ئۈندىدار سالونى خەۋىرى، نۇر تورى تەرجىمىسى:
«خاررى: يوقالغان شاھزادە» ناملىق ھۆججەتلىك فىلىم گېرمانىيەنىڭ شۇ يەر ۋاقتى 3-دېكابىر ZDF تېلېۋىزىيە ئىستانسىسىدا قويۇلغان. بۇ خاررى بىلەن مېگاننىڭ خان جەمەتىدىن ئايرىلغاندىن بۇيان، گېرمانىيەدە ئوتتۇرىغا چىققان تۇنجى ھۆججەتلىك فىلىمى بولۇپ، خاررى بىلەن مېگاننىڭ خان جەمەتىدىن ئايرىلغاندىن كېيىنكى ئامېرىكا ھوللىۋودتىكى تۇرمۇشىنى تاماشىبىنلارغا چۈشەندۈرۈپ بېرىدىكەن.
خاررى بىلەن مېگان.
ھۆججەتلىك فىلىمدە ئەنگىلىيە خان جەمەتى مۇخبىرلىرى ۋە مۇتەخەسسىسلىرىنىڭ سۆزلىرى نەقىل كەلتۈرۈلۈپ، خاررى بىلەن مېگاننىڭ قارىماققا ئالىيجاناب خىزمەت ۋە ھەشەمەتلىك تۇرمۇش ئۇسۇلى نىسبەتەن ئوبيېكتىپ مۇزاكىرە قىلىنغان، ئەمەلىيەتتە ئۇلارنىڭ ھازىرقى ھالىتى بىر قەدەر ناچار ھالەتتە ئىكەن. ھۆججەتلىك فىلىمدە خاررى بىلەن مېگاننىڭ «ئەنگىلىيەدىن ئايرىلىش» ۋەقەسى تىلغا ئېلىنغان. ئەينى يىلى خاررىنىڭ خان جەمەتىنىڭ ئىچكى قىسمىدىكى ئورنى ئانچە يۇقىرى ئەمەس بولۇپ، قارىماققا ئىككىنچى شاھزادىدەك كۆرۈنسىمۇ، ئەمەلىيەتتە ئۇ پەقەت بىر قوشۇمچە ئادەم ھېسابلىنىدىكەن، ئايال پادىشاھ، چارلىز ۋە ۋىليام ئۇنى بېسىپ تۇرغاچقا، ئۇ ئەڭ ياخشى بايلىقتىن بەھرىمەن بولالمىغان ھەمدە مۇتلەق ھۆرمەتكە سازاۋەر بولمىغان، شۇنىڭ بىلەن بىر ۋاقىتتا يەنە ئەنگىلىيەدىكى كىچىك گېزىتلەرنىڭ پات-پات قالايمىقان خەۋەرلەرنى يېزىش بېسىمىغا ئۇچرىغان، ئائىلىسىدىكىلەر بۇ ئىشلاردا ئۇنى يېتەرلىك قوللىمىغان.
خاررى ۋە ۋىليام.
نېمىلا دېگەن بىلەن، ھەتتا ئۆز ئانىسى مەلىكە دىياننامۇ ماراقچىلارنىڭ ئىز قوغلىشىدىن جىنىنىڭ بارىچە قاچىدىغان بولۇپ، شاھزادە چارلىز بىلەن ۋىلياممۇ كىچىك گېزىتلەرنىڭ چاپلىۋىلىشىدىن قېچىپ قۇتۇلالمىغان. شۇڭا خاررى ئىزچىل ئەركىنلىككە كۈچلۈك ئىنتىلگەن، مېگاننىڭ پەيدا بولۇشى ئۇنىڭغا بىر پۇرسەت يارىتىپ بەرگەن.
دەسلەپتە، خاررى بىلەن مېگان ھەم خان جەمەتى ئەزاسى بولۇشنى، ھەم ئەركىنلىككە ئېرىشىشنى، ھەتتا خان جەمەتى سالاھىيىتىدىن پايدىلىنىپ سودا قىلىشنى ئويلىغان. بۇ ئىش ئەينى چاغدا تېخى ھايات بولغان ئايال پادىشاھنىڭ قارشىلىقىغا ئۇچرىغان.
