توۋتياۋ تورى خەۋىرى، نۇر تورى تەرجىمىسى:
ئىلگىرى ئۈن-تۈنسىز قوشۇمچە رول ئېلىپ كەلگەن نامى چىقمىغان ئارتىستىن ھازىر بىر ئۆرۈلۈپلا ھەممە كۆز تىككەن «چوڭ يەڭگە»گە ئايلانغانلىقىنى كىممۇ ئويلىغان دەيسىز؟
گاۋ يې «شىددەتلىك بوران»دىكى قالتىس رول ئېلىش ماھارىتىگە تايىنىپ، بىر كېچىدىلا نامى چىمىغان ئارتىستىن بىراقلا داڭق چىقىرىپ، تاماشا ساھەسىدىكى بىر قارا ئات بولۇپ قالغان!
ھالبۇكى، بۇ يارقىن كۆرۈنۈش ئاستىدا، تاماشا ساھەسىدىكى ئوڭايسىز رېئاللىق يوشۇرۇنغانمۇ؟
خۇددى «رول ئېلىش ئۇستىسى» خۇاڭ بو (黄渤) ئېيتقاندەك، نام چىقارغاندىن كېيىن ئەتراپىدىكى ھەممە نەرسە ئۆزگىرىپ كەتكەن.
گاۋ يېنىڭ كەچۈرمىشىنى بۇ گەپنىڭ ئەڭ ياخشى ئىزاھاتى دېيىشكە بولىدۇ.
زادى نېمە ئىش گاۋ يېنىڭ ھاياتىدا بۇنداق زور ئۆزگىرىش پەيدا قىلغان؟
گاۋ يېنىڭ ئارتىسلىق يولى خۇددى بىر رېئال نۇسخىدىكى «كۈل قىز» چۆچىكىگە ئوخشايدۇ، كىشىلەر ھاياتنىڭ سېھرىي كۈچىگە ئاپىرىن ئوقۇماي تۇرالمايدۇ!
1987-يىلى جياڭسۇ چاڭجۇدا تۇغۇلغان بۇ ئىككىنچى ئەۋلاد باي خېنىم كىچىكىدىنلا ئۆزىگە خاس نۇر ھالقىسى بار ساھىبجامال ئىدى.
ئىلگىرى مەكتەپتىكى بارابان ئەترىتىدە داڭق چىقىرىپ، ھەممەيلەنننىڭ قايىللىقىغا ئېرىشكەن بۇ ئەترەت باشلىقىنىڭ كۈنلەرنىڭ بىرىدە سەنئەت ساھەسىدە بوران-چاپقۇن پەيدا قىلىدىغانلىقىنى كىممۇ ئويلىغان دەيسىز؟
2006-يىلى يۇلتۇزلارنى كۆز-كۆز قىلغان گاۋ يې مەغرۇرلۇق بىلەن بېييىڭنىڭ دەرۋازىسىغا قەدەم قويغان.
لېكىن رېئاللىق ئۇنى بىر شاپىلاق ئۇرۇپ، ئۇنىڭ بېشىنى ئايلاندۇرۇۋەتكەن.
مەكتەپتىكى تۆت يىل جەريانىدا ساۋاقداشلارنىڭ بىر-بىرلەپ ئېكراندا پەيدا بولۇشىغا قاراپ تۇرغان بولسىمۇ، لېكىن ئۆزى يەنىلا ئۆز ئورنىدا ئايلىنىپ يۈرەتتى، بۇ خىل تەمنى پەقەت گاۋ يېلا ھېس قىلالىشى مۇمكىن، شۇنداقمۇ؟
گاۋ يې ئوقۇش پۈتكۈزگەندىن كېيىن «ماڭا يالغان گەپ قىلىڭ» (请你对我说个谎) ناملىق دراممىنى قولىغا ئېلىپ، ئارتىسلىق ساھەسىدە ئاخىرى ئۆزىنى كۆرسەتكەن.
ئارقىدىنلا ئۇ «دولانا دەرىخى سۆيگۈسى» ناملىق كىنودا كۆزگە چېلىقمايدىغان بىر كىچىك رولنى ئالغان.
گەرچە ئايال باش پېرسوناژ جوۋ دوڭيۈ بىلەن بىر رامكىدا بولسىمۇ، لېكىن گاۋ يې يەنىلا نامى چىقمىغان كىچىك ئارتىس ھېسابلىناتتى، بەلكىم فىلىم مەيدانىدىكى قۇتىلىق تاماق يەيدىغان خىزمەتچىلەرمۇ ئۇنىڭ چىرايىنى ئېسىدە تۇتالماسلىقى مۇمكىن.
