سۈرەتنى بېسىپ كىنو كۆرۈشنى باشلىۋېتىڭ
تېڭشۈن تورى خەۋىرى، نۇر تورى تەرجىمىسى:
11-ئاينىڭ 1-كۈنىدىكى خەۋەر، ئالىملار جىگەر تالالىشىشنى داۋالايدىغان بىر خىل داۋالاش ئۇسۇلىنى تاپتى، جىگەر تالالىشىش بىر خىل خەتەرلىك توقۇلما قېتىشىش بولۇپ، ئىلگىرى ئەسلىگە كەلتۈرگىلى بولمايدۇ دەپ قارالغان. «تەبىئەت ئالاقىسى» ژۇرنىلىدا ئېلان قىلىنغان بىر پارچە ماقالىدە، ئالىملار بىر خىل ئىرسىيەت يولىنى تەسۋىرلىگەن بولۇپ، بۇ خىل يول توسۇلۇپ قالغاندا، تالالىشىشنىڭ تەرەققىياتىنى توسقىلى بولىدۇ.
تەتقىقات گۇرۇپپىسى جىگەر تالالىشىش جەريانىغا قاتناشقان ئۈچ گېن-FOXM 1، MAT 2 A ۋە MAT 2 Bنى نۇقتىلىق تەتقىق قىلدى. بۇ گېنلارنىڭ ئوقى قارىماققا بۇ خىل ساقايماس كېسەلگە قارىتا ئۈنۈملۈك داۋالاش ئۇسۇلىنى تەرەققىي قىلدۇرۇشنىڭ ئۈمىدلىك نىشانىدەك قىلىدۇ. ئالىملارنىڭ قارىشىچە، بۇ گېنلارنىڭ ھاسىل بولۇشىنى چەكلەيدىغان ئاز دېگەندە بىر خىل ئاقسىل بىر خىل ئۈنۈملۈك داۋالاش ئۇسۇلى بولۇشى مۇمكىن ئىكەن.
بۇ تەتقىقات ئۇسۇلى تەجرىبىخانىدىكى چاشقاننىڭ جىگەر ياللۇغى ۋە تالالىشىشىنى كەلتۈرۈپ چىقىرىدۇ. ئاندىن FDI-6 دەپ ئاتىلىدىغان بىر خىل ماددا چاشقاننى داۋالاشقا ئىشلىتىلىدۇ، بۇ خىل ماددا FOXM 1 گېنى ھاسىل قىلغان ئاقسىلنىڭ ئاكتىپلىقىنى توسىدۇ. بۇ خىل ئۇسۇل تەتقىقاتچىلارنى تورمۇزلىغۇچى دورىلارنىڭ تالالىشىش جەريانىغا بولغان تەسىرىنى تەپسىلىي تەتقىق قىلىش ئىمكانىيىتىگە ئىگە قىلىدۇ.
نەتىجىدە كۆرسىتىلىشىچە، FOXM 1 ئاقسىلىنى توسۇش تالالىشىشنىڭ ئالدىنى ئېلىپلا قالماي، يەنە جىگەر توقۇلمىلىرىنى قىسمەن ئەسلىگە كەلتۈرەلەيدىكەن. تالالىشىشقا قاتنىشىدىغان MAT 2 A ۋە MAT 2 B گېنى يۇلتۇزسىمان ھۈجەيرە دەپ ئاتىلىدىغان جىگەر ھۈجەيرىسىدە جانلىنىپ، تالالىشىش كاسسىسىدىكى مۇھىم ئېلېمېنتقا ئايلانغان.
ئالىملار يەنە تەتقىق قىلغان ئۈچ گېننىڭ ئالاھىدە ھۈجەيرە سىرتقى خالتىسى ئۆزئارا تەسىر كۆرسىتىش ئارقىلىق ھۈجەيرە توشۇش ۋە ياللۇغنى ئىلگىرى سۈرۈش رولىنى ئوينايدىغانلىقىنى بايقىدى. خالتىلىق ئىششىق گېن بۆلىكى ۋە ئاقسىلنى بىر ھۈجەيرىدىن يەنە بىر ھۈجەيرىگە يۆتكەش ئارقىلىق ياللۇغ پەيدا قىلىپ، تالالىشىش جەريانىنى غىدىقلايدۇ.
قىسقىسى، تەتقىقاتچىلار مۇنداق دەپ كۆرسەتتى: گەرچە ھايۋانلارنىڭ تېنىدىكى نەتىجە كىشىنى ئىلھاملاندۇرسىمۇ لېكىن تېخىمۇ كۆپ تەتقىقات ئارقىلىق بۇ خىل ئۇسۇلنىڭ ئىنسانلاردىكى ئۈنۈمىنى ئىسپاتلاشقا توغرا كېلىدۇ.
كىنولار
تەۋسىيەلىك رومانلار
