سۈرەتنى بېسىپ كىنو كۆرۈشنى باشلىۋېتىڭ
چارلىز ئەسلىدە مەلىكە بىلەن توي قىلالايتى، لېكىن كامىلا ئىشنى بۇزغان
ئۈندىدار سالونى خەۋىرى، نۇر تورى تەرجىمىسى
ھەممىگە مەلۇمكى، ئەنگلىيەنىڭ ھازىرقى پادىشاھى چارلىز IIIنىڭ ئىككى تۇرمۇشى بولغان، بىرىنچىسى 1981-يىلى كۆپچىلىكنىڭ دىققەت-ئېتىبارىدا دىياننا بىلەن قىلغان تويى، شۇ يىلى ئۇ 33 ياشقا كىرگەنىدى.
ۋاقچە توي قىلغان شۇنداقمۇ؟ لېكىن چارلىزنىڭ ئامالى يوق، ئۇنىڭ ئۇزۇندىن بۇيانقى ئارزۇسى 30 ياشتىن بۇرۇن ھاياتتىكى چوڭ ئىشلارنى تاماملاش ئىدى، بولمىسا ئۇنىڭ ۋەلىئەھدى سالاھىيىتىمۇ گۇمانغا ئۇچرايتتى.
ئەپسۇسلىنارلىقى شۇكى، گەرچە تۇغۇلۇشىدىنلا پادىشاھلىق تەختىگە ۋارىسلىق قىلىدىغان ئادەم بولسىمۇ، لېكىن تەلىيى ئوڭدىن كەلمىگەن، 25 يېشىدىن باشلاپ 30 يېشىغىچە جەمئىي تۆت ساھىبجامالنى ئالماشتۇرغان.
ئەمەلىيەتتە، چارلىزنىڭ سالاھىيىتى بىلەن، ئۇ مەلىكە دەرىجىسىدىكى قىز بىلەن توي قىلماقچى بولغان، لېكىن ئەڭ ئاخىرىدا پەقەت ئاقسۆڭەكنىڭ قىزى بىلەن توي قىلغان، ئۇنىڭ قېيىنئاتىسى يەنىلا ئۆزىنىڭ ئايال پادىشاھ ئانىسىنىڭ ياساۋۇلى بولۇپ، بۇمۇ ئۇنىڭ كۆڭلىگە ياقمىغان بىر تەرىپى.
ئۇنداقتا چارلىز نېمە ئۈچۈن بىر مەلىكە بىلەن توي قىلىپ، ئۆزىنىڭ ۋەلىئەھدى سالاھىيىتىنى ئۆستۈرمەيدۇ؟ ئۇمۇ ئويلىغان، لېكىن بىر مەلىكە كامىلا بارلىقىنى بىلىپ، چارلىزدىن ئۆزىنى قاچۇرغان.
ئەينى يىلى چارلىز ئۈچ قېتىم توي تەكلىپى قويۇپ باققان بولۇپ، شۇ چاغقىچە 29 ياشقا كىرگەنىدى، ئاخىرى ئائىلە مۇناسىۋىتى ئارقىلىق لىيۇكسېمبۇرگنىڭ مەلىكىسى مارى ئاسترىد (Marie Astrid) بىلەن تونۇشقان، ئۇنىڭ ئۈستىگە مارى مەلىكە بولۇپلا قالماي، يەنە لىيۇكسېمبۇرگ ياشلار قىزىل كىرېست جەمئىيىتىنىڭ رەئىسى دەرىجىلىك مۇنەۋۋەر قىز ئىدى.
مارىنىڭ دادىسى لىيۇكسېمبورگ كىنەزى، ئانىسى بولسا بېلگىيە مەلىكىسى، ئۇنىڭ كېلىپ چىقىشى ۋە ئۆزىنىڭ مۇنەۋۋەرلىكى دىياننادىن كۆپ ئۈستۈن تۇرىدۇ.
مۇھىم نۇقتا شۇكى، ئۇ دىياننادىن نەچچە ياش چوڭ، چارلىزدىن ئالتە ياش كىچىك.
ئادىللىق بىلەن ئېيتقاندا، بۇ ياش پەرقىدە ھېچ بولمىغاندا ئۇلارنىڭ ئارىسىدا ئورتاق تېما كۆپ بولمايدۇ، ئۇنىڭ ئۈستىگە ئۇلار خان جەمەتىدىن كېلىپ چىققان، نېمىنىڭ سەۋر قىلىش ۋە مەسئۇلىيەتنى ئۈستىگە ئېلىش ئىكەنلىكىنى تېخىمۇ چۈشىنىدۇ، ھەرگىز دىياننادە مۇھەببەتنى مۇھىم ئورۇنغا قويۇۋالمايدۇ.
