گۈزەل ھايات 8-بۆلۈم 75-قىسىم _ يوشۇرۇپ قالغىلى بولمايدۇ

75-قىسىم

يوشۇرۇپ قالغىلى بولمايدۇ.

 پەقەت دىلارەنىڭ بىلگۈسى بولسىلا، ئۇنىڭدىن ھېچنېمىنى يوشۇرغىلى بولمايدۇ.

ئۇنىڭ ئۈستىگە بۇ ئىشتىكى نىشان بەك چوڭ .

 ھازىر توردا بۇ قېتىملىق ئىشقا مۇناسىۋەتلىك خەۋەرلەرنىڭ قارىسىمۇ تېپىلمىدى.

 روشەنكى ، باشقىلار يوشۇرۇنچە مۇناسىۋەتلىك ئۇچۇرلارنى باستۇرۇپ قويدى.

 لېكىن دىلارە گۈلباھار بىنادىن چۈشۈپ تېلېفون قىلغاندىلا توردىكى خەۋەرنى كۆرۈپ بولغانىدى.

ئاپىسى شەھەر ئىچىدىن ئوچۇق-ئاشكارا ئېلىپ كېتىلدى، مانا بۇ چۈشتىن كېيىن  پۈتۈن شەھەر رايونىدا توك توختىغانلىقىنىڭ ئېنىق سەۋەبى.  

قارشى تەرەپنىڭ مۇشۇنداق ئۇچۇق - ئاشكارا جار سېلىشى قارشى تەرەپنىڭ مەقسىتىنىڭ ئۇنىڭغا بۇ ئىشنى بىلدۈرۈش ئىكەنلىكىدىن دېرەك بېرەتتى.

سودا ساھەسىدە شۇنچە ئۇزۇن تىرىشىش جەريانىدىكى كۆپىنچە ئادىل رىقابەتتە كۈچلۈكلەر  غەلىبە قىلىدۇ، ئەسلىدىنلا كۈچلۈكلەر ئاجىزلارنى بوزەك قىلىدىغان ئىجتىمائىي مۇناسىۋەتتە، ئۇ ئۆزىنىڭ سودا مەيدانىدا رىقابەتچى ئىكەنلىكىنى ئېتىراپ قىلىدۇ، ھېچقانداق دۈشمىنى يوق بولۇشى ئەسلا مۇمكىن ئەمەس.

 ئەگەر بار دېيىلسىمۇ، ئۇمۇ كارخانا بىلەن كارخانا ئوتتۇرىسىدىكى رىقابەت مۇناسىۋىتى.

ئاپىسىدىن پايدىلىنىپ ئۇنى بېشىدىن يېتىلەپ ماڭماقچى بولغان ئادەمدىن مەخبۇبەدىن باشقا ئادەمنى ئويلاپ يېتەلمىدى.

 بۇ ئىشنى كىمنىڭ قىلغانلىقىنى بىر-بىرلەپ تەكشۈرۈش ھاجەتسىز.

 بەلكى گۇمان قىلغان ئادەمنىڭ قىلغان - قىلمىغانلىقىنى جەزىملەشتۈرسىلا بولىدۇ.

بۇ جەھەتتە ، ئەكبەرنىڭ مۇتلەق ئالاھىدىلىكى بار.

 دەرۋەقە دىلارە  ئەكبەرگە ئۇچۇر يوللاپ  جەزملەشتۈرگەندە، ئەكبەر ناھايىتى تېزلا ئۇنىڭغا  ئېنىق جاۋاب بېرىپ:

-  بۇ ئىشنى ماڭا تاپشۇرۇڭ ، سىز پەيدا بولسىڭىز ، قارشى تەرەپنىڭ كۆڭلىدىكىدەك ئىش بولمامدۇ؟ خاتىرجەم بولۇڭ ، ئاپىڭىزغا ھېچ ئىش بولمايدۇ، مەن ئۇ ئايالنى ھەرگىز بوش قويۇۋەتمەيمەن. - دېدى.

