سۈرەتنى بېسىپ كىنو كۆرۈشنى باشلىۋېتىڭ
توۋتياۋ تورى خەۋىرى، نۇر تورى تەرجىمىسى:
يەنە بىر يىللىق تۇغۇلغان كۈن يېتىپ كەلدى، چېڭلوڭ (成龙) 69 ياشقا كىردى. ئەمما بۇ گۇمپا چولپىنىنىڭ ئارام ئالغۇدەك بوش ۋاقتى يوق، ئۇ يەنىلا يېڭى كىنوسىنىڭ تەشۋىقات خىزمىتى بىلەن ئالدىراش يۈرمەكتە.
10-ئاينىڭ 7-كۈنى، چېڭلوڭ سەھنىدە تۇراتتى، ئۇنىڭ يۈزىدىكى قورۇقلار ئىلگىرىكى يىللاردىكىدىن سەل چوڭقۇرلاشقان ھەم كۆزلىرى تەسۋىرلىگۈسىز يالغۇزلۇققا تولغان ئىدى.
ئۇنىڭ 65 ياشلىق ئىنىسى، يەتتە كىچىك بەختنىڭ بىرى بولغان يۈەن بياۋ چېڭ جەمەتى سىنىپىنىڭ ئەزالىرىنى باشلاپ نەق مەيدانغا كىرىپ، ئۇنىڭغا بەخت تىلىگەن. ئىككى قەدىناس دوست سەھنىدە ئوينىشىپ، چاقچاقلىشىپ، نۇرغۇن كىشىلەرنىڭ ياشلىق ئەسلىمىسىنى ئويغاتقان.
ۋاقىت ئۇچقاندەك ئۆتسە، قەھرىمان ئاسان قېرىيدۇ. يېقىندا بىر قېتىملىق زىيارەتتە، چېڭلوڭ كۆزلىرىگە ياش ئالغان ھالدا كۆڭلىدىكى ئازابنى بايان قىلغان. ئۇ ئۆزىنىڭ ئىزچىل كېيىنكى «چېڭلوڭ»نى ئىزدەۋاتقانلىقىنى، ئەمما نۇرغۇن توسالغۇلارغا دۇچ كەلگەنلىكىنى ئېتىراپ قىلغان.
«ھازىر بىر ئادەمنىڭ ماھارىتى ھەرقانچە ياخشى بولسىمۇ، ھېچقانداق خوجايىن ئۇنىڭغا مەبلەغ سېلىشنى خالىمايدۇ» دېدى چېڭلوڭ ئامالسىز. ئۇ ۋاقىتنىڭ كەينىگە يېنىپ، ئۆزى نام چىقارغان دەۋرگە قايتىپ، ھەقىقىي گۇمپىچى يىگىتكە ئازراق پۇرسەت بېرىشىنى بەكمۇ ئۈمىد قىلاتتى.
جاڭ يىمو زىيارەتتە مۇنداق دېگەن: «چېڭلوڭ ئېنىقكى بىز جۇڭگولۇقلارنىڭ پەخرى، مەن كەلگۈسىنى مۆلچەرلىيەلمەيمەن، لېكىن چېڭلوڭغا ئوخشاش بىر گۇمپىچى يىگىتنىڭ ئۆزىنىڭ تىرىشچانلىقى ۋە ئەمەلىي كۈچى ئارقىلىق بىر سەھىپە ئېچىپ، جۇڭگو مەدەنىيىتى ۋە روھىنى دۇنياغا تونۇتالايدىغانلىقىغا ئىشىنىمەن.»
بۇ گەپنى ئاڭلىغان چېڭلوڭ ئىنتايىن ئۈمىدسىزلەنگەن بولسا كېرەك، خۇددى 1971-يىلى چامباشچى سالاھىيىتىدە كىنو ساھەسىگە قەدەم قويغان، 50 نەچچە يىلنى بېشىدىن ئۆتكۈزگەن چامباشچى يىگىتكە ئوخشاش، چېڭلوڭ ئىزچىل جۇڭگو مەدەنىيىتىنى پۈتۈن دۇنياغا تارقىتىش ئۈچۈن تىرىشقان.
