ۋىلايىتىمىزدە نېرۋا تاشقى كېسەللىكلەر ئىلمى كەسپىي كومىتېتى قۇرۇلدى
ۋىلايەتلىك يۇغۇرما تاراتقۇ خەۋىرى (پىراكتىكانت مۇخبىر سۇڭ يۈلىن) 12 - ئاينىڭ 7 - كۈنى، خوتەن ۋىلايەتلىك تېببىي ئىلىم جەمئىيىتىنىڭ 1 - نۆۋەتلىك نېرۋا تاشقى كېسەللىكلەر ئىلمى كەسپىي كومىتېتى ۋىلايەتلىك خەلق دوختۇرخانىسىدا قۇرۇلدى. بېيجىڭ شەھىرىدىن شىنجاڭغا ياردەم بېرىشكە كەلگەن داۋالاش مۇتەخەسسىسلىرى، ۋىلايەتلىك سەھىيە ـ ساغلاملىق كومىتېتى، ۋىلايەتلىك تېببىي ئىلىم جەمئىيىتى، ۋىلايەتلىك خەلق دوختۇرخانىسىنىڭ ئالاقىدار مەسئۇللىرى ۋە نېرۋا تاشقى كېسەللىكلەر ئىلمى كەسپىي كومىتېتىنىڭ بارلىق ئەزالىرى بىر يەرگە جەم بولۇپ، بۇ مۇھىم پەيتكە گۇۋاھ بولدى.