ئەكبەر بىۋاسىتە   ئاۋازلىق ئۇچۇر ئەۋەتكەنىدى. تەلەپپۇزى ئاڭلىماققا كەسكىن ھەم كۈچلۈك ئىدى.

 دىلارە دەماللىققا ئۇنىڭغا جاۋاب قايتۇرمىدى.

پۈتۈن بىر چۈشتىن كېيىن ، خەۋەر تېلېۋىزوردا ئېلان قىلىنغاندىن تارتىپ ھازىرغىچە ، ئۇنىڭ يانفونى جىمجىتقىنا بىر تال ئۇچۇر ۋە تېلېفونمۇ تاپشۇرۇپ ئالمىدى.

 ئىليار، زۇبەيدە ، ئېلزات، پەرىدە، ھەتتا شىركەتتىكى خىزمەتچىلەرمۇ تېلېفون قىلىپمۇ قويمىدى.

دىلارەمۇ ئۇلارنىڭ رەھىمسىزلىكىدىن ئاغرىنمايدۇ.

چۈنكى ئۇ بىلىدۇ ، كۆپچىلىك ئۇنىڭدىن يوشۇرۇشنى ئويلاۋاتىدۇ.

شىركەتتىكى خىزمەتچى - خادىملار ، ھەتتا باشقا كىشىلەرمۇ ئۇلارغا ئوخشاش ئويلىدى. قانداقلا ئويلىسا، بىرەرسى ئالاھىدە تاپىلاپ قويغاندەك قىلاتتى.

 ئىليار ، زۇبەيدە ، ئېلزات ، پەرىدە قاتارلىقلار ... ئۇنىڭ ھامىلىدار  ئىكەنلىكىنى بىلىدۇ... ھەممەيلەن ئۇنىڭ ئەڭ يېقىن ئادەملىرى،  دىلارەمۇ ئۇلارنىڭ قىلغانلىرىنى توغرا چۈشىنىدۇ.

 قولى بىلەن قورسىقىنى سىلاپ، بارماق ئۇچى ئاڭسىز ھالدا يېنىك تىترەپ كەتتى.

توغرا... ئۇ ئازابلانسا ، ھەسرەت چەكسە، جىددىيلەشسە بولمايدۇ ...

ھەممە ئادەم ئۇنىڭغا ياخشى بولۇشىنى ئۈمىد قىلىدۇ.

 ئۇمۇ  ھەممەيلەننى ئۈمىدسىزلەندۈرسە بولمايدۇ، ئۇنىڭغا بىرەر ئىش بولسا تېخىمۇ بولمايدۇ.

 ئۇ ئىليار ئىككىسىنىڭ بالىسىنى ئوبدان قوغدىشى كېرەك.

 يان تېلېفوندىكى ئەكبەرنىڭ ئۇچۇرىنى كۆرۈپ ، ئاخىرىدا يەنىلا ئۇنىڭغا جاۋاب قايتۇرۇپ:

ـــ مېنىڭ ئۇ ئايالنى قايتا كۆرگۈم يوق. - دېدى.

 ئارىدىن خېلى ۋاقىت ئۆتكەندىن كېيىن ، ئەكبەر  ئۇچۇر قايتۇرۇپ:

 ـــ بىلدىم ، سىز دېمىسىڭىزمۇ ، مەنمۇ ئۇنىڭ سىزنىڭ ئالدىڭىزدا پەيدا بولۇشىغا پۇرسەت بېرىشنى ئويلاپ باقمىدىم. - دېدى.

 دىلارە يان تېلېفونىنى بىر تەرەپكە تاشلاپ قويدى.

ۋاقىتقا قاراپ قويۇپ،  تەمكىن ھالىتىنى ساقلاپ مۇنچىغا كىردى.

 ئەمما گۈلباھار بىلەن دىلارەنىڭ ئانا - بالىلار دۇكىنىدىن شۇنچە كۆپ نەرسە - كېرەك سېتىۋالغانلىقى   قىزىق نۇقتىغا چىقىپ قالدى.

