“སྨན་པས་དམན་ས་བཟུང་ནས་མང་ཚོགས་ལ་ཞབས་འདེགས་ཡག་པོ་ཞུ་དགོས།”
—རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་མི་སྒེར་འབྲུག་ལྷ་ཐར་གྱི་གནས་ཚུལ་བཀོད་པ།
མཚོ་ལྷོ་བོད་རིགས་རང་སྐྱོང་ཁུལ་ཞིན་ཧེ་རྫོང་བོད་སྨན་ཁང་གི་ཏང་ཙུའུ་ཧྲུའུ་ཅིའམ་ཡོན་ཀྲང་འབྲུག་ལྷ་ཐར་གྱི་གཞུང་ལས་ཁང་གི་སྒྲོག་ཙེའི་ཐོག་ཐལ་རྡུལ་གྱིས་ཁེངས་འདུག་པ་དང་། དེ་ནི་དུས་ཡུན་རིང་པོར་གཞུང་ལས་ཁང་དུ་མ་ཡོང་བ་དང་འདྲ་ལ། དོན་དུ་ཡང་དེ་ནང་བཞིན་རེད། ལོ་མང་པོའི་རིང་ཁོང་ལ་གཞུང་དོན་སྒྲུབ་ས་གཉིས་ཡོད་དེ། རྩྭ་ཐང་ངམ་རི་ཁུག་དང་སྨན་ཁང་གི་ཚན་ཁག་དག་རེད།
“ཨ་མྱེ། ཁྱེད་རང་དེར་བཞུགས་དང་། ངས་ཁྱེད་ཀྱི་རྐང་པའི་རྨ་ལ་བརྟག་དཔྱད་ཅིག་བྱ།”
“ཡོན་ཀྲང་སླར་ཡང་སྐུ་དངོས་སུ་ནད་གཞིར་བརྟག་དཔྱད་བྱེད་དུ་སླེབས་སོང་།” འབྲུག་ལྷ་ཐར་ཞོགས་པ་ནས་བཟུང་ཚན་ཁག་དག་ཏུ་སོང་ནས་ནད་པའི་གཟུགས་གཞིའི་གནས་ཚུལ་ནུས་ཤུགས་ཡོད་རྒུས་ལྟ་ཞིབ་དང་ནད་པར་སེམས་ཁུར་གྱི་ཁ་བརྡ་བཤད་རོགས་བྱས་ནས་ནད་པར་དྲོ་སྐྱིད་སྦྱིན་བཞིན་ཡོད། སྨན་ཁང་དུ་སྡོད་པའི་ནད་པ་ཚང་མས་ཡོན་ཀྲང་དང་ཁོ་ཚོ་ནི་མར་དང་རྩམ་པ་ལྟར་ཁ་འབྲལ་ཐབས་མེད་ཅེས་ཤོད་ཀྱིན་འདུག
2022ལོར། འབྲུག་ལྷ་ཐར《ཀྲུང་གོའི་འཕྲོད་བསྟེན》དུས་དེབ་ཀྱིས2021ལོ་འཁོར་གྱི“སྨན་བཅོས་བཅོས་བསྒྱུར་ལ་སྐུལ་འདེད་བཏང་ནས་མི་སེར་གྱི་བདེ་ཐང་ལ་ཞབས་འདེགས་ཞུ་བ”ཡི་གསར་འགྱུར་མི་སྣ་ཆེན་པོ་བཅུའི་ཁྲོད་དུ་བདམས་པ་དང་། 2023ལོར“མཚོ་སྔོན་གྱི་ས་མཐོའི་བཟོ་བོ”ཡི་གཟི་བརྗིད་མཚན་སྙན་ཐོབ་ལ། ད་ལོར་ཁོ་རང་རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་མི་སྒེར་ལ་བདམས་པ་སོགས་ཀྱི་གཟི་བརྗིད་མཚན་སྙན་དེ་དག་ནི་ཁོས་བརྩེ་སེམས་ལ་བརྟེན་ནས་མི་རིགས་མཐུན་སྒྲིལ་གྱི“སེམས་སྦྲེལ་ཟམ་པ”འཕངས་པ་ལས་བྱུང་བ་ཞིག་དང་། ཁོས་གཞི་རིམ་ལས་དོན་དཔུང་ཁག་ཁྲོད་ཀྱི་ཁོངས་མི་ཞིག་ཡིན་པའི་ངོས་ནས། མི་རིགས་ཁག་འགྲོ་འོང་དང་སྤེལ་རེས། མཉམ་འདྲེས་བཅས་ལ་ཤུགས་བསྣན་ནས་མི་རིགས་ཁག་གི་མཐུན་སྒྲིལ་མཛའ་བརྩེར་སྐུལ་འདེད་གཏོང་བ་ནི་རང་ཉིད་ཀྱི་འགན་འཁྲི་ཡིན་ཟེར། །
འདྲ་པར་མནན་ནས་མཚོ་སྔོན་བོད་ཡིག་གསར་འགྱུར་ཚགས་པར་ཀློགས།
