توۋتياۋ تورى خەۋىرى، نۇر تورى تەرجىمىسى:
10 يىل ئىلگىرى ھوللىۋودقا بۆسۈپ كىرگەندە، لى بىڭبىڭ (李冰冰) مۇھەببەت ئۈچۈن بەش يىل فىلىملەردە رول ئېلىشتىن توختىغان، ئۇنىڭ قانداق قىلىپ يۇقىرى دەرىجىلىك «لى بىڭبىڭ» دېگەن بۇ ئىسىمنى نامايان قىلغانلىقىنى ھەممە ئادەم بىلىدۇ. ئۇ ئىلگىرى ھوللىۋودنىڭ ئەتىۋارلىق قىزى، شۇنداقلا بىرىنچى سەپتىكى كىنو خانىشى بولغان، رول ئېلىش ماھارىتى ۋە گۈزەل رۇخسارىمۇ بار. خەلقئارا كىنو ساھەسىگە ھۆكۈمرانلىق قىلغان بۇ «مۇز ساھىبجامال»نىڭ كەسپىنى تاشلاپ، مۇھەببەت ئۈچۈن توپتوغرا بەش يىل كەسپىدىن ۋاز كەچكەنلىكىنى كىممۇ ئويلىغان دەيسىز؟
لى بىڭبىڭنىڭ ھېكايىسى ئەگرى-توقاي بولۇپ، ھەرگىز ئوڭۇشلۇق بولمىغان. ئۇ بىر نامى چىقمىغان كىچىك ئارتىستىن بوشاشماي تىرىشچانلىق كۆرسىتىپ، قەدەممۇقەدەم خەلقئارا سەھنىگە چىققان. كۆپچىلىك ئۇنى ھوللىۋودتا داۋاملىق نۇر چېچىپ مودا بولىدۇ، دەپ ئويلىغاندا، ئۇ تۇيۇقسىز كىشىلەرنىڭ نەزىرىدىن غايىب بولغان. 2022-يىلىغا كەلگەندە، ئۇ ئۇنىۋېرسال سەنئەت پىروگراممىلىرىدا ياش-ئۆسمۈرلەرنىڭ «كۆك ئاسمان» رەسىمىنى سىزىدىغان مۇقىم مېھمان بولۇش سۈپىتى بىلەن، ئاندىن كۆپچىلىكنىڭ ئالدىغا قايتىپ كەلگەن. بۇ قېتىم ئۇ ھەرگىزمۇ ھېلىقى مۇز چىراي «ساھىبجامال» بولماستىن، بەلكى يېقىملىق «ليەنخۇا ئاچا» بولۇپ، تاماشىبىنلارغا ئۆزىنىڭ باشقىچە بىر تەرىپىنى كۆرسەتكەن.
لى بىڭبىڭ ئادەتتىكى بىر ئائىلىدە تۇغۇلغان، دادىسى كەنتتە ئېرخۇ چالغۇچى، ئانىسى كەنتتە ئۇسسۇل ئوقۇتقۇچىسى ئىدى. دادىسى ھەر قېتىم ئېرخۇ چالغاندا، لى بىڭبىڭ بىر چەتتە تۇرۇپ جىمجىت ئاڭلايتتى ھەمدە ئانىسىغا ئەگىشىپ ئۇسسۇل ئۆگىنەتتى. قوشنىلارنىڭ ئېيتىشىچە، لى بىڭبىڭ كىچىكىدىن تارتىپلا سەنئەت تالانتىنى نامايان قىلغان. ئۇ ئېرخۇنىڭ ئاۋازىغا ئەگىشىپ پۇتىنىڭ ئۇچىدا دەسسەپ پىرقىرايتتى، خۇددى چىرايلىق قانىتى بار «كېپىنەك»كە ئوخشايتتى. كەنتتىكى بىر بوۋاي ئەسلەپ مۇنداق دېگەن: «بىڭبىڭنىڭ لەرزان ئۇسسۇلى، ساددا مىجەزى بىلەن ھەمىشە كەنت ئاھالىلىرىنىڭ ماختىشىغا سازاۋەر بولىدۇ.»
