خوتەن vs تۇرپان مۇسابىقىسىنى كودنى بېسىپ ئىچىپ نەق مەيدان بىۋاستە كۆرۈڭ
2024-يىللىق ئاتۇش لوڭقىسى شىنجاڭ تەكلىپ مۇسابىقىسىنىڭ 5-كۈنلۈك گۇرۇپپا مۇسابىقىسى باشلاندى، بۇ مەيدان مۇسابىقىدە خوتەن كوماندىسى بىلەن تۇرپان كوماندىسى مۇسابىقىلىشىدۇ.
خوتەن vs تۇرپان مۇسابىقىسىنى بۇيەرنى بېسىپ نەق مەيدان بىۋاستە كۆرۈڭ
ئاتۇش لوڭقىسى A گۇرۇپپا 3-ئايلانما مۇسابىقىسى خوتەن vs تۇرپان مۇسابىقىسى رەسمىي باشلاندى
2-مىنۇتتىلا خوتەن كوماندىسى ياخشى بىر قېتىملىق ھۇجۇم قوزغىدى، ئەمما توپ كىرمەي قالدى.
15-مىنۇتتا كامېرا رىژېسسور نىجات نىيازغا بېرىلدى.
19-مىنۇتتا توپ تالىشىش جەريانىدا خوتەن كوماندىسى قاپقىچىسى سوقۇلۇپ كېتىپ ئازراق يارىلاندى.
22-مىنۇتتا تۇرپان كوماندىسى ئوڭ يولدىن چەكلەنگەن رايونغا كىردى، شۇنداقلا نەبىجاننىڭ تەپكەن توپى قاپقا يېنىدىن چىقىپ كەتتى.
مۇسابىقىنىڭ 25-مىنۇتىدا تۇرپان كوماندىسى ھۇجۇم قوزغىدى، خوتەن كوماندىسى بېكلىرى خاتالىق سادىر قىلدى، نەبىجان پۇرسەتنى تۇتۇپ يەكمۇيەك ھالەتتە توپنى كىرگۈزدى. نەتىجە تۇرپان 0:1 خوتەن.
28-مىنۇتتا ئىككى تەرەپ توپچىلىرى سۇ تولۇقلاش ئېلىپ باردى.
29-مىنۇتتا تۇرپان كوماندىسى ئىنتايىن ياخشى بىر قېتىملىق ھۇجۇم قوزغىدى، ئەمما توپچىلار جىق پاسلىشىپ كەتكەنلىكى ئۈچۈن ياخشى توپ كىرگۈزىدىغان پۇرسەت كېتىپ قالدى.
35-مىنۇتتا تۇرپان كوماندىسى توپچىسى خەتەرلىك ھەرىكەت ئىشلەپ خوتەن كوماندىسى توپچىسىنى يىقىتىۋەتتى، رېپىر سېرىق كارتا چىقاردى.
39-مىنۇتتا خوتەن كوماندىسى توپچىسى ئابدۇللا قائىدىگە خىلاپ ھەرىكەت ئىشلەپ سېرىق كارتا بىلەن ئاگاھلاندۇرۇلدى.
42-مىنۇتتا خوتەن كوماندىسى ھۇجۇم قوزغىدى، ئابدۇللا قاپقىچىنى ئالداپ ئۆتۈپ توپ كىرگۈزىمەن دەپ ياخشى توپ كىرگۈزۈش پۇرسىتىنى قولدىن بېرىپ قويدى.
45 مىنۇتلۇق مۇسابىقە ئاخىرلىشىپ ئۈچ مىنۇتلۇق تولۇقلىما ۋاقىت قوشۇپ بېرىلدى.
كېيىنكى مىنۇتلاردا مۇسابىقە نەتىجىسىدە ئۆزگىرىش بولماي تۇرپان كوماندىسى ۋاقتىنچە 0:1 ئۈستۈنلۈككە تۇردى.
