سۈرەتنى بېسىپ كىنو كۆرۈشنى باشلىۋېتىڭ
ئايال پادىشاھ كامىلانىڭ تۇغۇشىدىن ئەنسىرەپ بالىياتقۇسىنى كەسكۈزۈۋەتكەنمۇ؟
ئۈندىدار سالونى خەۋىرى، نۇر تورى تەرجىمىسى
چارلىز IIIنىڭ راك كېسىلىگە گىرىپتار بولغانلىقى ئېنىقلانغاندىن كېيىن، تېخىمۇ كۆپ كىشىلەر نەزىرىنى خانىش كامىلاغا قاراتقان. نېمىلا دېگەن بىلەن، پادىشاھ ئۆلۈپ كەتسىلا، ئۇنىڭ خانىشلىق ئورنى ئوڭايسىز ئەھۋالغا چۈشۈپ قالىدۇ.
ئەينى يىللىرى كامىلا ئاشنا سالاھىيىتىدە يۇقىرى ئۆرلەپ، دىياننانى سىقىپ چىقارغان، ئاخىرىدا يەنە ئازاب ئىچىدە ئۆزىنىڭ كەلگۈسى سالاھىيىتى ئۈستىدە چوڭقۇر ئويلانغان. بۇلارنىڭ ھەممىسىنى 15 ياشلىق ۋىليام كۆرۈپ تۇرغان.
«كېيىن مەن پادىشاھ بولغاندا، سىزگە تەۋە بولغان ھەممە نەرسىنى سىزگە قايتۇرۇپ بېرىمەن»، بۇ كىچىك بالىنىڭ ئانىسىغا بەرگەن ۋەدىسى.
ئاتا-ئانىسى كامىلا سەۋەبلىك 15 يىللىق توي تۇرمۇشىنى ئاخىرلاشتۇرغاندىن كېيىن، كامىلا ئاستا-ئاستا دىياننانىڭ ئورنىغا چىققان، ئەپسۇس، دىياننا بىر يىل ئىچىدىلا قازا قىلغان.
دىياننا ئوغلىنىڭ ۋەدىسىنىڭ ئەمەلگە ئېشىشىنى ساقلىيالمىغان، شۇنداقلا ئوغلىنىڭ بەختلىك تۇرمۇش كەچۈرۈشىنى كۆرۈشكە مۇيەسسەر بولالمىغان، بۇ ئىش ۋىليامنىڭ قەلبىنى يەنە بىر قېتىم قىينىغان.
كامىلا شۇنچە يىل تىرىشىپ دىياننانىڭ ئورنىنى ئالغان، يەنە كېلىپ ئاخىرىدا ئايال پادىشاھنىمۇ بويسۇندۇرغان، بۇنى كۆرگەن ۋىليامنىڭ كۆڭلى يېرىم بولماي قالمايدۇ، ئەلۋەتتە.
ۋىليامنى ئازابلىمايدىغان بىردىنبىر ئۇسۇل كامىلانى خان جەمەتىدىن قوغلاپ چىقىرىش، ئەمما دادىسى بار ۋاقىتتا ئۇ بۇنداق قىلىشقا ئامالسىز.
چارلىزغا راك كېسىلى دەپ دىياگنوز قويۇلغاندىن كېيىن، ۋىليامنىڭ كامىلانى خان جەمەتىدىن قوغلاپ چىقىرىدىغانلىقى توغرىسىدىكى خەۋەرلەر شىددەت بىلەن تارقىلىشقا باشلىغان بولۇپ، نۇرغۇن كىشىلەر: «كامىلا بىر ئۆمۈر يۇقىرى مەرتىۋىگە ئىگە بولغان بولسىمۇ، لېكىن ئاخىرىدا چارلىز ئىككىسىنىڭ بالىلىق بولمىغانلىقىدىن ئۆكۈنۈپ ئۆتىدىغان بولدى» دېيىشكەن.
شۇنى بىلىشىڭىز كېرەككى، بۇ كامىلانىڭ بىر ئۆمۈرلۈك ئەپسۇسلىنىشى، ئەگەر ئەينى يىلى ئايال پادىشاھنىڭ قارارى بولمىغان بولسا، ئۇ بەلكىم چارلىزنىڭ بالىسىنى يەڭگىشى مۇمكىن ئىدى.
دەرۋەقە، ۋىليام بۇ ئىشتا مومىسى ئېلزابىت IIگە رەھمەت ئېيتىشى كېرەك، دەل ئايال پادىشاھنىڭ قارارى بىلەن كامىلا بۇ ھەل قىلغىلى بولمايدىغان مۈشكۈل ئەھۋالغا چۈشۈپ قالغان.
ئەينى يىللىرى كامىلا خان جەمەتىگە ياتلىق بولماقچى بولغاندا، خان ئانىسى قوشۇلمايلا قالماستىن، ئايال پادىشاھ، كوراگان فىلىپ، ھەتتا مەلىكە ئەننىمۇ قوشۇلمىغان، ئۇلارنىڭ نەزىرىدە كامىلا بىلەن ئۇلارنىڭ يىلتىزى ئوخشىمايدىغان، ئەسلىدىنلا بىر تەبىقىدىكى كىشى ئەمەس ئىدى.