بۇ چاغدا گاۋ يې ئۆزىنىڭ كېيىن «چوڭ يەڭگە» بولۇپ قالىدىغانلىقىنى چۈشىدىمۇ ئويلاپ باقمىغان بولغىيتتى؟
گاۋ يېنىڭ ئۆزىگە ئىشىنىدىغان ھەم ئوچۇق-يورۇق مىجەزى ئۇنىڭ ئەسلى ئائىلىسى بىلەن ناھايىتى چوڭ مۇناسىۋەتلىك. ئۇ چاڭجۇدىكى بىر باي ئائىلىدىن كېلىپ چىققان بولۇپ، ئاتا-ئانىسى سودا بىلەن شۇغۇللانغان، كىچىكىدىن تارتىپلا يېمەك-ئىچمەك، كىيىم-كېچەكتىن غەم قىلمىغان، ئۇ باي-باياشات چوڭ بولغان قىز ئىدى. گاۋ يې ئائىلىسىنىڭ گۆھىرى بولۇش سۈپىتى بىلەن ئاتا-ئانىسىنىڭ ئەتىۋارلىشىغا ئېرىشكەنھەمدە ئۇنىڭغا چەكسىز ئۈمىد باغلىغان. گاۋ يې گەرچە جياڭنەنلىك قىز بولسىمۇ، ئەمما مىجەزى كەڭ قورساق، ئوچۇق-يورۇق بولۇپ، تولۇقسىز ئوتتۇرا مەكتەپتىكى چېغىدىلا بوي ئېگىزلىكى 1.68 مېتىرغا يەتكەن. شۇڭا، تەقى-تۇرقى كېلىشكەن، بويى ئېگىز گاۋ يې مەكتەپنىڭ بەدىئىي گىمناستىكا ئەترىتىنىڭ باشلىقى بولۇپ، چاڭجۇ شەھەرلىك بەدىئىي گىمناستىكا مۇسابىقىسىدە بىرىنچى بولغان. گاۋ يې كىچىكىدىنلا ناخشا ئېيتىپ، ئۇسسۇل ئويناشنى ياخشى كۆرگەچكە، مەكتەپتە ئىزچىل ئەدەبىيات-سەنئەت تايانچىسى بولۇپ كەلگەن، ئالتە يېشىدىن باشلاپلا چولپان بولۇش ئويى پەيدا بولغان. ئارتىس بولۇش نىشانى بولغاندىن كېيىن، گاۋ يې تىرىشىپ ئۆگىنىپ، ناخشا ئېيتىش، ئۇسسۇل ئويناش ۋە رەسىم سىزىشنى ئۆگەنگەن، ئۇ كۆپ ئىقتىدارلىق قىز ئىدى. باشلىنىش نۇقتىسىدا غەلبە قىلغان گاۋ يې 2006-يىلى بېيجىڭ كىنو شۆيۈنىگە ئىمتىھان بېرىپ كىرىپ، قالتىس ئىپادىسى بىلەن مۇۋەپپىقىيەتلىك قوبۇل قىلىنغان.
شۇنداق قىلىپ، گاۋ يېمۇ جۇ يىلوڭ بىلەن بىر سىنىپتىكى ساۋاقداشلاردىن بولۇپ، ئۆزىنىڭ ئارتىس بولۇش ئارزۇسىنى قوغلىشىشقا باشلىغان. بېيجىڭ كىنو شۆيۈەنىگە ئۆتكەندىن كېيىن، ئۆزىگە تولۇق ئىشىنىدىغان گاۋ يې تۇنجى قېتىم زەربىگە ئۇچرىغان. مەكتەپتە چىرايلىق ھەم ئۇنىڭدىن مۇنەۋۋەر كىشىلەر كۆپ بولغاچقا، ئۇنىڭدا كرىزىس تۇيغۇسى پەيدا بولۇشقا باشلىغان. ئالىي مەكتەپتىكى تۆت يىلدا، گاۋ يې ئىزچىل تىرىشىپ ئۆگىنىپ، ئۆزىنى ياخشى ئورۇنلاشتۇرۇش ئۈچۈن، بىرەر كىنونى سۈرەتكە ئالمىغان. 2010-يىلى ئالىي مەكتەپنى يېڭىلا پۈتتۈرگەن گاۋ يې «دولانا دەرىخى مۇھەببىتى» ناملىق كىنوغا قاتنىشىپ، بىر سېسترانىڭ رولىنى ئالغان، بۇ ئۇنىڭ تۇنجى كىنو ئەسىرى ھېسابلىنىدۇ.
