ئۈندىدار سالونى خەۋىرى، نۇر تورى تەرجىمىسى:
يېقىندا، تېببىي ژۇرنال «Cureus» كىشىنى ھەيران قالدۇرىدىغان يېڭى كېسەللىك دوكلاتىنى ئېلان قىلدى.باخچېشىر داشۆسىنىڭ دوختۇرلىرى بىر يېڭى كېسەللىك مىسالىنى تاپشۇردى، يەنى 35 ياشلىق بىر ئايالنىڭ بەدىنى دائىم كونتروللۇقىنى يوقىتىدۇ، جىنسىي ئەزاسى توختىماي ئۆزگىرىپ تۇرىدۇ، دائىم قانداقتۇر جىنسىي ھاياجانلىنىش گېردابىغا بېرىپ قالىدۇ، ھەتتا خىزمەت قىلىۋېتىپلا بولالماي قالىدۇ... ئۇنىڭ ئازابى ۋە خىجىللىقى كۈندىن-كۈنگە كۈچىيىپ، ئۇنى تۈگەشتۈرۈش ئەھۋالىغا كېلىپ قالغان.
بۇ خانىمنىڭ ئازاب-ئوقۇبىتىنى يېرىم يىل بۇرۇن سۈرۈشتۈرۈشكە بولىدۇ. دەسلەپتە، ئۇ ھەمىشە شەخسىي ئەزاسىدىن كەلگەن ئۇيۇشۇش ۋە سانجىپ ئاغرىش سېزىمىنى ھېس قىلغان، كېسەللىك ئالامەتلىرى دەسلەپتە جىنسىي ئەزا رايونى بىلەنلا چەكلىنىپ، ئاندىن تەرتىپ بويىچە ئوڭ ۋە سول پۇتىغا تارقالغان.
ئۇ ئۆرە تۇرغان، ھەرىكەت قىلغان ۋە ئۇخلىغان مەزگىلدە ھېچقانداق مەسىلە كۆرۈلمەيدۇ، لېكىن ھەر قېتىم توختاپ ئارام ئالغاندا ياكى ئۇخلاشتىن بۇرۇن، ئۇنىڭدا كۈچلۈك بىئاراملىق تۇيغۇسى پەيدا بولىدۇ، تۆۋەنكى مۈچىسىنى ھەرىكەتلەندۈرگەندىلا ئاندىن ئۇنى پەسەيتكىلى بولىدۇ، بۇ ئىشلار ئۇنىڭ كەچتە پەقەتلا ئۇخلىيالماسلىقىنى كەلتۈرۈپ چىقارغان. ئاستا-ئاستا، ئىش بارغانسېرى ئېغىرلىشىپ، بۇ خىل بىئاراملىق كېچىدە كۆرۈلۈپلا قالماي، كۈندۈزىمۇ كۆرۈلۈشكە باشلىغان.
بىمار دوكلات قىلىپ، ئۇنىڭدا سىجىل، كونترول قىلغىلى بولمايدىغان بىئاراملىق كۆرۈلۈشكە باشلىغانلىقىنى ئېيتقان. ئۇ ئۆزىنىڭ پۈتۈن كۈن ئۆزلۈكىدىن ھاياجانلىنىدىغانلىقىنى، خىزمەتكە چىققاندا تۇيۇقسىز مۇشۇ ئىش سەۋەبلىك خىجىلچىلىقتىن ئۆلۈپ كەتكۈدەك بولىدىغانلىقىنى، تەسۋىرلىگۈسىز دەرىجىدە بىئارام بولىدىغانلىقىنى ئېيتقان. ئۇنىڭ تۇرمۇشى كېسەللىك ئالامەتلىرى سەۋەبلىك بارا-بارا گۇمران بولۇپ، خىزمەت ئۈنۈمى بىراقلا چۈشۈپ كەتكەن، زېھنىي كۈچىمۇ زور دەرىجىدە خوراپ كەتكەن.
ئۇ تەرەپ-تەرەپتىن دوختۇر ئىزدىگەن، لېكىن دوختۇرلار ئۇنىڭ نېرۋا سىستېمىسىنى تەكشۈرۈپ، بىر قاتار ئۇلترا ئاۋاز دولقۇنى ۋە قان تەكشۈرۈش ئېلىپ بارغان، نەتىجىدە ھەممە نەرسە قارىماققا «نورمال» كۆرۈنگەن.