لېكىن ھازىرقى ئەھۋالچۇ؟ ئۇ پەقەت ئۆز دەۋرىنىڭ ئاستا-ئاستا ئۆتۈپ كېتىشىگە، گۇمپا فىلىملىرىنىڭ ئاستا-ئاستا قاراڭغۇلۇققا يۈزلىنىشىگە قاراپ تۇرغان. ھازىر، «جۇڭگونىڭ گۇمپا فىلىملىرى ئۆلدى» دېگەن سەپسەتىلەر بارغانسېرى كۆپەيمەكتە، «گۇمپا چولپىنى»مۇ دەۋر تۇيغۇسىغا ئىگە ئاتالغۇغا ئايلانغان.
چېڭلوڭنىڭ ئۈمىدسىزلىنىشى ئۇنىڭ كەسپىي ھاياتىغا بولغان ھەسرەت بولۇپلا قالماستىن، بەلكى يەنە مەۋجۇت بولمىغان دەۋرگە بولغان ئامالسىزلىقتىن بولغان. ئۇ 69 ياشتىن ئىبارەت بۇ كىشىلىك ھاياتنىڭ مۇھىم تۈگۈنىدە تۇرۇپ، ئۆتمۈشنى ئەسلىگىنىدە، قەلبىدە ھەر خىل ھېسسىياتلار پەيدا بولغان.
ئىلگىرى بىر مەھەل داڭق چىقارغان گۇمپا چولپىنى، ھازىر پەقەت دەۋر دولقۇنىنىلا كۆرەلەيدۇ، لېكىن ئامالسىز قالغان.
مانا بۇ چېڭلوڭنىڭ 69 ياشقا كىرگەن تۇغۇلغان كۈنىنىڭ ھازىرقى ھالىتى بولۇپ، ئامالسىزلىق ۋە ھەسرەتكە تولغان. لېكىن شۇنداق بولسىمۇ، چېڭلوڭ يەنىلا ئۆز كەسپىدە چىڭ تۇرۇپ، كىنو ئۈچۈن چېپىپ يۈرمەكتە. چۈنكى ئۇ پەقەت تىنىقى بولسىلا، جۇڭگو گۇمپا كىنوچىلىقى ئۈچۈن ئۈزلۈكسىز يول ئېچىپ ئالغا ئىلگىرلەيدىغانلىقىنى ئوبدان ھېس قىلغان.
گۇمپا كىنولىرىنىڭ شان-شەرىپى تىلغا ئېلىنسا، بىز پۈتۈن دۇنيانىڭ جۇڭگوغا بولغان تونۇشىنى ئۆزگەرتكەن ھېلىقى ئەرگە سەل قارىساق بولمايدۇ، بۇ ئەر دەل لى شياۋلوڭ.
لى شياۋلوڭ نام چىقىرىشتىن بۇرۇن چەتئەللىكلەر جۇڭگولۇقلارغا قانچىلىك دوستانە مۇئامىلە قىلىدۇ دەپ قالماڭ. ھەتتا جۇڭگولۇقلارنى مەككار قارا نىيەتلەرگە ئوخشىتىپ، چىڭ سۇلالىسىنىڭ يەرلىك فورمىسىنى كىيىپ، ئۇزۇن ئۆرۈمە چاچ قويغانلارمۇ بولغان.
ئۇلار يەنە جۇڭگولۇقلارنى كېسەلچان، ھۇرۇن بەڭگى دەپ قارايدۇ.
«شەرقىي ئاسىيادىكى كېسەل ئادەم» دېگەن سۆز خۇددى بىر شاپىلاق سالغاندەك، بارلىق جۇڭگولۇقلارنىڭ يۈزىگە قاتتىق ئۇرۇلغان.
كېيىن لى شياۋلوڭ پەيدا بولغان، ئۇنىڭ قامەتلىك ھەم زىلۋا بەدىنى، ئۆتكۈر كۆزلىرى، يەنە كىشىنىڭ يۈرەك تارىنى چېكىدىغان گۇمپا ھەركەتلىرى بار. «جىڭۋۇ سارىيى»دا ئۇ چېن جېننىڭ رولىنى ئېلىپ، «شەرقىي ئاسىيادىكى كېسەل ئادەم» دېگەن ۋىۋىسكىنى بىر تېپىك بىلەن سۇندۇرىۋەتكەن.
شۇنىڭدىن كېيىن، غەربلىكلەرنىڭ جۇڭگولۇقلارغا بولغان ئۆلۈك تەسىراتى بىتچىت قىلىنغان.
