سۈرەتنى بېسىپ كىنو كۆرۈشنى باشلىۋېتىڭ
تېڭشۈن تورى خەۋىرى، نۇر تورى تەرجىمىسى:
11-ئاينىڭ 11-كۈنى، خەلقئارادا ئالتۇن باھاسى داۋاملىق چۈشتى، دۆلەت ئىچىدىكى ھەرقايسى چوڭ ئالتۇن دۇكانلىرىدا ئالتۇن باھاسى ۋاقتىنچە مۇقىم بولدى. نۆۋەتتە، ئالتۇن باھاسى ئەڭ يۇقىرى بولغان ئالتۇن دۇكىنى لاۋ فېڭشياڭ (老凤祥) بولۇپ باھاسى ھەر گىرامى 802 يۈەن. ئالتۇن باھاسى ئەڭ تۆۋەن ئالتۇن دۇكىنى شاڭخەي ئالتۇنى بولۇپ، باھاسى ھەر گىرامى 769 يۈەن. بۈگۈن ئالتۇن باھاسىنىڭ يۇقىرى-تۆۋەن پەرقى ھەر گىرامى 33 يۈەن بولۇپ، باھا پەرقى چوڭايدى.
ئالتۇننىڭ باھاسى توغرىسىدا توختالغاندىن كېيىن، پىلاتىنا (铂金)نىڭ باھاسى توغرىسىدا يەنە بىر قېتىم توختىلايلى، لاۋ فېڭشياڭ ئالتۇن دۇكىنىدا پىلاتىنانىڭ ھەر گىرامىنىڭ باھاسى 365 يۈەن. باشقا ئالتۇن دۇكانلىرىدىكى پىلاتىنانىڭ باھاسىنى ۋاقتىنچە تەپسىلىي مەلۇم قىلىنمايدۇ، بۈگۈن ئالتۇن باھاسى مۇقىم بولدى، ئالتۇننىڭ يىغىۋېلىش باھاسى ھەر گىرامى 2.3 يۈەن تۆۋەنلىدى. شۇنىڭ بىلەن بىر ۋاقىتتا، ھەر بىر ماركىنىڭ يىغىۋېلىش باھاسىمۇ ئوخشىمايدۇ.
ئالدىنقى ھەپتە يەنى 11-ئاينىڭ 8-كۈنى كۈنى ئالتۇننىڭ باھاسى داۋاملىق چۈشتى، بىر مەھەل 2700 ئامېرىكا دوللىرىلىق چوڭ ئۆتكەلنى بۆسۈپ ئۆتتى، ئەمما كەچتە ئامېرىكا ئېلان قىلغان ئامېرىكىنىڭ ئىقتىسادىي سانلىق مەلۇماتى زىيادە ياخشى بولۇپ، بازارنىڭ خەۋپتىن ساقلىنىش كەيپىياتى ئاجىزلاپ، ئالتۇن باھاسى يەنە تۆۋەنلەپ، ئەڭ ئاخىرىدا ھەر گىرامى 620.19 يۈەندە بازار يېپىلىپ، چۈشۈش نىسبىتى %0.7 بولدى.
بۈگۈن ئالتۇن باھاسى ئالدىنقى ھەپتە 11-ئاينىڭ 8-كۈنىدىكى چۈشۈشنى داۋاملاشتۇردى، ئاخبارات ئېلان قىلىنغانغا قەدەر، نەق ئالتۇن ھەر گىرامى 616.76 يۈەن بولۇپ، چۈشۈش نىسبىتى %0.53 بولدى.
