ئاتۇش لوڭقىسى C گۇرۇپپا 2-ئايلانما: سانجى 5:6 غۇلجا ناھىيە (نۇقتا توپ)
ئاتۇش لوڭقىسى: سانجى vs غۇلجا ناھىيەسى مۇسابىقىسىنى كودنى بېسىپ ئېچىپ نەق مەيدان كۆرۈڭ
2024-يىللىق ئاتۇش لوڭقىسى شىنجاڭ پۇتبول تەكلىپ مۇسابىقىسىنىڭ 3-كۈنلۈك گۇرۇپپا مۇسابىقىسىنىڭ ئۈچىنچى مەيدان مۇسابىقىسى 11-ئاينىڭ 7-كۈنى بېيجىڭ ۋاقتى سائەت 21:00دە باشلاندى، غۇلجا ناھىيەسى كوماندىسى بىلەن سانجى كوماندىسى مۇسابىقىلەشتى، بۇ مۇسابىقىنى ئاستىدىكى ئۇلانمىنى بېسىپ نەق مەيدان بىۋاستە كۆرسىتىشتىن كۆرسىڭىز بولىدۇ.
تۈنۈگۈنكى مۇسابىقىنىڭ ئاخىرى باشلىنىش ئالدىدا، نەتىجە ۋاقتىنچە سانجى 0:1 غۇلجا ناھىيە...
ئاتۇش لوڭقىسى: سانجى vs غۇلجا ناھىيە مۇسابىقىسىنى بۇيەرنى بېسىپ نەق مەيدان كۆرۈڭ
ئاتۇش لوڭقىسى C گۇرۇپپا 2-ئايلانما مۇسابىقىسى باشلاندى...
بىردەملىك تېخنىكىلىق كاشىلا بىلەن توك كېتىپ قالغان بولۇشى مۇمكىن، مەستانىلەرنىڭ، كۆرۈرمەنلەرنىڭ ساقلاپ تۇرىشىنى ئۈمىد قىلىمىز.
توك كەلدى، مۇسابىقە بىر ئازدىن كېيىن باشلىنىدۇ.
توپچىلار مەيدانغا قايتىپ كەلدى، مۇسابىقە باشلاندى.
مۇسابىقىنىڭ 28-مىنۇتىدا سانجى كوماندىسى ئىختىيارى توپ تېپىش پۇرسىتىگە ئېرىشتى، سانجى كوماندىسى توپچىسى كاللا توپ كىرگۈزدى. نەتىجە سانجى 0:1 غۇلجا ناھىيە
كىرگەن توپتا مەسىلە بولۇشى مۇمكىن، رېپىر تېخنىكلار بىلەن پاراڭلاشقاندىن كېيىن ھۆكۈمنى ساقلاپ قالدى، نەتىجە داۋاملىق 0:1
33-مىنۇتتا غۇلجا ناھىيە كوماندىسى بىر قېتىملىق ھۇجۇم قوزغاپ توپ تەپكەن بولسىمۇ لېكىن توپ كىرمەي قالدى.
39-مىنۇتتا غۇلجا ناھىيە كوماندىسى ياخشى ھۇجۇم تەشكىللىگەن بولسىمۇ توپ كىرمەي قالدى.
مۇسابىقىنىڭ ئاخىرىغا كەلگەندە يەنە بىر چىراق ئۆچۈپ كېتىپ، توپچىلارنىڭ توپنى كۆرۈشى سەل تەسلەشتى، مۇسابىقە يەنە توختاپ قالدى.
بۇ مەيدان مۇسابىقىدە تېخنىكىلىق كاشىلىلار كۆرۈلۈپ مۇسابىقە ۋاقتىنچە توختاپ قالدى، بۇ مۇسابىقە ئەتە بېيجىڭ ۋاقتى 11:00گە ئۆزگەرتىلدى.
مۇسابىقە باشلاندى...
مۇسابىقە 44-مىنۇتتىن باشلاندى، مۇسابىقە باشلىنىپلا سانجى كوماندىسى توپچىسىدا مەسىلە كۆرۈلدى
تۈنۈگۈنكى تۇنجى مەيدان مۇسابىقىدە توختاپ قېلىش كۆپ بولغانلىقى ئۈچۈن ئالدىنقى يېرىم مەيدانغا 23 مىنۇت قوشۇپ بېرىلدى.
46-مىنۇتتا سانجى كوماندىسى ئىنتايىن خەتەرلىك ھۇجۇم قوزغىدى، سانجى توپچىسى تەپكەن توپ قاپقىچىغا تېگىپ ئارقىدىن قاپقا تۆمۈرىگە تېگىپ چىقىپ كەتتى.