خاررى ئەنگىلىيەدىن ئايرىلىشتىن ئىلگىرى نۇتۇق سۆزلىمەكتە.
بىر نەچچە ئاي سۆھبەتلىشىش ئارقىلىق، 2020-يىلى 1-ئايدا، ئايال پادىشاھ ئۇلارنىڭ پىلانىنى رەت قىلغان، خاررى ئەركىنلىككە بولغان تەشنالىق سەۋەبىدىن، خەتەرنى بەك ئويلاشماي، مېگانغا ئەگىشىپ چىقىپ كەتكەن. ئۇ مېگاننىڭ ئۈچىنچى قاتاردىكى ئارتىس ئىكەنلىكىنى پۈتۈنلەي ئويلاشمىغان، ئۇنىڭ ئۈستىگە ئۇ ھېچقانداق سودا تەجرىبىسى يوق چەتئەللىك شاھزادە بولۇپ، ئامېرىكىدا خان جەمەتىنىڭ قوللىشى ۋە قوغدىشى يوق بولغاچقا، ئۆزى خىزمەت تېپىپ، دوست تېپىپ، مەبلەغ توپلىماقچى بولغان، ئۇنىڭ ئۈستىگە ئۇنىڭ خان جەمەتى بىلەن بولغان تالاش-تارتىشىمۇ كەسكىنلىشىپ كەتكەن. ئۇ خان جەمەتىدىن ئايرىلغاندىن كېيىن كەسپى نەتىجىسىمۇ تۆۋەنلەپ كەتكەن. خاررى بىلەن مېگاننىڭ چەتئەلگە چىقىشىنىڭ باشلىنىشى خېلى مۇۋەپپەقىيەتلىك بولۇپ، «Archewell» فىلىم ئىشلەپچىقىرىش شىركىتىنى قۇرۇپ، نېتفلكىس ۋە «Spotify» قاتارلىقلار بىلەن توختام ئىمزالىغان ھەمدە ئايرىم-ئايرىم ھالدا 100 مىليون دوللار ۋە 2 مىليون دوللارلىق ھەمكارلىقنى داۋاملاشتۇرۇش كېلىشىمىگە ئېرىشكەن. دەسلەپتە خاررى بىلەن مېگاننىڭ نېتفلكىستىكى ھۆججەتلىك فىلىمى زور مۇۋەپپەقىيەتكە ئېرىشكەن.
ئۇلار مۇشۇ ئارقىلىق ئەنگىلىيەدىكى كىچىك گېزىتلەرگە قايتۇرما زەربە بەرگەن، خان جەمەتى بىلەن بولغان تالاش-تارتىشمۇ ئۆزى بىلەن نېتفلكىسقا غايەت زور پايدا ئېلىپ كەلگەن، لېكىن بۇلارنىڭ ھەممىسى خاررىنىڭ ئۇرۇق-تۇغقانلىرىغا «زەربە بېرىش» بەدىلىگە كەلگەن بولۇپ، ئامما بۇ ئىشقا سەلبى تەرەپتىن باھا بەرگەن. ئەينى يىلى خاررى بىلەن بىللە باشقا دۆلەتتىن قايتىپ كەلگەن بىر پېشقەدەم ئەسكەر مەكبىئېن ھۆججەتلىك فىلىمدىكى خاررىدىن بىزار بولغان ھالدا تەنقىدلەپ مۇنداق دېگەن: «ئاكىڭىز بىلەن ئازراق تالاش-تارتىش يۈز بېرىپتۇ. لېكىن سىز بىلىسىز، ئۆيدىكىلەر نېمىلا دېگەن بىلەن بىر ئائىلە كىشىلىرى. ئەگەر مېنىڭ بىر دوستۇم ھەمراھى بىلەن زىددىيەتلىشىپ قالسا ھەمدە ئالاقە تورىدا بەزى نەرسىلەرنى ئېلان