ئەينى چاغدا ئەمدىلا 18 ياشقا كىرگەن جوۋ دوڭيۈ بىراقلا نام چىقارغان بولۇپ، گاۋ يې پەقەت كىچىككىنە يانداش رولچى ئىدى. ئاكتيورلۇق كەسپىگە ئوڭۇشلۇق قەدەم قويغاندىن كېيىن، گاۋ يې پۈتۈن كۈچى بىلەن ھەر خىل روللارنى ئېلىشقا باشلىغان، گەرچە ئۇ ئالقىشقا ئېرىشەلمىگەن بولسىمۇ، لېكىن رول ئېلىش ماھارىتىنى تاۋلىغان.
2012-يىلى، گاۋ يې بىر پۇرسەتكە ئېرىشىپ، سۈن خوڭلېي بىلەن ھەمكارلىشىپ، «چېگرادىكى بوران-چاپقۇن» ناملىق كىنودا رول ئالغان. فىلىمدە گاۋ يې ساقچى سىڭلىسىنىڭ رولىنى ئالغان بولۇپ، ئىككىنچى نومۇرلۇق ئايالنىڭ رولىنى ئالغان، لېكىن گاۋ يې تېگىشلىك ھۆرمەتكە ئېرىشەلمىگەن. ئەينى چاغدا گاۋ يې تېخى نام چىقارمىغان بولۇپ، كىنو تەشۋىقات ئېلانىدىمۇ ئۇنىڭ ئىسمى يوق ئىدى، ئاخبارات ئېلان قىلىش يىغىنىدىمۇ ئۇنى تەكلىپ قىلمىغان. بۇ ئىش سۈن خوڭلېينى نارازى قىلىپ، فىلىم ئىشلىگۈچىنى تېپىپ گاۋ يېدىن بىر چۈشەنچە سوراپ باقماقچى بولغان. سۈن خوڭلېي ناھايىتى ئاچچىقلانغان ھالدا: «بۇ قىز بوغۇلۇپ قالغىلى تاس قالغان، ئۇنىڭ ئىسمى گاۋ يې. لېكىن بۇ ئېلاندا ئۇنىڭ ئىسمى يوق، مەن مەبلەغ سالغۇچىدىن بىر سوئال سوراي، نېمىشقا ئۇنىڭ ئىسمى يوق، بىر ياش ئارتىس بولۇش سۈپىتى بىلەن، ئۇ ئۆزىنىڭ تىرىشچانلىقىنى كۆرسەتتى، نېمىشقا ئۇ يوق ئىسمى؟»
سۈن خوڭلېي ئۇنىڭ ئۈچۈن دەرغەزەپكە كەلگەندىن باشقا، ھەتتا جاڭ سۇڭۋېنمۇ ئۇنىڭ ئۈچۈن ئادالەتنى ياقلىغان. ئۇ گاۋ يېغا تەسەللى بېرىپ: «سوغۇق مۇئامىلىگە ئۇچراش، تاشلىۋېتىش، رەت قىلىنىش بولىدۇ، لېكىن چوقۇم ئىززەت-ھۆرمىتى بىلەن ئېلىپ بېرىلىدۇ» دېگەن.
ئۇ چاغدا، ئەزەلدىن ئۆزىگە ئىشىنىپ كەلگەن گاۋ يې ئۆزىدىن گۇمانلىنىشقا باشلىغان، ھەتتا ئەڭ قاراڭغۇ پەيتكە قاراپ ماڭغان. ئەمەلىيەتتە، گاۋ يې ئىنتايىن ئەمەلىي، ساپ ۋە كەسىپچان ئايال ئارتىس، ئۇ ياخشى رول ئېلىش ئۈچۈن ھەرقانداق بەدەل تۆلەشتىن يانمايدۇ. «چېگرادىكى بوران-چاپقۇن»نى سۈرەتكە ئېلىۋاتقاندا، گاۋ يېنىڭ يۈزى سۇلياۋ يوپۇق بىلەن ئورىلىپ، تۇنجۇقۇپ ئۆلۈپ قالغىلى تاس قالغان. سۈن خوڭلېي بىلەن جاڭ سۇڭۋېننىڭ ئۇنىڭ ئۈچۈن فىلىم ئىشلىگۈچى تەرەپ ئۈچۈن ئاداۋەت ساقلىغانلىقى ئەجەبلىنەرلىك ئەمەس، چۈنكى ئۇ بەك كەسىپچان. ئۇنىڭ ئۈستىگە گاۋ يېنىڭ كەسىپنى قەدىرلىشى بىر رول بىلەنلا چەكلىنىپ قالمىغان.
