خەتەرلىك ھاۋا يولى
بەيدۇ تورى خەۋىرى، نۇر تورى تەرجىمىسى:
بوللىۋود ئارتىسى تىرىپتى دىمرى 2024-يىلىدىكى ئەڭ ئالقىشلىق ھىندىستان چولپىنى بولۇپ باھالاندى. تىرىپتى دىمرى مۇۋەپپەقىيەت قازىنىش داۋامىدا زەپەر مارشىنى ياڭرىتىپ ئالغا ئىلگىرىلىدى. ئالدى بىلەن ئۇ رانبىر كاپۇر باش رول ئالغان «ھايۋان» (父仇) ناملىق كىنودىكى رولى بىلەن كىشىلەردە چوڭقۇر تەسىر قالدۇردى، ئاندىن داۋاملىق «تاساددىپىيلىق» (霉运好孕)، «ۋىكى بىلەن ۋىدىيانىڭ ۋىدېيوسى» (小片快跑) ۋە «سىرلىق ئوردا 3» (祖庙闹鬼记3) ناملىق كىنولاردا ئۇنتۇلغۇسىز ئوبرازلارنى ياراتتى. ھازىر، بۇ ئايال ئارتىس يەنە بىر شەرەپكە ئېرىشتى. تىرىپتى دىمرى IMDb تىزىملىكىدە 2024-يىلىدىكى ئەڭ ئالقىشقا ئېرىشكەن ھىندىستان چولپىنى بولۇپ باھالانغان. ئۇ شاھرۇھ خان، ئالىيە بات ۋە دېپىكا پادۇكون قاتارلىق داڭلىق چولپانلاردىن ئېشىپ بۇ ئورۇنغا چىققان.
دېپىكا پادۇكون بۇ تىزىملىكتە ئىككىنچى ئورۇندا تۇرغان بولۇپ، ئىسان خاتېر، شاھرۇھ خان، شوبىتا دۇلىپالا، شارۋارى، ئاشۋارىيا راي، سامانسا رۇس پرابخۇ، ئالىيە بات ۋە پرابخاس قاتارلىقلار بۇ تىزىملىكتە ئالدىنقى ئوننىڭ ئىچىگە كىرگەن. IMDb ئورگان تەرەپ ئىجتىمائىي ئالاقە تورىدا بۇ خەۋەرنى ھەمبەھىرلىدى ھەمدە مۇنداق دەپ يازدى: «كۈتۈش ئاخىرلاشتى! 2024-يىلىدىكى ئەڭ ئالقىشقا ئېرىشكەن ھىندىستان چولپانلىرى باھالاپ چىقىلدى، ئۇلار بىزنىڭ ئېكرانىمىزنى يورۇتتى، سىزنىڭ IMDb ئىزدىشىڭىز! سىز ئەڭ ياخشى كۆرىدىغان چولپان تىزىملىككە كىرىپتىمۇ؟». IMDbنىڭ 2024-يىللىق ئەڭ ئالقىشقا ئېرىشكەن 10 نەپەر ھىندىستان چولپىنى تىزىملىكى 2024-يىللىق پۈتۈن يىللىق IMDb ھەپتىلىك رەت تەرتىپىدە ئىزچىل ئەڭ يۇقىرى ئورۇندا تۇرۇپ كەلگەن چولپانلاردىن تەركىب تاپقان. بۇ رەت تەرتىپلەر پۈتۈن دۇنيادىكى ھەر ئايدا 250 مىليوندىن ئارتۇق IMDb زىيارەت قىلغۇچىنىڭ ئەمەلىي بەت كۆرۈش قېتىم سانىنى ئاساس قىلغان.
بۇنىڭغا قارىتا تىرىپتى دىمرى مۇنداق دېدى: «تىزىملىكتە بىرىنچى بولۇش ھەقىقەتەن بىر چوڭ شەرەپ. بۇ ئېتىراپ قىلىش مەستانىلىرىمنىڭ زور كۈچ بىلەن قوللىغانلىقىنى، شۇنداقلا مەن بىلەن ھەمكارلىشىش شەرىپىگە ئېرىشكەن ھەر بىر كىشىنىڭ جاپالىق ئەمگىكىنى ئىسپاتلىدى. كىشىنى ھاياجانغا سالىدىغان كەسىپ شۇغۇللىنىشتىن (سىرلىق ئوردا 3) نامالىق كىنودا رول ئېلىشقۇچە، بۇ مەن ئۈچۈن ئۇنتۇلغۇسىز بىر يىل بولدى. مەن كېيىنكى قەدەمنى كۈتىمەن، چۈنكى مەن داۋاملىق بۇ كىشىنى ئىلھاملاندۇرىدىغان كەسىپنىڭ بىر قىسمى بولىمەن».
خىزمەت جەھەتتە تىرىپتى دىمرى كېيىنكى قەدەمدە «سوقۇۋاتقان يۈرەك 2» (跳动的心2) ناملىق كىنودا سىدھات چاتۇرۋېدى بىلەن ھەمكارلىشىدۇ.
كىنولار
