جىفۇباۋ نېمىشقا ئۈندىدارنىڭ ئارقىدا قالدى؟

سۈرەتنى بېسىپ كىنو كۆرۈشنى باشلىۋېتىڭ

توۋتياۋ تورى خەۋىرى، نۇر تورى تەرجىمىسى

ئۈندىدار چىقىمدانى (微信支付)نىڭ دۆلىتىمىزدىكى ئىشلىتىلىش قېتىم سانى جىفۇباۋ (支付宝)دىن خېلىلا ئېشىپ كەتتى، بۇنىڭ ئاساسلىق سەۋەبى ئۈندىدار چىقىمدانى بىلەن ئۈندىدارنىڭ كىشىلىك ئالاقە ئىقتىدارى زىچ بىرلەشتۈرۈلگەن، جىفۇباۋنىڭ ئورنى بولسا پۇل مۇئامىلە مۇلازىمىتىگە بەكرەك مايىل بولغانلىقىدا.

بۈگۈنكى كۈندىكى ئۈندىدار چىقىمدانىنىڭ ئەۋزەللىكى شۇكى، ئۈندىدار چىقىمدانى بىلەن ئۈندىدارنىڭ ئالاقە ئىقتىدارى يوچۇقسىز تۇتاشتۇرۇلغان بولۇپ، ئىشلەتكۈچىلەر پاراڭلىشىش جەريانىدا قولايلىق ھەم تېز سۈرئەتتە پۇل يۆتكىيەلەيدۇ ۋە قىزىل بولاق يوللىيالايدۇ. جىفۇباۋنىڭ پۇل مۇئامىلە جەھەتتىكى ئورنى شۇكى، جىفۇباۋنىڭ دەسلەپكى ئورنى تاۋباۋ ئابۇنتلىرىنى پۇل مۇئامىلە مۇلازىمىتى بىلەن تەمىنلەش ئىدى، گەرچە ئىقتىدارى كۈچلۈك بولسىمۇ، لېكىن ئابۇنتلارنىڭ ئىشلىتىش قېتىم سانى ئەسلىدىنلا تۆۋەن ئىدى. بۇنىڭغا قارىغاندا، ئۈندىدار چىقىمدانى كۆپ خىل خەلققە قولايلىق مۇلازىمەتلەرنى ئۆزىگە مۇجەسسەملىگەن، مەسىلەن، سۇ، توك، گاز قاتارلىقلارغا ھەق تاپشۇرۇش، پويىز بېلىتى ياكى ئايروپىلان بېلىتى سېتىۋېلىش قاتارلىقلار، مانا بۇ ئەۋزەللىكلەر ئابۇنتلارنىڭ ئىشلىتىش قېتىم سانىنى ناھايىتى تېزلا يۇقىرى كۆتۈرگەن.

ھازىر ئېلىمىز ئېلېكتىرونلۇق چىقىم قىلىش دەۋرىگە رەسمىي قەدەم قويدى، يەنى بىر قىسىم ياشانغانلار ۋە قۇرامىغا يەتمىگەنلەردىن باشقا، كۆپ ساندىكى كىشىلەر كۆچمە چىقىم قىلىش ۋاستىسىنى ئىشلىتىپ راسچوت قىلىپ چىقىم قىلىۋاتىدۇ، ئىشقىلىپ نەق پۇل ئارقىلىق چىقىم قىلىدىغانلار ناھايىتى ئاز نىسبەتنى ئىگىلەيدۇ.

سانلىق مەلۇماتلاردا كۆرسىتىلىشىچە، 2023-يىلىغا قەدەر، دۆلىتىمىز كۆچمە چىقىم قىلىش بازىرىنىڭ كۆلىمى 400 تىرىليون يۈەندىن ئېشىپ كەتكەن. ئەمما كىشىنى ھەيران قالدۇرىدىغىنى شۇكى، دۆلەت ئىچىدىكى ئاھالىلەرنىڭ ئۈندىدار چىقىمدانىنى ئىشلىتىش قېتىم سانى جىفۇباۋنىڭكىدىن خېلىلا كۆپ بولۇپ، بۇ ما يۈننىمۇ سەل گاڭگىرىتىپ قويدى.