شۇنداق دېيىشكە بولىدۇكى، كۆپ يىللىق چېنىقىش ۋە چۆكۈشتىن كېيىن، گاۋ يېنىڭ رول ئېلىش ماھارىتىدە ئاللىقاچان ماھىيەتلىك سەكرەش بولغان بولۇپ، ھەر خىل ئۇسلۇبتىكى روللارنى كونترول قىلايدىغان بولغان. بىراق، گاۋ يېنىڭ چىڭ تۇرۇشى ئۇنداق ئاسان ئەمەس، ئۇ تۈرلۈك قىيىنچىلىق ۋە زەربىلەرگە ئۇچرىغان. «دېڭىزدىكى بۇلۇت خاتىرىسى» ناملىق تېلېۋىزىيە تىياتىرىغا قاتناشقاندا، گاۋ يې بىر مەيدان ياخشى كۆرۈنۈشنى سۈرەتكە ئېلىش ئۈچۈن، شىنجاڭنىڭ قەھرىتان سوغۇقىدا تۈۋرۈككە باغلىنىپ بىر كۈن تۇرغان. بەك جاپا تارتىپ كەتكەچكە، گاۋ يېنىڭ تىزى توڭلاپ ماڭالماي قالدى، مۇئاۋىن مۇدىر ئۇنى يۈدۈپ ئېلىپ كەتكەن. مۇئاۋىن رېژىسسور گاۋ يېنىڭ ئېچىنىشلىق ھالىتىنى كۆرۈپ، ئۇنىڭغا بولغان قايىللىقى ناھايىتى قوزغالغان، ئەينى يىلى گاۋ يې ئالىي مەكتەپتە ئوقۇۋاتقان چاغدا، يېقىن دوستى بىلەن كەلگۈسىنى تەسەۋۋۇر قىلىپ، كېيىن كىنو خانىشى بولۇشنى ئۈمىد قىلغان.
گاۋ يېنىڭ قەيسەرلىكى ۋە مۇھەببىتى ھامان ئۇنىڭغا تەۋە باھارغا ئايلانغان، گاۋ يې ھاياتىدىكى ئەڭ تۆۋەن چەككە چۈشۈپ قالغاندا، ئېسىلزادىلەرگە ئۇچراپ قالغانلىقىدىن خۇشال بولغان، ئۇ دەل ئۇنىڭ ھازىرقى ۋاستىچىسى. گاۋ يېنىڭ قەلبىدە ۋاكالەتچى ئۇنىڭ قارا دۇنياسىدا پەيدا بولغان بىر دەستە نۇر ئىدى. ئەينى چاغدا گاۋ يې غايەت زور توسالغۇغا ئۇچراپ، ئۆزىدىن قاتتىق گۇمانلىنىشقا باشلىغان. لېكىن ۋاستىچى ئىزچىل ئۇنى ئىلھاملاندۇرۇپ، ئۇنى بىر تال ئالتۇن، ھامان بىر كۈنى نۇر چاچىدۇ دەپ قارىغان. ۋاكالەتچىنىڭ ئىللىقلىقى ۋە ئىلھامى گاۋ يېنىڭ ئۆزىگە بولغان ئىشەنچىسىنى قايتىدىن تىكلەپ، ئۇنىڭ ئۆزىنى قايتىدىن تېپىشىغا شارائىت ھازىرلاپ بەرگەن. گاۋ يېمۇ ئۆزىنىڭ يارقىن پەيتىنى كۈتۈۋېلىشقا باشلىغان، ئامەت ئاخىرى ئۇنىڭغا ئاستا-ئاستا قول پۇلاڭلاتقان. شۇنىڭدىن كېيىن، گاۋ يې ئارقا-ئارقىدىن نۇرغۇن كىنو-تېلېۋىزىيە تىياتىرلىرىدا رول ئېلىپ، ئارتىسلىق ھاياتىنى يەنە بىر بالداق يۇقىرى كۆتۈرگەن.
