سوخۇ تورى خەۋىرى، نۇر تورى تەرجىمىسى
تاماشا ساھەسىدە چولپانلارنىڭ ھەرقانداق بىر ھەرىكىتى زىيادە كۆپتۈرۈلۈپ غۇلغۇلا قوزغاپ، بەزىدە كىچىكلا بىر ئىش قىزغىن نازىرە تېمىسى بولۇپ قالىدۇ.
يېقىندا، ھېلىقى داڭلىق ماراقچى ليۇ داچۈي (刘大锤) ئاشكارىلىغان بىر خەۋەر چولپان جوۋ يۈتوڭنى (周雨彤)نى يەنە بىر قېتىم خەتەرلىك ئەھۋالغا چۈشۈرۈپ قويدى.
بۇ ئىشنىڭ سەۋە بولسا، ليۇ داچۈينىڭ ئىجتىمائىي ئالاقە سۇپىسىدا ئاشكارىلىشىچە، ئۇ بىر قېتىم جەمئىيەت پاراۋانلىقى پائالىيىتىدە جوۋ يۈتوڭنى ئۇچرىتىپ قالغان. ئۇ چاغدا جوۋ يۈتوڭ ليۇ داچۈيگە قاراپ تاتلىق كۈلۈمسىرىگەن، گەپ سۆزدىمۇ ئىنتايىن سىلىق-سپايە بولۇپ، ليۇ داچۈيگە ناھايىتى دوستانە تەسىر بەرگەن.ئەمما ليۇ داچۈي «گۈل ۋە ياشلىق» (花儿与少年) ناملىق ئۇنىۋېرىسال سەنئەت پروگراممىسىنى كۆرگەندىن كېيىن، جوۋ يۈتوڭغا بولغان كۆز قارىشى بىراقلا ئۆزگەرگەن.
ليۇ داچۈينىڭ قارىشىچە، پروگراممىدا جوۋ يۈتوڭ بىردەم ناھايىتى مۇز چىراي بولۇۋالغان، بىردەم گەپ قىلغاندا قاتتىق ھاياجانلىنىپ ئوبرازىغا دىققەت قىلمىغان، بۇ ئۇنىڭ جەمئىيەت پاراۋانلىقى پائالىيىتىدە كۆرگىنى بىلەن پۈتۈنلەي ئوخشىماي قالغان. بۇنداق چوڭ پەرىق دەل ئىككى يۈزلىمىچى ئادەملەردە بولۇشقا تېگىشلىك تىلى بىلەن دىلى، ئىچى بىلەن تېشى بىردەك ئەمەس قىلمىش بولماي نېمە؟
ليۇ داچۈينىڭ بۇ گېپى چىقىشى بىلەن بۇ تېما توردا قىززىپ كەتكەن. بەزىلەر ليۇ داچۈينىڭ دېگىنىنى توغرا دەپ قاراپ، ئۇنى «راست گەپ قىلىشقا جۈرئەت قىلدى»، «تاماشا ساھەسىدىكى ساختا نىقابنى ئېچىپ تاشلىدى» دەپ ماختاشقان. بەزىلەر بۇنىڭغا قوشۇلماي، ليۇ داچۈينى «بەك بىر تەرەپلىمە باھا بولۇپ قالدى، بىر نەچچە سان پروگراممىغا قاراپلا بىر ئادەمگە باھا بېرىۋەتكىلى بولمايدۇ» دېدى.
بۇ پىكىرلەرنى كۆرۈپ جوۋ يۈتوڭنىڭ مەستانىلىرى ئولتۇرالمايلا قالدى، ئۇلارنىڭ ئېيتىشىچە، ئۇنىۋېرىسال سەنئەت پروگراممىلىرى كۆرۈش نىسبىتىنى ئاشۇرۇش ۋە پاراڭ تېمىسىنى قىزىتىش ئۈچۈنلا ئىشلىنىدىكەن، بەزىدە كۆرۈرمەنلەرنىڭ ئارىسىدا توقۇنۇش ۋە تالاش-تارتىش پەيدا قىلىپ دىققەتنى قوزغاش ئۈچۈن، پروگراممىغا مېھمان بولۇپ قاتناشقان چولپانلارنىڭ ھەقىقىي مىجەزىگە چۈشمەيدىغان كۆرۈنۈشلەرنى قوشۇپ قويىدىكەن. شۇڭا ئۇنىۋېرىسال سەنئەت پروگراممىسىدىكى ئىپادىسىگە قاراپلا جوۋ يۈتوڭغا «تىلى بىلەن دىلى بىردەك ئەمەس» دېگەن بەلگىنى چاپلاپ قويۇشقا بولمايدىكەن.
