“6577”ཏེ་མཐོ་སྒང་གི་སྨན་པ་བཟང་པོའི་བདེ་ཐང་ཚབ་ཨང་།
“སྨན་པ། ཁྱོད་གང་ན་ཡོད།”ནངས་སྔ་མོར། མགོ་ལོག་བོད་རིགས་རང་སྐྱོང་ཁུལ་དགའ་བདེ་རྫོང་ཁོ་ཆུ་གྲོང་རྡལ་འཕྲོད་བསྟེན་ཁང་གི་ཡོན་ཀྲང་ཉི་མ་ལྷ་མོར་ནད་པ་ཞིག་གི་ཁ་པར་འབྱོར། ཉི་མ་ལྷ་མོའི་ཁ་པར་གྱི་ནང་དུ་ཉིན་རྒྱུན་ཨང་གྲངས་ཆ་མེད་ཀྱི་ཁ་པར་མང་པོ་གཏོང་སྲིད། མོས་བཤད་རྒྱུར། ཞོགས་པའི་ཆུ་ཚོད7པའི་སྟེང་མལ་ལས་ལངས་པ་ནས་ཆུ་ཚོད8པའི་བར་དུ་མོར་ནད་པ་དང་། ཡང་ན་ནད་པའི་ཁྱིམ་བདག་གི་ཁ་པར་བཅུ་གྲངས་ལྷག་འབྱོར་སྲིད།
“6577གྱིས་ཁ་པར་སྣེ་ལེན་བྱས་སོང་། དེ་རིང་ཡོན་ཀྲང་གིས་ནད་ལ་བརྟག་ཐུབ་ཀྱིན་འདུག”ཁ་པར་བཏང་བའི་མང་ཚོགས་ཀྱིས་ཡོན་ཀྲང་ཡོད་པའི་གནས་ཚུལ་དེ་སྐད་འཕྲིན་གྱི་ཚོགས་པ་སོ་སོར་བསྐུར་ནས་ས་ཐག་རིང་བའི་ནད་པ་རྣམས་ལ་བརྡ་གཏོང་སྲིད། 6577ནི་ཉི་མ་ལྷ་མོའི་ཁ་པར་ཨང་གྲངས་ཀྱི་མཇུག་གི་ཨང་ཀི་བཞི་པོ་དེ་རེད། ནད་ལ་བལྟ་བའི་མང་ཚོགས་ལ་སྟབས་བདེ་བཟོ་ཆེད་མོའི་ཁ་པར་གྱི་སྒོ་ནམ་ཡང་གཏན་མི་སྲིད།
ཁོ་ཆུ་གྲོང་རྡལ་གྱི་འཕྲོད་བསྟེན་ཁང་གི་སྒོ་ཁར་ཞབས་ཞུའི་དམ་ཚིག་ཅིག་ཡོད་དེ། སྨན་པའི་འགན་འཁྲི་དང་ལས་འགན་ནི་མི་དམངས་ཀྱི་བདེ་ཐང་དང་ཚེ་སྲོག་ལ་དམ་དུ་འབྲེལ་ཡོད། འདི་ནི་འཕྲོད་བསྟེན་ཁང་གི་སྨན་པ་རྣམས་ཀྱི་ནང་སེམས་ཀྱི་འབོད་སྐུལ་ཡང་ཡིན་ནོ། །
འདྲ་པར་མནན་ནས་མཚོ་སྔོན་བོད་ཡིག་གསར་འགྱུར་ཚགས་པར་ཀློགས།