لى بىڭبىڭنىڭ نەتىجىسى ناھايىتى ياخشى بىر سىڭلىسى بار بولۇپ، ئاتا-ئانىسى دائىم ئۇنى سىڭلىسى بىلەن سېلىشتۇرۇپ، ئۇنىڭغا زور بېسىم ئېلىپ كەلگەن. ئەمەلىيەتتە، لى بىڭبىڭ ناھايىتى تىرىشچان، پەقەت ئۇنىڭ قىزىقىشى دەرستە ئەمەس، بەلكى سەنئەتتە. ئاتا-ئانىسىنىڭ سېلىشتۇرمىسى لى بىڭبىڭنى ھېچنېمىسى يوقتەك ھېس قىلدۇرغان، ئۇ بېشىنى كۆتۈرۈپ باشقىلارغا قاراشقا جۈرئەت قىلالماي، بىر كۈننى بىر يىلدەك ئۆتكۈزگەن. سىڭلىسىنىڭ نەتىجىسىنىڭ ياخشى بولۇشى ئۇنىڭ ئارتۇقچىلىقى، لېكىن بۇ لى بىڭبىڭنى تەنقىد قىلىشنىڭ سەۋەبى بولماسلىقى كېرەك. سەنئەت بىلەن پەن ئوخشاش بولمىغان تالانت ئىگىسى، ئاتا-ئانىلار لى بىڭبىڭنى چۈشىنىشى، كۆپرەك ئىلھام بېرىشى كېرەك. تولۇق ئوتتۇرا مەكتەپكە چىققاندىن كېيىن، ئاتا-ئانىسىنىڭ لى بىڭبىڭغا بولغان بېسىمى بارغانسېرى ئېشىپ، ئۇنى چوقۇم ياخشى ئالىي مەكتەپكە ئۆتۈش ئىمكانىيىتىگە ئىگە قىلغان. لېكىن لى بىڭبىڭ ئۆزىنىڭ كىتاب ئوقۇشقا ماھىر ئەمەسلىكىنى، قىزىقىشى ۋە ئارتۇقچىلىقىنىڭ سەنئەتتە ئىكەنلىكىنى بىلگەن. لى بىڭبىڭ ئۆزىنىڭ قىزىقىشىنى بۇراشنى خالىماي، پىداگوگىكا مەكتىپىنى تاللاپ، كېيىن سەنئەت ئوقۇتقۇچىسى بولۇشنى ئۈمىد قىلغان. ئاتا-ئانىسى ئۇنىڭ تاللىشىدىن بەك ئۈمىدسىزلەنگەن، ئەمەلىيەتتە، لى بىڭبىڭمۇ بەك ئازابلانغان، ئۇ ئاتا-ئانىسىنى ئۈمىدسىزلەندۈرۈشنى خالىمىغان، ئەمما ئۇنىڭ قىزىقىشى ئىلمىي ئەمەس. يېڭى مۇھىتقا كەلگەندىن كېيىن، لى بىڭبىڭ قايتىدىن ئىشەنچكە ئېرىشكەن، ئوقۇتقۇچى ۋە ساۋاقداشلىرى ئۇنىڭ ئۈمىدۋار، ئوچۇق-يورۇق مىجەزىنى ياخشى كۆرگەن. مەكتەپنىڭ ئەدەبىيات-سەنئەت ئويۇنىدا، لى بىڭبىڭنىڭ لەرزان ئۇسسۇلى قىزغىن ئالقىشقا ئېرىشكەن. لى بىڭبىڭ تۇنجى قېتىم باشقىلار تەرىپىدىن ھوزۇرلىنىش خۇشاللىقىنى ھېس قىلغان، بۇ ئۇنىڭ ھاياتىدىكى بىر بۇرۇلۇش نۇقتىسى بولۇپ قالغان. بەلكىم ئۇ سەنئەت يولىدا ھەقىقەتەن ئۆزگىرىش ھاسىل قىلالىشى مۇمكىن، چۈنكى لى بىڭبىڭدا ئاللىبۇرۇنلا بۇ خىل خىيال پەيدا بولۇشقا باشلىغان ئىدى.