ئۇنداقتا جوۋ يۈتوڭنىڭ ليۇ داچۈي ئېيتقاندەك تىلى بىلەن دىلى بىردەك ئەمەسمۇ؟ بۇ سوئالغا جاۋاب بېرىش ئۈچۈن، بىز بىر قانچە نۇقتىدىن قارىشىمىز كېرەك. ئالدى بىلەن جۇ يۈتۇڭ بىر ئارتىس، ئۇ تېلېۋىزوردا ھەر قانداق رولنى ئالىدۇ، بەزىدە مىجەزى پۈتۈنلەي ئۆزىگە ئوخشىمايدىغان ئادەمنىڭ رولىنىمۇ ئالىدۇ. بۇ ئۇنىڭ خىزمەت تەلىپى، شۇنداقلا رول ئېلىش ماھارىتىنى نامايەن قىلىشنىڭ ئۇسۇلى. شۇڭا، بىز ئۇنىڭ تېلېۋىزوردىكى ئىپادىسىنى ئۇنىڭ ھەقىقىي خاراكتېرى دەپ قارىساق بولمايدۇ. ئىككىنچىدىن، ھەر بىرىمىزنىڭ تۇرمۇشتا نۇرغۇن تەرەپلىرىمىز بار. ئوخشاش بولمىغان جايدا، ئوخشاش بولمىغان ئادەمگە قاراپ ئوخشاش بولمىغان مىجەزىمىزنى ئىپادىلىشىمىز مۇمكىن. جوۋ يۈتوڭنىڭ جەمئىيەت پاراۋانلىقى پائالىيىتىدىكى ئىپادىسى دوستانە، سەمىمىي بولغان بولسا، بەلكىم ئۇ پاراۋانلىق ئىشلىرىنى قىزغىن سۆيىدىغان ئادەم بولۇشى مۇمكىن.
ئۇنىۋېرسال سەنئەت پروگراممىسىدا سوغۇق چىراي، كەسكىن بولۇشى بەلكىم ئۇنىڭ ئالاھىدە ئەھۋالدىكى بىر خىل ئىنكاسى ياكى ئىپادىلەش ئۇسۇلى بولۇشى مۇمكىن. مۇشۇنداق ئاددىي ھالدا بۇ ئوخشاش بولمىغان ئىپادىلەرنى «تىلى باشقا، دىلى باشقا» دېيىش سەل قارىسىغا ھۆكۈم قىلغانلىق بولىدۇ. بۇ جەمئىيەت پىكرى ۋەقەسىگە قارىتا، ئۇ ھازىرغىچە ليۇ داچۈينىڭ گېپىگە ئاشكارا ئىنكاس قايتۇرمىدى. ئۇنىڭ يېقىنقى ئەھۋالىدىن قارىغاندا، ئۇ بۇ ئىشنىڭ تەسىرىگە ئانچە چوڭ ئۇچرىمىغاندەك قىلىدۇ. ئۇ رول ئالغان «تىنچ يىللار» (太平年) ۋە «180 كۈنلۈك پىلاننى قايتا باشلاش» (180天重启计划) ناملىق يېڭى تىياتىر پات ئارىدا قويۇلىدۇ، بۇ ئىككى تىياتىر ئۇنىڭ سەنئەت ھاياتىدىكى يېڭى يارقىن نۇقتىغا ئايلىنىدۇ. جۇ يۈتۇڭغا نىسبەتەن ئېيتقاندا، ئەسىرى ئارقىلىق سۆزلەش ئەڭ ياخشى ئىنكاس قايتۇرۇش ئۇسۇلى بولۇشى مۇمكىن.