 گەرچە گۈلباھار ئەڭ ئاخىرىدا پەقەت كەلگۈسى ئۈچۈن تەييارلىق قىلىۋاتقانلىقىنى ئېيتقان بولسىمۇ ، لېكىن يەنىلا ھەممە ئادەمنىڭ ئاغزىنى توسۇپ قالغىلى بولمىدى.

- دىلارە ھامىلداردار بولۇپ قاپتۇ...

-  دىلارە قوشكېزەككە ھامىلىدار بوپتۇ...

-  دىلارە توي قىلماي تۇرۇپ ھامىلىدار بولۇپ قاپتۇ...  دېگەندەك گۇمانلار - پەرەزلەر ھەممە يەرنى قاپلىدى...

 مەخبۇبە قىزىق نۇقتىغا چىققان ئۇچۇرلارنى كۆرگەندە ، يان تېلېفوننى تۇتقان قوللىرى كۈچىيىپ تىترەپ كەتتى.

 شۇ تاپتا ئۇلار شەھەردىن چىقىدىغان    جايىدا تۇرۇپ قالدى.

مەخبۇبەنىڭ يان تېلېفون  تۇتقان قولى ئاستا - ئاستا بوشاشتى، كۆزلىرى  قىسىلىپ، سوغۇق نۇر چاقنىدى، ماشىنا يول بويى ئېگىز - پەس تەۋرىنىپ ماڭغان بولسىمۇ،  دىلنارنىڭ يالغاندىن ئۇزاق ئۇخلىغىنىنى كۆرۈپ، تۇيۇقسىز سوغۇق كۈلۈپ قويۇپ:

 ـــ ئەتىۋارلىق قىزىڭىز ھامىلىدار بولۇپ قالدىمۇ ؟- دەپ سورىدى.

 دىلنار بۇ گەپنى ئاڭلاپ ، قاش-كۆزلىرىدە ھېچقانداق داۋالغۇش بولمىدى ، چىراي ئىپادىسىنى ئۆزگەرتمەي:

ــ ئەجەبا ، زىيانكەشلىك قىلىشىڭىز ئۈچۈن يەنە سەۋەب تېپىپ بېرىشىم كېرەكمۇ ؟ قول سالماقچى بولسىڭىز سالمامسىز ، دىلارەنى  باشلاپ كەلمەكچى بولسىڭىز  باشلاپ كېلىڭ ، ئاخىرى بىزنى  يوقاتماقچى بولغانكەنىسىز ، ئۇنىڭ ھامىلىدار بولۇش - بولماسلىقىنىڭ سىز بىلەن ئالاقىسى يوققۇ دەيمەن ؟  - دېدى.

مەخبۇبەنىڭ چىرايىدا ياۋۇزلارچە كۈلكە جىلۋىلىنىپ:

- ماڭا ھېچقانداق سەۋەب كېرەك ئەمەس ، مېنىڭچە ، ئەگەر ئۇ راستتىنلا ھامىلىدار بولسا ، ۋاقتى كەلگەندە مەن ھېلىقى ئىككى شۇمنى بىللە بىر تەرەپ قىلىۋېتىدىغانلىقىمنى ئويلاپ تېخىمۇ خۇش بولۇۋاتىمەن.  - دېدى.

ئۇ گەپ قىلىۋاتقاندا، كۆرۈش سىزىقى ئىزچىل دىلنارنىڭ يۈزىگە تىكىلىپ تۇردى.

 دىلنار بۇ گەپنى ئاڭلاپ، كۆزىنى ئېچىپ ئۇنىڭغا قارىدى.

 مەخبۇبە كۈلۈپ تۇرۇپ ، دىلنارنى غەزەپلەندى دەپ ئويلاپ:

 ـــ غەزىپىڭىز كەلدىمۇ قانداق ؟ مېنىڭچە ، ۋاقتى كەلگەندە دىلارە راستتىنلا پەيدا بولسا ، ئالدى بىلەن ئۇنىڭ قورسىقىدىكى بالىنىڭ ئاجراپ كەتكەنلىكىنى كۆرىسىلەر، شۇ چاغدا  ئانا-بالا ئىككىڭلارنىڭ قانداق چىراي ئىپادىسىدە بولىدىغانلىقىڭلارنى كۆرۈپ باققۇم بار... - دېدى.

