ھەر كۈنى كۆپ خىل ۋىتامىن ئىستېمال قىلسا ئۆلۈپ كېتىش خەۋپىنى ئاشۇرۇۋېتىشى مۇمكىن!
تەتقىقاتتا بايقىلىشىچە، ھەر كۈنى كۆپ خىل ۋىتامىن ئىستېمال قىلغاندا ئۆمۈرنى ئۇزارتقىلى بولمايدىكەن، ھەتتا بەزى ئەھۋاللاردا ئۆلۈم خەۋپىنى ئاشۇرۇۋېتىدۇ.
ئامېرىكا دۆلەتلىك راك كېسىلى تەتقىقات ئورنىنىڭ بايقىشىچە، ئۈچتىن بىر قىسىم ئامېرىكىلىق قۇرامىغا يەتكەنلەر كۆپ خىل ۋىتامىن ئىستېمال قىلىپ كېسەللىكنىڭ ئالدىنى ئالىدىكەن، شۇڭا ئۇلار كۆپ خىل ۋىتامىن ئىستېمال قىلىش بىلەن ئۆلۈپ كېتىش خەۋپى ئوتتۇرىسىدىكى مۇناسىۋەتنى باھالاپ بېقىشنى قارار قىلغان.
بۇ تەتقىقاتتا ھەر كۈنى كۆپ خىل ۋىتامىن ئىستېمال قىلغاندا ئۆلۈم خەۋپىنى تۆۋەنلەتكىلى بولىدىغانلىقى بايقالمىغان. تەتقىقاتچىلار مۇنداق تەكلىپ بەردى: ساغلاملىقنى ساقلاش ئۈچۈن، بەزى ئىسپاتلانغان ساغلام تۇرمۇش ئادەتلىرىنى قوللىنىش تېخىمۇ مۇھىم، مەسىلەن، مېۋە-چېۋە ۋە كۆكتاتلارنى كۆپ يېيىش، دائىم چېنىقىش، تاماكا چەكمەسلىك ۋە ساغلام بەدەن ئېغىرلىقىنى ساقلاش قاتارلىقلار.
بىز ھەر كۈنى زادى قانچىلىك ۋىتامىنغا ئېھتىياجلىق؟
كۆپ قىسىم ۋىتامىنلار كۈندىلىك يېمەك-ئىچمەكتىن قوبۇل قىلىنىدۇ، مېۋە-چېۋە، كۆكتات، گۆش، تۇخۇم، سۈت تۈرىدىكىلەرنىڭ ھەممىسىدە ۋىتامىن بار. يېمەك-ئىچمىكىڭىز تەڭپۇڭ، بەش خىل دانلىق زىرائەت، گۆش، تۇخۇم، سۈت، كۆكتات مېۋىلەرنىڭ ھەممىسى قوبۇل قىلىنسا، ئارتۇقچە ۋىتامىن تولۇقلاشنىڭ ھاجىتى يوق!
دىققەت قىلىشقا تېگىشلىك بىردىنبىر ئىش ۋىتامىن D بولۇپ، قوشۇمچە تولۇقلاشقا توغرا كېلىدۇ، ئاساسلىقى كۆپ ساندىكى كىشىلەرنىڭ قوبۇل قىلىشى يېتەرلىك ئەمەس، ئۇنىڭ ئۈستىگە ئاپتاپقا قاقلىنىشمۇ يېتەرلىك ئەمەس.
قۇياش نۇرى يېتەرلىك بولغان شارائىتتا، يۈز، قول ۋە پۇتنى ئاپتاپقا سېلىپ 10 مىنۇتتىن 30 مىنۇتقىچە، ھەر ھەپتىدە بىر نەچچە قېتىم ئاپتاپقا قاقلانسا، ئادەتتە ساغلام ھالەتتىكى ۋىتامىن Dنىڭ سەۋىيىسى ساقلىغىلى بولىدۇ.
بىراق ياز كۈنلىرى ئەڭ ياخشىسى سائەت 10~16 گىچە ئۇلترا بىنەپشە نۇر رادىئاتسىيىسى ئەڭ كۈچلۈك بولغان ۋاقىتتىن ساقلىنىپ، ئىسسىق ئۆتۈپ قېلىشنىڭ ئالدىنى ئېلىش كېرەك.
