چۆل - باياۋاندىمۇ «كۆكتات ئامبىرى» قۇرۇش قانداق ئىشقا ئاشۇرۇلدى؟
پارتىيە 20 - قۇرۇلتىيىنىڭ دوكلاتىدا، ئومۇمىي يېمەكلىك قارىشىنى تۇرغۇزۇپ، ئەسلىھەلىك يېزا ئىگىلىكىنى تەرەققىي قىلدۇرۇپ، كۆپ مەنبەلىك يېمەكلىك بىلەن تەمىنلەش سىستېمىسىنى بەرپا قىلىش ئوتتۇرىغا قويۇلدى. ئومۇمىي يېمەكلىك قارىشىنىڭ يېتەكچىلىكىدە، ئېلىمىزنىڭ غەربىي شىمالىدىكى شىنجاڭ قاتارلىق جايلار ئەمەلىي ئەھۋالىغا ئاساسەن، بىپايان چۆل - باياۋاندا ئەسلىھەلىك يېزا ئىگىلىكىنى تەرەققىي قىلدۇرۇش ئۈستىدە ئىزدىنىپ، «چۆل - باياۋاندىكى كۆكتات ئامبىرى»نى بەرپا قىلدى. چۆل - باياۋاندىكى ئەسلىھەلىك يېزا ئىگىلىكىنىڭ گۈللىنىشى پۈتۈن مەملىكەتنىڭ ئاشلىق بىخەتەرلىكىگە كاپالەتلىك قىلىش، تېرىلغۇ يەر بايلىقىنى تېجەشكە تۆھپە قوشۇش بىلەن بىر ۋاقىتتا، يېزىلارنى نۇرغۇن ئىش ئورنى بىلەن تەمىنلەپ، دېھقانلارنىڭ كىرىمىنى ئاشۇرۇپ، يېزىلاردا ئادەم كۆپ، يەر ئاز بولۇش زىددىيىتىنى پەسەيتتى.