50-مىنۇتتا غۇلجا ناھىيە كوماندىسى ھۇجۇم قىلىۋاتقاندا سانجى توپچىسى قائىدىگە خىلاپ ھەرىكەت قىلىپ سېرىق كارتا ئالدى.
غۇلجا ناھىيەنىڭ تەپكەن ئىختىيارى توپى يان سېتكىغا تەگدى.
كېيىنكى مىنۇتلاردا ئۆزگىرىش بولماي ئالدىنقى يېرىم مەيدان مۇسابىقە ئاخىرلاشتى، نەتىجە ۋاقتىنچە سانجى 0:1 غۇلجا ناھىيە
15 مىنۇتلۇق ئارام ئېلىش ئاخىرلىشىپ توپچىلار مەيدانغا قايتىپ كەلدى، كېيىنكى مەيدان مۇسابىقە باشلاندى
52-مىنۇتتا غۇلجا ناھىيە كوماندىسىنىڭ چەكلەنگەن رايون ئىچىدە تەپكەن توپىنى قارشى تەرەپ بېكى توسۇپ چىقىرىۋەتتى.
54-مىنۇنتتا غۇلجا ناھىيە كوماندىسى ھۇجۇم قوزغاپ بىلالىدىن ئوڭ يولدىن توپنى بىۋاستە قاپقىغا تېپىپ كىرگۈزدى، نەتىجە غۇلجا ناھىيە 1:1 سانجى.
56-مىنۇتتا سانجى كوماندىسى توپچىسى مەمەت يۈسۈپ توپ تالاشمىغان ئەھۋالدا پېيى تارتىشىپ قېلىپ يەرگە يىقىلدى.
60-مىنۇتتا سانجى كوماندىسى تاكتىكىلىق ئادەم ئالماشتۇرۇش ئېلىپ باردى.
69-مىنۇتتا غۇلجا ناھىيە كوماندىسى يەنە بىر قېتىملىق ھۇجۇم قوزغىغان بولسىمۇ لېكىن پۇرسەت ياخشى تۇتۇلماي قالدى.
71-مىنۇتتا سانجى كوماندىسى تاكتىكىلىق ئادەم ئالماشتۇرۇش ئېلىپ باردى
مۇسابىقىنىڭ 79-مىنۇتىدا سانجى كوماندىسى توپچىلىرى ئىنتايىن قالتىس پاسلىشىش ئېلىپ باردى، ئەزمەتجان توپ كىرگۈزدى، نەتىجە سانجى 1:2 غۇلجا ناھىيە.
80-مىنۇتتا غۇلجا ناھىيە كوماندىسى توپچىسى كامران قائىدىگە خىلاپلىق ھەرىكەت ئىشلەپ سېرىق كارتا بىلەن ئاگاھلاندۇرۇلدى.
89-مىنۇتتا غۇلجا ناھىيە كوماندىسى بىر توپ كىرگۈزدى، ئەمما ياردەمچى رېپىر ئوفسايت دەپ ھۆكۈم قىلدى.
باش رېپىر سىن ياردەمچى رېپىرى بىلەن ئالاقىلىشىۋاتىدۇ.
رېپىر سىن ياردەمچىسى بىلەن پاراڭلاشقاندىن كېيىن توپنىڭ ئىناۋەتلىك ئىكەنلىكىنى بىلدۈردى، مۇسابىقە نەتىجىسى غۇلجا ناھىيە 2:2 سانجى.
90 مىنۇتلۇق مۇسابىقە ئاخىرلاشتى، ئىككى تەرەپ نۇقتا توپ جېڭىگە قەدەم قويدى. بۇ قېتىملىق مۇسابىقىنىڭ قائىدىسى بويىچە نۇقتا توپ جېڭىدە ئۇتقان كوماندا ئىككى نومۇرغا ئۇتتۇرغان كوماندا بىر نومۇرغا ئېرىشىدۇ.
نۇقتا جېڭى باشلاندى.
تۇنجى ئايلانما نۇقتا توپ: غۇلجا ناھىيە كوماندىسى نۇقتا توپنى تەپتى، توپ كىرمىدى، سانجى كوماندىسى قاپقىچىسى ئىمران توسۇۋالدى.
ئىككىنچى ئايلانما: سانجى كوماندىسى تەپتى، غۇلجا ناھىيە كوماندىسى قاپقىچىسى تۇتۇۋالدى.
