سۈرەتنى بېسىپ كىنو كۆرۈشنى باشلىۋېتىڭ
بەيدۇ تورى خەۋىرى، نۇر تورى تەرجىمىسى
«پروبىركىدا ھامىلە يېتىلدۈرۈش»تىن ئىلگىرى، بۇ ساۋاتلارنى ئاۋۋال چۈشىنىش كېرەك.
1. «پروبىركىدا ھامىلە يېتىلدۈرۈش» دېگەن نېمە؟
IVF تۇغماسلىقنى داۋالاشتىكى كۆپ ئۇچرايدىغان ئۇسۇللارنىڭ بىرى، ئۇنىڭ ماھىيىتى بەدەن سىرتىدا ئۇرۇقلاندۇرۇش ۋە تۆرەلمىنى يۆتكەش.
ئەرنىڭ ئىسپىرمىسى بىلەن ئايالنىڭ تۇخۇمىنى ئېلىۋەتكەندىن كېيىن، تۆرەلمە يېتىشتۈرۈش ئۆيىگە قويۇپ ئۇرۇقلاندۇرۇلىدۇ، تۆرەلمە شەكىللەنگەندىن كېيىن، يەنە بالىياتقۇ بوشلۇقىغا قويۇپ بېرىلىپ، ئەڭ ئاخىرىدا تۆرەلمىگە ئايلىنىدۇ.
تەبىئىي ھامىلىدار بولالمايدىغان، يەنە بالىلىق بولۇشنى ئويلايدىغان ئەر-خوتۇنلارغا نىسبەتەن، پىروبىركىدا بوۋاق يېتىشتۈرۈش ياخشى تاللاشلارنىڭ بىرى. لېكىن ھەممىلا ئادەم پىروبىركىدا بوۋاق يېتىشتۈرەلمەيدۇ، تۆۋەندىكى دۆلەتنىڭ بەلگىلىمىسىگە ئۇيغۇن كېلىشى كېرەك :
(1) ئىككى تەرەپ قانۇنلۇق ئەر-خوتۇن بولسا ھەمدە دۆلەتنىڭ پىلانلىق تۇغۇت سىياسىتىگە ئۇيغۇن بولسا؛
(2) ئايالنىڭ تۇخۇمدان، بالىياتقۇ ئىقتىدارى نورمال بولۇپ، ھامىلىدار بولۇپ تۇغسا بولىدۇ، ئۇنىڭ ئۈستىگە يۈرەك كېسىلى، ئۆپكە تۇبېركۇليۇزى قاتارلىق ئېغىر كېسەللىكلەر بولمايدۇ؛
(3) ئەر-خوتۇن ئىككى تەرەپنىڭ روھىي ھالىتى نورمال، ئېغىر روھىي كېسىلى يوق، زەھەر چېكىشتەك ناچار ئادىتى يوق.
ئىككىنچى، «پروبىركىدا ھامىلە يېتىلدۈرۈش» چوقۇم مۇۋەپپەقىيەتلىك بولامدۇ؟
بەزىلەر بەلكىم: پىروبىركىدا بوۋاق يېتىشتۈرۈش ئوپېراتسىيەسى قىلدۇرسىلا، چوقۇم بالا تۇغقىلى بولىدۇ، دېيىشى مۇمكىن.
ئەمەلىيەتتە، بۇ خىل ئېھتىماللىق 100 پىرسەنت ئەمەس.
ئامېرىكا CDCنىڭ ئىستاتىستىكىسىغا ئاساسلانغاندا، ھەر يىلى ياردەمچى كۆپىيىش تېخنىكىسىنىڭ ياردىمىدە تۇغۇلغان بوۋاق 80 مىڭدىن ئاشىدىكەن.
2018-يىلى ئامېرىكىدا جەمئىي 306 مىڭ 197 قېتىم ياردەمچى كۆپىيىش دەۋرىيلىكى ئېلىپ بېرىلغان بولۇپ، بۇنىڭ ئىچىدە 89 مىڭ 688 ئادەم مۇۋەپپەقىيەتلىك ھامىلىدار بولغان، 81 مىڭ 478 بوۋاق تۇغۇلغان، پىروبىركىدا يېتىلدۈرۈلگەن بوۋاقلارنىڭ تىرىك تۇغۇلۇش نىسبىتى %30كە يەتمەيدۇ.