ئاخىرىدا، دوختۇرلار ئۇنى كىلىنىكىدا مەۋجۇت بولغان ئىككى خىل توسالغۇ كېسىلىگە گىرىپتار بولغان بولۇشى مۇمكىن دەپ پەرەز قىلغان. جىنسىي ئەزا بىئارام بولۇش يىغىندى كېسەللىك ئالامىتى (RSG) ۋە سىجىل خاراكتېرلىك جىنسىي ئەزانىڭ ھاياجانلىنىشى توسالغۇغا ئۇچراش (PGAD).
ئالدى بىلەن جىنسىي ئەزا بىئارام بولۇش يىغىندى كېسەللىك ئالامىتى (RSG) توغرىسىدا توختىلايلى.
جىنسىي ئەزا بىئارام بولۇش يىغىندى كېسەللىك ئالامىتى ئاڭلىماققا «پۇت بىئارام بولۇش يىغىندى كېسەللىك ئالامىتى»گە ئازراق ئوخشايدۇ. مېدىتسىنادا، بۇ ئىككىسىنىڭ ھەقىقەتەن بەلگىلىك باغلىنىشى بار، ھەتتا بەزى دوختۇرلار ئۇنى بۇ كېسەلنىڭ «تىپىك بولمىغان» شەكلى دەپ ئايرىغان.
«پۇت بىئارام بولۇش يىغىندى كېسەللىك ئالامىتى» بىمارنىڭ ئارام ئالغاندا پۇتىدا كۈچلۈك بىئاراملىق تۇيغۇسى پەيدا بولۇپ، ئادەمنى ئىختىيارسىز ھالدا پۇتىنى جىددىي ھەرىكەتلەندۈرۈشكە ئۈندەيدۇ، بۇ خۇددى سانسىزلىغان كىچىك قۇرتلارنىڭ مۇسكۇل ئىچىدە قالايمىقان ئۆمىلەپ يۈرگەنلىكى ياكى يىڭنە سانجىغاندەك بولىدىغانلىقىنى كۆرسىتىدۇ.
«جىنسىي ئەزا بىئارام بولۇش يىغىندى كېسەللىك ئالامىتى» كىشىنى تېخىمۇ ئوڭايسىزلاندۇرىدۇ، ئۇنىڭ پىرىنسىپى پۇت بىئارام بولۇش پىرىنسىپىغا ئوخشىشىپ كېتىدۇ، لېكىن بىئاراملىق ۋە تىت-تىت بولۇش سېزىمى جىنسىي ئەزا رايونىدا پەيدا بولۇپ، ئۇزاققا سوزۇلغان «ھەرىكەت قىلىش ئارزۇسى»نى پەيدا قىلىدۇ، ئادەمنى بەك ئوسال ئەھۋالغا چۈشۈرۈپ قويىدۇ.
«جىنسىي ئەزانىڭ ھايانلىنىشى توسالغۇغا ئۇچراش (PGAD)»غا كەلسەك، ئاددىي قىلىپ ئېيتقاندا، بۇ بىر خىل سىجىل بولغان جىنسىي ئەزا ھاياجانلىنىش ھالىتى بولۇپ، بىمارنىڭ ھېچقانداق ئارزۇسى ۋە غىدىقلىشى بولمىغان ھالەتتىمۇ يەنىلا سەۋەبسىزلا قوزغىلىدۇ، ھاياجانلىنىش، ھەتتا دائىم يۇقىرى پەللىگە چىقىدۇ.
ئادەمنى ئەڭ ئازابلايدىغىنى شۇكى، بۇ خىل تۇيغۇ خۇشاللىق ئېلىپ كەلمەيدۇ، ئەكسىچە ئۇنىڭغا كۆيۈش، تىت-تىت بولۇش ۋە چوڭقۇر نومۇس تۇيغۇسى قوشۇلۇپ، ئادەمنى بىئارام قىلىدۇ. جىنسىي ئەزانىڭ ھايانلىنىشى توسالغۇغا ئۇچراش بىمارلىرى ئادەتتە ئۆزىنى چەكسىز «خۇشاللىق گىرۋىكى»گە قاپسىلىپ قالغاندەك ھېس قىلىدۇ، ھەر قېتىم بۇ تۇيغۇ كەلگەندە نېرۋا سىستېمىسىنى قىينىغاندەك ھېس قىلىدۇ.