لى شياۋلوڭنىڭ پەيدا بولۇشى خەلقئارادا جۇڭگونىڭ ئوبرازىنى ئۆزگەرتكەن، ئۇ داڭق چىقىرىشتىن بۇرۇن، جۇڭگولۇقلار «شەرقىي ئاسىيادىكى كېسەل كۆرپىسى» دەپ ئاتالغان، لېكىن ئۇ داڭق چىقارغاندىن كېيىن، ھەممە ئادەم جۇڭگولۇقلارنى گۇمپا بىلىدۇ، دەپ قاراپ، دۇنيانىڭ جۇڭگوغا بولغان قارىشىنى ئۆزگەرتكەن.
دەل ئۇنىڭ تۆھپىسى بولغاچقا، «kungfu» دېگەن سۆز ئىنگلىز تىلى لۇغىتىگە رەسمىي كىرگۈزۈلگەن.
«دەۋر ھەپتىلىك ژورنىلى» 20-ئەسىردە دۇنياغا تەسىر كۆرسەتكەن 100 داڭلىق شەخسنى باھالاپ چىققان بولۇپ، بۇنىڭ ئىچىدە جۇڭگودىن پەقەت ئىككىسىلا تىزىملىككە كىرگەن، لى شياۋلوڭمۇ شۇلارنىڭ بىرى. ئۇ ئۆزىنىڭ ئۆزگىچە ئۇسۇلى ئارقىلىق جۇڭگونى دۇنيانىڭ دىققەت مەركىزىگە ئايلاندۇرغان.
چېڭلوڭ لى شياۋلوڭدىن كېيىنكى دەۋرگە ۋەكىللىك قىلىدىغان داڭلىق چولپان بولۇپ، ئۇ مۇۋەپپەقىيەتلىك ھالدا جەكى چان دېگەن بۇ ئىسىمنى پۈتۈن دۇنياغا تونۇتقان، 1995-يىلى قويۇلغان «خوڭفەن رايونى» ناملىق كىنودا چېڭلوڭ مۇۋەپپەقىيەتلىك ھالدا جەڭ قىلغان خەلقئارا كىنو ساھەسىگە كىرگەن ھەمدە شىمالىي ئامېرىكا چەتئەل تىلى فىلىملىرىنىڭ بېلەت كىرىمى رېكورتىنى بىراقلا بۇزۇپ تاشلىغان.
شۇنىڭدىن كېيىن، ئۇ ئامېرىكا «نيۇيورك ۋاقىت گېزىتى»نىڭ «تارىختىكى ئەڭ ئۇلۇغ 20 ھەرىكەتلىك كىنو چولپىنى» تىزىملىكىدە بىرىنچى ئورۇندا تۇرغان ھەمدە ئوسكار ئۆمۈرلۈك مۇۋەپپەقىيەت مۇكاپاتىغا ئېرىشكەن تۇنجى جۇڭگولۇق ئارتىس بولۇپ قالغان.
بىر قېتىم بىر چەتئەللىك مۇخبىر چېڭلوڭدىن سىزنىڭ كىنورىڭىزدىكى ئالاھىدە ئۈنۈمنى قانداق ئىشلىدىڭىز دەپ سورىغاندا، ئۇ ئاددىيلا قىلىپ: «بۇلارنىڭ ھەممىسىنى ئۆزۈم ئىشلىگەن!»
چېڭلوڭدىن باشقا، لى ليەنجيېمۇ ناھايىتى قالتىس ھەرىكەتلىك فىلىم ئارتىسى. ئۇ رول ئالغان «خۇاڭ فېيخۇڭ»، «فاڭ شىيۈ» قاتارلىق كىنولاردا ئۇنىڭ ھەرىكەتلىك كۆرۈنۈشلىرى بىر مۇشت، بىر پەشۋاسى ئۆتكۈر بولۇپ، جۇڭگولۇقلارغا خاس روھ ۋە مەردانە گۈزەللىكنى نامايان قىلغان.
يېقىندا قويۇلغان «جون ۋىك 4»تە جېن زىدەننىڭ ئىپادىسى ئىنتايىن قالتىس بولدى دېيىشكە بولىدۇ، ھەتتا باش پېرسوناژ كىنۇ رېۋېستىن ئېشىپ كەتكەن.
بۇ گۇمپا چولپانلىرى جۇڭگو خەلقى ئۈچۈن نۇرغۇن گۈزەل ئارزۇلارنى ياراتقان. ھېلىقى «شاۋلىن سارىيى» ئېسىڭىزدىمۇ؟ 80-يىللاردا بىر بېلەت بىر مو ئىدى، لى ليەنجيې باش رول ئالغان بۇ كىنو يۈز مىليون يۈەندىن ئارتۇق بېلەت كىرىمى ياراتقان.