15 مىنۇتلۇق ئارام ئېلىش ئاخىرلاشقاندىن كېيىن توپچىلار مۇسابىقە مەيدانىغا قايتىپ كەلدى. كېيىنكى يېرىم مەيدان مۇسابىقە باشلاندى.
49-مىنۇتتا تۇرپان كوماندىسى ياخشى يەردىن ئىختيارى توپ باشلىغان بولسىمۇ قارشى تەرەپ بېكلىرى بۇزىۋەتتى.
59-مىنۇتتا ئىككى تەرەپ توپچىسى توپ تالىشىشتا ئازراق سوقۇلۇش يۈز بەردى.
64-مىنۇتتا خوتەن كوماندىسىنىڭ يىراقتىن تەپكەن توپى ئۆرلەپ كەتتى.
65-مىنۇتتىلا خوتەن كوماندىسى ھۇجۇم تەشكىللىدى، شۇنداقلا ئىنتايىن چىرايلىق ماسلىشىپ ئىنتايىن گۈزەل توپتىن بىرنى كىرگۈزدى، نەتىجە خوتەن 1:1 تۇرپان.
71-مىنۇتتا توپ خوتەن كوماندىسى توپچىسىنىڭ مەيدىسىگە تېگىپ يەردە يېتىپ قالدى.
كۆرۈنۈش مەيداننىڭ ئۈستى تەرىپىدىن بېرىلدى.
77-مىنۇتتا خوتەن كوماندىسى ئىنتايىن چىرايلىق ماسلاشتى، سول يولدىن تاشلانغان توپنى قاپقىچى قالتىس ئىپادىسى بىلەن توسۇپ چىقىرىۋەتتى.
82-مىنۇتتا خوتەن كوماندىسى قائىدىگە خىلاپ ھەرىكەت ئىشلىدى، تۇرپان كوماندىسى ئىنتايىن ياخشى يەردىن ئىختىيارى توپ تېپىش پۇرسىتىگە ئېرىشتى.
88-مىنۇتتا تۇرپان كوماندىسى قايتۇرما ھۇجۇم قوزغىدى، نەبىجان ئوڭ يولدىن توپنى ئېلىپ مېڭىپ چەكلەنگەن رايوندا پاس بەردى، بىرىنچى توپ توسۇۋېلىندى، قايتىپ چىققان توپنى كەۋسەر تولۇقلاپ تېپىپ كىرگۈزدى، نەتىجە خوتەن 2:1 تۇرپان.
90 مىنۇتلۇق مۇسابىقە ئاخىرلىشىپ 6 مىنۇت تولۇقلىما ۋاقتى قوشۇپ بېرىلدى.
كېيىنكى مىنۇتلاردا ئۆزگىرىش بولماي بۇ مەيدان مۇسابىقىدە تۇرپان كوماندىسى 1:2 نەتىجىدە خوتەن كوماندىسىنى مەغلۇپ قىلىپ ئۈچ نومۇرغا ئېرىشتى، شۇنداقلا تۇرپان كوماندىسى 6 نومۇر بىلەن ۋاقتىنچە بىرىنچى ئورۇنغا چىقتى، ھەمدە گۇرۇپپىدىن ئوڭۇشلۇق چىقتى، خوتەن كوماندىسى ئۈچىنچى ئورۇنغا چۈشۈپ قالدى.
يەنە بىر خەۋەر:
قەشقەر vs ئاتۇش مۇسابىقىسىنى كودنى بېسىپ ئېچىپ نەق مەيدان بىۋاستە كۆرۈڭ
2024-يىللىق ئاتۇش لوڭقىسى شىنجاڭ تەكلىپ مۇسابىقىسىنىڭ 5-كۈنلۈك گۇرۇپپا مۇسابىقىسى باشلاندى، بۇ مەيدان مۇسابىقىدە قەشقەر كوماندىسى بىلەن ئاتۇش كوماندىسى مۇسابىقىلىشىدۇ.
توپچىلار مەيدانغا كىردى، مۇسابىقە باشلىنىش ئالدىدا
ئاتۇش لوڭقىسى B گۇرۇپپا 3-ئايلانما مۇسابىقىسىدىكى ئاتۇش VS قەشقەر مۇسابىقىسى باشلاندى...
