ئىلى-ئاقسۇ مۇسابىقىسىنى بۇنى بېسىپلا كۆرۈڭ
ئاتۇش لوڭقىسى 1/4 ھەل قىلغۇچ تولۇق ئاخىرلىشىپ تۆت كۈچلۈك كوماندا بارلىققا كەلدى، بۈگۈن ئىككىنچى مەيدان يېرىم ھەل قىلغۇچ مۇسابىقە ئىلى VS ئاقسۇ مۇسابىقىسى بېيجىڭ ۋاقتى 20:00دە ئوينىلىدۇ.
ماھىرلار مەيدانغا كىردى، مۇسابىقە باشلىنىش ئالدىدا.
ئاتۇش لوڭقىسى يېرىم ھەل قىلغۇچ ئىككىنچى مەيدان مۇسابىقىسى ئىلى بىلەن ئاقسۇ كوماندىسى مۇسابىقىسى باشلاندى.
10-مىنۇتتا ئاقسۇ كوماندىسى ئىنتايىن ياخشى يەردىن پۇرسەتكە ئېرىشتى، لېكىن شۇنداقلا ئىچىگە تاشلانغان توپنى ئاقسۇ كوماندىسى توپچىسى پۇرسەتنى ۋاقتىدا تۇتالماي كەتكۈزۈپ قويدى.
12-مىنۇتتا ئىلى كوماندىسى ئوڭ يولدىن قىستۇرۇلۇپ كىرىپ ھۇجۇم قوزغىدى، ئەمما توپ كىرمىدى.
ئارقىدىنلا ئاقسۇ كوماندىسى توپچىسى ئۇلاغات قائىدىگە خىلاپ ھەرىكەت قىلىپ ئىلى كوماندىسى توپچىسىنى يىقىتىۋەتكەنلىكى ئۈچۈن سېرىق كارتا بىلەن ئاگاھلاندۇرۇلدى.
16-مىنۇتتا ئاقسۇ كوماندىسى يەنە بىر قېتىملىق خەتەرلىك ھۇجۇمنى كەتكۈزۈپ قويدى.
17-مىنۇتتا ئاقسۇ كوماندىسى توپچىسى يىراقتىن ئىنتايىن چىرايلىق بىر توپ تېپىپ كىرگۈزدى، نەتىجە ئاقسۇ 0:1 ئىلى.
22-مىنۇتتا ئىلى كوماندىسى سول يولدىن توپ تاشلىدى، خەمىتنىڭ ئۈسكەن كاللا توپى ئېگىز چىقىپ كەتتى.
23-مىنۇتتا ئىلى كوماندىسى توپچىسىنىڭ ئوڭدىن تەپكەن توپىنى قاپقىچى توسۇپ چىقىرىۋەتتى، كېيىنكى بۇلۇڭ توپنىمۇ قاپقىچى تۇتۇۋالدى.
32-مىنۇتتا ئىلى كوماندىسى توپچىسىنىڭ يىراق ئارىلىقتىن تەپكەن توپى قاپقىغا چىرايلىق ماڭغان بولسىمۇ لېكىن قاپقىچى تۇتۇۋالدى.
33-مىنۇتتا ئىلى كوماندىسى توپچىسى توپ تالىشىشتا يىقىلدى، شۇنداقلا ئازراق يارىلىنىش ئەھۋالى كۆرۈلدى.
35-مىنۇتتا ئىلى كوماندىسى تاكتىكىلىق ئادەم ئالماشتۇرۇش ئېلىپ باردى.
39-مىنۇتتا ئىلى كوماندىسىنىڭ بىر قېتىملىق قوزغىغان خەتەرلىك ھۇجۇمى بۇزۇلۇپ كەتتى.
ئاقسۇ كوماندىسى توپچىلىرى رېپىرغا نارازىلىق بىلدۈرمەكتە.