قىلىپ، مېنىڭ بۇرۇنقى لايىقىمنى ئۇنى ياكى بۇنى دېسە، مەنمۇ ئۇنى ئېغىزىنى يۇمۇشقا بۇيرۇيمەن». ئۇنىڭدىن باشقا، خان جەمەتى مۇھاپىزەتچىلەر ئەترىتىنىڭ سابىق مەسئۇلى قوشۇمچە لوندون ساقچى نازارىتى شۆبە رايونىنىڭ قوماندانى ئانتونى داۋىس خاررىنى ئەيىبلەپ مۇنداق دېگەن: «ئۇ فىلىمنىڭ سېتىلىش مىقدارىنى ئاشۇرۇش ئۈچۈن، بۇ كىتابتا ھەتتا شەخسىي مەخپىيەتلىكنىمۇ سېتىۋەتتى، مەسىلەن، ئۇرۇش مەيدانىغا ئىككى قېتىم ئەۋەتىلىپ، نۇرغۇن ئادەملەرنى ئۆلتۈرگەنلىكىنى، شۇنىڭ بىلەن باشقىلارنىڭ ئۆچ ئېلىش نىشانى بولۇپ قالغانلىقىنى ئاشكارىلىدى، ئۇنىڭ ئۆزىنىڭ ئىشلىرىنى بۇنداق ئوچۇق-ئاشكارا ئاشكارىلىشى ئەمەلىيەتتە ئۆزى ۋە ئائىلىسىدىكىلەرنى خەتەرلىك ئەھۋالغا چۈشۈرۈپ قويغانلىق بولۇپ، ئۇ ئەينى چاغدا ئەنگىلىيەدىن ئايرىلغاندا <ئائىلىسىدىكىلەرنى قوغداش> بايرىقىنى كۆتۈرۈۋالغان، بۇ ھەقىقەتەن كۈلكىلىك ئىش».
خاررىنىڭ تەرجىمىھالى.
ئۇنىڭ ئۈستىگە تېگى-تەكتىدىن ئېيتقاندا، خاررى بىلەن مېگاننىڭ بۇ خىل مەخپىيەتلىكنى سېتىش خەۋىرى ئارقىلىق ئېرىشكەن مۇۋەپپەقىيەت ۋە ئېقىم مىقدارى پەقەت ۋاقىتلىق بولۇپ، ئۇزاق مۇددەت داۋاملاشتۇرغىلى بولمىغان. ئۇلار ئۈزلۈكسىز ئوتتۇرىغا چىقىپ يېڭى مەزمۇن ھاسىل قىلىشى كېرەك بولۇپ، ھەر ۋاقىت خان جەمەتىنىڭ ئىچكى سىرىنى ئاشكارىلاشقا تايىنىپ پۇل تېپىشى مۇمكىن ئەمەس ئىكەن. ئەمەلىي كۈچى ئۈستۈن ھوللىۋودتا، خاررى بىلەن مېگان بارا-بارا قىينىلىپ قالغان، نېتفلكىسنىڭ ئۇلارغا بولغان ئۈمىدى ئۈمىدسىزلىككە ئايلانغان، «Spotify»نىڭ يۇقىرى دەرىجىلىك باشقۇرغۇچىلىرى ئۇ ئىككىسىنى ئالدامچى، شىركىتىمىزنىڭ ئەمدى توختام ئۇزارتقۇسى يوق، دېگەن. شۇنىڭ بىلەن بىر ۋاقىتتا، مېگان بىلەن خاررى ئىزچىل ئىئانە ئىشلىرىغا ئەھمىيەت بېرىپ، ئىئانە ئىشلىرىدىن پايدىلىنىپ ئۆزىنىڭ سېھرىي كۈچى ۋە خەلقئارا تەسىر كۈچىنى ئاشۇرۇشنى ئۈمىد قىلغان. ئۇلار يەر شارى مىقياسىدا ھەرىكەت قىلىدىغان «Archewell» فوندى جەمئىيىتىنى قۇرغان بولۇپ، بۇ فوندى جەمئىيەتنىڭ باش تېمىسى پىسخىكا ساغلاملىقى ۋە ئۆز-ئۆزىنى باشقۇرۇش ئىكەن، بۇ فوندى جەمئىيەت ئەسلىدە ناھايىتى ياخشى باشلانغان، لېكىن ناھايىتى تېزلا مالىيە مەسىلىسىگە پېتىپ قالغان. 