قايسى كىشىلەر مۇرەككەپ ۋىتامىننى ئويلىشىپ باقسا بولىدۇ؟
ئەگەر سىزدە ھەقىقەتەن بەزى بىئاراملىق ئالامەتلىرى بولسا، ياكى يېمەك-ئىچمەككە بولغان ئالاھىدە مايىللىقىڭىز بولسا، ئۇنداقتا قوشۇمچە تولۇقلاشقا توغرا كېلىدۇ.
ئەگەر تۆۋەندىكى ئالامەتلەر كۆرۈلسە، ئەڭ ياخشىسى ۋاقتىدا دوختۇرغا كۆرۈنۈپ، دوختۇرنىڭ كۆرسەتمىسى بويىچە مۇۋاپىق تولۇقلاش كېرەك:
1. ۋىتامىن A كەمچىل بولۇش: تۈن قارىغۇسى بولۇپ قېلىش، مۈڭگۈز پەردە قۇرغاقلىشىپ يىگىلەش، ئېغىر بولغاندا پۈتۈنلەي قارىغۇ بولۇپ قېلىش؛
2. ۋىتامىن B1 (تىئامىن) كەمچىل بولۇش: بېرىبېرى كېسىلى، بىلىش توسالغۇسى قاتارلىقلار؛
3. ۋىتامىن B2 (رىبوفلاۋىن) كەمچىل بولۇش: ئېغىز بوشلۇقى ياللۇغى، كالپۇك ياللۇغى، تىل ياللۇغى، ياغ تەپچىرەش خاراكتېرلىك تېرە ياللۇغى قاتارلىقلار؛
4. ۋىتامىن B3 (نىكوتىن كىسلاتاسى) كەمچىل بولۇش: يىرىك تېرە كېسىلى، كېسەللىك ئالامەتلىرى دۈشمەنلىشىش كەيپىياتى، تېرە ياللۇغى، ئۇيقۇسىزلىق، ئاجىزلىق، ئىچى سۈرۈش قاتارلىقلارنى ئۆز ئىچىگە ئالىدۇ؛
5. ۋىتامىن B5 (پانتوتېنىك كىسلاتا) كەمچىل بولۇش: دانىخورەك ۋە تېرە سېزىمى بىنورمال بولۇش (بىر قەدەر ئاز ئۇچرايدۇ)؛
6. ۋىتامىن B6 كەمچىل بولۇش: ياغ تەپچىرەش خاراكتېرلىك تېرە ياللۇغى، كۆز قىزىرىش كېسىلى ۋە نېرۋا سىستېمىسى كېسەللىك ئالامەتلىرى؛
7. ھامىلىدار ئاياللاردا ۋىتامىن B9 (يوپۇرماق كىسلاتاسى) كەمچىل بولۇش: ھامىلىنىڭ كەمتۈك تۇغۇلۇشىنى كەلتۈرۈپ چىقىرىدۇ، مەسىلەن، نېرۋا نەيچىسى كەمتۈك بولۇش، كالپۇك يېرىلىش قاتارلىقلار؛
8. ۋىتامىن B12 كەمچىل بولۇش: گىگانت ھۈجەيرىلىك قان ئازلىق، ئەستە تۇتۇش قابىلىيىتى تۆۋەنلەش ۋە باشقا بىلىش كەمتۈكلۈكى ياشانغانلاردا كۆرۈلۈشى مۇمكىن؛
9. ۋىتامىن C كەمچىل بولۇش: قان بۇزۇلۇش كېسىلى، پۈتۈن بەدەن ماغدۇرسىزلىنىش، قان ئازلىق، چىش ئىششىش، تېرە ئاستى قاناش، يېڭى يارا ئېغىزى ساقايماسلىق، چاچ قۇرغاقلىشىش، ئاجىز بولۇش؛
10. ۋىتامىن D كەمچىل بولۇش: راخىت كېسىلى؛
11. ۋىتامىن E كەمچىل بولۇش: تۇغۇش ئىقتىدارى توسالغۇغا ئۇچراش؛
12. ۋىتامىن K كەمچىل بولۇش: تېرىدە سۆسۈن داغ، قان ئۇيۇپ قېلىش، بۇرۇن قاناش، چىش مىلىكى قاناش، قان قۇسۇش، قان سىيىش قاتارلىقلار.
Saklik健康网