چارلىز ئانىسىغا تولا يالۋۇرۇپ، بالىلىرىغا كۆپ چۈشەندۈرگەن، ئاخىرىدا ئايال پادىشاھمۇ كەلگۈسىدىكى پادىشاھنىڭ ھالىغا چىدىماي، ماقۇل بولغان.
2005-يىلى كامىلا خان جەمەتىگە كىرگەندىن كېيىن خىزمەتچىلەرگىمۇ يەتمەيدىغان بىر مەۋجۇتلۇققا ئايلىنىپ، ھەممىلا يەردە كۆپچىلىكنىڭ قاپىقىغا قاراپ، ئۆگەي ئوغلى ۋىليام، خاررىلارغا خۇشامەت قىلىپ يۈرگەن.
ئۇ باشقىلارغا ياخشىچاق بولۇشقا ماھىر بولغاچقا، باشقىلارمۇ ئۇنى ناھايىتى تېزلا ياقتۇرۇپ قالغان، دەل مۇشۇنداق بولغاچقا، ئىككىنچى يىلى ئايال پادىشاھ كامىلاغا بىر قېتىم «كۆڭۈل بۆلگەن».
ئايال پادىشاھ كامىلاغا بالىياتقۇنى كېسىپ ئېلىۋېتىش پىكىرىنى بېرىپ، بۇنداق بولغاندا بەدەننى ئاسراپ، سالامەتلىككە پايدىلىق ئىكەنلىكىنى ئېيتقان. ئەجەبا بۇنىڭ راستلا بەدەنگە پايدىسى بارمۇ؟ پايدىسى بولسىمۇ قانداق پايدىسى بار؟ بۇنى ھېچكىم بىلمەيدۇ، ئەمما ھەممەيلەن ئايال پادىشاھنىڭ بۇ بۇيرۇقى سەل غەلىتە دەپ قارايدۇ.
بۇككىنھام ئوردىسى تەرەپ: «بالىياتقۇنى كېسىپ ئېلىۋېتىش كامىلانىڭ سالامەتلىكى ئۈچۈن» دېگەن. ئۇنداقتا ئەينى چاغدا كامىلا بىرەر ساقايماس كېسەلگە گىرىپتار بولغانمىدى؟ ئۇنىڭ ھازىرقى سالامەتلىك ئەھۋالىدىن قارىغاندا، بۇنىڭ جاۋابى «ياق».
ئەمما بۈگۈنكى كۈنگە كەلگەندە، كىشىلەر بۇنىڭ كامىلانىڭ سالامەتلىكىگە ئەمەس، خان جەمەتىنىڭ قېنىغا پايدىلىق ئىكەنلىكىنى ھېس قىلغان.
گەرچە ئەينى چاغدا كامىلا 58 ياشقا كىرىپ قالغان بولسىمۇ، لېكىن ئۇنىڭ ئاشۇنداق سالاپىتى ۋە زامانىۋى پەن-تېخنىكا بىلەن بالىلىق بولۇش يەنىلا ئىنتايىن ئاددىي ئىدى.
ئايال پادىشاھ دەل كەلگۈسىدىكى خان جەمەتىنىڭ ساپ قانداشلىقى، ۋارىسلىق قىلىش مەسىلىسىدىكى تالاش-تارتىشنى كۆزدە تۇتۇپ، مۇتلەق ھەيۋىسى بىلەن كامىلانىڭ چارلىز بىلەن بالىلىق بولۇش ئويىنى يوققا چىقارغان.
بۈگۈنكى كۈنگە كەلگەندە، كامىلا تەشەببۇسكارلىق بىلەن پاسسىپ ھالەتكە ئۆتۈشتەك رېئاللىققا دۇچ كېلىپ، باشقا ئامال ئىزدەشكە باشلىغان.
كامىلا بالىلىرىنى خان جەمەتىگە ئەكىرىشنى، بۇرۇنقى ئېرىگە ئۇنۋان بېرىشنى، ئۆزىنىڭ ئەۋلادلىرىنى خان جەمەتىنىڭ ھۆكۈمەت ئىشلىرىغا قاتناشتۇرۇشنى ئويلىغان. لېكىن قانداشلىق ۋە ۋارىسلىق قىلىش سەۋەبىدىن ئاخىرى رەت قىلىنغان، چارلىز خوتۇنىنى ھەرقانچە ئەتىۋارلىسىمۇ، خان جەمەتىنىڭ قائىدە-يوسۇنلىرى بىلەن كارى بولماي قالمايدۇ، ئەلۋەتتە.
مانا ھازىر كامىلا بىلەن چارلىزنىڭ بالىسى يوق، ئۇنىڭ خان جەمەتىدىكى بارلىق سالاھىيىتى، ئورنى پەقەت ۋاقىتلىق، ناۋادا چارلىز قازا قىلىپ قالسا، ئۇ تاشلىۋېتىلگەن شاھمات ئۇرۇقىغا ئايلىنىپ قالىدۇ.
كامىلانىڭ ئۆمۈرۋايەت ئۇتۇق قازانغۇسى بارلىقى ھەقىقەت بولسىمۇ، ئەمما ئۇنىڭ ھازىر خان جەمەتىدە جاپالىق ئىشلەۋاتقانلىقىنى ئىنكار قىلغىلى بولمايدۇ.
كىنولار
تەۋسىيەلىك رومانلار