ئەمەلىيەتتە، جىفۇباۋ چىقىمدانى ئۈندىدار چىقىمدانىدىن نەچچە يىل بۇرۇن بازارغا سېلىنغان. ما يۈن 2004-يىلىدىن باشلاپ جىفۇباۋ چىقىمداننى تورغا چىقارغان، ئەمما ئۈندىدار چىقىمدانى 2013-يىلى 8-ئايدا ئاندىن تورغا چىقىشقا باشلىغان. ئېنىقكى، جىفۇباۋ ئۈندىدار چىقىمدانىدىن 9 يىل بۇرۇن مەيدانغا چىققان بولۇپ، ئۇنى بۇ جەھەتتە ئۈستۈنلۈكنى ئىگىلىدى دېيىشكە بولسىمۇ، لېكىن ناھايىتى تېزلا ئىشلەتكۈچىلەرنىڭ ئىشلىتىش قېتىم سانى ئۈندىدار چىقىمدانىغا يەتمەيدۇ. بۇنىڭ ئارقىسىدا زادى نېمە سەۋەب بار؟ بىز يەنىمۇ ئىلگىرىلەپ تەھلىل قىلىپ باقايلى.

بىرىنچى، ئۈندىدار ئەڭ ئالقىشقا ئېرىشكەن كىشىلىك ئالاقە يۇمشاق دېتالى

ئۈندىدار چىقىمدانى بىلەن ئۈندىدارنىڭ ئىقتىدارى زىچ بىرلەشتۈرۈلگەن، مەسىلەن، سىز پاراڭلىشىش جەريانىدا، دوستىڭىزنىڭ توي قىلماقچى بولغانلىقىنى بىلسىڭىز، دەرھال قىزىل بولاق ئەۋەتىپ تەبرىكلەيسىز. ئۇنىڭدىن باشقا، سىز ئۈندىداردا تونۇش دۇكاندارلاردىن نەرسە سېتىۋالغاندا، تاۋارنىڭ باھاسىنى سوراپ بولغاندىن كېيىن، ئۈندىدار چىقىمدانى ئارقىلىق پۇل يۆتكىسىڭىز بولىدۇ. روشەنكى، ئۈندىداردا پاراڭلىشىش جەريانىدا، ئەگەر قىزىل بولاق ئەۋەتىش ۋە پۇل يۆتكەشكە توغرا كەلسە، ئۈندىداردىن چېكىنىپ چىقىشنىڭ ھاجىتى يوق. بۇنىڭغا نىسبەتەن جىفۇباۋنىڭمۇ كىشىلىك ئالاقە ئىقتىدارى بار، ئەمما ئۆز-ئارا تەسىر كۈچى بىر قەدەر ناچار.

ئىككىنچى، جىفۇباۋ بىلەن ئۈندىدارنىڭ بازار ئورنى ئوخشىمايدۇ

جىفۇباۋنىڭ دەسلەپكى ئورنى تاۋباۋ ئابونتلىرىنى پۇل-مۇئامىلە مۇلازىمىتى بىلەن تەمىنلەش ئىدى، مەسىلەن، ئۇ يۈئې باۋ، جىيې بېي، خۇابېي ۋە ئىناۋەتلىك كارتا باشقۇرۇش قاتارلىق پۇل-مۇئامىلە مەھسۇلاتلىرىنى چىقارغان. ئۈندىدار دەسلەپتە كىشىلىك ئالاقە سۇپىسى قىلىپ بېكىتىلگەن، كېيىن يەنە كۆچمە چىقىم قىلىش ئىقتىدارى قوشۇلغان. روشەنكى، نۇرغۇن ئابۇنتلار جىفۇباۋ قاتارلىق پۇل مۇئامىلە سۇپىلىرىغا تايىنىشى ناتايىن، لېكىن ئالاقە سۇپىلىرىنىڭ كىشىلىك ئالاقە جەھەتتىكى ئېھتىياجىدىن قۇتۇلالمايدۇ.