2-مىنۇتتىلا ئاتۇش كوماندىسىنىڭ يىراقتىن تەپكەن توپى ئۆرلەپ كەتتى.
14-مىنۇتتا مەردان قائىدىگە خىلاپ ھەرىكەت ئىشلىگەنلىكى ئۈچۈن سېرىق كارتا بىلەن ئاگاھلاندۇرۇلدى.
17-مىنۇتتا ئاتۇش كوماندىسى ئىنتايىن ياخشى پۇرسەت ياراتقان بولسىمۇ قەشقەر كوماندىسىنىڭ كۈچلۈك مۇداپىيەسى توسۇۋالدى.
19-مىنۇتتا ئاتۇش كوماندىسى چەكلەنگەن رايوندا قائىدىگە خىلاپ ھەرىكەتكە ئۇچراپ نۇقتا توپقا ئېرىشتى.
20-مىنۇتتا ئاتۇش كوماندىسى توپچىسى قەيسەر نۇقتا توپنى تېپىپ كىرگۈزدى، نەتىجە ئاتۇش 0:1 قەشقەر
25-مىنۇتىدا قەشقەر كوماندىسى بىلەن ئاتۇش كوماندىسى توپچىسى توپ تالىشىش جەريانىدا ئىككىلا توپچى پۇتىنى ئاغرىتىۋالدى.
32-مىنۇتتا ئاتۇش كوماندىسى بۇلۇڭ توپ پۇرسىتىدىن پايدىلىنىپ ياخشى ھۇجۇم قوزغىغان بولسىمۇ لېكىن توپ كىرمەي قالدى.
35-مىنۇتتا ئاتۇش كوماندىسى ھۇجۇم قوزغىدى، نىزامىدىننىڭ چەكلەنگەن رايون ئىچىدىن تەپكەن توپىنى قاپقىچى توسۇپ چىقىرىۋەتتى.
37-مىنۇتتا قەشقەر كوماندىسى ئىنتايىن ياخشى يەردىن ئىختىيارى توپ پۇرسىتىگە ئېرىشتى، شۇنداقلا ئىنتايىن ياخشى ھۇجۇم قىلغان بولسىمۇ لېكىن قاپقىچى توسۇۇۋالدى.
44-مىنۇتتا نىزامىدىن قائىدىگە خىلاپ ھەرىكەتكە ئۇچراپ ئاتۇش كوماندىسى ياخشى ئىختىيارى توپ تېپىش پۇرسىتىگە ئېرىشتى. شۇنداقلا ئۈسكەن كاللا توپنى قاپقىچى توسۇۋالدى.
شۇنداقلا 45 مىنۇتلۇق مۇسابىقە ئاخىرلىشىپ ئاتۇش كوماندىسى 0:1 نەتىجىدە ۋاقتىنچە ئۈستۈنلۈكتە تۇردى.
15 مىنۇتلۇق ئارام ئېلىشنى ئاخىرلاشتۇرغاندىن كېيىن توپچىلار مەيدانغا قايتىپ كەلدى، كېيىنكى مەيدان مۇسابىقە باشلاندى.
47-مىنۇتتا قەشقەر كوماندىسىنىڭ بىر قېتىملىق قىقاس ھۇجۇمى بۇزۇلۇپ كەتتى.
51-مىنۇتتا قەشقەر كوماندىسىنىڭ يەنە بىر قېتىملىق ھۇجۇمى قاپقىچى سەۋەبلىك بۇزۇلۇپ كەتتى.
59-مىنۇتتا قەشقەر كوماندىسى ھۇجۇم قوزغىدى، ئاتۇش كوماندىسى قول توپ قىلدى. قەشقەر كوماندىسىغا نۇقتا توپ كەلدى.
مۇسابىقىنىڭ 61-مىنۇتىدا قەشقەر كوماندىسىدىن ئىبراھىم قۇربان نۇقتا توپنى كىرگۈزدى، نەتىجە قەشقەر 1:1 ئاتۇش.