شۇ كۈنى، گاۋ چياڭ ئىسىملىك بىر ئارتىس لى بىڭبىڭنىڭ ئويۇنىنى كۆرۈپ، دەرھال ئۇنىڭ يوشۇرۇن كۈچىنى كۆرۈپ، ئۇنى كىنو شۆيۈەنىگە ئىمتىھان بېرىپ ئارتىس بولۇشقا رىغبەتلەندۈرگەن. لى بىڭبىڭ دەسلەپتە ئىككىلىنىپ قالغان، ئۇ ئاتا-ئانىسىنىڭ قارشى تۇرۇشىدىن ئەنسىرىگەن. لېكىن گاۋ چياڭ قايتا-قايتا نەسىھەت قىلغان، ئەگەر ئۇ راستتىنلا ئۆزىنىڭ تىرىشچانلىقى ئارقىلىق كىنو ئارتىسى بولسا، بەلكىم ئاتا-ئانىسى ئۇنىڭدىن پەخىرلىنىشى مۇمكىن. شۇنىڭ بىلەن لى بىڭبىڭ غەيرەتكە كېلىپ، ئاتا-ئانىسى بىلەن تىياتىر شۆيۈەنىگە ئىمتىھان بېرىش ئويى توغرىسىدا پاراڭلاشقان. دەسلەپتە ئاتا-ئانىسى ناھايىتى قارشى تۇرغان، لېكىن لى بىڭبىڭ ئۆزىنىڭ ئويلىغانلىرىنى بىر-بىرلەپ تەھلىل قىلغاندىن كېيىن، ئاتا-ئانىسىمۇ تەۋرىنىپ قالغان. ئاخىرى، لى بىڭبىڭنىڭ چىڭ تۇرۇشى بىلەن، ئاتا-ئانىسى ئۇنىڭ سىناپ بېقىشىغا ئاران قوشۇلغان. ئارزۇسىنى ئەمەلگە ئاشۇرۇش ئۈچۈن، لى بىڭبىڭ كېچە-كۈندۈز ئۆگىنىش قىلىپ، ئاخىرى مۇۋەپپەقىيەتلىك ھالدا شاڭخەي تىياتىر شۆيۈەنىغا قوبۇل قىلىنغان.
بۇ ئۇنىڭ ھاياتىدىكى تۇنجى چوڭ بۇرۇلۇش نۇقتىسى بولۇپ قالغان. ئالىي مەكتەپكە ئۆتكەندىن كېيىن، لى بىڭبىڭ رېن چۈەن بىلەن تونۇشۇپ، ئىككىيلەن ناھايىتى تېزلا ياخشى دوستلاردىن بولۇپ قالغان. رېن چۈەننىڭ ئاكتىپ ئالغا ئىنتىلىشچان خاراكتېرى بار، ئۇ دائىم لى بىڭبىڭنى ئۆزىگە ئىشىنىشكە ئىلھاملاندۇرغان، ئوقۇش پۇلى ۋە تۇرمۇش پۇلى تېپىش ئۈچۈن، ئىككىيلەن دائىم سىرتقا چىقىپ بىللە قوشۇمچە خىزمەت قىلغان. لى بىڭبىڭ بىلەن رېن چۈەن ئىككىسى بىللە ئىشلەپ، جاپا-مۇشەققەتنى خوشاللىققا ئايلاندۇرغان. كېيىن رېن چۈەن بىر كىچىك دۇكان ئاچقان، لى بىڭبىڭ بولسا سەنئەت يولىدا داۋاملىق ئالغا ئىلگىرىلىگەن. ئىككەيلەن «ئۆسمۈر باۋ چىڭتيەن» (少年包青天) ناملىق تېلېۋىزىيە تىياتىرىدا ھەمكارلاشقان، رېن چۈەن تاماشا ساھەسىدىن چېكىنگەندىن كېيىن، لى بىڭبىڭ بىرىنچى نومۇرلۇق ئايال ئارتىسقا ئايلانغان. فىلىم ئىشلەش گۇرۇپپىسىدىكى خادىملارنىڭ ئېيتىشىچە، لى