چارلىز مارى بىلەن ئارىلاشقاندىن كېيىن ئۆزىنى ناھايىتى ياخشى ھېس قىلغان، مەلىكە ھەيۋەتلىك، سالاپەتلىك بولۇپ، خان جەمەتىنىڭ ياشاش يولىنى پىششىق ئىگىلىگەن.
مەيلى روھىي جەھەتتىن بولسۇن ياكى روھىي جەھەتتىن بەرداشلىق بېرىش جەھەتتە بولسۇن، ئۇ چوقۇم مەلىكىنىڭ رولىنى تېخىمۇ ياخشى ئالالايتتى، ئايال پادىشاھنىمۇ رازى قىلالايتتى.
1977-يىلى ئەنگلىيەنىڭ تاراتقۇلىرىدا، ۋەلىئەھدى چارلىزنىڭ پات ئارىدا مەلىكە مارى ئاسترىد بىلەن تويغا پۈتىشىدىغانلىقى توغرىسىدا خەۋەر تارقالغان.
ئەمما بۇ خەۋەر تارقالغاندىن كېيىن، تۇيۇقسىز جىمىپ قالغان. چارلىز كېيىن قارىماققا يۇمۇرىستىك بىر جاۋاب بەرگەن: «بىر-بىرىنى تونۇمايدىغان كىشىلەر تويغا پۈتۈشمەيدۇ، خان جەمەتى تويغا ئارىلىشىۋالمايدۇ.»
ئېيتىشلارغا قارىغاندا، مەلىكە مارى شاھزادە چارلىز بىلەن بولغان توينى رەت قىلغان، سەۋەبى بولسا دەل كامىلا.
چارلىز بولسا 1970-يىلى كامىلا بىلەن تونۇشقان، ئىككىسىنىڭ ئىشى ھەممىگە پۇر كەتكەن، ئەڭ قىزىق يېرى شۇكى، ئۇ ئاننا ۋاللاس ئىسىملىك بىر ئايال بىلەن ئارىلاشقان، بۇ ئايال ئاخىرىدا كامىلا سەۋەبىدىن ۋەلىئەھدىنى بىۋاستە رەت قىلغان: «ھاياتىمدا ئەزەلدىن بۇنداق ناچار مۇئامىلىگە ئۇچراپ باقمىغانىدىم، ھېچكىم ماڭا ئۇنداق مۇئامىلە قىلمايدۇ، سىز (چارلىز) بولمايدىكەنسىز.»
ئەسلىدە چارلىز ئۇسسۇل ئويناۋاتقاندا كامىلانى كۆرۈپ قالغان، شۇنىڭ بىلەن لايىقى ئانناغا سوغۇق مۇئامىلە قىلغان، نەتىجىدە مۇشۇنداق ئېچىنىشلىق ئەھۋالغا چۈشۈپ قالغان.
مارى مەلىكىمۇ ئەخمەق ئەمەس-تە. ئۇ چارلىز توغرىسىدىكى گەپ-سۆزلەرگە بەرداشلىق بېرەلىگىنى بىلەن، كۈندىشى بار بولۇپ قېلىشقا بەرداشلىق بېرەلمىگەن.
شۇنداق قىلىپ، ئەسلىدە ئەڭ ماس كېلىدىغان لايىق دەپ قارالغان، شۇنداقلا خان جەمەتىنىڭ ئەڭ ئېتىراپ قىلىشىغا ئېرىشكەن بۇ مۇناسىۋەتنى چارلىز بۇزۇپ تاشلىغان، ئۇنىڭ كامىلا بىلەن بولغان مۇناسىۋىتى ئۇنىڭ ھاياتىغا تەسىر كۆرسىتىدىغان چوڭ ئىش بولۇپ قالغان.
ساددا دىياننانىڭ چارلىزنىڭ باشقىلار بىلەن ئىشى بارلىقىنى بىلىپ تۇرۇپ، يەنىلا تويدىن يانمىغانلىقى كىشىنى ھەقىقەتەن ھەيران قالدۇرىدۇ.
ئەلۋەتتە، دىياننانىڭ ئاقىۋىتىمۇ ناھايىتى ئېچىنىشلىق بولغان. دىياننا مەلىكىلىك ئۇنۋانىدىن مەھرۇم بولۇپلا قالماي، يەنە 15 يىل سوغۇق مۇئامىلىگە ئۇچرىغان، ئاخىرىدا ئۆزىنىڭ ئورنىنى كامىلا تارتىۋالغان. ئۇ چارلىزدىن ئاجرىشىپ بىر يىلغا يەتمىگەن ۋاقىت ئىچىدە، ھاياتىنى ئېچىنىشلىق ھالدا ئاخىرلاشتۇرغان.