2. ئۇنداقتا، قايسى ئامىللار پروبىركىدا يېتىلدۈرۈلگەن بوۋاقنىڭ مۇۋەپپەقىيەتلىك بولۇش نىسبىتىگە تەسىر كۆرسىتىدۇ؟
1) ياش. ئادەتتىكى ئەھۋالدا، 21 ياشتىن 30 ياشقىچە بولغان ئاياللارنىڭ پىروبىركىدا بوۋاق يېتىلدۈرۈشنىڭ مۇۋەپپەقىيەتلىك بولۇش نىسبىتى ئەڭ يۇقىرى بولۇپ، تەخمىنەن %60كە يېتىدۇ. يېشى قانچە چوڭ بولسا، تۇخۇمدان ئىقتىدارى شۇنچە ناچار بولىدۇ، پىروبىركىدا بوۋاق يېتىشتۈرۈشنىڭ مۇۋەپپەقىيەتلىك بولۇش نىسبىتى شۇنچە تۆۋەن بولىدۇ.
2) ئىسپېرما. ئەر تەرەپنىڭ ئىسپېرمىسىنىڭ سانى ۋە سۈپىتى تۇخۇمنىڭ ئۇرۇقلىنىش ئەھۋالىنى بەلگىلەيدۇ. ھەر CCنىڭ ئىسپېرما سانى 10 مىليوندىن تۆۋەن بولغاندا ياكى ئىسپېرمىنىڭ ھاياتىي كۈچى%30 تىن تۆۋەن بولغاندا، دوختۇر پىروبىركىدا بوۋاق يېتىشتۈرۈش تەكلىپىنى بېرىدۇ. ئەگەر ئىسپېرما سانى تېخىمۇ ئاز، ھاياتىي كۈچى تېخىمۇ تۆۋەن بولسا، يەنە ئىككىنچى ئەۋلاد پروبىركىدا يېتىلدۈرۈلگەن بوۋاق بولۇشى كېرەك.
3) بالىياتقۇ ۋە تۆرەلمىنىڭ ئەھۋالى. ئەگەر بالىياتقۇ ئىچكى پەردىسىنىڭ قېلىنلىقى مۇۋاپىق بولسا، قان ئېقىمى مول، ھۈجەيرىلەرنىڭ بۆلۈنۈشى ياخشى بولسا، ئۇنىڭ ئۈستىگە بالىياتقۇ بوشلۇقى كېسەللىك ئۆزگىرىشى قوشۇلمىسا، تۆرەلمىنىڭ كۆچۈرۈلۈش نىسبىتى بىر قەدەر يۇقىرى بولىدۇ.
ئوخشاشلا، تۆرەلمىنىڭ سۈپىتىنىڭ ياخشى-يامان بولۇشىمۇ كۆچۈرۈشنىڭ مۇۋەپپەقىيەتلىك بولۇش نىسبىتىگە بەلگىلىك تەسىر كۆرسىتىدۇ.
4) پىسخىكىلىق ئامىل. كەيپىياتنىڭ زىيادە جىددىيلىشىشى، روھىي بېسىمنىڭ زىيادە ئېشىپ كېتىشى ئىچكى ئاجراتمىلارنىڭ قالايمىقانلىشىشىنى كەلتۈرۈپ چىقىرىپ، بالىياتقۇنىڭ قىسقىرىشىنى كەلتۈرۈپ چىقىرىپ، ئورگانىزمنىڭ ئىممۇنىتېت كۈچىنى تۆۋەنلىتىپ، تۆرەلمىنىڭ كۆچۈرۈلۈشىگە توسقۇنلۇق قىلىدۇ.