«سىزنى تاپتىم» (找到你) ناملىق كىنودا لىن شياۋلۇنىڭ رولىنى ئالغان؛ «چاڭئەندىكى 12 سائەت»دە، پاھىشىخانا قىزى لى شياڭشياڭنىڭ رولىنى ئالغان؛ «سىزنى ياخشى كۆرۈپ قېلىپ مېنى ساقايتىڭ»دا خوجايىن ۋاڭ لىڭلوڭنىڭ رولىنى ئالغان، «مەن يۈ خۇەنشۈي» (我是于还水) دە، زومىگەر ئايال دېرىكتور لياڭ ئەننىنىڭ رولىنى ئالغان. تىلغا ئېلىشقا ئەرزىيدىغىنى شۇكى، «مەن يۈ خۇەنشۈي» ناملىق تېلېۋىزىيە تىياتىرى بىلەن گاۋ يې ئالقىشقا ئېرىشىپ، تاماشىبىنلار تەرىپىدىن بايقىلىپ قالغان. نام چىقارغاندىن كېيىن، گاۋ يې بىر ئىزدا توختاپ قېلىشنى خالىماي، باشتىن-ئاخىر خىلمۇ-خىل جەلىپكار روللارنى ئېلىپ، ئۆزىنى بۆسۈپ ئۆتمەكچى بولغان.«ئەگەر سىز بىر ئادەمنىڭ رولىنى ئالسىڭىز، ئۆزىڭىزنىڭ خاراكتېرى ياكى ئوبرازىنىڭ چەكلىمىسىگە ئۇچرايسىز، تاماشىبىنلارنى سىزنىڭ ئۇ رول ئىكەنلىكىڭىزگە ئەمەس، بەلكى ئۇ رول ئىكەنلىكىڭىزگە ئىشەندۈرۈشىڭىز كېرەك، بۇ چەكلىمىلەردىن بۆسۈپ ئۆتۈش كېرەك. مېنىڭمۇ بىر قىسىم يەل خالتىسى رولىنى سىناپ باققۇم بار، بۇ خىل قاتمۇ-قات ئازابلارنى ئىچىمگە يۇتقاندەك تۇيغۇ.»
ئارقىدىن «غايىۋى شەھەر» ناملىق تېلېۋىزىيە تىياتىرىدا ۋۇ خۇڭمېينىڭ رولىنى ئېلىپ، رول ئېلىش ماھارىتىنى تاماشىبىنلارنىڭ مۇئەييەنلەشتۈرۈشىگە ئېرىشكەن. بۇ ۋاقىتتا گاۋ يې ئەمدى ھېچكىم كۆڭۈل بۆلمەيدىغان كىچىك ئارتىس ئەمەس ئىدى، ئۇ يول بويى ئۇچقاندەك مېڭىشقا باشلىغان. پەقەت 2022-يىلىلا، گاۋ يې ئارقا-ئارقىدىن بەش كىنو-تېلېۋىزىيە تىياتىرىغا قاتناشقان، شۇنداق دېيىشكە بولىدۇكى، كىنو بىلەن ئۇچرىشىش ئۈزۈلمىگەن. 2023-يىلىغا كەلگەندە، گاۋ يې ئاخىرى كەسپىنىڭ يۇقىرى پەللىسىگە چىققان. «شىددەتلىك بوران» ناملىق تېلېۋىزىيە تىياتىرىنىڭ ئومۇملىشىشىغا ئەگىشىپ، گاۋ يې چېن شۇتىڭنىڭ رولى بىلەن بىراقلا «دۆلەت يەڭگىسى» دەپ ئاتالغان.