2021-يىلى بۇ فوندى جەمئىيەت 13 مىليون ئامېرىكا دوللىرى ئىئانە قىلغان بولۇپ، 2022-يىلى ئىئانە قىلغان سوممىسى ئاران 2 مىليون ئامېرىكا دوللىرىغا چۈشۈپ قالغان. خان جەمەتى ياردەم بېرىش تەشكىلاتىغا سېلىشتۇرغاندا، ئۇلار ياردەم بېرىدىغان تۈر چوڭ ئەمەس ئىكەن، مۇھىمى ئۇلارنىڭ ئۆزىنىڭ ھۆججىتىدە كۆرسىتىلىشىچە، خاررى بىلەن مېگان ھەر ھەپتىدە پەقەت بىر سائەتلا خىزمەت قىلىدىكەن.
بۇ يىل، خان جەمەتىدىن ئايرىلغىنىغا تۆت يىل بولغان خاررى بىلەن مېگان ئىككى مەيدان خان جەمەتى دەرىجىلىك زىيارەتتە بولۇپ، ئايرىم-ئايرىم ھالدا ئافرىقىدىكى نىگېرىيە ۋە جەنۇبىي ئامېرىكىدىكى كولومبىيەگە بارغان.
ئىككى جايدا خىزمەت قىلغان ساقچى تەكشۈرگۈچىنىڭ ئېيتىشىچە، بۇلارنىڭ ھەممىسى ئەنگىلىيەدىن نەچچە ھەسسە خەتەرلىك جاي ئىكەن، ئەمما خاررىنىڭ يېنىدا پەقەت بىر نەچچە شەخسىي قوغدىغۇچىلا بار ئىكەن.
ئەنگىلىيە خان جەمەتىدىكى تۇرالغۇسىدا تۇرغاندىمۇ بىخەتەر ھىس قىلمايدىغان خاررى، تۇيۇقسىز ئۆزىنىڭ بىخەتەرلىكىگە ئانچە پەرۋا قىلىپ كەتمىگەن.
خاررى بىلەن مېگان زىيارەتتە بولغان بۇ ئىككى دۆلەتنىڭ %90 ئەتراپىدىكى كىشىلەرنىڭ ھەممىسى دېگۈدەك نامراتلىق سىزىقىدا جان تالىشىۋاتقان بولۇپ، ئەمما بۇ ئىككى ئادەم ھەممىلا يەردە ئۆزىنىڭ يۇقىرى قاتلام سىنىپىدىكى كىشىلەر ئىكەنلىكىنى نامايان قىلىپ، ھەشەمەتچىلىكتىن ھۇزۇرلىنىپ، يۇقىرى دەرىجىلىك مېھمانسارايلاردا ياتقان، گەرچە خان جەمەتى بولمىسىمۇ، لېكىن پۈتۈن مۇساپىدە خان جەمەتى ئەزىز مېھمانلىرى تەمىناتىدىن بەھرىمەن بولغان. مېگان يەنە بىر دۆۋە قىممەت كىيىملەرنى كىيىپ بازارغا كەلگەن بولۇپ، ئورۇنلاشتۇرۇش ھەققىلا 100 نەچچە مىڭ ئامېرىكا دوللىرىغا يەتكەن. ئىككىيلەن ئۇ يەرگە بېرىپ ھېچقانداق ئالاھىدە ئىش قىلمىغان، پەقەت ئۇلارنىڭ فوندى جەمئىيىتى ۋە خاررىنىڭ «بويسۇنماس تەنھەرىكەت مۇسابىقىسى»نى تەشۋىق قىلغان.