بىڭبىڭ ناھايىتى كەسىپچان بولۇپ، ھەمىشە پۈتۈن كۈچى بىلەن ئۆزىنىڭ رولىنى تاماملايدىكەن. لى بىڭبىڭمۇ رېن چۈەندىن نۇرغۇن نەرسىلەرنى ئۆگىنىۋالغان بولۇپ، بۇ دوستلۇق ئۇنىڭ جاپالىق سەپىرىدىكى نۇرلۇق چىراغ بولۇپ قالغان. لى بىڭبىڭ كېيىن پۇلدار شىتاۋ بىلەن تونۇشقان، شىتاۋنىڭ باشقۇرۇشىدىكى شىركەتنىڭ بايلىقى مول بولۇپ، ئۇ لى بىڭبىڭنىڭ يوشۇرۇن كۈچىنى ياخشى كۆرۈپ، ئۇنى زور كۈچ بىلەن ئۆستۈرۈپ، ئۇنى تېخىمۇ كۆپ چوڭ كىنولاردا باش رول ئېلىشقا باشلىغان. لى بىڭبىڭ ئاخىرى مۇھىم رول ئېلىش پۇرسىتىگە ئېرىشكەن، ئۇ ھەممە ئىشقا پائال تەييارلىق قىلىپ، تىرىشىپ مەشىق قىلىپ، كىشىلەر قەلبىدىن چوڭقۇر ئورۇن ئالغان نۇرغۇن پېرسوناژلارنىڭ ئوبرازىنى مۇۋەپپەقىيەتلىك ياراتقان. شىتاۋنىڭ ياردىمىدە، لى بىڭبىڭ ناھايىتى تېزلا تاماشا ساھەسىدە باش كۆتۈرۈپ چىقىپ، بارا-بارا بىرىنچى سەپتىكى ئايال ئارتىس ئورنىغا چىققان. گەرچە ئىككىسىنىڭ ئارىسىدا ئازراق مۈجمەللىك بولسىمۇ، لېكىن ئەڭ ئاخىرىدا سىرداش دوستلاردىن بولۇپ قالغان.
2004-يىلى، جۇ شياۋتيەن بىلەن قەدىمكى زامان تىياتىرى «ئاسماندىكى شەھەر»دە ھەمكارلاشقان لى بىڭبىڭنىڭ ئاخبارات ۋاستىلىرى تەرىپىدىن ئىككەيلەننىڭ ئۇچرىشىشقا چىققاندىكى سۈرىتى تارتىۋېلىنىپ، دەرھال ئۆسەك خەۋىرى تارقالغان. تىياتىردا لى بىڭبىڭ بىلەن جۇ شياۋتيەن ئىككىسىنىڭ رول ئېلىش مۇناسىۋىتى قويۇق بولۇپ، ئىككىيلەن ناھايىتى ياخشى ماسلاشقان، ئۇزاق ۋاقىت كوللېكتىپ ھەمكارلىشىش جەريانىدا، ئىككى ئادەمنىڭ ھېسسىياتىنىڭ يۇقىرى كۆتۈرۈلۈشىمۇ ئەپۇ قىلىشقا ئەرزىيدۇ. لېكىن لى بىڭبىڭ ئىزچىل كەمتەر بولۇپ، ھېچقانداق خەۋەرنى ئاشكارىلاشنى خالىمىغان. دوستلار چەمبىرىكىدە، ئۇ پەقەت جۇ شياۋتيەننىڭ ياخشى ھەمكارلاشقان ئارتىس ئىكەنلىكىنىلا ئېتىراپ قىلغان ھەمدە مۇناسىۋەتنىڭ يېقىنلاشقانلىقىنى پۈتۈنلەي ئىنكار قىلغان. مۇخبىر كۆپ قېتىم ئىككىيلەننىڭ ئۇچراشقانلىقىنى ئىسپاتلىماقچى بولغاندا، لى بىڭبىڭ ناھايىتى ئېھتىياتچانلىق بىلەن ئۆزىنى قاچۇرغان.