42-مىنۇتتا ئىلى كوماندىسىنىڭ سول يولدىن چەكلەنگەن رايون ئىچىگە تاشلانغان توپى ياخشى ئۈسۈلگەن بولسىمۇ كىرمەي قالدى.
45 مىنۇتلۇق مۇسابىقە ئاخىرلىشىپ ئىككى كوماندا تۆت مىنۇتلۇق تولۇقلىما ۋاقتىغا قەدەم قويدى.
47-مىنۇتتا ئىلى كوماندىسى ھۇجۇم قوزغىدى، مۇزەپپەرنىڭ توختىماي قاپقا ئالدىدا ئادەم ئالداپ ئۆتۈپ تەپكەن توپى كىرمەي قالدى.
48-مىنۇتتا ئىلى كوماندىسى ھۇجۇم تەشكىللەۋاتقاندا ئاقسۇ توپچىسى يىقىلدى، رېپىر پۇشتەك چالغاچقا ئىلى توپچىلىرى نارازىلىق بىلدۈردى.
كېيىنكى مىنۇتلاردا مۇسابىقە نەتىجىسىدە ئۆزگىرىش بولماي ئاقسۇ كوماندىسى 0:1 نەتىجىدە ۋاقتىنچە ئۈستۈنلۈكتە تۇردى.
15 مىنۇۇتلۇق ئارام ئېلىشنى ئاخىرلاشتۇرغاندىن كېيىن توپچىلار مۇسابىقە مەيدانىغا قايتىپ كەلدى، كېيىنكى مەيدان مۇسابىقە باشلاندى.
ئىلى-ئاقسۇ مۇسابىقىسىنى بۇنى بېسىپلا كۆرۈڭ
47-مىنۇتتا ئىلى كوماندىسىنىڭ توپچىسى تەپكەن توپ ئېگىز چىقىپ كەتتى.
49-مىنۇتتا ئىلى كوماندىسىغا ئىنتايىن ياخشى بولغان ئورۇندىن ئىختىيارى توپ تېپىش پۇرسىتى كەلدى. ئەمما تاشلانغان توپ ياخشى بولماي قالدى.
51-مىنۇتتا ئىككى تەرەپ توپچىلىرى چەكلەنگەن رايون ئىچىدە بىر-بىرىنى كۆرمەي سوقۇلۇشۇپ كەتتى، كوماندا دوختۇرلىرى مەيدانغا كىردى.
مۇۇسابىقىنىڭ 55-مىنۇتىدا ئىلى كوماندىسى ھۇجۇم قوزغىدى، شۇنداقلا توپنى ياخشى ماسلىشىپ قاپقىغا كىرگۈزدى، نەتىجە ئىلى 1:1 ئاقسۇ
56-مىنۇتتا ئىلى كوماندىسىنىڭ يىراقتىن تەپكەن توپىنى قاپقىچى ئۇرۇپ چىقىرىۋەتتى.
58-مىنۇتتا ئاقسۇ كوماندىسى تاكتىكىلىق ئادەم ئالماشتۇرۇش ئېلىپ باردى.
67-مىنۇتتا ئاقسۇ كوماندىسى ھۇجۇم قوزغاپ ئىلى كوماندىسى چەكلەنگەن رايوندا نۇقتا توپ سوۋغا قىلدى.
رېپىر ۋار سىن ياردەمچىسىگە قاراپ بۇنىڭ نۇقتا توپ ياكى ئەمەسلىكىگە ھۆكۈم قىلماقتا.
رېپىر ۋار سىن ياردەمچىسىگە قارىغاندىن كېيىن بۇنىڭ نۇقتا توپ ئەمەسلىكىگە ھۆكۈم قىلدى، نەتىجە يەنىلا 0:0
76-مىنۇتتا ئاقسۇ كوماندىسى ھۇجۇم قوزغىدى، شۇنداقلا ھۇجۇمچى بىلەن قاپقىچى سۇقۇلۇپ كېتىپ كوماندا دوختۇرلىرى مەيدانغا كىردى.