ئىلگىرى ئۆزىنىڭ بۇ خىل كېسەلگە گىرىپتار بولغانلىقىنى ئاشكارا تىلغا ئالغان يەنە بىر ئايال ئامېرىكىنىڭ رود ئارىلىدىكى 21 ياشلىق ئوقۇغۇچى ۋاررېن. ئۇنىڭ ئازابى ئالتە يېشىدىن باشلانغان بولۇپ، ئۇ چاغدا ئۇ خۇددى نۇرغۇن قۇرت مېڭىۋاتقاندەك شەخسىي قىسمىنىڭ چىدىغۇسىز ئاغرىۋاتقانلىقىنى ۋە كۆيۈۋاتقانلىقىنى ھېس قىلغان.
ئۇنىڭ پۈتكۈل بالىلىق دەۋرىنى بۇ خىل ئۈزلۈكسىز داۋاملاشقان نېرۋا ئاغرىقى چىرمىۋالغان بولۇپ، باشقا بالىلار بىلەن غەم-ئەندىشىسىز ئويناشقا ئامالسىز قالغان. ئۇ مۇنداق دېگەن: «مەن كىچىكىمدىن تارتىپلا بۇ خىل ئازابنى باشتىن كەچۈرگەن، دائىم كۆيۈپ كەتكەندەك ھېس قىلىمەن، ئۇ پەقەت نېرۋا ئاغرىقىنىلا ئېلىپ كېلىدۇ، ھېچقانداق خۇشاللىق يوق.»
13 يېشىدا بالاغەتكە يېتىش مەزگىلىگە كىرگەندىن كېيىن كېسەللىك ئالامەتلىرى ئاندا-ساندا بىر نەچچە كۈن يوقايدۇ، ئەمما كېيىنكى قايتا قوزغىلىش ياندۇرۇش ۋە سەۋەبسىز ھاياجانلىنىشنى تېخىمۇ كۈچەيتىۋېتىدۇ، ھەتتا ئۇ ھەرخىل مايلارنى شۇ يېرىگە سۈركەپ توختىتىشنى سىناپ باقماقچى بولغان بولسىمۇ لېكىن پايدىسى بولمىغان، ئۇ مۇنداق دېگەن: «جىنسىي ئەزانىڭ ھايانلىنىشى توسالغۇغا ئۇچراش كېسىلىنىڭ ئۆزى مېنى چىدىغۇسىز ھالغا چۈشۈرۈپ قويدى، بۇ بىر خىل غەلىتە ھەم ئادەمنى قىينايدىغان تۇيغۇ. كېيىن مەن پەسەيتىش مېيىنى ئىشلىتىپ يېنىكلەتمەكچى بولدۇم، بۇ خىل ئۇسۇل گەرچە كېسەل داۋالىمىسىمۇ، لېكىن ھېچ بولمىغاندا دىققىتىمنى بۇرىغىلى بولىدىغانلىقىنى بايقىدىم. مەن شۇ خىل ماي كەلتۈرۈپ چىقارغان ئاغرىقنى ھېس قىلىشقا رازىمەنكى، جىنسىي ئەزانىڭ ھايانلىنىشى توسالغۇغا ئۇچراش كېسىلىگە بەرداشلىق بېرىشنى خالىمايمەن.»
گەرچە بۇ ماينى سۈركەش ئېغىر دەرىجىدە زەمبۇرۇغدىن يۇقۇملىنىشنى كەلتۈرۈپ چىقارغان بولسىمۇ، لېكىن ئۇ يەنىلا بۇ خىل سېزىمىنىڭ جىنسىي ئەزانىڭ ھايانلىنىشى توسالغۇغا ئۇچراش كېسىلىگە بولغان ئاغرىقىغا بەرداشلىق بېرىشتىن كۆپ ئاسان ئىكەنلىكىنى بىلدۈرگەن.
