سۈرەتنى بېسىپ كىنو كۆرۈشنى باشلىۋېتىڭ
![]()
ئۈندىدار سالونى خەۋىرى، نۇر تورى تەرجىمىسىيېقىندا، 52 ياشلىق بىر ئەرگە ئاۋسترالىيەدە جازا ھۆكۈم قىلىنغان، ئۇ ۋىكتورىيە ئىشتاتىدا «چېگرا سىرتىدا ئادەم ئېلىپ سېتىش» جىنايىتى بىلەن جازالانغان تۇنجى كىشى بولۇپ قالغان.بۇ دېلونى 10 يىلنىڭ ئالدىدىن باشلاپ سۆزلەشكە توغرا كېلىدۇ...دەۋاگەر بىلەن ئايالى ئافرىقا دۆلىتى سۇداندىن بولۇپ، 2010-يىلى ئىككىسى باشقىلارنىڭ زورى بىلەن توي قىلغان. 2012-يىلى ئېرى كېپىل بولۇپ، ئايالى جورا ۋىزىسى بىلەن ئاۋسترالىيەگە كۆچۈرۈپ ئەكېلىپ، ئەر-خوتۇن جەم بولغان.شۇ يىلى ئايالى ئىككىيلەننىڭ تۇنجى بالىسىنى يەڭگىگەن، ئىككى يىلدىن كېيىن يەنە ئىككىنچى بالىسىنى يەڭگىگەن. لېكىن بۇ ئىككى يىل ئىچىدە، ئايالى ئېرىنىڭ ئۆزگەرگەنلىكىنى بايقىغان. يولدىشى ئايالىغا ئائىلە زوراۋانلىقى قىلىشقا باشلىغان، ئېرىدە كونترول قىلىش ئىستىكى ئىنتايىن كۈچلۈك بولۇپ، بەزىدە ھەتتا ئۆلتۈرۈۋېتىدىغانلىقى توغرىسىدا تەھدىت سالغان.ئەر يەنە ئايالىنىڭ يانفون ئىشلىتىشىگە، ئائىلىسىدىكىلەر ۋە دوستلىرى بىلەن ئالاقىلىشىشىغا يول قويماي، ئائىلىنىڭ مالىيە چوڭ ھوقۇقىنى كونترول قىلىپ، ئايالىنىڭ سىرتتىن ياردەم تەلەپ قىلىشىغا توسقۇنلۇق قىلغان، ئايالىمۇ ئۇنىڭدىن قورقۇشقا باشلىغان.ئەگەر ئايالى ئۇنىڭ تەلىپى بويىچە ئىش قىلمىسا، مەسىلەن، ئۆزىنىڭ ياخشى ئاغىنىسىنىڭ بالىسىغا ھەقسىز قاراپ بېرىشىگە ئۇنىمىسا، ئۇ ئايالىنىڭ ۋىزىسىنى بىكار قىلىپ، بالىسىنى ئېلىپ كېتىپ، ئۇنى ئۆلتۈرۈۋېتىمەن دەپ تەھدىت سالغان.2014-يىلى 9-ئاينىڭ 15-كۈنى، بۇ بىر جۈپ ئەر-ئايال بالىسىنى ئېلىپ سۇداندىكى يۇرتىغا قايتقان، چۈنكى ئېرى ئايالى ۋە بالىسىنى ئېلىپ دەم ئېلىشقا بارىدىغانلىقىنى ئېيتقان. ئەمما ھېچكىم ئېرىنىڭ مەقسىتىنىڭ ئايالىنى تاشلىۋېتىش ئىكەنلىكىنى ئويلاپمۇ باقمىغان.ئۇلار سۇدانغا قايتىپ كەلگەندىن كېيىن، ئېرى كىچىك ۋاقتىدا تۇرغان ئۆيدە تۇرغان، ئۇ يەر بەك كونا بولۇپ، ھەممە يەر مەينەت ئىدى، ئايالى باشقا بىر جاينى تېپىپ بىر ئائىلە كىشىلىرىگە تاماق ئېتىپ بېرىشكە مەجبۇر بولغان.9-ئاينىڭ 26-كۈنى ئېرىنىڭ قايتا-قايتا چىڭ تۇرۇشى بىلەن، ئايالى ئانىسىنىڭ ئۆيىگە قايتىپ تاماق ئەتكەن، ئېرى ئىككى بالىسىنى ئېلىپ ئۆيدە قالغان. لېكىن ئايالى ئەتكەن تاماقنى ئېلىپ قايتىپ كەلگەندە، ئېرى بىلەن بالىسىنىڭ يوقاپ كەتكەنلىكىنى، يەنە ئۆزىنىڭ پاسپورتى ۋە ساياھەت كىنىشكىسىنىڭمۇ يوقاپ كەتكەنلىكىنى بايقىغان.