ئۈچىنچى ئايلانما: غۇلجا ناھىيە كوماندىسى توپچىسى تەپتى، سانجى قاپقىچىسى ئىمران توسۇۋالدى.
تۆتىنجى ئايلانما: سانجى كوماندىسى توپچىسى نۇقتا توپنى تەپتى، توپ كىردى.
بەشىنچى ئايلانما: غۇلجا ناھىيە توپچىسى تەپتى، توپ كىردى.
ئالتىنچى ئايلانما: سانجى كوماندىسى توپچىسى تەپتى، توپ كىردى.
يەتتىنچى ئايلانما: غۇلجا ناھىيە كوماندىسى توپچىسى تەپتى، توپ كىردى.
سەككىزىنچى ئايلانما: سانجى كوماندىسى توپچىسى تەپتى، توپ كىردى.
توققۇزىنچى ئايلانما: غۇلجا ناھىيەسى كوماندىسى توپچىسى توپ تەپتى، توپ كىردى.
ئونىنچى ئايلانما: سانجى كوماندىسى توپچىسى تەپتى، توپ كىردى.
مۇسابىقە ئاخىرلاشتى، سانجى كوماندىسى نۇقتا توپ جېڭىدە غەلىبە قىلىپ ئىككى نومۇرنى قولغا كەلتۈردى، غۇلجا ناھىيە كوماندىسى بىر نومۇر ئالدى.
ئاتۇش لوڭقىسى A گۇرۇپپا 2-ئايلانما: ئاتۇش 4:0 خوتەن
ئاتۇش vs خوتەن مۇسابىقىسىنى كودنى بېسىپ ئېچىپ نەق مەيدان بىۋاستە كۆرۈڭ
2024-يىللىق ئاتۇش لوڭقىسى شىنجاڭ تەكلىپ مۇسابىقىسىنىڭ 4-كۈنلۈك گۇرۇپپا مۇسابىقىسى باشلاندى، بۇ مەيدان مۇسابىقىدە ئاتۇش كوماندىسى بىلەن خوتەن كوماندىسى مۇسابىقىلىشىدۇ.
ئاتۇش لوڭقىسى A گۇرۇپپا 2-ئايلانما مۇسابىقىسى باشلاندى....
مۇسابىقىنىڭ 13-مىنۇتىدا ئاتۇش كوماندىسى ئىنتايىن ياخشى جايدىن ئىختىيارى توپ تېپىش پۇرسىتىگە ئېرىشتى، ئەمما توپ ئادەم تېمىدىن ئۆتەلمىدى.
23-مىنۇتتا توپچىلار سۇ تولۇقلاشقا باشلىدى.
ئاتۇشنىڭ گۈزەللىكى يەنە بىر قېتىم نامايان بولدى.
28-مىنۇتتا ئاتۇش كوماندىسى ئىنتايىن چىرايلىق پاس يەتكۈزدى، ئەمما ھۇجۇمچىسى پۇرسەتنى ياخشى تۇتالمىدى.
31-مىنۇتتا خوتەن كوماندىسىنىڭ يىراق ئارىلىقتىن تەپكەن توپى ئۆرلەپ كەتتى.
مۇسابىقىنىڭ 38-مىنۇتىدا خوتەن كوماندىسى بىر قېتىملىق ئىختىيارى توپ پۇرسىتىنى تۇتۇۋېلىپ ئىچىگە تاشلىدى، مەردان كاللا توپ كىرگۈزدى، شۇنداقلا رونالدونىڭ تەبرىكلەش ھەرىكىتىنى ئىشلىدى. نەتىجە خوتەن 0:1 ئاتۇش.
مۇسابىقىنىڭ 41-مىنۇتىدا ئاتۇش كوماندىسى تاكتىكىلىق ئادەم ئالماشتۇرۇش ئېلىپ باردى.
45-مىنۇتتا خوتەن كوماندىسى يان يولدىن ئىنتايىن خەتەرلىك ھۇجۇم قوزغىغان بولسىمۇ لېكىن ئاخىرىدا توپ كىرمىدى.
ئالدىنقى يېرىم مەيدان مۇسابىقىنىڭ 45-مىنۇتلۇق مۇسابىقە ئاخىرلىشىپ ئۈچ مىنۇت تولۇقلىما ۋاقتى قوشۇپ بېرىلدى.
47-مىنۇتتا خوتەن كوماندىسى توپچىسى تەتۈر ئىلمەك توپ تەپكەن بولسىمۇ قاپقىچى توسۇۋالدى.
