سۈرەتنى بېسىپ كىنو كۆرۈشنى باشلىۋېتىڭ
توۋتياۋ تورى خەۋىرى، نۇر تورى تەرجىمىسى
9-ئايدا خۇاڭ شياۋمىڭ (黄晓明) بىلەن يې كې (叶柯)نىڭ مۇھەببەتلەشكەنلىكى ئاشكارىلاندى، بۇ خەۋەر كۆزنى يۇمۇپ ئاچقۇچە تورنى زىلزىلىگە سالدى. خۇاڭ شياۋمىڭ تاماشا چەمبىركىدىكى داڭلىق زات بولغاچقا ئۇنىڭ ھەر بىر مۇھەببىتى كىشىلەرنىڭ دىققىتىنى تارتىدۇ، يې كېمۇ تور چولپىنى بولغاچقا ئۇنىڭ سالاھىيىتى ۋە ئارقا كۆرۈنۈشىمۇ تورداشلارنىڭ چەكسىز تەسەۋۋۇرىنى قوزغايدۇ. ئىككىيلەننىڭ مۇھەببەتلەشكەنلىكى ئاشكارىلانغاندىن كېيىن، توردا ئۇلارنىڭ ئۆتمۈشى توغرىسىدا ھەر خىل گەپلەر تارقالدى، بۇنىڭ ئىچىدە تۇتامى يوق پەرەزلەرمۇ ئاز ئەمەس.
يې كېنىڭ ئەڭ ئاخىرقى قېتىم ئاشكارا سورۇندا پەيدا بولۇشى ليۇ گېڭخوڭ (刘畊宏) بىلەن چېن خاۋمىن (陈浩民)نىڭ تۇغۇلغان تۇغۇلغان كۈنىنى تەبرىكلەش ئۈچۈن چۈشكەن كوللېكتىپ سۈرەت بولۇپ قالدى. سۈرەتتە يې كې قورسىقىنى توسۇۋالغان، ئەمما ئۇنىڭ بۇ ھەرىكىتى تورداشلارنىڭ ھەرخىل پەرەزلىرىنى قوزغىۋەتكەن. شۇ چاغدا بەزىلەر ئۇنى ھامىلدار بولۇپ قاپتۇ دەپ پەرەز قىلسا، بەزىلەر ئۇنداق ئەمەس دەپ پەرەز قىلىشقانىدى. ئەمما ۋاقىتنىڭ ئۆتۈشىگە ئەگىشىپ، ئۇنى ھامىلدار بولۇپ قاپتۇ دەپ پەرەز قىلىشقان تورداشلارنىڭ پەرىزىنىڭ ئاساسى بارلىقى ئىسپاتلاندى.
11-ئاينىڭ 8-كۈنى، ماراقچى ليۇ داچۈي (刘大锤) بىۋاستە كۆرسىتىش جەريانىدا يې كې بىلەن خۇاڭ شياۋمىڭنىڭ مۇناسىۋىتىنىڭ ياخشى ئىكەنلىكىنى ئايدىڭلاشتۇردى شۇنداقلا، بىر بۆلەك سىن كۆرۈنىشىنى ئىسپات قىلىپ تورداشلارغا كۆرسەتتى.
ئەمما، دەل شۇ كۈنى، يەنە بىر تاماشا ساھەسى بىلەن شۇغۇللىنىدىغان بىلوگگىر يېكېنىڭ نۇرغۇن ئىشلىرىنى ئاشكارىلاپ، ئۇنىڭ ئۆزىنى پۇلدار خېنىم دەۋالغىنىنىڭ يالغانلىقىنى، قەرىزگە ماشىنا سېتىۋالغانلىقىنى، ئىجارە ئۆيدە تۇرىدىغانلىقىنى تورداشلارغا يېيىۋەتتى. ئۇ ئاشكارىلىغان بۇ ئۇچۇرلار بىردەمدە تور دۇنياسىدا زور غۇلغۇلا قوزغىۋەتتى.