ۋاڭ باۋچياڭ شۇلارنىڭ بىرى، ئۇ كەنت بېشىدا ئېكراندا لى ليەنجيېنىڭ چامباشچىلىق ھەرىكەتلىرىنى كۆرۈپ، شاۋلىن سارىيىغا بېرىپ چامباشچىلىق ئۆگىنىشكە ئىرادە باغلىغان، بۇ ئارزۇسىنى ئەمەلگە ئاشۇرۇش ئۈچۈن، ئۇ 10 سائەتلىك يېشىل رەڭلىك پويىزدا ئولتۇرغان ھەمدە ئالتە يىلدىن بۇيان پەقەت بىر قېتىملا ئۆيىگە قايتىپ كەلگەن.
ئۇ چاغدا، چامباشچىلىق ئەڭ قىزىق كەسىپ ئىدى. «چېن جەمەتى سىنىپى»، «خۇڭ جەمەتى سىنىپى»، «ليۇ جەمەتى سىنىپى»، «يۈەن جەمەتى سىنىپى»دىن ئىبارەت تۆت چوڭ چامباشچىلىق كوللېكتىپى ئۆزئارا رىقابەتلىشىش ۋەزىيىتىنى شەكىللەندۈرگەن، جۇڭگو گۇمپىسى چەتئەل ھەرىكەتلىك ئارتىسلىرى تەرىپىدىن سېھرىگەرلىككە ئوخشاش ئورۇنلانغان.
بۇ مەزگىل گۇمپا فىلىملىرىنىڭ ئالتۇن مەزگىلى دەپ ئاتالغان، بۇ كۆڭۈل ئېچىش بولۇپلا قالماي، يەنە جۇڭگو مەدەنىيىتىنى نامايەن قىلىدىغان كۈچلۈك نام كارتىسى. ئۇ پۈتۈن دۇنيانى جۇڭگو گۇمپىسىغا مەپتۇن قىلىپ، نۇرغۇن چەتئەللىكلەرنى چىن قەلبىدىن تەلپۈنىدىغان، جۇڭگوغا كېلىپ چامباشچىلىق ئۆگىنىشتىن قورقمايدىغان قىلىپ قويغان.
ئۇ چاغدىكى ئېكراندا ھەر بىر تېپىل، ھەر بىر مۇشت جۇڭگولۇقلارنىڭ پەخرى ئىدى. ئۇنداق چاغلارنى پەقەت قەلبنىڭ چوڭقۇر قاتلىمىدىلا ئىنچىكىلىك بىلەن تېتىغىلى بولىدۇ.
گۇمپا كىنولىرىنىڭ سەلتەنىتىگە كەلسەك، كىشىلەر ھەمىشە ئاشۇ قايناق ھېسسىيات ئۇرغۇپ تۇرغان ھەرىكەتلىك كۆرۈنۈشلەرنى ئەسكە ئالىدۇ. لېكىن بىلەمسىز، بۇ كۆرۈنۈشلەرنىڭ ئارقىسىغا ھەرىكەتلىك ئارتىسلارنىڭ قان-تەرى سىڭگەن.
چېڭلوڭنىڭ ئىسمى «پىداكار سابۇرو»نىڭ ئالماش سۆزى بولۇپ، ئۇ ئىزچىل سىياقداش ئارتىس ئىشلىتىشنى رەت قىلىپ كەلگەن، شۇڭا بۇ يىللاردا ئۇنىڭ بەدىنىدىكى چوڭ-كىچىك يارىلار ئۈزۈلمىگەن. توردا ئۇنىڭ يارىسىنىڭ رەسىمى بار.
ئەڭ خەتەرلىك كۆرۈنۈش شۇكى، «ئەجدىھا ئاكا، يولۋاس ئۇكا»نى سۈرەتكە ئالغاندا، ئۇ تىك ياردىن ئېگىزلىكى 15 مېتىر كېلىدىغان بىر تۈپ دەرەخكە سەكرىمەكچى بولغاندا، دەرەخ شېخى تۇيۇقسىز سۇنۇپ كېتىپ، يىقىلىپ چۈشۈپ، بېشى تش ئۈستىگە قاتتىق ئۇرۇلغان، ئۇ باش سۆڭىكىنى ئېچىش ئوپېراتسىيەسى قىلدۇرغاندىن كېيىن ئاران ھايات قالغان، ھازىرغىچە بېشى ئولتۇرۇشۇپ كەتكەن بولۇپ، تۇتسا يۇمشاق بىلىنىدۇ.