كېيىنكى مىنۇتلاردا مۇسابىقە نەتىجىسىدە ئۆزگىرىش بولماي خوتەن كوماندىسى 0:1 نەتىجىدە ۋاقتىنچە ئۈستۈنلۈكتە تۇردى.
15 مىنۇتلۇق ئارام ئېلىشنى ئاخىرلاشتۇرغاندىن كېيىن توپچىلار مەيدانغا قايتىپ كەلدى، كېيىنكى يېرىم مەيدان مۇسابىقە باشلاندى.
كۆرۈنۈش مۇسابىقە مەيدان سىرتىدا توپ كۆرۈۋاتقان تاماشىبىنلارغا بېرىلدى.
61-مىنۇتىدا ئاتۇش كلوماندىسى ئوڭ يولدىن ئىنتايىن چىرايلىق ھۇجۇم قوزغىدى، ئەمما خوتەن كوماندىسىنىڭ مۇداپىيەسىمۇ قالتىس بولغانلىقى ئۈچۈن توپ كىرمەي قالدى.
62-مىنۇتتا ئاتۇش كوماندىسى توپچىسى ئىليارنىڭ ئۆرۈلۈپلا تەپكەن توپىنى قاپقىچى تۇتۇۋالدى.
66-مىنۇتىدا خوتەن كوماندىسى تاكتىكىلىق ئادەم ئالماشتۇرۇش ئېلىپ باردى.
73-مىنۇتتا خوتەن كوماندىسى ئوڭ يولدىن ھۇجۇم قىلىپ كىرىپ كەڭ بۇلۇڭغا تېپىلگەن توپ كىرمەي قالدى.
74-مىنۇتىدا خوتەن كوماندىسى سول يولدىن ئىنتايىن چىرايلىق ھۇجۇم تەشكىللىدى، ئاخىرىدا پاسلىشىش ئارقىلىق ياخشى ئورۇندىكى ئابدۇللا قۇرۇق قاپقىغا توپنى كىرگۈزدى، ھازىرقى نەتىجە خوتەن 0:2 ئاتۇش.
مۇسابىقىنىڭ 77-مىنۇتىدا خوتەن كوماندىسى تاكتىكىلىق ئادەم ئالماشتۇرۇش ئېلىپ باردى.
78-مىنۇتتا خوتەن كوماندىسى بىر قېتىملىق ھۇجۇم قوزغىغان بولسىمۇ لېكىن قاپقىچى ئالدىغا چىقىپ توپنى بۇزىۋېتىپ خەتەرنى ئازايتتى.
82-مىنۇتتا خوتەن كوماندىسى يەنە بىر قېتىملىق ھۇجۇم قوغىدى، ئاتۇش قاپقىچىسى خاتالىق سادىر قىلدى، ئابدۇمالىك پۇرسەتنى چىڭ تۇتۇپ توپنى قاپقىغا كىرگۈزدى، ھازىرقى نەتىجە خوتەن 0:3 ئاتۇش.
88-مىنۇتتا ئاتۇش كوماندىسى ئىنتايىن ياخشى پۇرسەت ياراتقان بولسىمۇ توپ كىرمەي قالدى.
ئارقىدىنلا خوتەن كوماندىسى توپچىسىدا ئاز-تولا يارىلىنىش ئەھۋالى كۆرۈلدى.
يىراقتىن كۆرۈنۈش بېرىلىپ مەيداننىڭ گۈزەللىكى يەنە بىر قېتىم نامايان بولدى.
90-مىنۇتتا خوتەن كوماندىسى ئارقا-ئارقىدىن تاكتىكىلىق ئادەم ئالماشتۇرۇش ئېلىپ باردى.
90 مىنۇتلۇق مۇسابىقە ئاخىرلىشىپ ئۈچ مىنۇت تولۇقلىما ۋاقتى قوشۇپ بېرىلدى.
90-مىنۇتتا خوتەن كوماندىسى توپچىسى ئېرپان قاپقىچىنىڭ قولىدىن قايتىپ چىققان توپنى كىرگۈزۈپ نەتىجىنى مۇقۇملاشتۇردى. نەتىجە خوتەن 0:4 ئاتۇش.
كېيىنكى مىنۇتلاردا مۇسابىقە نەتىجىسىدە ئۆزگىرىش بولماي خوتەن كوماندىسى 0:4 نەتىجىدە غەلىبە قىلىپ ئۈچ نومۇرنى قولغا كەلتۈردى.
