خوتەن-ئاقسۇ مۇسابىقىسىنى بۇنى بېسىپلا كۆرۈڭ
ئاتۇش لوڭقىسى گۇرۇپپا مۇسابىقىلىرى تولۇق ئاخىرلىشىپ سەككىز كۈچلۈك كوماندا بارلىققا كەلدى، ئىككىنچى كۈنلۈك ئىككىنچى مەيدان شاللاش 1/4 ھەل قىلغۇچ مۇسابىقىسى بۈگۈن (12-نويابىر) 20:00دە باشلاندى. خوتەن VS ئاقسۇ مۇسابىقىسى ئوينىلىدۇ.
توپچىلار مەيدانغا كىردى، مۇسابىقە باشلاندى.
مەيداننىڭ ئۈستىدىن تارتىلغان كۆرۈنىشى
مۇسابىقە باشلىنىپلا خوتەن كوماندىسى توپچىسى قائىدىگە خىلاپ ھەرىكەتكە ئۇچرىدى، رېپىر ئاقسۇ كوماندىسى توپچىسىغا سېرىق كارتا چىقاردى.
3-مىنۇتتىلا ئاقسۇ كوماندىسى قايتۇرما ھۇجۇم قوزغاپ ياندىن تەپكەن توپ كىرمەي قالدى.
8-مىنۇتتا خوتەن كوماندىسى توپچىسى قائىدىگە خىلاپ ھەرىكەتكە ئۇچراپ يەردە يېتىپ قالدى، شۇنداقلا ياخشى ئورۇندىن ئىختىيارى توپ تېپىش پۇرسىتى كەلدى.
9-مىنۇتتا خوتەن كوماندىسىنىڭ تەپكەن توپىنى قاپقىچى تۇتۇۋالدى
13-مىنۇتتا ئاقسۇ كوماندىسىنىڭ چەكلەنگەن رايون ئىچىدە تەپكەن توپى ئېگىز چىقىپ ياخشى پۇرسەت قولدىن كەتتى.
28-مىنۇتتا ئاقسۇ كوماندىسىنىڭ بىر قېتىملىق يىراقتىن تەپكەن توپى ياندىن چىقىپ كەتتى.
32-مىنۇتتا خوتەن كوماندىسى توپچىسى قائىدىگە خىلاپ ھەرىكەتكە ئۇچراپ يىقىلدى.
33-مىنۇتتا خوتەن توپچىسى مالىكنىڭ يىراقتىن تەپكەن توپىنى قاپقىچى تۇتۇۋالدى.
35-مىنۇتتا ئاقسۇ كوماندىسى ھۇجۇم قوزغىدى، ئاقسۇ كوماندىسى توپچىسى ئولار قاپقىچى ئالدىغا چىققان پۇرسەتتىن پايدىلىنىپ توپنى ئىلىپ كىرگۈزىۋەتتى. نەتىجە ئاقسۇ 0:1 خوتەن
رېپىر سىن ياردەمچىسى بىلەن پاراڭلىشىپ توپنى ئىناۋەتلىك قىلدى.
خوتەن-ئاقسۇ مۇسابىقىسىنى بۇنى بېسىپلا كۆرۈڭ
كۆرۈنۈش ئاقسۇ كوماندىسى مەستانىلىرىگە بېرىلدى.
43-مىنۇتتا ئاقسۇ كوماندىسىنىڭ ئوڭ يولدىن تاشلاپ ئۈسكەن كاللا توپى ئېگىز ئۆرلەپ كېتىپ ياخشى پۇرسەت قولدىن كېتىپ قالدى.
45 مىنۇتلۇق مۇسابىقە ئاخىرلىشىپ ئىككى كوماندا ئىككى مىنۇتلۇق تولۇقلىما ۋاقتىغا قەدەم قويدى.
46-مىنۇتتا ئاقسۇ كوماندىسىنىڭ ئىنتايىن چىرايلىق پاسلىشىپ چەكلەنگەن رايونغا كىرگەن بولسىمۇ لېكىن ئەڭ ئاخىرىقى توپنى تېپىش ياخشى بولماي قالدى.