شۇنىڭدىن كېيىن خاررى بىلەن مېگاننىڭ كەسپى پەسكويغا چۈشۈپ، ئىشلىرى ئوڭۇشلۇق بولمىغان، بۇ خىل خان جەمەتى خاراكتىرلىك زىيارەت قىلىشتىن باشقا، خاررى بىلەن مېگان ئاساسىي جەھەتتىن بىر يەرگىمۇ كەلمىگەن. خاررىنىڭ ئائىلىسىدىكىلەر ھازىر ياشاۋاتقان مونتسېتو دېگەن يەر ھوللىۋودتىكى داڭلىق چولپان، مىلياردېر ۋە پەن-تېخنىكا ماگناتلىرىنى ئۆزىگە مۇجەسسەملىگەن جاي بولۇپ، ئۆي تەننەرخى 8 مىليون ئامېرىكا دوللىرىدىن 9 مىليون ئامېرىكا دوللىرىغىچە ئىكەن. ئۇلارنىڭ ئالدىنقى كىرىمى 20 مىليون فوندستېرلىڭ (تەخمىنەن 25 مىليون 340 مىڭ ئامېرىكا دوللىرى)غا يەتكەن بولسىمۇ، لېكىن ئۇلارنىڭ تۇرمۇش پۇلى ۋە قوغدىغۇچى خىراجىتى ناھايىتى قىممەت ئىكەن. دەسلەپتە خاررى بىلەن مېگان ئىككىسى بىرلىشىپ ھەرىكەت قىلغان، كېيىن خاررى مېگاننىڭ يېنىدا خۇددى بىر قۇت بەلگىسىگە ئوخشاپ قالغان.
لېكىن ئۇلارنىڭ ئىگىلىك تىكلەش شىركىتىنىڭ ئۈنۈملۈك پايدا ئالىدىغان مەزمۇن چىقىرالماسلىقىغا ئەگىشىپ، مېگان ھازىر ئومۇميۈزلۈك ھالدا ھوللىۋودقا قايتىپ كەلگەن ھەمدە كەسىپتە خاررى بىلەن ئايرىلغان.
مېگان داۋاملىق پۇل تاپىدىغان يېڭى بىر تۈرنى باشلىغان، ئۇ بولسىمۇ ئامېرىكا رىۋېئېرا، بۇ يەردە خاررى يوق بولسىمۇ، لېكىن ھەممىلا يەردە خان جەمەتىنىڭ ئىقىملىرى بار ئىكەن.
مېگان چىقارغان كىتاب.
«ئامېرىكا رىۋېئېرا» مېگاننى چۆرىدىگەن ھەشەمەتلىك تۇرمۇش ئۇسۇلى ماركىسى بولۇپ، بارلىق تۇرمۇش بۇيۇملىرى ۋە بىر قىسىم يېزا ئىگىلىك مەھسۇلاتلىرىنى سىتىپ، يۇقىرى دەرىجىلىك يولدا ماڭىدىكەن، ئەمما ھەممىلا يەردە خان جەمەتىنىڭ كۆلەڭگىسى بار ئىكەن. مەسىلەن، مېگاننىڭ مەلۇم خان جەمەتى پائالىيىتى بولغان كۈنى ماركا قۇرۇلغانلىق خەۋىرىنى ئېلان قىلىشى نۇرغۇن ئېقىم مىقدارىغا تۈرتكە بولغان. تەشۋىق فىلىمدە، مېگان ئالدى بىلەن ئاددىي-ساددا ئاشخانىدا تاماق ئېتىۋاتقان بولۇپ، ئاندىن كۆرۈنۈشتە ئۇنىڭ تانسا كېچىلىكى مۇراسىم كىيىمى كىيگەن ھالىتى نامايان بولغان، بۇ ئىنتايىن دراماتىك كۆرۈنۈش ھاسىل قىلغان.