ئەسلىدە ئېرى ئۇنى قەستەن ئېلىپ كېلىپ، پۇرسەتتىن پايدىلىنىپ ئىككى بالىسىنى ئېلىپ ئاۋسترالىيەگە قايتىپ كېتىپ، ئايالىنى يالغۇز سۇدانغا تاشلىۋەتكەن ئىكەن.تېخىمۇ ھەيران قالارلىقى، شۇ يىلى 6-ئايدا، يەنى ئۇلار سۇدانغا قايتىشتىن بۇرۇن، ئېرى كۆچمەنلەر ئىدارىسىگە يالغاندىن، ئۆزىنىڭ ئايالى بىلەن ئايرىلىپ تۇرۇۋاتقانلىقىنى ئېيتىپ، جورىسىنىڭ ۋىزىسىنى بىكار قىلغانلىقىنى ئۇقتۇرغان، نەتىجىدە ئايالى چېگرىدىن چىققاندىن كېيىن، قانۇنلۇق ۋىزا بولمىسا ئاۋسترالىيەگە قايتالماس بولۇپ قالغان.سۇدانغا قايتقاندا، ئۇ قەستەن ئايالىنى قايمۇقتۇرۇپ، ئۇنى ئىناۋەتلىك ۋىزىسى بولغاندىكىن، ھەر ۋاقىت ئاۋسترالىيەگە قايتالايدىغاندەك ھېس قىلدۇرغان.ئېرى بالىسى ۋە كىنىشكىسىنى ئېلىپ قېچىپ كەتكەندىن كېيىن، ئايالى ئاندىن ئۆزىنىڭ ئالدانغانلىقىنى ھېس قىلغان. ئۇ ئاۋسترالىيەنىڭ قوشنا دۆلەتتىكى باش ئەلچىخانىسى بىلەن ئالاقىلىشىپ، جورىسىنىڭ ۋىزىسىنىڭ ئەمەلدىن قالدۇرۇلغانلىقىنى بىلگەن.2014-يىلى 10-ئايدىن 2016-يىلى 1-ئايغىچە، ئۇ كۆپ قېتىم ئاۋسترالىيە ھۆكۈمىتىگە قايتا ۋىزا بېرىشنى ئىلتىماس قىلغان، لېكىن رەت قىلىنغان، چۈنكى ئېرى ئۇنىڭغا كېپىل بولۇشنى خالىمىغان. بۇ مەزگىلدە كۆچمەنلەر تارماقلىرى ئۇنىڭ ئاۋسترالىيەدە تۇغۇلغان ئىككى بالىسى بارلىقىنى بىلمەيتتى.كېيىن، قانۇن ياردىمى ۋە كۆچمەنلەرنى قوللاش مۇلازىمىتىنىڭ ياردىمىدە، ئاۋسترالىيە ئىچكى ئىشلار مىنىستىرلىقى ئۇنىڭغا ۋاقىتلىق ۋىزا بېرىپ، ئۇنىڭ 2016-يىلى 2-ئاينىڭ ئاخىرىدا ئاۋسترالىيەگە قايتىشىغا رۇخسەت قىلغان.16 ئاي ساقلىغاندىن كېيىن، ئايالى ئاخىرى ئاۋسترالىيەگە قايتىپ كېلىپ، بالىسىنى كۆرەلەيدىغان بولغان.ئېرىنىڭ ئازدۇرۇشى ۋە ئىككى يىلدىن بۇيانقى ئانا-بالا ئايرىلىش ئازابى بۇ ئايالنى جىسمانىي ۋە روھىي جەھەتتىن قاتتىق چارچىتىپ قويغان، ئۇ ئىلگىرى قاتتىق ئازابلانغان، روھىي جەھەتتىن تۈگىشىپ كەتكەن.