چېڭلوڭ خىزمەتتە ناھايىتى جان تىكىپ ئىشلىگەچكە، سۇغۇرتا شىركىتى تەرىپىدىن قارا تىزىملىككە كىرگۈزۈلگەن. سىپىلبېرگ بىر قېتىم ئۇنىڭدىن قانداق قىلىپ بىر بىنادىن يەنە بىر بىناغا سەكرىگەنلىكىنى سورىغاندا، چېڭلوڭ كۈلۈپ تۇرۇپ مۇنداق جاۋاب بەرگەن: «ئەمەلىيەتتە بۇ ناھايىتى ئاددىي، پەقەت ئۈچ باسقۇچ-ماشىنىنى ئېچىش، سەكرەش، دوختۇرخانىغا كىرىش.»
ۋۇ جىڭ فىلىم سۈرەتكە ئېلىۋاتقاندا پۇتى يارىلانغان، شۇ كۈنى ئۇ پەقەت ھاسىغا تايىنىپ شيې نەن بىلەن توي مۇراسىمىنى ئۆتكۈزگەن. چېڭلوڭلا ئەمەس، باشقا ھەرىكەتلىك ئارتىسلارمۇ ھاياتى بىلەن ئېلىشىۋاتىدۇ. خەۋەر قىلىنىشىچە، ۋۇ جىڭنىڭ بەدىنىدە جەمئىي 100 نەچچە يىپ تىكىلگەن يارا ئىزى بار ئىكەن.
لى ليەنجيې «خۇاڭ فېيخوڭ»نى سۈرەتكە ئېلىۋاتقاندا، سول پۇتىنىڭ ئوشۇقى ئېغىر دەرىجىدە سۇنۇپ كەتكەن، پۈتۈن پۇتى 180 گىرادۇس ئېگىلەلەيدىغان بولۇپ، پۇتىنىڭ ئالقىنى ئۆزىگە ئۇدۇل كەلگەن. جاۋ ۋېنجو فىلىم سۈرەتكە ئېلىۋاتقاندا، پۇت سۆڭىكى سۇنۇپ كەتكەن، لېكىن ئۇ يەنىلا گىپىس سۈركەپ، ئاندىن نەق مەيدانغا بېرىپ فىلىم سۈرەتكە ئالغان، جېن زىدەن فىلىم سۈرەتكە ئېلىۋاتقاندا، قۇتقۇزۇش ماشىنىسى ھەر ۋاقىت سىرتتا ئالاھىدە ئەھۋال يۈز بېرىشىنىڭ ئالدىنى ئېلىش ئۈچۈن ساقلاپ تۇرىدىغان ھالەت شەكىللەنگەن.
ئۇ چاغدا، چەتئەللىك ئارتىسلار جۇڭگو شياڭگاڭغا كېلىپ ھەرىكەتلىك فىلىم سۈرەتكە ئالغاندا، خۇددى «جازا ئۆيى»گە بۆسۈپ كىرگەندەك قىلاتتى. بىر چەتئەللىك ئارتىسنىڭ ئەسلەپ بېرىشىچە، خوڭ جىنباۋنىڭ بىر مۇشتنى يەپ ئەس-ھوشىنى يوقىتىپ قويغان.
يەنە بەزىلەر خوڭ جىنباۋنىڭ مەلۇم بىرەيلەننىڭ چىشىنى بىر تېپىك بىلەن چۈشۈرۋەتكەنلىكىنى، ئاندىن ئۇنىڭغا چىشىنى يەردىن ئېلىپ داۋاملىق فىلىمنى سۈرەتكە ئېلىشنى تەلەپ قىلغانلىقىنى ئېيتقان.
بۇ ھېكايىلەر قارىماققا كىشىنى ۋەھىمىگە سالىدۇ، ئەمەلىيەتتە ئۇ شۇ دەۋردىكى ھەرىكەتلىك ئارتىسلارنىڭ ئەڭ ھەقىقىي تەسۋىرى. ئۇلار ئۆز ۋۇجۇدى بىلەن «گۇمپا» روھىنى، ھاياتى ئارقىلىق «پالۋان»نىڭ مەزمۇنىنى چۈشەندۈرگەن.