15 يىلدىن بۇيان، ئۇ قۇتۇلالمىغان، پۈتۈن كۈن ئۆگىنىش ۋە خىزمەت قىلىشقا ئامالسىز قالغان، بۇمۇ ۋاررېننىڭ ئۆسمۈرلۈك دەۋرىنى يالغۇزلۇق ۋە تەشۋىشكە سېلىپ قويغان، ھەتتا ئوبسېسسىئونال نېۋروزىيە كېسىلىنى كەلتۈرۈپ چىقارغان. 2020-يىلى تولۇق ئوتتۇرا مەكتەپنى پۈتتۈرۈشتىن بۇرۇن، ۋاررېن ئالىي مەكتەپتە ئوقۇش ئۈچۈن داۋالاش ياردىمى تەلەپ قىلىشنى قارار قىلغان.
18 ياشقا كىرگەندە ئۇ سەمىمىيلىك بىلەن ئاتا-ئانىسىغا خەت يېزىپ، ئۇلارغا مۇنداق دېگەن: «مەن بەدىنىمنىڭ ماڭا ھۇجۇم قىلىۋاتقانلىقىغا ئىشىنىمەن، داۋاملىشىۋاتقان نېرۋا ئاغرىقى ئادەتتىكى ئاغرىقتىن خېلىلا ئېشىپ كېتىپ، مەن پۈتۈنلەي يوشۇرالمايدىغان، كونترول قىلالمايدىغان دەرىجىگە بېرىپ يەتتى.»
ئارقىدىن، دوختۇر ئۇنىڭغا جىنسىي ئەزانىڭ ھايانلىنىشى توسالغۇغا ئۇچراش كېسىلى دەپ دىياگنوز قويغان
ئۇنىڭ بەدىنىدە يەنە باشقا بىر قىسىم مەسىلىلەر بار، مەسىلەن، تۇغما نېرۋا ئۆسۈش خاراكتېرلىك مەقئەت ئاغرىقى، تۇغما قوش جىنسىي يول ئاغرىقى ۋە خامۇشلۇققا قارشى دورىلار كەلتۈرۈپ چىقارغان ئىقتىدار توسالغۇسى (جىنسىي ئەزا ئۇيۇشۇش) قاتارلىقلار ھەممىسى ئۇنىڭ داس سۆڭىكىنىڭ يۇقىرى دەرىجىدە سەزگۈر بولۇشىنى كەلتۈرۈپ چىقارغان.
ئاخىرىدا، دوختۇر ئۇنىڭ سىرتقى جىنسىي ئەزاسىنى ئېلىۋېتىش ئوپېراتسىيىسى قىلدۇرۇشىغا ياردەم بېرىپ، ئۇنى يەڭگىللىتىشنى ئۈمىد قىلغان.
Reddit مۇنبىرىدە، بىر جىنسىي ئەزانىڭ ھايانلىنىشى توسالغۇغا ئۇچراش بىمارىمۇ ئۆزىنىڭ كەچۈرمىشلىرىنى بايان قىلىپ مۇنداق دېگەن: «بۇ خىل سېزىم بالىياتقۇ بوينى رايونىدا ئەڭ كۈچلۈك بولىدۇ. ماڭا نىسبەتەن ئېيتقاندا، بۇ خىل كەچۈرمىش تۇيۇقسىز يۈز بەرگەن ئەمەس، بەلكى ئاستا-ئاستا توپلىنىش جەريانى، بۇ جەريان ھەمىشە يۇقىرى دولقۇن بىلەن ئاخىرلاشمايدۇ، مەن ئۆزۈمنىڭ قانداق قىلغاندا يۇقىرى پەللىگە چىققان بولىدىغانلىقىمنى بىلمەيمەن!»
ئەھۋالى «ياخشى كۈن»دە، ئۇ تەخمىنەن ئۈچ قېتىمدىن بەش قېتىمغىچە بۇ ئىشنى باشتىن كەچۈرىدۇ. ئەمما «ناچار كۈنلەر»دە بۇ سان 25 قېتىمغا يېتىشى مۇمكىن. ئۇنىڭ بىر كۈندە باشتىن كەچۈرگەن ئەڭ كۆپ قېتىم سانى 50 قېتىم. كىشىنى ئۈمىدسىزلەندۈرىدىغىنى شۇكى، ئۇ ئۆزىنى كونترول قىلىشقا ئامالسىز قالغان، شۇنىڭ بىلەن ئۇ سىرتقا چىقىشنى خالىماي، كۈن بويى ئۆيىگە بېكىنىۋالغان، شۇنىڭ بىلەن بىر ۋاقىتتا ئاغرىق، كۆڭلى ئېلىشىش، ھەتتا قۇسۇش قاتارلىق ئاۋارىچىلىقلارغا ئۇچرىغان.