تەشۋىق فىلىم.
ماركا لوگوسى ئالتۇن رەڭدە بولۇپ، ئۈستىدە ھەتتا خان تاجىمۇ بار ئىكەن.
بىراق، ماركا يارىتىش مېگان ئويلىغاندەك ئۇنداق ئاددىي ئىش ئەمەس بولۇپ، ماركا قۇرۇلغان دەسلەپكى مەزگىلدىكى تەرەققىيات مۇقىم بولمىغان، ئۇ چولپان دوستلىرىنى ئىزدەپ ئالاقە تاراتقۇلىرىنى تەشۋىق قىلىشقا ئەۋەتكەن، ئەمما يېرىم يىلدىن كۆپرەك ۋاقىتتىن بۇيان، ھەتتا «ئامېرىكا رىۋېئېرا» دېگەن بۇ ماركا نامىنىمۇ رويخەتكە ئالدۇرالمىغان. ئامېرىكا پاتېنت ئىدارىسى بىرىنچى تۈرلۈك ئىلتىماسنى رەت قىلىپ، ماركا نامىنىڭ ئازدۇرۇش خاراكتېرىگە ئىگە ئىكەنلىكىنى، رويخەتكە ئېلىنغان تاۋار تۈرىدىمۇ تەسۋىر كەمچىل ئىكەنلىكىنى ئېيتقان.
ئۇنىڭ ئۈستىگە خاررىنىڭ شەخسىي تەرەققىياتىمۇ ئۇنداق ئوڭۇشلۇق بولمىغان، ئېيتىشلارغا قارىغاندا، ئىلگىرى شوخ خاررى ھازىر خىجىل بولۇپ تەنھا يۈرۈيدىغان بولۇپ قالغان، ئۇنىڭ ئەڭ ياخشى دوستى ئىت ۋە ئۇنىڭ قوغدىغۇچىسى ئىكەن. ئۇ خان جەمەتىدىن چېكىنىپ چىقىشتىن بۇرۇن، ئەڭ قارشى ئېلىنىدىغان خان جەمەتى ئەزاسى ئىكەن، لېكىن بىر قاتار ئىشلارنى ئاشكارىلاش، خان جەمەتىدىن چىقىپ كېتىش قاتارلىق ۋەقەلەرنى باشتىن كەچۈرگەندىن كېيىن، ئۇنىڭ ئىناۋىتى ئەڭ تۆۋەن چەككە چۈشۈپ قالغان، خان جەمەتىنىڭ ئىچكى قىسمىدىمۇ بار-يوقنىڭ ئارىسىدا دېيەرلىك بولۇپ قالغان، ئالدىنقى مەزگىلدە خان جەمەتىدە ئادەم كەم بولسىمۇ ئۇنىڭغا تەكلىپ ئەۋەتىلمىگەن. خان جەمەتى تەرجىمىھالىنىڭ ئاپتورى ئانجېلا لېۋىن (Angela Levin) مۇنداق دېگەن: «خاررى ھازىر مېگاننىڭ ئەنگىلىيەدىن ئايرىلغىنىغا نارازى، چۈنكى ئۇ خان جەمەتى سالاھىيىتىگە، ئەركىنلىككە، ھەم ئۇ بۇ ئېھتىياجىغىمۇ ئېرىشەلمىدى».
ئەسلىدە خاررىنىڭ «بويسۇنماس تەنھەرىكەت مۇسابىقىسى» خەلقئارادا خېلى ياخشى باھاغا ئېرىشكەن، بۇلتۇر 9-ئايدا ئۇلار دۇسسېلدورفتا ئۆتكۈزۈلگەن «بويسۇنماس تەنھەرىكەت مۇسابىقىسى»گە قاتناشقاندا گېرمانىيەدە خېلى نام چىقارغان. تاكى كۆپچىلىك بۇ قېتىمقى مۇسابىقە مەبلىغىنىڭ گېرمانىيە دۆلەت مۇداپىئە مىنىسترلىقىدىن 40 مىليون ياۋرو ئىئانە قىلغانلىقىدىن گۇمانلىنىشقا باشلىغاندا باھا بارا-بارا تۆۋەنلەپ كەتكەن.