ئۇنىڭ ئۈستىگە، ئېرىنىڭ سۇيىقەستى خوتۇنىغا زىيانكەشلىك قىلىپلا قالماي، كىچىك بالىسىغىمۇ زىيانكەشلىك قىلغان، ئۇلارنىڭ چوڭ ئوغلى ئايرىلىش ئاپىسىنىڭ ئەمدى قايتىپ كېلەلمەسلىكىدىن ئەنسىرەپ، بىر كۈنىمۇ ناھايىتى تەستە ئۆتكەن.2022-يىلى ئاۋسترالىيە ساقچىلىرى بۇ ئەرنى «چېگرا سىرتىدا ئادەم ئېلىپ-سېتىش» جىنايىتى بىلەن ئەيىبلىگەن. بۇ ئەيىبلەش زىيانكەشلىككە ئۇچرىغۇچىنىڭ ئارزۇسىغا خىلاپ ھالدا تەھدىت سېلىش ياكى ئالداش ۋاسىتىسى ئارقىلىق، زىيانكەشلىككە ئۇچرىغۇچىنى ئاۋسترالىيەدىن ئايرىۋېتىشنى كۆرسىتىدۇ.لېكىن دەۋاگەر جىنايىتىنى بوينىغا ئالماي، دېلونىڭ نۇرغۇن تەپسىلاتىغا قارىتا باشقىچە پىكىرنى ئوتتۇرىغا قويغان.ئۇنىڭ ئادۋوكاتىمۇ ئۇنى ئاقلاپ، ئىككى بالىنىڭ بۇ قېتىمقى دېلودا زىيانكەشلىككە ئۇچرىغۇچى ھېسابلانمايدىغانلىقىنى ئېيتقان. بۇ يىل 7-ئايدىكى جازا ئۆلچەش ئىسپات ئاڭلاش يىغىنىدا، ئايالى سوتتا بىر پارچە خەت ئوقۇغان بولۇپ، خەتتە بالىنىڭ رۇخسىتىسىز ئېلىپ كېتىلگەنلىكى، ئۇنىڭ تەسەۋۋۇر قىلغۇسىز ئازابقا دۇچار بولغانلىقى، بالىسىدىن ئايرىلىپ قالغانلىقىنىڭ ھاياتىدىكى ئەڭ ئېچىنىشلىق كەچۈرمىش ئىكەنلىكى يېزىلغان.سوت مەھكىمىسى مۇنداق دەپ قارىغان: «دەۋاگەرنىڭ تۈرلۈك قىلمىشلىرى ئۇنىڭ ئالدىن پىلانلىغانلىقىنى ئىسپاتلاپ بېرەلەيدۇ.»سوتچى ئەگەر بۇ ئايال ئۆزىنىڭ ۋىزىسىنىڭ ھەقىقىي ئەھۋالىنى بىلسە، ئاۋسترالىيەدىن ئايرىلمايدىغانلىقىنى كۆرسەتكەن. سوتچى يەنە مۇنداق دېگەن: «بالىدىن تۇيۇقسىز ئايرىلىش بۇ ئايالغا غايەت زور جىسمانىي ۋە روھىي ئازاب ئېلىپ كەلدى، سىز ئۇنى خالىغانچە تاشلىۋەتكىلى بولىدىغان نەرسە دەپ قارىدىڭىز.»ئۇنىڭ ئۈستىگە، دەۋاگەرنىڭ قىلمىشىمۇ بالىلارنى بۇ ياش باسقۇچىدا بەھرىمەن بولۇشقا تېگىشلىك ھوقۇقتىن مەھرۇم قىلغان، بۇمۇ دەۋاگەرگە ئېغىر جازا ھۆكۈم قىلىشنىڭ بىر ئامىلى.سوتچى دەۋاگەرنىڭ ياخشى تەربىيە كۆرگەنلىكىنى، جەمئىيەت ئېڭىنىڭ كۈچلۈك ئىكەنلىكىنى، لېكىن پۇشايمان قىلىش ۋە جىنايى قىلمىشقا بولغان تونۇشىنىڭ كەمچىل ئىكەنلىكىنى بايقىغان. ئۇنىڭ يەنە بىر قېتىم جىنايەت ئۆتكۈزۈش ئېھتىماللىقى بىر قەدەر تۆۋەن، ئەگەر جازا ئۆتەش ئارقىلىق ئۆزىنىڭ جىنايى قىلمىشىنى تولۇق تونۇپ يەتسە ۋە خاتالىقى ئۈستىدە ئويلانسا، خاتالىقىنى تۈزىتىپ يېڭىدىن ئادەم بولۇش ئېھتىماللىقى بىر قەدەر چوڭ ئىكەنلىكىنى بىلدۈرگەن.