يەنە بىر 29 ياشلىق ئايال، ھەر كۈنى 50 قېتىم كونترول قىلغىلى بولمايدىغان قوزغىلىشنى باشتىن كەچۈرگەچكە، قاتتىق ئازابلانغان. بۇ خىل دائىملىق ھەم كەسكىن ئەھۋال ئۇنى نورمال خىزمەت ۋە ئىجتىمائىي ئالاقىدىن مەھرۇم قىلىپ، تۇرمۇشتا يالغۇز، يار-يۆلەكسىز قالغان. ئۇ قاتتىق تەشۋىشلىنىش ۋە خامۇشلۇق كېسىلىگە گىرىپتار بولۇپ، ئەڭ ئاخىرىدا كەسپىي پىسخىكىلىق داۋالاشنى ئىزدەشكە مەجبۇر بولغان.
كىشىنى ئەڭ ئېچىندۇرىدىغىنى گرېتچېن مورانىننىڭ پاجىئەسى-ئۇ 23 ياش ۋاقتىدا بۇ كېسەلگە گىرىپتار بولغان، بەزىدە بىر كۈندە ئۇدا 50 قېتىم بۇ كېسەل قوزغىلىپ، ئۇنى قاتتىق ئازابلىغان. ئۇنىڭ كېسەللىك ئالامەتلىرى 10 نەچچە يىلدىن كېيىنمۇ يەنىلا پەسەيمىگەن، ئاخىرىدا 39 يېشىدا ئۇ ئۆلۈۋېلىشنى تاللىغان.
سۆزلەپ مۇشۇ يەرگە كەلگەندە، باشتىكى بۇ 35 ياشلىق بىمار ئۈستىدە توختالغاندا: ئۇ يۇقىرىدا ئېيتىلغانلاردىن بەكرەك تەلەيلىك ئىكەن. بۇ 35 ياشلىق بىمارغا قارىتا، دوختۇرلار ئۇنىڭغا پراكىسو دەپ ئاتىلىدىغان بىر خىل دورا يېزىپ بەرگەن، بۇ خىل دورا ھەرىكەت قىلىشقا مەسئۇل چوڭ مېڭە ھورمۇنى دوپامىنغا تەسىر كۆرسىتىدۇ. ژۇرنالنىڭ دوكلاتىغا ئاساسلانغاندا، بىر قىسىم دورا مىقدارىنى تەڭشىگەندىن كېيىن، بىمارنىڭ كېسەللىك ئالامەتلىرى يېنىكلىگەن.
نۆۋەتتە، بۇ خىل كېسەللىك ئىنتايىن ئاز ئۇچرايدىغان بولغاچقا، دوختۇرلار پەقەت ئاز-ئازدىن سىناپ، دورىنى ئاز-ئازدىن سىناپ باقسا بولىدۇ، داۋالاش ئۈنۈمى يەنىلا ئادەمگە قاراپ پەرقلىق بولىدۇ. لېكىن بىمارلارغا نىسبەتەن ئېيتقاندا، بۇ خىل كېسەللىك ئۇلارنىڭ فىزىيولوگىيەلىك ساغلاملىقىنى نابۇت قىلىپلا قالماي، يەنە روھىي ھالىتىگىمۇ چوڭقۇر تەسىر كۆرسىتىدۇ.
تېببىي تەتقىقاتنىڭ يەنىمۇ تەرەققىي قىلىپ، بۇ كېسەلنى ئۈزۈل-كېسىل داۋالاش ئۇسۇلىنى تېپىپ چىقىپ، ئىلگىرى ئازاب-ئوقۇبەت تارتقان كىشىلەرنى قايتىدىن خۇشال ۋە ئەركىن تۇرمۇشقا ئېرىشتۈرۈشىنى ئۈمىد قىلىمىز...