ئۇزاق ئۆتمەي بۇ يەر ئاستى مۇھەببەت ئاخىرى ئاخىرلاشقان، ئىككىيلەن پەقەت خىزمەتداشلىق مۇناسىۋىتىنى ساقلاپ قالغان. لى بىڭبىڭ كەسىپنى باشتىن-ئاخىر بىرىنچى ئورۇنغا قويغان، ھېسسىيات پەقەت ئىككىنچى ئورۇندا تۇرغان. خۇايى ئاكا-ئۇكىلار شىركىتى «جاھاندا ئوغرى يوق» ناملىق چامباشچىلىق تىياتىرىنى سۈرەتكە ئېلىۋاتقاندا، لى بىڭبىڭ شىركەتنىڭ خوجايىنى ۋاڭ جۇڭجۈن بىلەن تونۇشقان. ۋاڭ جوڭجۈننىڭ ئائىلىسى بار، لېكىن خىزمەت جەريانىدا لى بىڭبىڭ بىلەن ناھايىتى يېقىن ماڭغان، ئاخبارات ۋاستىلىرى ئىككىسىنىڭ قول تۇتۇشۇپ بازار ئايلانغاندىكى سۈرىتىنى تارتىۋالغان. بۇ ئىش ۋاڭ جۇڭجۈننىڭ ئايالىنى چۆچۈتۈۋەتكەن، لى بىڭبىڭ ئەھۋالنىڭ ئېغىرلىقىنى ھېس قىلىپ، ناھايىتى تېزلا ئادەتتىكى دوستلۇق مۇناسىۋىتىنى ئايدىڭلاشتۇرغان. بۇ خاتا ھېسسىيات لى بىڭبىڭنى بەدەل تۆلەتكۈزگەن، ئۇ ئەمدى كەسپى بىلەن مۇناسىۋەتسىز كىشىلەر بىلەن دوستلۇق چېگراسىدىن ھالقىپ كېتىشكە ئۇنىمىغان. شۇنىڭدىن كېيىن لى بىڭبىڭ پۈتۈن زېھنى بىلەن خىزمەت قىلىپ، ھەر قانداق پىتنە-پاساتنىڭ يۈز بېرىشىدىن ساقلانغان. ئۇ ئۆزىنىڭ تېخى ياش ئىكەنلىكىنى، كەسپىنىڭ ئەمدىلا باشلانغانلىقىنى، بىردەملىك قىزغىنلىق بىلەن ئىستىقبالىنى نابۇت قىلسا بولمايدىغانلىقىنى بىلدۈرگەن.
بۇ ئىش لى بىڭبىڭغا خېلى كۆپ ھەقىقەتلەرنى ھېس قىلدۇرغان، كەسپى يۇقىرى پەللىگە چىققاندىن كېيىن، لى بىڭبىڭ شۈ ۋېننەن بىلەن ئارىلاشقانلىقىنى ئاشكارا ئېتىراپ قىلغان. شۈ ۋېننەن تاماشا ساھەسىگە تەۋە ئەمەس، ئىككەيلەننىڭ مۇھەببىتى بىر مەھەل كىشىلەرنىڭ دىققىتىنى تارتقان. مەستانىلەر ئۇلارنىڭ قەدەم تەشرىپ قىلىشىنى ئۈمىد قىلغان، لېكىن ئىككىسىنىڭ مۇناسىۋىتى ئاشكارىلىنىپ بىر يىلدىن كېيىن تىنچ ئايرىلىپ كەتكەنلىكىنى جاكارلىغان، پەقەت دوستلۇق مۇناسىۋىتىلا قالغان. شۈ ۋېننەن لى بىڭبىڭنىڭ ئىشلىرىنى ناھايىتى چۈشەنگەن ۋە قوللىغان. لېكىن ھەر ئىككىسىنىڭ ئۆز ئالدىغا تۇرمۇشى بار بولۇپ، ئاز جەم بولۇپ، كۆپ ئايرىلىپ، بارا-بارا ئارازلىق پەيدا بولغان. ئايرىلىپ كەتكەندىن كېيىن، ئۇلار داۋاملىق ئالاقىلىشىپ تۇرغان، شۈ ۋېننەن دائىم لى بىڭبىڭنىڭ خىزمىتىگە كۆڭۈل بۆلگەن. بۇ مۇھەببەت ئىشى لى بىڭبىڭنىڭ ھېسسىياتىنى ئېچىپ، ئارتىسلىق تەرەققىياتىغا تېخىمۇ ئەھمىيەت بەرگەن. نۇرغۇن قىسمەتلەرنى باشتىن كەچۈرگەن لى بىڭبىڭ ھازىرغىچە بويتاق ئۆتۈپ كەلمەكتە.