بۇ بىلوگگىر ئاشكارىلىغان خەۋەرلەردىن، تورداشلار يې كېنىڭ بەزى تۇرمۇش تەپسىلاتلىرىنى چۈشەندى. يې كې قەرىزگە سېتىۋالغان روللىس رويىس ماركىلىق ماشىنىنىڭ قەرزىنى يېقىندا قايتۇرۇپ بوپتۇ، ئۇ ھازىر تۇرىۋاتقان شاڭخەيدىكى ئۆيىنىڭ بىر ئايلىق ئىجارىسى 120 مىڭ يۈەنگە يېتىدىكەن.
كىشىنى تېخىمۇ ھەيران قالدۇرىدىغىنى، تور ئىسمىنى ياۋگۈەي دەپ قويۇۋالغان بۇ بىلوگگىر يەنە خۇاڭ شياۋمىڭنىڭ يې كېغا سومكا، سائەت، ئالماس ئۈزۈك ئېلىپ بەرگەنلىكى ۋە پۇل يۆتكەپ بەرگەنلىكى، مۆلچەر سوممىسىنىڭ 20 مىلىيون يۈەنگە يېتىدىغانلىقىنى ئاشكارىلىدى. بۇ سان كىشىنى ھەيران قالدۇرىدۇ شۇنداقلا ئۇ ئىككىسىنىڭ ئارسىدىكى مۇھەببەتنىڭ ساپ ياكى ئەمەسلىكىدىن گۇمانلاندۇرىدۇ. ئەمما، بۇنىڭغا قارىتا ياۋگۈەي ھېچقانداق ئىسپات كۆرسەتمىگەچكە، كىشىلەردە ئۇنىڭ سۆزلىرىگە نىسبەتەن گۇمان پەيدا بولدى.
شۇنىڭ بىلەن بىر ۋاقىتتا كىشىلەر يې كېنىڭ ھامىلدار بولغىنىغا تۆت ئايدەك بولغانلىقىنى بىلدى، بۇ خەۋەر تېخىمۇ كۆپ كىشىلەرنىڭ دىققىتىنى ئۇلارنىڭ مۇھەببىتىگە ئاغدۇردى شۇنداقلا تېخىمۇ كۆپ كىشىلەر ئۇلارنىڭ كەلگۈسىدە قانداق بولۇپ كېتىدىغانلىقىغا قىزىقىشتى. لېكىن ياۋگۈەينىڭ ئاشكارىلىغان ماتېرىيالىدىن، كىشىلەر ئۇلارنىڭ مۇھەببىتىنىڭ باشقىچە بىر تەرىپىنىمۇ كۆرگەندەك بولدى. ياۋگۈەي يې كېنى بالا تۇغۇلۇشتىن بۇرۇن خۇاڭ شياۋمىڭنى توي خېتى ئېلىشقا قىستىماقچى دەپ ئەيىبلىدى، ئەگەر راستتىنلا شۇنداق بولسا بۇ ئىككىيلەننىڭ مۇناسىۋىتىدە تېخىمۇ كۆپ يوشۇرۇن خەۋىپ بارلىقىنى چۈشەندۈرەتتى.
يې كې بىلەن خۇاڭ شياۋمىڭنىڭ مۇھەببىتى باشتىلا كىشىلەرنىڭ دىققىتىنى تارتقان، ئۇلارنىڭ تونۇشۇشتىن مۇھەببەتلىشىشكىچە بولغان جەريانى بەكلا كۈلكىلىك بولغاچقا، تورداشلارنىڭ چەكسىز تەسەۋۋۇرىنى قوزغىغان. لېكىن ئۇلارنىڭ مۇھەببىتىنىڭ چوڭقۇر تەرەققىي قىلىشىغا ئەگىشىپ، ئۇلارنىڭ ئارىسىدىكى مۇناسىۋەتمۇ مۇرەككەپلىشىپ كەتتى.
