خارۋارد داشۆسى بېس دىئاكون داۋالاش مەركىزى ۋە بوستون بالىلار دوختۇرخانىسىدىكى ئالىملار بىر تۈرلۈك تەتقىقات ئېلىپ بېرىپ، راك كېسىلى ئۆسمىسىنىڭ ئىممۇنىتېت سىستېمىسىدىن قانداق قېچىپ قۇتۇلالايدىغانلىقىنى نامايان قىلدى. بۇ تەتقىقات «تەبىئىي ئىممۇنولوگىيە» ژۇرنىلىدا ئېلان قىلىنغان.
تەتقىقاتچىلارنىڭ بايقىشىچە، ئۆسمە ئۇنىڭ گېنىنى تەھرىرلەپ، ئادەم بەدىنىنىڭ تۇغما ئىممۇنىتېت ئىنكاسىنى قوزغاشقا قاتنىشىدىغان گېنلارنى تورمۇزلايدىكەن. بۇ جەريان ئۆسمىنى ئىممۇنىتېت سىستېمىسىنىڭ تەكشۈرۈشى ۋە ھۇجۇمىدىن ئۆزىنى قاچۇرۇش ئىمكانىيىتىگە ئىگە قىلىدىكەن، بۇ نۆۋەتتىكى ئىممۇنىتېتلىق داۋالاشقا زور خىرىس ئېلىپ كەلگەن.
بۇ ئەترەت پۈتۈن گېن گۇرۇپپىسىدىكى يەككە ھۈجەيرىلىك RNA تەرتىپىنى ئۆلچەش ئارقىلىق چاشقان مودېلىدىكى سۈت بېزى راكىنى تەتقىق قىلغان. ئۆسمىنىڭ سىرتقى ئىرسىيەتلىك ئۆزگەرتىش (مەسىلەن، DNA مېتىللاشتۇرۇش) ئارقىلىق بەزى گېنلارنى تورمۇزلاپ، ئۇلارنى ئىممۇنىتېت رېئاكسىيەسىدىن ئۆزىنى قاچۇرۇش ئىمكانىيىتىگە ئىگە قىلىدىغانلىقى ئىسپاتلانغان.
بىراق، ئالىملار يەنە تۆۋەن مىقداردىكى دېكسىتابىن (FDA تەستىقلىغان دورا)نىڭ بۇ گېن ئۆزگىرىشىنى ئۆزگەرتەلەيدىغانلىقىنى بايقىغان. دېسىتابىن ئىممۇنىتېت رېئاكسىيەسىنى قايتا قوزغىتىپ، ئۆسمىنىڭ ئۆسۈشىنى ئاستىلىتىپ، ئۆسمىگە ھۇجۇم قىلىدىغان ئىممۇنىتېت ھۈجەيرىلىرىنىڭ سانىنى كۆپەيتىدۇ.
بۇ نەتىجىلەر گېن تەھرىرلەشنىڭ ئوخشاش بولمىغان تىپتىكى راك كېسىلىنى ئۇنىۋېرسال قوغداش مېخانىزمى بولۇشى مۇمكىنلىكىنى چۈشەندۈرۈپ بېرىدۇ. كەلگۈسىدىكى تەتقىقاتلار بۇ پىكىرلەرنى باشقا قاتتىق ئۆسمىلەرگە، مەسىلەن ئۆپكە راكى ۋە تۇخۇمدان راكىغا تەدبىقلاش، شۇنداقلا بىمارلارنىڭ راكقا بولغان ئېرسىيەت ئاسارىتىنى تەكشۈرۈشكە مەركەزلەشتۈرىدۇ.
Saklik健康网