ئۈچىنچى، ئابۇنتلارنىڭ جىفۇباۋ ئىشلىتىش قېتىم سانى بىر قەدەر تۆۋەن

ئۈندىدار كىشىلىك ئالاقە ۋە چىقىم قىلىش ئىقتىدارىغا ئىگە بولغان ، يەنە كۆپ خىل خەلققە قولايلىق مۇلازىمەتلەرنى بىرلەشتۈرگەن، مەسىلەن، سۇ، توك، گاز قاتارلىق ھەقلەرنى تاپشۇرۇش، پويىز بېلىتى، ئايروپىلان بېلىتى سېتىۋېلىش، مالىيە باشقۇرۇش قاتارلىقلار. ئادەتتە ئابونتلار بۇ ئىشلارنى بىۋاستە بېجىرسە بولىدۇ. باشقىچە قىلىپ ئېيتقاندا، كىشىلىك ئالاقە ئىقتىدارى ئۈندىدارنىڭ باشقا ئىقتىدارلىرىنى ئىشلىتىشكە ھەرىكەتلەندۈرگۈچ كۈچ ئېلىپ كەلگەن.

جىفۇباۋ ئابۇنتلىرى ئاساسىي جەھەتتىن پۇل خەجلەش ئارقىلىق جەلپ قىلىنغان، بىر قىسىم جىفۇباۋ ئابۇنتلىرىنىڭ مەقسىتى ناھايىتى كۈچلۈك. مەسىلەن، مېمورىئال چىقىم قىلىش، جىفۇباۋ سۇپىسىنىڭ پۇل فوندىنى سېتىۋېلىش ياكى جىفۇباۋ ئارقىلىق سۇ، توك، گاز قاتارلىق ھەقلەرنى تۆلەش قاتارلىقلار. شۇڭا، ئەينى يىلى پۇل مۇئامىلە مەھسۇلاتلىرى بىلەن تەمىنلەيدىغان، شۇنداقلا خەلققە قولايلىق ھەق تاپشۇرۇش مۇلازىمىتى بىلەن تەمىنلەيدىغان جىفۇباۋنىڭ ئىشلىتىلىش قېتىم سانىنى ھازىرقى ئۈندىدار چىقىمدانى بىلەن سېلىشتۇرغىلى بولمايدۇ.

قائىدە بويىچە ئېيتقاندا، جىفۇباۋ ئۈندىدار چىقىمدانىغا قارىغاندا تېخىمۇ بالدۇر يولغا قويۇلغان بولۇپ، كۆپ ساندىكى كىشىلەر جىفۇباۋ ئارقىلىق چىقىم قىلىشقا ئادەتلىنىشى كېرەك ئىدى، لېكىن ئەمەلىيەتتە، ھازىر جىفۇباۋنىڭ ئىشلىتىلىش قېتىم سانى ئۈندىدار چىقىمدانىغا يەتمەيدۇ. بۇنىڭ ئاساسلىق سەۋەبى، ئۈندىدار ئەڭ ئالقىشقا ئېرىشكەن كىشىلىك ئالاقە ۋاستىسىگە ئايلانغان بولۇپ، كىشىلەر ئالاقە قىلىش بىلەن بىر ۋاقىتتا، ئەگەر پۇل يۆتكەش مەسىلىسىگە يولۇقسا، بىۋاسىتە ئۈندىداردىن پايدىلىنىپ پۇل تۆلەيدۇ. شۇڭا، ھازىر كۆپ ساندىكى كىشىلەرنىڭ چىقىمدان ئىشلىتىش قېتىم سانىنىڭ ئۈندىدار چىقىمدانىغا يەتمەيدىغانلىقىنى چۈشىنىش تەس ئەمەس. سىز بۇ خىل قاراشقا قوشۇلامسىز؟

كىنولار

تەۋسىيەلىك رومانلار

مانا مەن ھەقىقىي سۇن ۋۇكۇڭ	ئاۋات شەھەردىكى ئىشلەمچىلىك ھاياتىم	تەڭداشسىز ھۆكۈمران