ئۇلارنىڭ مۇھەببەتلەشكەنلىكى ئاشكارىلانغاندىن كېيىن، ئىككىسىنىڭ بىللە پەيدا بولغاندىكى ھەر بىر كۆرۈنۈشى تورداشلار كۆڭۈل بۆلىدىغان قىززىق نۇقتىلىق خەۋەرگە ئايلىنىپ قالغانىدى. ئۇلارنىڭ شېرىن مۇھەببىتى ۋە بىر-بىرىگە كۆيۈنۈشلىرى تورداشلارنى قاتتىق تەسىرلەندۈرگەن شۇنداقلا نۇرغۇن كىشىلەرگە مۇھەببەتنىڭ گۈزەللىكىنى ھېس قىلدۇرغان.
ۋاقىتنىڭ ئۆتۈشىگە ئەگىشىپ ئۇلارنىڭ مۇھەببىتىدە بەزى ئوڭۇشسىزلىقلار پەيدا بولدى، توردا ئۇلارنىڭ ئايرىلىپ كەتكەنلىكى توغرىسىدىكى گەپلەر تارقىلىپ، كىشىلەردە ئۇلارنىڭ مۇناسىۋىتىگە قارىتا گۇمان پەيدا قىلدى.
بۇ ئۆسەك سۆزلەرگە قارىتا، يې كې ياۋگۈەي بىلەن ئالاقىلىشىپ ئىشلارنى ئايدىڭلاشتۇرماقچى بولغان. ئويلىمىغان يەردىن ياۋگۈەي بىۋاستە كۆرسىتىشتە ئۇنىڭ پۇلدار خېنىملىق سالاھىيىتىنىڭ ساختا ئىكەنلىكىنى، ماشىنىسىنى قەرىزگە ئالغان بولۇپلا قالماي ئىجارە ئۆيدە تۇرىدىغانلىقىنى ئاشكارىلىۋەتكەن. بۇ ئىشلار ئاشكارىلانغاندىن كېيىن يې كېنىڭ ئوبرازى زور دەرىجىدە تۆۋەنلەپ كەتكەن، شۇنداقلا كىشىلەر ئۇنىڭ ھەقىقىي سالاھىيىتىدىن گۇمانلانغان.
بۇ داۋالغۇشلار يې كېنى ئۇنچە نامى چىقمىغان بىر تور چولپىنىدىن، چولپاننىڭ ھەممە تونۇيدىغان قىز دوستىغا ئايلاندۇردى. ئۇلارنىڭ مۇھەببىتىنىڭ چوڭقۇرلىشىشىغا ئەگىشىپ، يې كې بىۋاستە كۆرسىتىش چەمبىرىكىدىن تەدرىجى چېكىنىپ چىقىپ، تېخىمۇ كۆپ زېھنىنى خۇاڭ شياۋمىڭ بىلەن بولغان ھېسسىياتقا قاراتتى. لېكىن، بۇمۇ ئۇنىڭ كىيىم - كېچەك سودىسىنى زەربىگە ئۇچراتتى. تورداشلارنىڭ گۇمانى ۋە مەسخىرىسىگە قارىتا، ئۇنىڭ كەيپىياتى زور تەسىرگە ئۇچرىدى، بۇ ئۇنىڭ تۇرمۇشىنى تېخىمۇ قىيىنلاشتۇرۇۋەتتى.
ياۋگۈەينىڭ بۇ ئىشلارنى ئاشكارىلىشى ئوت ئۈستىگە ياغ چاچقاندەكلا ئىش بولدى، ئۇ ئاشكارىلىغان خەۋەرلەردىن كىشىلەر يې كېنىڭ يەنە بىر تەرىپىنى كۆرۈپ يەتتى، شۇنداقلا كىشىلەردە ئۇنىڭ ھەقىقىي سالاھىيىتىگە بولغان گۇمان پەيدا قىلدى. ياۋگۈەي ئاشكارىلىغان بۇ خەۋەرلەرگە نىسبەتەن بىزمۇ ئاقىلانە ۋە ئاكتىپ پوزېتسيە تۇتىشىمىز، ئىسپات بولمىغان ئەھۋال ئاستىدا بۇ سۆزلەرگە ئاسانلىقچە ئىشىنىپ كەتمەسلىكىمىز، باشقىلارنى سەۋەبسىز ئەيىبلىمەسلىكىمىز ۋە ھۇجۇم قىلماسلىقىمىز كېرەك.