ئادەتتىكى ئاكتيور ھەرىكەتلىك كۆرۈنۈشنى ياخشى ئىشلىمەكچى بولسا، نۇرغۇن تىرىشچانلىق كۆرسىتىشى كېرەك. 17 ياشلىق ليۇ يىفېي «خىسلەتلىك بۈركۈت پالۋانلىرى»نى سۈرەتكە ئېلىش ئۈچۈن، ئىككى ئاي ئالۋاستىدەك مەشىق قىلغان. ئۇ ھەر كۈنى ئەتىگەن سائەت ئالتىدىن باشلاپ كەچ سائەت ئالتىگىچە گۇمپا مەشىق قىلغان، پەقەت چۈشلۈك تاماق ۋاقتىدىلا جىددىيلەشكەن نېرۋىسىنى ئازراق ئاران ئالدۇرغان، دەل مۇشۇلار بولغاچقىلا، ليۇ يىفېي رولنى جانلىق ۋە قالتىس ئالالىغان.
«بىر ئەۋلاد پېشۋا» (一代宗师)دا رول ئېلىش ئۈچۈن، جاڭ جېن باجيې مۇشتۋازلىقىنى ئۈچ يىل جاپالىق مەشىق قىلغان، ئاخىرىدا ئۇ باجيې مۇشتۋازلىقى مۇسابىقىسىدە بىرىنچى دەرىجىلىك مۇكاپاتقا ئېرىشكەن. شيې تىڭفېڭ «يېڭى ساقچى ھېكايىسى»نى سۈرەتكە ئالغاندا، 28-قەۋەتنىڭ ئۆگزىسىدىن تەتۈر ئېسىلىپ يەرگە چۈشۈشكە توغرا كېلەتتى، ئۇنىڭ قىلىشقا تېگىشلىك ئىشى پەقەت تەمكىنلىك ۋە جاسارەتنى نامايان قىلىش ئىدى.
بىر قېتىم، ئۇ سىرتقى تامنىڭ كۆرۈنۈشىنى سۈرەتكە ئالغاندا، بوينىدىكى توم ئارغامچا تۇيۇقسىز قىسىلىپ قېلىپ، تۇنجۇقۇپ شوك بولۇپ قالغىلى تاس قالغان.
مانا بۇ ھەرىكەتلىك ئارتىسنىڭ قېنى ۋە كۆز يېشى. ئۇلار بەك كۆپ بەدەل تۆلىگەن، تاماشىبىنلارنىڭ ئېسىل كۆرۈنۈشلەرنى كۆرۈشى ئۈچۈن. ئۇلار بەدىنى ۋە ھاياتى ئارقىلىق ھەر بىر ھەرىكەت ۋە كۆرۈنۈشنى ئالماشتۇرغان.
بۇلارنى كۆرۈپ بولغاندىن كېيىن، سىز يەنە گۇمپا كىنولىرىنى پەقەت كومپيۇتېردىكى ئالاھىدە ئۈنۈم دەپ قارامسىز؟ ئەمەلىيەتتە ھەر بىر نادىر كۆرۈنۈشلەرنىڭ ئارقىسىغا ھەرىكەتلىك ئارتىسلارنىڭ بوشاشماي تىرىشىشى ۋە كۆپ قېتىم تاۋلىنىشى مۇجەسسەملەنگەن.
ھەتتا ئادەمنىڭ يۈرەك سوقۇشىنى تېزلىتىۋېتىدىغان مۇشتلىشىش كۆرۈنۈشلىرىنى ئۇلار جاراھەتلەنگەن بەدىنى بىلەن ئالماشتۇرغان.
مانا بۇ ھەقىقىي گۇمپا، بۇنداق ھەرىكەت ئاكتيورىنىڭ جاسارىتى ئۇرغۇپ تۇرىدۇ.
بىر چاغلاردا، مۇنەۋۋەر ھەرىكەتلىك ئارتىسلار كىنو ساھەسىدە زور شان-شەرەپكە ئېرىشكەن، پۇختا گۇمپا ئاساسى بېلەت كىرىمىنىڭ كاپالىتى بولۇپ قالغان. لېكىن ھازىر، بازار مۇھىتى ۋە تاماشىبىنلارنىڭ ياقتۇرۇشى ئۆزگەرگەن، ھەتتا ئارتىسلارمۇ شۇنىڭغا ئەگىشىپ ئۆزگەرگەن.