ئۇ ئەمدى ھەرقانداق سەتچىلىكنى ئاسانلىقچە ئاشكارىلىمايدۇ، پۈتۈن زېھنىنى ئارتىسلىق ئىشلىرىغا سەرپ قىلىدۇ. بىر كىچىك جايدىن كەلگەن قىز، توختىماي جان تىكىپ ئېلىشىش ئارقىلىق بۈگۈنكى نەتىجىگە ئېرىشتى، لى بىڭبىڭنىڭ ھېكايىسى سانسىزلىغان كىشىلەرنى تەسىرلەندۈرگەن.
ھېسسىيات ھايات ھېكايىسى، كەلسە قوبۇل قىلىدۇ، كەلمىسە زورلاشنىڭ ھاجىتى يوق. لى بىڭبىڭ ھېسسىياتىنى ناھايىتى ئوچۇق-يورۇق كۆرىدۇ، ئۇ ئەمدى جۆرە ئىزدەشكە ئالدىرىمايدۇ، بەلكى پۈتۈن ۋۇجۇدى بىلەن كەسىپكە كىرىشىپ كېتىدۇ، بۇمۇ ئۇنىڭ رول ئېلىش ماھارىتىنى بارغانسېرى كامالەتكە يەتكۈزدى، ئۇ بىرىنچى سەپتىكى ئايال ئارتىس بولۇشقا مۇناسىپ. لى بىڭبىڭغا نىسبەتەن ئېيتقاندا، ھەقىقىي مۇھەببەتنى تېپىش ئەلۋەتتە مۇھىم، لېكىن ھازىر تېخى ۋاقتى ئەمەس. ئۇ تېخى ياش، يەنە ئۇزۇن يول مېڭىشقا توغرا كېلىدۇ. گەرچە لى بىڭبىڭنىڭ ھاياتىدا كۆڭۈلسىز ئىشلار دائىم يۈز بېرىپ تۇرسىمۇ، ئۇ ھېسسىيات جەھەتتە نۇرغۇن جاپا-مۇشەققەتلەرنى باشتىن كەچۈرگەن بولسىمۇ، لېكىن ئەڭ ئاخىرىدا يەنىلا قەيسەرلىك ۋە ئەقىل-پاراسەتكە تايىنىپ، قالتىس ئارتىسلىق ھاياتىغا ئېرىشكەن. ئۇ توختىماي ئالغا ئىلگىرىلەش روھى بىلەن، ئادەتتىكىدىن مېڭىپ، ئارزۇ-ئارمانلىرى بىلەن سەنئەت ساھەسىدە مېڭىپ، نۇرغۇن ياشلارنىڭ ئۈلگىسى بولۇپ قالدى. لى بىڭبىڭ ئۆزىنىڭ بۇ بىر نەچچە يىللىق كەچۈرمىشلىرىگە پۇشايمان قىلمايدىغانلىقىنى، ھەممە ئىشنىڭ ھازىرقى مۇۋەپپەقىيەتنىڭ پەلەمپىيىگە ئايلانغانلىقىنى ئېيتتى. ئۇنىڭ ھېكايىسى كۆپچىلىككە شۇنى ئۇقتۇردىكى، مۇھىت قانداق بولۇشىدىن قەتئىينەزەر، كۆڭلىدە غايە ۋە جاسارەت بولسىلا، چوقۇم ئۆزىگە تەۋە بولغان بىر پارچە زېمىنغا ئىگە بولالايدۇ.