69-مىنۇتتا قەشقەر كوماندىسى توپچىسىنىڭ يىراق ئارىلىقتىن تەپكەن توپىنى قاپقىچى قالتىس ئىپادىسى بىلەن توسۇپ چىقىرىۋەتتى.
74-مىنۇتتا قەشقەر كوماندىسى توپچىسى قۇربانجان نىزامىدىنغا قائىدىگە خىلاپ ھەرىكەت ئىشلىدى، شۇنداقلا بىۋاستە قىزىل كارتا جازاسى بىلەن مەيداندىن چۈشۈرىۋېتىلدى.
80-مىنۇتتا قەشقەر كوماندىسى تاكتىكىلىق ئادەم ئالماشتۇرۇش ئېلىپ باردى.
81-مىنۇتتا قەشقەر كوماندىسىنىڭ ھۇجۇمى خەتەر پەيدا قىلدى.
85-مىنۇتىدا قەشقەر كوماندىسى سول يولدىن ھۇجۇم قوزغىغان بولسىمۇ ئاخىرىدا مۇۋەپپىقىيەتلىك بولمىدى.
86-مىنۇتتا قەشقەر كوماندىسى توپچىسىدا يارىلىنىش ئەھۋالى كۆرۈلدى.
90 مىنۇتلۇق مۇسابىقە ئاخىرلىشىپ 4 مىنۇت تولۇقلىما ۋاقىت قوشۇپ بېرىلدى.
93-مىنۇتتا ئاتۇش كوماندىسى تاكتىكىلىق ئادەم ئالماشتۇرۇش ئېلىپ باردى.
90 مىنۇتلۇق مۇسابىقە ئاخىرلىشىپ ئىككى كوماندا نۇقتا توپ جېڭىگە قەدەم قويدى، بۇ قېتىملىق مۇسابىقە قائىدىسىگە گۇرۇپپا مۇسابىقىسىدە تەڭلەشسە نۇقتا توپ جېڭىگە كىرىدۇ، ئۇتقان كوماندا ئىككى نومۇرغا ئۇتتۇرغان كوماندا بىر نومۇرغا ئېرىشىدۇ.
نۇقتا توپ جېڭى باشلاندى!!!
بىرىنچى ئايلانما: قەشقەر كوماندىسىدىن ئىمران تەپتى، توپ كىرمىدى، قاپقىچى توسۇۋالدى.
ئىككىنچى ئايلانما: ئاتۇش كوماندىسىدىن مۇزەپپەر تەپتى، توپ كىردى.
ئۈچىنچى ئايلانما: قەشقەر كوماندىسىدىن ئالىمجان تەپتى، توپ كىرمىدى، ئاتۇش قاپقىچىسى مەۋلان توپنى توسۇۋالدى.
تۆتىنچى ئايلانما: ئاتۇش كوماندىسىدىن گاۋ جيالياڭ تەپتى، توپ كىردى.
بەشىنچى ئايلانما: قەشقەر كوماندىسىدىن ھەسەن تەپتى، توپ كىردى.
ئالتىنچى ئايلانما: ئاتۇش كوماندىسىدىن ئۆمەر تەپتى، توپ كىردى.
يەتتىنچى ئايلانما: قەشقەر كوماندىسىدىن شې لېتيەن تەپتى، توپ كىردى.
توققۇزىنچى ئايلانما: ئاتۇش كوماندىسىدىن شاۋكەت تەپتى، توپ كىردى.
بۇ مەيدان مۇسابىقىدە ئاتۇش كوماندىسى 5:3 ئومۇمىي نەتىجىدە قەشقەر كوماندىسىنى مەغلۇپ قىلىپ بەش نومۇرغا ئېرىشىپ ئىككىنچى ئورۇندا. قەشقەر كوماندىسى 6 نومۇرغا ئېرىشىپ داۋاملىق 1-ئورۇندا تۇردى.