چېڭلوڭنىڭ تاماشادىكى ئاشۇ تۈكۈرۈكى ئېسىڭىزدىمۇ؟ ئەينى چاغدا ئۇ ھازىرقى ياش ئارتىسلارنىڭ قولى ئازراق كېسىلىپ كەتسىلا ۋارقىراپ-جارقىرايدىغانلىقىنى، يەتتە-سەككىز ئادەمنىڭ بىر يەرگە يىغىلىپ ئۇ ياش ئارتىسنىڭ ھالىدىن خەۋەر ئالىدىغانلىقىنى ئېيتقان.
تېخىمۇ غەلىتە يېرى شۇكى، بەزى ئارتىسلار ئاساسىي ماھارەتلەرنى مەشىق قىلىشقىمۇ ھورۇنلۇق قىلىدۇ. ئات مىنىشكە ئوخشاش كۆرۈنۈشلەردە، ئۇلار ئۆگەنمەيدۇ ۋە مەشىق قىلمايدۇ، پەقەت ياغاچ جازا ئۈستىدە خۇپسەنلىك قىلىدۇ، يېنىدىكى خىزمەتچىلەر دەرەخ شېخىدىن چاڭ-توزان كۆتۈرۈلگەندەك تۇيغۇ پەيدا قىلىدۇ.
ھازىرقى چامباشچىلىق ئويۇنى ئىلگىرىكى راست قىلىچ، راست نەيزىلەرگە پۈتۈنلەي ئوخشىمايدۇ، توردىكى ئالاھىدە ئۈنۈم ھەقىقىي گۇمپىنىڭ ئورنىنى ئالغان، ئېقىم مىقدارى چولپانلىرى ھەرىكەتلىك ئارتىسلارنىڭ ئورنىنى ئالغان. بازار ئېقىم مىقدارى ۋە چولپانلارغا تېخىمۇ ئەھمىيەت بەرگەن، سىزنىڭ چامباشچىلىق ماھارىتىڭىز يۇقىرى بولغان بولسىمۇ، بازاردا بىر كىشىلىك ئورۇن تاپالىشىڭىز تەس.
تاماشىبىنلار ھازىر كېلىشكەن ئەر-ئاياللارنىڭ مۇھەببەتلىشىش ۋەقەلىكىنى كۆرۈشنى بەكرەك ياخشى كۆرىدىغاندەك قىلىدۇ، ئەمما كىشىنى ھاياجانغا سالىدىغان مۇشتلىشىش كۆرۈنۈشلىرىگە ئانچە قىزىقمايدىغاندەك قىلىدۇ.
ھەتتا ئۇرۇش سەنئىتىدە قەد كۆتۈرۈپ تۇرغان ئاشۇ ئۇلۇغ چولپانلارمۇ بىر-بىرلەپ قېرىپ كەتكەن. چېڭلوڭ 69 ياشقا كىرگەن بولۇپ، ھەرىكىتى ئاستا، پۇت-قولى ئاجىز، چوڭ ئېكراندىكى ئوبرازىدا قېرىلىق دېغى چىقىپ تۇرىدۇ. ئۇنىڭ بېلەت كىرىمى زور دەرىجىدە تۆۋەنلەپ، يىلدىن يىلغا ناچارلىشىپ كەتكەن.
ئۇ ۋە شىۋاسىنگېر باش رول ئالغان «ئەجدىھا تاختىسىنىڭ سىرى» ناملىق كىنوغا 300 مىليون يۈەن مەبلەغ سېلىنغان، لېكىن ئەڭ ئاخىرقى بېلەت كىرىمى ئاران 20 مىليون 830 مىڭ يۈەن بولغان. بەزى تورداشلار سۆز قالدۇرۇپ، بېلەت كىرىمىنىڭ مۇۋەپپەقىيەت قازىنىشى ياكى مەغلۇپ بولۇشىدىن ئەنسىرىگەندىن كۆرە، بۇ كىنونىڭ «گىپنوز» ئۈنۈمى بار-يوقلۇقىغا بەكرەك دىققەت قىلىش كېرەك، دەپ باھا بەرگەن.
يېقىندا، توردا «لى ليەنجيې 80 ياشقا كىرگەندەك قىلىدۇ» دېگەن بىر پارچە سۈرەت تارقىلىپ، ئادەمنىڭ ئىچىنى ئېچىشتۇرغان، ئىلگىرىكى تامدىن-تامغا سەكرەپ ئەركىن-ئازادە يۈرىدىغان گۇمپا چولپانلىرىمۇ ھازىر ئۇنىۋېرسال سەنئەت پروگراممىلىرىدا ئاندا-ساندا پەيدا بولىدىغان بولغان.