 دىلنار ئۇنىڭغا سوغۇق نەزەردە قاراپ، ئەڭ ئاخىرىدا دىمىقىنى قېقىپ كۈلۈپ قويدى.

 ئۇنىڭ بۇ خىل پەرۋاسىز پوزىتسىيەسىدىن مەخبۇبەنىڭ قوشۇمىسى يەنە بىر قېتىم تۈرۈلۈپ:

-  ئانا-بالا ئىككىڭلارنىڭ تەمكىن تۇرۇۋېلىش ئىقتىدارىڭلار ھەقىقەتەن بىر - بىرىڭلاردىن كۈچلۈككەن. - دېدى.

دىلنار يەنىلا ئۇنىڭغا سوغۇق نەزەردە تىكىلىپ تۇرۇپ:

ـــ پەقەت سىزدەك ساراڭ بىلەن بەك كۆپ تالاشقۇم يوق خالاس. - دېدى. لەۋلىرىنى سەل-پەل پۈرۈشتۈرۈپ ، كۆزلىرىدە سۇس كۈلكە جىلۋىلەندى ، قارىماققا ئازراق ئىچ ئاغرىتىش باردەك قىلاتتى.

- ئادەم ھاياتلا بولىدىكەن ، قانداق ياشىسا خۇش بولالىسا شۇنداق ياشاش كېرەك. ئەگەر ئۇنىڭ ھامىلىدار بولغانلىقى سىزنى تېخىمۇ خۇش قىلغان بولسا، شۇنداق دەپ قارىسىڭىز بولىدۇ .  ــ دېدى دىلنار.

 مەخبۇبەنىڭ چىرايىدىكى كۈلكە ئاستا - ئاستا بېسىقىپ، گۇمان بىلەن دىلنارنىڭ يۈزىگە تىكىلدى.ئەمما دىلارەنىڭ زادى ھامىلىدار بولغان - بولمىغانلىقىنى بىلەلمىدى.

 ئەگەر دىلارە ھامىلدار بولسا ، دىلنار ئانا بولۇش سۈپىتى بىلەن بۇ گەپلەرنى ئاڭلاپ ، ھېچقانداق ئىنكاستا بولماي، تەمكىن سالماق تۇرالىشى مۇمكىن ئەمەس؟

 ئەجەبا توردىكى ئاشۇ كىشىلەرنىڭ قىياسى  يالغانمۇ ؟

 بىراق ، شامال چىقمىسا دەرەخ لىڭشىمايدۇ .

 ئەگەر بىرەر شەپە بولمىسا ، گۈلباھار بىلەن دىلارە قانداقسىگە تۇيۇقسىز ئانا - بالىلار بۇيۇملىرى دۇكىنىغا بېرىپ نەرسە سېتىۋېلىشنى ئويلاپ قالىدۇ ؟

 يەنە كېلىپ نېمىشقا قوشكېزەكلەرنىڭ نەرسىلىرىنى سېتىۋالىدۇ .

خالىغانچە سېتىۋالسىمۇ، بۇنداق نىشانلىق سېتىۋالماس .

 لېكىن دىلارە ھامىلىدار بولۇپ قالغان بولسا دىلنارنىڭ بىلمەسلىكى قانداقمۇ مۇمكىن بولسۇن ؟

 ناۋادا بۈگۈن بايقىغان بولسىچۇ؟ بۇنداق بولۇشى مۇمكىن ئەمەس، ئۇلار بۈگۈن دوختۇرخانىغا بېرىپ تەكشۈرمىدى.  پۈتۈن مۇساپىدە دىلنارغا ھەمراھ بولۇپ سالامەتلىكىنى ئەسلىگە كەلتۈرۈش مەركىزىدە تۇردى ، ئۆيگە قايتىدىغان يولدىمۇ ماشىنىدا بولدى، قانداقسىگە تۇيۇقسىز ھامىلىدار بولۇپ قالغانلىقىنى جەزملەشتۈرەلەيدۇ؟

 ئۇيان ئويلاپ بۇيان ئويلاپ ، پەقەت كاللىسدىن  ئۆتمىدى .