ئاخىرىدا، سوت مەھكىمىسى دەۋاگەرگە تۆت يېرىم يىللىق قاماق جازاسى ھۆكۈم قىلغان، ئاز دېگەندە ئۈچ يىل ئۈچ ئاي جازا ئۆتىگەندىن كېيىن، ئاندىن شەرتلىك قويۇپ بېرىش سالاھىيىتىگە ئېرىشەلەيدۇ.بۇ دېلودىكى بۇ ئايالنىڭ كەچۈرمىشى ئاۋسترالىيەدىلا بار ئەمەس.نۇرغۇن ئايال كۆچمەنلەر جورىسى ۋىزىسىنى ئەمەلدىن قالدۇرۇش، شۇنداقلا جىنسىي خورلاش، ئىقتىسادىي جەھەتتىن خورلاش، جىسمانىي جەھەتتىن خورلاش ۋە روھىي جەھەتتىن خورلاش قاتارلىق مەسىلىلەرگە دۇچ كەلمەكتە.بۇنىڭ ئىچىدە بىر قەدەر تىپىك بولغىنى چېگرا سىرتىدىكى نوپۇس سودىسى.ئاۋسترالىيەنىڭ قانۇنىغا ئاساسەن، چېگرا سىرتىدىكى ئادەم بېدىكچىلىكىمۇ ئادەم بېدىكچىلىكىنىڭ بىر خىل شەكلى بولۇپ، زىيانكەشلىككە ئۇچرىغان ئاياللارمۇ ئادەتتە ئائىلە زوراۋانلىقىغا ئۇچرىغان، كۆپىنچىسىدە ۋاقىتلىق ۋىزا ياكى جورا ۋىزىسى بار ئاياللار.پىرىيا چېگرا سىرتىدىكى ئادەم بېدىكلىرىنىڭ زىيانكەشلىكىگە ئۇچرىغۇچى، ئۇ جەنۇبىي ئاسىيا دۆلىتىدىن كەلگەن، ئېرى ئاۋسترالىيەلىك. ئۇ ئاۋسترالىيەگە كېلىپلا ئېرى ئۇنى خورلاشقا ۋە ئۇنىڭغا تەھدىت سېلىشقا باشلىغان، بۇ ئۇنى مېلبۇرندىكى ئۆيىدىن ئايرىلىشقا جۈرئەت قىلالمايدىغان قىلىپ قويغان.كېيىن، پىرىيا ئېرى بىلەن شەرقىي جەنۇبىي ئاسىياغا بېرىپ دەم ئالماقچى بولغان، ئۇ بۇ قېتىمقى سەپەردە ئەر-خوتۇنلۇق مۇناسىۋىتىنى ئەسلىگە كەلتۈرۈشىگە تەقەززا بولغان. ساياھەت بولغاندىكىن، ئۇنداقتا ۋىزا مەسىلىسىگە چېتىلىدۇ.پىرىيا ساياھەت ۋىزىسى بىلەن ئاۋسترالىيەگە كەلگەن، ئۇ چاغدا ۋىزىنىڭ ۋاقتى توشاي دەپ قالغان بولۇپ، ئۇ جورىسىنىڭ ۋىزىسىنىڭ تەستىقلىنىشىنى ساقلاۋاتاتتى، ئەگەر شەرقىي جەنۇبىي ئاسىياغا ساياھەتكە بارسا، يېڭى ساياھەت ۋىزىسى بىلەن ئاۋسترالىيەگە قايتىپ كېلەلەيتتى.لېكىن ئۇلار يولغا چىقىشتىن بىر كۈن بۇرۇن، ئېرى تۇيۇقسىز ئۆيدىن چىقىپ كېتىپ، قايتىپ كەلمىگەن.بىر نەچچە سائەتتىن كېيىن، پىرىيا ئېرىنىڭ ئايرىلىپ كەتكەنلىك قىسقا ئۇچۇرىنى تاپشۇرۇۋالغان، ئېرى ئۇنى ئاۋسترالىيەدىن ئايرىلىشقا ئاگاھلاندۇرغان.پىرىيا ئالاقزادە بولۇپ كەتكەن، ئۇنىڭ ھازىرقى ساياھەت ۋىزىسىنىڭ ۋاقتى توشاي دەپ قالغان بولۇپ، ئۇ ئۆزىنىڭ باشقا تاللىشى يوق دەپ ئويلاپ، ئاۋسترالىيەدىن ئايرىلىپ، تايلاند ئارقىلىق جەنۇبىي ئاسىيادىكى يۇرتىغا قايتىپ كەلگەن.