ئالدىنقى ھەپتە ئېلان قىلىنغان ئامېرىكا ئىقتىسادى سانلىق مەلۇماتىدا كۆرسىتىلىشىچە، ئامېرىكا ئىستىمالچىلىرىنىڭ 11-ئايدىكى ئىشەنچ كۆرسەتكۈچى 73كە ئۆرلەپ، يەتتە ئايدىن بۇيانقى ئەڭ يۇقىرى سەۋىيىگە يەتكەن، بىر يىللىق پۇل پاخاللىقى نىسبىتىنىڭ دەسلەپكى مۆلچەر قىممىتى % 2.6كە چۈشۈپ، 2020-يىلىدىن بۇيانقى ئەڭ تۆۋەن سەۋىيەگە چۈشكەن. داڭلىق تەھلىلچىنىڭ بىلدۈرۈشىچە، نۆۋەتتە ئامېرىكا دوللىرى ۋە ئۆسۈم نىسبىتىدىكى داۋالغۇشنىڭ قىسمەن سەۋەبى بازارنىڭ ترامپنىڭ ئىدارە قىلىش بەلگىلىمىسىگە بولغان ئېنىقسىزلىقى ئىكەن.
چەت ئەل تاراتقۇلىرىنىڭ خەۋىرىگە قارىغاندا، بايدېن ھۆكۈمىتى ئۇكرائىناغا ياردەم بېرىشنى تېزلەتكەن. ئومۇمەن قىلىپ ئېيتقاندا، نەق ئالتۇن قىسقا مۇددەت ئىچىدە داۋاملىق چۈشۈشى مۇمكىن، ئەمما نۆۋەتتىكى جۇغراپىيىلىك ۋەزىيەت يەنىلا ئالتۇننى بەلگىلىك دەرىجىدە قوللايدۇ. ھازىر دۆلەت ئىچىدىكى ئالتۇن دۇكانلىرىنىڭ باھاسى چۈشكەن بولسىمۇ، لېكىن ئومۇمىي جەھەتتىن تۆۋەنلەش ئانچە چوڭ ئەمەس، ئەگەر زۆرۈر بولمىسا، يەنىلا ساقلاپ كۆرۈشنى تەۋسىيە قىلىنىدۇ.
يەنە بىرخەۋەر:
11-ئاينىڭ 12-كۈنىدىكى ئالتۇن، كۈمۈش باھاسى، چۈشتى!
نۇر تورى تەرجىمىسى
ھەر گىرام سېرىق ئالتۇن: 606.70 يۈەن
بۈگۈن سائەت نۆلدىن باشلاپ ھازىرغىچە بولغان ئالتۇن باھاسىنىڭ ئەمەلىي ئۆزگىرىش ئەھۋالى
ھەر گىرام ئاق ئالتۇن: 223.84 يۈەن
بۈگۈن سائەت نۆلدىن باشلاپ ھازىرغىچە بولغان ئاق ئالتۇن باھاسىنىڭ ئەمەلىي ئۆزگىرىش ئەھۋالى
ھەر گىرام كۈمۈش: 7.119 يۈەن
بۈگۈن سائەت نۆلدىن باشلاپ ھازىرغىچە بولغان كۈمۈش باھاسىنىڭ ئەمەلىي ئۆزگىرىش ئەھۋالى
ئىزاھات:
1. ئالتۇن، كۈمۈش، ئاق ئالتۇنلارنىڭ باھاسى شۇ خىل مېتالىنىڭ خەلقئارا بازاردىكى باھاسىنى كۆرسىتىدۇ، بانكىلاردا سېتىلىۋاتقان ئەمەلىي ئالتۇننىڭ باھاسى ئادەتتە ساقلاش، توشۇش ھەقلىرى قوشۇلغاندىن كېيىنكى باھاسى بولۇپ، بۇ خەلقئارا ئالتۇن باھاسىدىن 10 يۈەندىن 15 يۈەنگىچە قىممەت بولىدۇ.
2. خەلقئارا بازاردا ئالتۇن باھاسى ھەر ئۇنسىيە / ئامېرىكا دوللىرى بويىچە ھېسابلىنىدۇ، بىر ئۇنسىيە 31.1 گىرامغا تەڭ.
3. پىلاتىنا، يەنە بىر ئاتىلىشى ئاق ئالتۇن، ئادەتتە ئېغىز تىلىمىزدا ئاق ئالتۇن دەپ ئاتالغاچقا، چۈشىنىشلىك بولۇشى ئۈچۈن ئاق ئالتۇن دەپ ئېلىندى.