ئەسلىدە دىلناردىن قانداق  بولمىسۇن جاۋابقا ئېرىشىمەن دەپ ئويلىغان ئىدى ، لېكىن دىلنارنىڭ مەۋجۇتلۇقى، ھەتتا ئۇنىڭ جاۋابى ئۇنى تېخىمۇ گاڭگىرىتىپ قويدى.

 بىزارلىق بىلەن دىلنارغا ئۇزاق تىكىلىپ قاراپ ، ئاخىرى  دىمىقىنى قېقىپ:

ـــ توغرا ئېيتتىڭىز ، بەرىبىر بۇ يەرگە كېلىدۇ ئەمەسمۇ، ۋاقتى كەلگەندە ئەتىۋارلىق قىزىڭىز پەيدا بولسا ،ئۇنىڭ زادى ھامىلىدار بولغان - بولمىغانلىقىنى بىلىشكە ئامالىم بار !  - دېدى.

دىلنار كۆزىنى يۇمغىنىچە ، ئۇنىڭغا ھېچقانداق ئىنكاس قايتۇرمىدى .

  - ئالدىمىزدىكى يەر ئاستى يولىدىن ئۆتۈپلا ، مەنزىلگە يېتىپ بارىمىز. ئالدى تەرەپتە تەكشۈرۈش ئۆتكىلى بار ، ئېسىڭىزدە بولسۇن قالايمىقان گەپ قىلماڭ . - دېدى ئۇلارنى ئېلىپ ماڭغان ئادەملەرنىڭ  بېشى.

مەخبۇبەنىڭمۇ بۇنداق يەرگە تۇنجى قېتىم كېلىشى ئىدى. بۇ يەردە  سەللا بىخەستەلىك قىلسا ئاقىۋتىنى تەسەۋۋۇر قىلغىنى بولمايدۇ.

ئۇ كۆڭلىدە تەبىئىي ھالدا جىددىيلەشتى ،  

مەخبۇبە بېشىنى لىڭشىتىپ شۇنداق قىلىدىغانلىقىنى بىلدۈردى.

 دىلنار ئاستا كۆزىنى ئېچىپ، ماشىنىنىڭ ئالدىغا قاراپ قويدى.

كۆپ ئويلاشنىڭ ھاجىتى يوق،  دىلنار ئالدى تەرەپتىكى يەرنىڭ زادى قەيەر ئىكەنلىكىنى پەرەز قىلىپ بولدى.

يەنە بۇ يەرگە كېلىپ قالغانلىقىدىن ئەمەلىيەتتە ئازراقمۇ ھەيران قالمىدى.

ئايرۇستەك قارا نىيەت ئايالنىڭ بۇنداق كىشىلەر بىلەن دوست بولغانلىقى  قەتئىي تاسادىپىيلىق ئەمەس.

10 مىنۇت ئەتراپىدا ماڭغاندىن كېيىن تەكشۈرۈش ئۆتكىلىگە يېتىپ كېلىشتى ، ھەممە ئادەم ماشىنىدىن چۈشۈپ تەكشۈرۈشنى قوبۇل قىلدى.

ماشىنىدىكى ئادەم دىلنارنى قوپاللىق بىلەن چاقلىق ئورۇندۇققا ئولتۇرغۇزۇپ،  ئوچۇق - ئاشكارا ھالدا تەكشۈرۈش ئۆتكىلىگە ئېلىپ باردى.

 تەكشۈرۈش خادىملىرى دىلنارنى كۆرۈپ، مۇنداقلا بىر قاراپ قويۇپ،  قولىنى پۇلاڭلىتىپ،  ئۇلارنى ئۆتۈشكە ئىشارەت قىلدى.

 دىلنارنىڭ چىرايىدا يەنىلا ھېچقانداق ئىپادە يوق ئىدى ، ئەكسىچە مەخبۇبەنىڭ بەدىنى چىڭىپ، نورمال نەپەسمۇ ئالالمىدى.