ئۇ بىر نەچچە ئاي ۋاقىت سەرپ قىلىپ، ئۆزىنىڭ ئاۋسترالىيەدىكى قانۇنلۇق ھوقۇقىنى تەتقىق قىلىپ، ساياھەت ۋىزىسى بېجىرىپ قايتىپ كەتكەن. كېيىن ئۇ يەنە قانۇن ياردىمىگە ئېرىشىپ، بۇ يىل ئاۋسترالىيەدە مەڭگۈلۈك تۇرۇش ھوقۇقىغا ئېرىشكەن.ھازىر، ئۇ پۈتۈن زېھنى بىلەن ئاۋسترالىيەدىكى تۇرمۇشىنى قايتا قۇرۇۋاتىدۇ، كۈنلەرنىڭ بىرىدە كۆچمەنلەر قانۇنىنى ئۆگىنىپ، باشقىلارغا ياردەم بېرىشنى ئۈمىد قىلىدۇ.تاراتقۇلارنىڭ خەۋىرىگە قارىغاندا، ساقچى تەرەپ ئالدىنقى مالىيە يىلىدا بۇ خىل دېلودىن جەمئىي 30نى تاپشۇرۇۋالغان. ئۆتكەن بەش يىلدا، بۇ خىل دېلولارنىڭ سانى يىلدىن-يىلغا كۆپەيگەن، 2018-يىلىدىن 2019-يىلىغىچە بولغان مالىيە يىلىدا دوكلات قىلىنغان دېلولارنىڭ سانى ئاران 13 بولغان. ئۇنىڭ ئۈستىگە، بۇنداق دېلولارنى بىر تەرەپ قىلىش بىر قەدەر قىيىن.دېلو مەلۇم قىلىش نىسبىتى تۆۋەن بولغاچقا، ساقچىلارنىڭ ئەرز قىلىشى تەس، ئۇنىڭ ئۈستىگە زىيانكەشلىككە ئۇچرىغۇچىلار دائىم ئۆزىنىڭ ئاۋسترالىيەدە بەھرىمەن بولىدىغان قانۇنلۇق ھوقۇقىنى چۈشەنمەيدۇ، جورىسىنىڭ ئۆچ ئېلىشىدىن قورقىدۇ ياكى تىل توسالغۇسى قاتارلىق ئامىللار سەۋەبلىك دەۋانىڭ قىيىنلىق دەرىجىسى ئېشىپ كېتىدۇ.شۇنى كۆرۈۋېلىش تەس ئەمەسكى، چېگرا سىرتىدىكى ئادەم ئالداپ سېتىش دېلولىرىدا، زىيانكەشلىككە ئۇچرىغان ئاياللار كۆپ ھاللاردا يار-يۆلەكسىز قېلىپ، خەتەرلىك، ئاجىز ئورۇندا تۇرىدۇ.تۈرلۈك ئەھۋاللار ئاۋسترالىيە ساقچىلىرى ۋە بىر قىسىم كۆچمەنلەر ھوقۇقىنى قوغداش ئورگانلىرىنى ئىنتايىن ئەندىشىگە سالماقتا. ھېسسىيات يوقالسا، ئىنسانىيلىقمۇ يوقىلىشى مۇمكىن. شۇڭا بۇ دۆلەتلەرنىڭ قانۇنى تېخىمۇ مۇكەممەللەشسە، ئاندىن بۇ كۆچمەن ئاياللارنىڭ غەم-ئەندىشىسىنى ھەل قىلغىلى بولىدۇ...ﻧﯘﺭ ﺗﻮﺭﯨﺪﺍ ﺋﺎﻟﯩﻲ ﺋﻪﺯﺍ ﺑﻮﻟﺴﺎ ﺋﺎﭘﺘﻮﻣﺎﺗﯩﻚ ﭘﯘﻝ ﺗﯘﺗﯘﻟﻤﺎﻳﺪﯗ!!!بۇ ئىككىلىك كودنى بېسىپ نۇر ئەپنى چۈشۈرۋېلىڭئەمدى تىل جەھەتتە قىينالمايسىزتۇرمۇش، خىزمەت، ئۆگىنىش جەھەتتە سىزنىڭ تىل ياردەمچىڭىز نۇر تەرجىمانى كەلدىتەرجىمە دېتاللىرىغا ئايدا بەش ئون كوي تۆلەۋەتقان دوستلارغا خۇشخەۋەر ئەمدى تۆلىمەڭ بۇنى ئىشلىتىڭ.ئايفون ئىشلەتكۈچىلىرى بۇ كودنى سىكانېرلاپ چۈشۈرسىڭىز ياكى ئەپ بازىرىدىن nur输入法 دەپ ئىزدەپ چۈشۈرۋالسىڭىزمۇ بولىدۇ.سالونىمىزغا ئېلان بەرمەكچى بولسىڭىز ئالاقىلىشىڭيانفون ۋە ئۈندىدار: 13779038552