82-مىنۇتتا ئىلى كوماندىسى ئادەم ئالماشتۇرۇش ئېلىپ باردى.
86-مىنۇتتا ئاقسۇ كوماندىسى يەنە بىر خەتەرلىك ھۇجۇم قوزغاپ ئۈسكەن توپنى قاپقىچى تۇتۇۋالدى.
87-مىنۇتتا ئاقسۇ كوماندىسىنىڭ يىراقتىن تەپكەن توپى خەتەر پەيدا قىلدى.
ئارقىدىنلا كوماندا ئادەم ئالماشتۇرۇپ تەڭشەش ئېلىپ باردى.
89-مىنۇتتا ئاقسۇ كوماندىسىنىڭ ياردەمچى تىرېنېرى تۆتىنچى رېپىرغا ئەدەپسىزلىك قىلغانلىقى ئۈچۈن بىۋاستە قىزىل كارتا ئالدى.
90 مىنۇتلۇق مۇسابىقە ئاخىرلىشىپ ئىككى تەرەپ 8 مىنۇتلۇق تولۇۇقلىما ۋاقتىغا قەدەم قويدى.
93-مىنۇتتا خەمىت ئوڭ يولدىن توپ ھەيدەپ كېلىپ يىقىتىۋېتىلدى، شۇنداقلا ياخشى ئورۇندىن ئىختىيارى توپ كەلدى.
توپنى باشلاشتىن بۇرۇن ئاقسۇ توپچىسىغا سېرىق كارتا بېرىلدى، ئىختىيارى توپ قايتا باشلاندى.
96-مىنۇتتا ئاقسۇ كوماندىسى توپچىسى قائىدىگە خىلاپلىق قىلىپ سېرىق كارتا ئالدى.
98-مىنۇتتا ئىلى كوماندىسى توپچىسىنىڭ نەچچە ئادەمنى ئالداپ ئۆتۈپ تەپكەن توپى كىرمىدى.
كېيىنكى مىنۇتلاردا مۇسابىقە نەتىجىسىدە ئۆزگىرىش بولماي ئىككى كوماندا 1:1 نەتىجىدە تەڭلىشىپ قالدى، شۇنداقلا رەھىمسىز نۇقتا توپ جېڭىگە قەدەم قويدى.
نۇقتا توپ جېڭى باشلاندى!
بىرىنچى ئايلانما: ئىلى كوماندىسى توپچىسى مۇزەپپەر تەپتى، توپ كىرمىدى، قاپقىچى توسۇۋالدى.
ئىككىنچى ئايلانما: ئاقسۇ كوماندىسى توپچىسى ئەخمەتجان تەپتى توپ كىردى. نەتىجە 0:1
ئۈچىنچى ئايلانما: ئىلى كوماندىسى توپچىسى رەھمۇتۇللا تەپتى، توپ كىردى.
تۆتىنچى ئايلانما: ئاقسۇ كوماندىسى توپچىسى دىلمۇرات تەپتى، توپ كىردى. نەتىجە 1:2
بەشىنچى ئايلانما: ئىلى كوماندىسى توپچىسى تەپتى، توپ كىردى. 2:2
ئالتىنچى ئايلانما: ئاقسۇ كوماندىسى توپچىسى تەپتى، توپ كىردى. نەتىجە 2:3
يەتتىنچى ئايلانما: ئىلى كوماندىسى توپچىسى مۇھەممەت تەپتى، قاپقىچى توسۇۋالدى. نەتىجە يەنىلا 2:3
سەككىزىنچى ئايلانما: ئاقسۇ كوماندىسى توپچىسى مۇھەممەت تەپتى، توپ كىردى، نەتىجە 2:4
بۇ مەيدان مۇسابىقىدە ئاقسۇ كوماندىسى 3:5 ئومۇمىي نەتىجىدە ئىلى كوماندىسىنى مەغلۇپ قىلىپ ھەل قىلغۇچقا كىردى.