كېيىنكى مىنۇتلاردا مۇسابىقە نەتىجىسىدە ئۆزگىرىش بولماي ئالدىنقى يېرىم مەيدان مۇسابىقە ئاخىرلاشتى، ئاقسۇ كوماندىسى 0:1 نەتىجىدە ۋاقتىنچە ئۈستۈنلۈكتە تۇردى.
توپچىلار 15 مىنۇتلۇق ئارام ئېلىشنى ئاخىرلاشتۇرغاندىن كېيىن مۇسابىقە مەيدانىغا قايتىپ كەلدى، كېيىنكى مەيدان مۇسابىقە باشلاندى.
48-مىنۇتتا ئاقسۇ توپچىسى چەكلەنگەن رايون ئىچىدە يىقىلدى، رېپىر ۋار سىن ياردەمچىسى بىلەن پاراڭلاشقاندىن كېيىن ھېچقانداق مەسىلە يوقلۇقىنى بىلدۈردى.
53-مىنۇتتا ئاقسۇ كوماندىسى ئىنتايىن ياخشى يەردىن ئىختىيارى توپ تېپىش پۇرسىتىگە ئېرىشكەن بولسىمۇ توپ كىرمىدى.
54-مىنۇتتا ئاقسۇ كوماندىسى توپچىسىنىڭ ئۈسكەن توپى ياندىن چىقىپ كەتتى.
58-مىنۇتتا ئاقسۇ كوماندىسىنىڭ بىر قېتىملىق كاللا توپى ياندىن چىقىپ كەتتى.
61-مىنۇتتا خوتەن كوماندىسىنىڭ ئىنتايىن قىقاس ھۇجۇم قوزغاپ ئەڭ ئاخىرىقى پاسنى بەرمەي قالدى.
63-مىنۇتتا خوتەن كوماندىسىنىڭ يەكمۇيەك ھالەتتىكى ئۈسكەن توپى كىرمەي چىقىپ كەتتى.
65-مىنۇتتا خوتەن كوماندىسى تاكتىلىق ئادەم ئالماشتۇرۇش ئېلىپ باردى.
70-مىنۇتتا خوتەن كوماندىسى قايتۇرما ھۇجۇم قوزغىدى، شۇنداقلا خوتەن توپچىسى ئابدۇمالىكنىڭ توپى قاپقا تۆمۈرىنى سىيپاپ چىقىپ كەتتى.
73-مىنۇتتا ئاقسۇ كوماندىسى توپچىسىنىڭ يەكمۇيەك ھالەتتىكى توپى كىرمىدى.
مەيداننىڭ يۇقىرىدىن تارتىلغان كۆرۈنىشى.
77-مىنۇتتا ئىككى كوماندا ئوخشاش ۋاقىتتا ئادەم ئالماشتۇرۇش ئېلىپ باردى.
79-مىنۇتتا خوتەن كوماندىسى توپچىسىنىڭ يىراقتىن تەپكەن توپى ئېگىز چىقىپ كەتتى.
85-مىنۇتتا ئاقسۇ كوماندىسىنىڭ يەنە بىر قېتىملىق خەتەرلىك ھۇجۇمى توسۇۋېلىندى.
87-مىنۇتتا ئاقسۇ كوماندىسىنىڭ يەنە بىر قېتىملىق خەتەرلىك ھۇجۇمى بۇزۇلۇپ كەتتى.
ئاقسۇ كوماندىسى تاكتىكىلىق ئادەم ئالماشتۇرۇش ئېلىپ باردى.
90 مىنۇتلۇق مۇسابىقە ئاخىرلىشىپ ئىككى كوماندا 3 مىنۇتلۇق تولۇقلىما ۋاقتىغا قەدەم قويدى.
92-مىنۇتتا خوتەن كوماندىسى قائىدىگە خىلاپ ھەرىكەتكە ئۇچراپ ئىنتايىن ياخشى يەردىن ئىختىيارى توپقا ئېرىشتى. توپ ئىنتايىن ياخشى تېپىلگەن بولسىمۇ ئەپسۇس توپ كىرمىدى
كېيىنكى مىنۇتلاردا مۇسابىقە نەتىجىسىدە ئۆزگىرىش بولماي ئاقسۇ كوماندىسى 0:1 نەتىجىدە خوتەن كوماندىسىنى مەغلۇپ قىلىپ ئوڭۇشلۇق ھالدا تۆت كۈچلۈك كوماندا قاتارىغا كىردى.
