سۈرەتنى بېسىپ كىنو كۆرۈشنى باشلىۋېتىڭ
نېمە ئىش بولدى؟ شىرئەلىجان: توڭشى كوماندىسىدىن ئايرىلىشنى قارار قىلدىم
جىبوبا تورى خەۋىرى، نۇر تورى تەرجىمىسى:
نەنجىڭ توڭشى كوماندىسىنىڭ باش تىرېنېرى شىرئەلىجان يېرىم كېچىدە ئالاقە تورىنى يېڭىلاپ، كوماندىدىن ئايرىلىدىغانلىقىنى بىلدۈردى. شىرئەلىجان ئالاقە تورىدا مۇنداق دەپ يازدى: «سۆيۈملۈك توپ مەستانىلىرى، ماڭا كۆڭۈل بۆلىدىغان دوستلار، بىر ياش تىرېنېر بولۇش سۈپىتىم بىلەن، مەن ئۆزۈمنىڭ ئۆگىنىشكە ۋە يۇقىرى كۆتۈرۈشكە تېگىشلىك تەرەپلىرىمنىڭ ناھايىتى كۆپ ئىكەنلىكىنى چوڭقۇر ھېس قىلدىم. مەن ۋاسكېتبولنى ياخشى كۆرىمەن، بۇ كەسىپنى ياخشى كۆرىمەن، جۇڭگو ۋاسكېتبولچىلىقىغا تېخىمۇ كۆپ تۆھپە قوشۇشىمنى ئۈمىد قىلىمەن. شۇڭا مەن كوماندىدىن ئايرىلىپ، قەدىمىمنى ئاستىلىتىپ، بىر قەدەم-بىر قەدەمدىن ئۆگىنىپ، تېخىمۇ ياخشى تىرېنېر بولۇش ئۈچۈن ئاساس سېلىپ، ئۆزۈم قىزغىن سۆيىدىغان كەسىپ ئۈچۈن ئۆزۈمنى تولۇقلاشنى قارار قىلدىم. داۋاملىق غەيرەت قىلىڭلار، بۇرادەرلەر!»
شىرئەلىجان 2022-يىلى يازدا توڭشى كوماندىسىنىڭ تىرېنېرلىق قامچىسىنى قولىغا ئالغاندىن بۇيان، بۇ كوماندىنى يېتەكلەپ ئۈچ پەسىللىك بوران-چاپقۇننى باشتىن كەچۈردى. ئۇنىڭ كۆڭۈل قويۇپ تەربىيىلىشى بىلەن توڭشى كوماندىسىنىڭ نەتىجىسى يىلدىن يىلغا ياخشىلاندى. 1-يىلىدا 17 مەيدان غەلىبە قىلىش، 25 مەيدان مەغلۇپ بولۇشتەك نەتىجىسى بىلەن بىرلەشمىدە 14-ئورۇنغا تىزىلدى، 2-يىلىدا 23 مەيدان غەلىبە قىلىش، 29 مەيدان مەغلۇپ بولۇشتەك نەتىجىسى بىلەن بىرلەشمىدە 13-ئورۇنغا ئۆرلىدى، بۇ مۇسابىقە پەسىلىدە ھازىرغا قەدەر 4 مەيدان غەلىبە قىلىپ، 5 مەيدان مەغلۇپ بولۇشتەك نەتىجىنى قولغا كەلتۈرۈپ بىرلەشمىدە 10-ئورۇندا تۇرماقتا. توڭشى كوماندىسى پەسىلدىن كېيىنكى مۇسابىقە نىشانىغا قاراپ پۇختا قەدەم بىلەن ئىلگىرىلىمەكتە. شىرئەلىجان ئۆزىنىڭ ئۆزگىچە تاكتىكىسى ۋە قالتىس رەھبەرلىك ئىقتىدارى بىلەن كوماندىغا يېڭى ھاياتىي كۈچ قوشتى.
يېڭى يۇلتۇزلارنى يېتىشتۈرۈش ۋە ئىشەنچنى قايتا تىكلەش
شىرئەلىجاننىڭ ئايرىلىشى توڭشى كوماندىسى ئۈچۈن ئېغىر زەربە ھېسابلىنىدۇ. ئۇنىڭ يېتەكچىلىكىدە، كوماندىنىڭ ئومۇمىي ئەمەلىي كۈچى يۇقىرى كۆتۈرۈلۈپلا قالماي، يەنە لىن ۋېي قاتارلىق بىر تۈركۈم ياش ۋە قابىلىيەتلىك توپچىلار بارلىققا كەلدى. ئۇنىڭدىن باشقا، ئۇ يەنە مۇۋەپپەقىيەتلىك ھالدا گو خاۋۋېن قاتارلىق پېشقەدەم توپچىلارنىڭ ئىپادىسىنى تېپىۋېلىشىغا ياردەم بېرىپ، توڭشى كوماندىسىنى مەستانىلەر ئىنتايىن ياخشى كۆرىدىغان كوماندىغا ئايلاندۇردى. شىرئەلىجان بىر تاكتىكا ئۇستىسى بولۇپلا قالماي، يەنە توپچىلارنىڭ يوشۇرۇن ئىقتىدارىنى ئۇرغۇتۇپ، كوماندىنىڭ ئىشەنچىسىنى قايتا تىكلىيەلەيدىغان مەنىۋى داھىي.
