆུའི་སྐྱེ་ཁམས་སྲུང་སྐྱོབ་དང་ཉམས་གསོའི་ལས་གཞི་དུས་ཐེངས་གཉིས་པར་སྤྱིའི་མ་དངུལ་སྒོར་དུང་ཕྱུར་གཅིག་ས་ཡ་ལྔ་བཏང་བ་དང་། མ་དངུལ་ཡོང་ཁུངས་ལ་ཀྲུང་དབྱང་གི་སྔོན་རྩིས་དངུལ་གཏོང་དང་ཞིང་ཆེན་རིམ་པའི་སྔོན་རྩིས་དངུལ་གཏོང་། རྫོང་རིམ་པས་རང་གྲབས་བྱས་པ་བཅས་ཚུད་ཡོད། ལས་གཞི་འཛུགས་སྐྲུན་བྱ་ཡུལ་དེ་ཐུན་ཏེ་རྫོང་རྐ་འབའ་སུམ་མདོ་གྲོང་རྡལ་དང་ཐང་མགོ་གྲོང་རྡལ། འབའ་ལུང་ཞང་སོགས་ཀྱི་ས་ཁུལ་དུ་ཁྱབ་ཡོད།
འདྲ་པར་མནན་ནས་མཚོ་སྔོན་བོད་ཡིག་གསར་འགྱུར་ཚགས་པར་ཀློགས།