سانسىزلىغان تورداشلارمۇ گاۋ يې ئۈچۈن خۇشال بولغان، چۈنكى بۇ خەزىنە ئايال ئارتىس ئاخىرى ئالقىشقا ئېرىشكەن. ئۇ ئارتىسلىق ھاياتىدا ئۆزى ئېرىشمەكچى بولغان مۇۋەپپەقىيەتكە ئېرىشكەن، لېكىن گاۋ يېنىڭ ھېسسىيات دۇنياسى قۇپقۇرۇق ئىدى. گاۋ يېنىڭ مىجەزى تۈز، كەڭ قورساق بولۇپ، كىشىلەر بىلەن بولغان مۇناسىۋىتىمۇ ئالاھىدە ياخشى بولغاچقا، تەبىئىيلا ئەتراپىدىكىلەرنىڭ ياخشى كۆرۈشىگە ئېرىشكەن. ئۇنىڭ ئۈستىگە گاۋ يېنىڭ ئاۋازى ئۆزگىچە بولغاچقا، كۆپچىلىك ئۇنى يېقىملىق قىلىپ «گاۋ ئەپەندى» دەپ ئاتاشقان. «مەن كىچىكىمدىن تارتىپلا مۇشۇنداق ئاۋاز تۈسىگە ئىگە بولغاچقا، ئىلگىرى ئوتتۇرا ئاۋازلىق ئاياللارنىمۇ ئۆگەنگەن، شۇڭا دائىم مېنى ئەر كىشى دەپ خاتا چۈشىنىپ، نۇرغۇن چاقچاقلارنى قىلىپ قوياتتىم.»
مىجەزى بىپەرۋا بولغاچقا، ئۇ ياش ۋاقتىدا بىر مەزگىللىك ئۇنتۇلغۇسىز مۇھەببەتكە ئېرىشكەن، بۈگۈنكى كۈندە ئۇ ناھايىتى ئەپسۇسلانغان. «مەن مۇھەببەتنى ئەڭ بىلمەيدىغان يېشىمدا، ئەڭ ياخشى مۇھەببەتكە ئۇچرىدىم.»
ئەپسۇسلىنارلىقى شۇكى، بۈگۈنكى كۈندە گاۋ يې ئۆزىنى قانائەتلەندۈرىدىغان گۈزەل مۇھەببەتنى قايتا ئۇچراتمىغان، يەنىلا ھېلىقى توغرا ئادەمنىڭ پەيدا بولۇشىنى ساقلىغان. گاۋ يېنىڭ ئارتىسلىق تەجرىبىسىگە قارايدىغان بولساق، ياخشى ئارتىسنىڭ ھامان بىر كۈنى نۇر چاچىدىغانلىقىنى چۈشىنىمىز.
نۇرغۇن ئېقىم مىقدارى چولپانلىرىغا سېلىشتۇرغاندا، گاۋ يې ئايال ئارتىسلار ئىچىدىكى سۈزۈك ئېقىم. ئۇ كۆپتۈرمەيدۇ، ئۈن-تىنسىز رول ئالىدۇ، تۆۋەن ماقامدا ئۆزىنى بېغىشلايدۇ، شۇنداقلا بىزنىڭ ياخشى كۆرۈشىمىزگە ئەرزىيدۇ. ئۇنىڭ ئارتىسلىق يولىغا تەۋە تېخىمۇ كۆپ نۇر ئاستا-ئاستا تارقىلىدۇ.
مەيلى قانداقلا بولمىسۇن، بىز گاۋ يېنىڭ ئارتىسلىق يولىدا تېخىمۇ يىراققا، تېخىمۇ يۇقىرى پەللىگە چىقىشىنى ئۈمىد قىلىمىز.
خۇددى ئاستا-ئاستا كۆتۈرۈلۈۋاتقان يېڭى يۇلتۇزغا ئوخشاش، سانسىزلىغان چۈش قوغلىغۇچىلارنىڭ يولىنى يورۇتقان.
«چوڭ يەڭگە» گاۋ يېنىڭ كەلگۈسىدە بىزگە يەنە قانداق خۇشاللىقلارنى ئېلىپ كېلىدىغانلىقىنى تەقەززالىق بىلەن كۈتەيلى!
بەلكىم كېلەر قېتىم بىز چوڭ ئېكراندا ئۇنىڭ يېڭى رولغا جەڭ ئېلان قىلغانلىقىنى كۆرۈپ، ئۇنىڭغا بولغان تونۇشىمىزنى يەنە بىر قېتىم يېڭىلىشىمىز مۇمكىن.
ياكى ئۇ رېژىسسورلۇق كەسپىنى سىناپ، ئۆزىنىڭ كۆز قارىشى ئارقىلىق تېخىمۇ كۆپ ئېسىل ھېكايىلەرنى سۆزلەپ بېرىدۇ.
كەلگۈسىنىڭ قانداق بولۇشىدىن قەتئىينەزەر، بىز گاۋ يېنىڭ ئۆزىگە خاس سېھرىي كۈچى ۋە چەكسىز يوشۇرۇن كۈچى بىلەن تاماشا ساھەسىدە داۋاملىق چاقنايدىغانلىقىغا ئىشىنىمىز.
كىنولار