رىقابەت تەنتەربىيەسىنىڭ رەھىمسىز رېئاللىقى
ئەمما، رىقابەت تەنتەربىيەسى دۇنياسى ھامان ئۆزگىرىشچان ۋە خىرىسقا تولغان بولىدۇ. بۇ مۇسابىقە پەسلىدە، شىرئەلىجان تۇنجى بولۇپ يېرىم يولدا ئايرىلغان تىرېنېر ئەمەس، شاڭخەي كوماندىسىنىڭ باش تىرېنېرى ليۇ پېڭ بېسىم زىيادە ئېغىر بولغانلىقتىن سالامەتلىكى ياخشى بولمىغاچقا، ۋەزىپىسىدىن ۋاقتىنچە ئايرىلىپ، چەتئەللىك تىرېنېر جامېس دانكان ئۇنىڭ ئورنىغا چىقتى. لېكىن، دانكاننىڭ ۋەزىپىگە تەيىنلىنىشى شاڭخەي كوماندىسىغا بۇرۇلۇش ئېلىپ كېلەلمىدى، ئۇلار ئارقا-ئارقىدىن شىنجاڭ كوماندىسى، جېجياڭ كوماندىسى ۋە نىڭبو كوماندىسىغا ئۇتتۇرۇپ قويدى، ھەتتا يېڭى چەتئەللىك ئەزا لوفتوننىڭ قوشۇلۇشىمۇ كوماندىنىڭ چېكىنىشىنى ئۆزگەرتەلمىدى. بۇ بىر قاتار مەغلۇبىيەت ماھارەت تەنتەربىيىسىنىڭ رەھىمسىزلىكىنى يەنە بىر قېتىم ئىسپاتلىدى.
خوشلىشىش ۋە ئەپسۇسلىنىشنىڭ نورمال ھالىتى
شىرئەلىجاننىڭ ئايرىلىشى، ئېنىقكى، رىقابەت تەنتەربىيەسىدىكى رەھىمسىز رېئاللىقنىڭ يەنە بىر قېتىملىق چوڭقۇر نامايەندىسى. غەلىبە ۋە شان-شەرەپنى قوغلىشىش يولىدا، ھامان بىر قىسىم كىشىلەر ئايرىلىشنى تاللاپ، چەكسىز خوشلىشىش ۋە ئەپسۇسلىنىشنى قالدۇرىدۇ. جياڭسۇ كوماندىسىنىڭ ھازىرغىچە غەلىبە قىلىشى تەس، ئۇنىڭ تىرېنېرى يى لىنىڭ تىرېنېرلىق ئورنىمۇ خەتەر ئىچىدە قالدى، بۇ رىقابەت تەنتەربىيەسى دۇنياسىغا ئېغىر تۈس قوشتى. لېكىن، بىز چوقۇم بۇ خوشلىشىش ۋە ئەپسۇسلىنىشنى قوبۇل قىلىشنى ئۆگىنىۋېلىشىمىز كېرەك، چۈنكى ئۇلار رىقابەت تەنتەربىيەسىنىڭ ساقلانغىلى بولمايدىغان بىر قىسمى.
كەلگۈسىنىڭ ئېنىقسىزلىقى
شىرئەلىجاننىڭ ئايرىلىشى بىلەن توڭشى كوماندىسىنىڭ كەلگۈسى مۇقىمسىزلىققا تولدى. كوماندا ھازىرقى ئۆرلەش ھالىتىنى داۋاملىق ساقلىيالامدۇ؟ ياش توپچىلار شىرئەلىجان بولمىغان ئەھۋال ئاستىدا داۋاملىق ئۆسۈپ يېتىلەلەمدۇ؟ بۇ مەسىلىلەر توپ مەستانىلىرى ۋە ئاخبارات ۋاستىلىرى كۆڭۈل بۆلىدىغان قىزىق نۇقتىغا ئايلاندى. لېكىن قانداقلا بولمىسۇن، بىز توڭشى كوماندىسىنىڭ قىيىنچىلىقتىن تېزراق قۇتۇلۇپ، مەستانىلەرگە داۋاملىق نادىر مۇسابىقە ۋە ئۇنتۇلماس دەقىقىلەرنى ئېلىپ كېلىشىنى ئۈمىد قىلىمىز!
تەۋسىيەلىك رومانلار