جاۋ ۋېنجو، جاڭ جىنلارغا ئوخشاش ياش چولپانلارنىڭ ھازىر ئالقىشلىنىشىدىكى سەۋەب ئاساسلىقى ئۇنىۋېرسال سەنئەت پىروگراممىلىرىغا تايانغانلىقىدا.
بۇنى كۆرۈپ، سىزنىڭمۇ كۆڭلىڭىز يېرىم بولدىمۇ؟ ھەرىكەتلىك ئارتىسلارنىڭ شانلىق دەۋرى ھەقىقەتەن بىزدىن يىراقلاپ كەتكەندەك قىلىدۇ.
بۇنى كۆرۈپ، بىز پەقەت ھەرىكەتلىك ئارتىسلارنىڭ ۋاپاتىغا ئېچىنىۋاتىمىز، دەپ ئويلىشىڭىز مۇمكىن. ئەمەلىيەتتە، بىز گۇمپا كىنولىرىنىڭ قاراڭغۇلۇققا يۈز تۇتقانلىقى ۋە ئۇرۇش سەنئىتى مەدەنىيىتىنىڭ يوقالغانلىقىدىن تېخىمۇ ئەپسۇسلىنىمىز.
جۇڭگو گۇمپىسى ساپ چامباشچىلىق بولۇپلا قالماي، يەنە جۇڭخۇا مەدەنىيىتىنىڭ بىر خىل ۋارىسى. ئۇ بىزنىڭ مۇسكۇللىرىمىزغا سىڭىپ كىرىپ، دۇنياغا جۇڭخۇا مەدەنىيىتىنى نامايان قىلىدىغان بىردىنبىر ئىسىم كارتىسى بولۇپ قالغان.
ئويلاپ بېقىڭ، چەتئەللىكلەر نېمە ئۈچۈن جۇڭگو گۇمپىسىغا شۇنچە مەپتۇن بولۇپ قالىدۇ؟ بۇ دەل گۇمپا ئۆز ئىچىگە ئالغان روھ ئەمەسمۇ؟
ھەرىكەت ئارتىسلىرى، ئۇلار بۇ خىل روھنىڭ مۇكەممەل ۋەكىلى. ئۇلار ئۆزلىرىنىڭ ئۇسۇلى ئارقىلىق گۇمپىنىڭ كۈچى ۋە «پالۋان»ننڭ روھىنى تولۇق نامايان قىلغان.
لېكىن ھازىر، ھەرىكەتلىك ئاكتيور پەقەت ئېسىدە مۇشتلاپ قويىدۇ، مەردلىكمۇ ھاراق ئىچكەندىن كېيىنكى جۆيلۈشلەردە مەۋجۇت بولۇپ تۇرىدۇ. بۇ نېمىدېگەن ئەپسۇسلىنارلىق ھە!
چېڭلوڭنىڭ ئۈمىدسىزلىكى ئەمەلىيەتتە بىزنىڭ بۇ دەۋرىمىزنىڭ بىر كارتىنىسى.
لېكىن، ئەھۋال مۇشۇنداق بولغان بولسىمۇ، بىز ئۈمىدتىن ۋاز كەچسەك بولمايدۇ. بەلكىم، ھەرىكەتلىك ئارتىسلارنىڭ ئالتۇن دەۋرى يەنە بىر قېتىم كېلىشى مۇمكىن. بەلكىم، يېڭى بىر ئەۋلاد گۇمپا چولپانلىرى باش كۆتۈرۈپ چىقىپ، چامباشچىلىق روھىنى يېڭى دەۋردە قايتىدىن نۇرلاندۇرۇشى مۇمكىن.
بىز شۇ كۈننىڭ يېتىپ كېلىشىنى كۈتىمىز، بۇنىڭدىن بۇرۇن، ئىلگىرى بىزگە قىزغىنلىق ئاتا قىلغان ھەرىكەتلىك فىلىم ۋە سەنئەت ئۈچۈن ئاخىرغىچە كۈرەش قىلغان ھەرىكەتلىك ئارتىسلارنى داۋاملىق قەدىرلەيلى، چۈنكى ئۇلار جۇڭگو گۇمپىسىنىڭ ھەقىقىي ۋارىسلىرى.
كىنولار
تەۋسىيەلىك رومانلار
