24-ماي ئەنخۇينىڭ ۋۇخۇدىكى 9-نۆۋەتلىك جۇڭگو (ۋۇخۇ) پەننى ئومۇملاشتۇرۇش مەھسۇلاتلىرى يەرمەنكىسى سودا يىغىنى ماشىنا ئادەم كۆرگەزمىسىدە بىر قانچە «ماشىنا قىز دوست» كۆرگەزمە قىلىنىپ، كىشىلەرنىڭ دىققىتىنى تارتتى.
نەق مەيداندىكى ئەڭ ئەرزان ئادەتتىكى «ماشىنا قىز دوست»نىڭ باھاسى 1998 يۈەن، ئەڭ قىممىتى ھەمراھ بولۇش خىزمىتى قىلالايدىكەن، ئادەم بىلەن پاراڭلىشىش ئىقتىدارى بار «ماشىنا قىز دوست»نىڭ سېتىلىش باھاسى 68 مىڭ يۈەنگە يېتىدىغان بولۇپ، ئىسمى «فېي فېي» ئىكەن.
«فېي فېي»نىڭ ئېگىزلىكى 168 سانتىمېتىر، تەقى-تۇرقىنى خېرىدارلار ئۆزى تاللاپ، زاكاز قىلسا بولىدىكەن، ياپون تىلى، ئىنگلىز تىلى، ئەدەبىي ئورتاق تىل، گۇاڭدوڭ شىۋىسى، ھەتتا سىچۈەن شىۋىسىدىمۇ سۆزلىيەلەيدىكەن.
خىزمەتچىلەرنىڭ تونۇشتۇرۇشىچە، نۆۋەتتە بۇ «ماشىنا قىز دوست» ئاساسلىقى ياپونىيەگە سېتىلىۋېتىپتۇ.
نەق مەيداندىكى بۇنداق «ماشىنا قىز دوست»نى تۇنجى قېتىم كۆرگەن ئوتتۇرا ياشلىق ئەر ئۇنى سېتىۋېلىپ ئەكىتىشكە پېتىنالمايدىغانلىقى، ئاۋارىچىلىققا قېلىشتىن قورقىدىغانلىقىنى بىلدۈرگەن.