3. پروبىركىدا ھامىلە يېتىلدۈرۈش ئويلىغاندەك ئاسان ئەمەس
ئالدى بىلەن، پىروبىركىدا بوۋاق يېتىشتۈرۈشتىن بۇرۇن، مۇرەككەپ تەكشۈرۈش جەريانىنى باشتىن كەچۈرۈشكە توغرا كېلىدۇ، مەسىلەن، B تىپلىق ئۇلترا ئاۋازلىق تەكشۈرۈش سىستېمىسى، بالىياتقۇ بوينىنى تەكشۈرۈش، خروموسومنى تەكشۈرۈش قاتارلىقلار ئاياللارنىڭ بەدىنىگە بەلگىلىك زىيان يەتكۈزىدۇ.
بىر قاتار تەكشۈرۈشلەردىن كېيىن، شەرتكە ئۇيغۇن كېلىدىغان ئاياللار تۇخۇم ھۈجەيرىسىنى بەدەن سىرتىدا يېتىشتۈرۈشكە ئىشلىتىدۇ. لېكىن تۇخۇم چىقىرىش ئۇنچە ئاسان ئەمەس، بەزى ئاياللار پەقەت ئېغىزدىلا دورا ئىچىپ ياكى مۇناسىۋەتلىك ئوكۇللارنى ئۇرۇپ تۇخۇم چىقىرىشنى ئىلگىرى سۈرىدۇ. بۇ تۇخۇم چىقىرىشنى ئىلگىرى سۈرىدىغان دورىلار ئېغىر ئەكس تەسىر پەيدا قىلىشى مۇمكىن.
ئەگەر ئاياللار نورمال تۇخۇم چىقىرالمىسا، تېشىپ تۇخۇم ئېلىش كېرەك. تۇخۇم پۈۋەكچىسىنىڭ سانى كۆپ بولغاچقا، تۇخۇمداننىڭ ئورنىنى توغرا تاپقىلى بولمايدۇ، بۇ ئاپپاراتنىڭ ئاياللارنىڭ تېنىدە ئۇزاق تۇرۇپ قېلىشىنى كەلتۈرۈپ چىقىرىپ، ئاياللارنى ئازابقا دۇچار قىلىشى مۇمكىن.
ئەڭ ئاخىرىدا، تۆرەلمە كۆچۈرۈلگەندىن كېيىن ياستۇقنى قىرلاپ قويۇپ ئارام ئالغىلى بولمايدۇ، يەنە تۆرەلمىنىڭ كۆچۈرۈلۈشىنى كۈتۈشكە توغرا كېلىدۇ. ناۋادا تۆرەلمىنى كۆچۈرۈش مەغلۇپ بولسا، قايتىدىن باشلاشقا توغرا كېلىدۇ، بۇ ھەر بىر ئادەم ئۈچۈن بىر ئازاب.
4. بۇ خاتا قاراشلاردىن سىزدە قانچىسى بار؟
1) پروبىركىدا يېتىلدۈرۈلگەن بوۋاقنىڭ ئىپادىسى تەبىئىي ھامىلدار بولغان بالىنىڭكىدىن ناچار بولىدۇ
مەيلى بەدەن ساپاسى ياكى ئەقلىي ئىقتىدارى بولسۇن، پروبىركىدا يېتىلدۈرۈلگەن بوۋاق بىلەن تەبىئىي ھامىلدار بولغان بوۋاقنىڭ ئانچە چوڭ پەرقى بولمايدۇ، چۈنكى پروبىركىدا يېتىلدۈرۈلگەن تۆرەلمە بەدەنگە كۆچۈرۈلگەندىن كېيىن، ئۆسۈپ يېتىلىش مۇھىتى ۋە جەريانى ئوخشاش بولىدۇ.
پىروبىركىدا ھامىلە يېتىشتۈرۈش تېخنىكىسىنىڭ تەرەققىياتى سانسىزلىغان تۇغماس ئەر-خوتۇنلارنىڭ ئارزۇسىنى ئەمەلگە ئاشۇردى. پروبىركىدا يېتىلدۈرۈلگەن ھامىلىگە نىسبەتەن، سىز قانداق قارايسىز؟