خاررى بىلەن مېگان تەنھەرىكەت يىغىنىغا قاتناشماقتا.
2027-يىلى بۇ تەنھەرىكەت مۇسابىقىسى بىرمىڭھامدا ئۆتكۈزۈلىدىغان بولۇپ، مۆلچەرلىنىشىچە، ئەنگىلىيەمۇ ئاممىۋى مەبلەغ ئىشلىتىپ قوللىشى مۇمكىن ئىكەن، ھۆججەتلىك فىلىمدە بۇنى باج تاپشۇرغۇچىلار ئۈستىگە ئالغان غايەت زور پۇل دەپ تەسۋىرلەنگەن ھەمدە مۇنۇلار بىلدۈرۈلگەن: «بۇ 2027-يىلى بىرمىڭھام ئۈچۈن بىر چوڭ مەسىلە بولۇپ قالىدۇ، چۈنكى بىرمىڭھام يېقىندا ۋەيران بولۇش گىردابىغا بېرىپ قالدى». ھازىر خاررى مېگان بولمىغان ئەھۋالدا ئەنگىلىيەگە بارغانسېرى كۆپلەپ قايتىپ كەلگەن، ئۇ يەنە خان جەمەتىدىكى ئالاقىدار كىشىلەرنىڭ دەپنە مۇراسىمىغا ئوخشاش پائالىيەتلەرگىمۇ قاتناشقان، بەلكىم بۇ ئۇنىڭ خان جەمەتى بىلەن بولغان مۇناسىۋەتنى پەسەيتمەكچى بولغانلىقى ياكى ئەنگىلىيەدە مەۋجۇتلىقىنى بىلدۈرۈپ قويماقچى بولغان بولۇشى مۇمكىن ئىكەن. ئۇنىڭ ئامېرىكىدىكى ئوبرازىمۇ ئانچە ياخشى ئەمەس بولۇپ، مونتېسىتو مەھەللىسىدىكى كىشىلەرنىڭ خاررى بىلەن مېگانغا باھا بەرگەندىكى سۆزىدىن، ئىككىسىنىڭ مۇناسىۋىتىنىڭ ئانچە ياخشى ئەمەسلىكىنى كۆرۈۋالغىلى بولىدىكەن. خاررى گەرچە بايلار مەھەللىسىدە تۇرسىمۇ، لېكىن شۇ جايدىكى مەھەللىنىڭ بايلىقىدىن ئانچە پايدىلانمىغان، ئۇلار مونتېسىتودا تۇرىدىغان بولسىمۇ، لېكىن شۇ جايدىكى پائالىيەتلەرگە تەكلىپ قىلىنسىمۇ، ئاساسەن جاۋاب قايتۇرمىغان، ھەتتا ئەتراپتىمۇ ناھايىتى ئاز پەيدا بولغان، مەھەللە ئىشلىرىغا تۆھپە قوشۇشنى تېخىمۇ تىلغا ئېلىشقا بولمايدىكەن.
ئۇنىڭ ئۈستىگە ئۆزىنى چوڭ تۇتقان مېگانغا سېلىشتۇرغاندا، «ھەقىقىي شاھزادە» خاررىنىڭ ئاممىغا بەرگەن تەسىراتى يەنىلا «سەل قىزىقارلىق»، «چىقىشقاق» بولۇپ، قوشنىلارنىڭ ئوغۇل بالىسىغا ئوخشايدىكەن.
ھەممە تەرەپتىن دەرد-ئەلەمگە چۆمگەن خاررى بىلەن مېگانغا قاراپ، ئۇلارنىڭ يېڭى يۆنىلىشنى قانداق تېپىشنى بىلگىلىمۇ بولمىغان.
كىنولار
