سۈرەتنى بېسىپ كىنو كۆرۈشنى باشلىۋېتىڭ
ئارگېنتىنا توپچىلىرىنىڭ بەخىتلىك ئائىلىسىگە نەزەر: كۆپىنچىسى رېئال نۇسخىدىكى كۈل قىز بىلەن شاھزادە
تېڭشۈن تورى خەۋىرى، نۇر تورى تەرجىمىسى:
ياۋروپا پۇتبولچىلىقىغا سېلىشتۇرغاندا، جەنۇبىي ئامېرىكا پۇتبولچىلىقى تېخىمۇ ياۋايى ۋە جۇشقۇن بولۇپ، ھەمىشە ئوخشىمىغان قىزغىنلىقنى تارقىتىدۇ. بۇ يەردىكى ئاياللارمۇ خاسلىققا تولغان، تەنناز، گۈزەل بولۇپ، ئۆزىنىڭ ھېسسىياتىنى بىۋاسىتە ئىپادىلەشنى ياخشى كۆرىدۇ. بۇنىڭ ئىچىدە، ئارگېنتىنا كوماندىسىدىكى خانىملار گۇرۇپپىسىنىڭ بەدەن ھالىتى ياخشى بولۇپلا قالماي، يەنە ئۆزىگە خاس ئۇسلۇبىمۇ بار.
تۆۋەندە بىز، ئارگېنتىنا توپچىلىرىنىڭ جورىلىرىنى كۆرۈپ چىقايلى.
مېسسىنىڭ ئايالى ئانتونېللا: مۇكەممەل بولماسلىق ھەقىقىي مۇكەممەللىك
مېسسى ۋە ئۇنىڭ ئايالى ئانتونېللا پۇتبول چەمبىرىكىدىكى ئۈلگىلىك بىر جۈپلەر. ئانتونېللا كىچىك ۋاقتىدىلا مېسسى بىلەن تونۇشقان، لېكىن ئۇ تاراتقۇلار تەشۋىق قىلغان كىچىكىدىن بىللە ئويناپ چوڭ بولغان قىز ئەمەس، ئىككەيلەننىڭ بىر كۆرۈپلا ياخشى كۆرۈپ قېلىشىدەك، ياش تۇرۇپلا شەخسىي تۇرمۇشىنى بېكىتىشتەك بۇنداق چۆچەكلەرمۇ يوق.
ئانتونېللانىڭ تۇنجى مۇھەببىتىنىڭ ئىسمى دىبالا (ئەلۋەتتە دۆلەت كوماندىسىدىكى دىبالا ئەمەس) بولۇپ، ئىككەيلەن بىر نەچچە يىل ئارىلاشقان، كېيىن نۇرغۇن يېقىن سۈرەتلەر تارقالغان.
ئىككەيلەننىڭ ھېسسىياتىدا كرىزىس يۈز بەرگەندە، بارسېلونادا ئاللىقاچان نام چىقىرىپ بولغان مېسسى ئانتونېللا بىلەن بىر نىيەتتە بولۇپ، ھېسسىياتى تېخىمۇ ئەۋجىگە چىققان.
دۇنيادا ئەسلى مۇكەممەللىك يوق، كۆپتۈرۈلسە، مۇكەممەلسىزلىكمۇ مۇكەممەللىككە ئايلىنىدۇ. بۇ بىر جۈملە سۆز مېسسى بىلەن ئانتونېللانىڭ ھېسسىياتىغىمۇ ماس كېلىدۇ، ئىككەيلەن بىللە بولغاندا، ئۇرۇشۇش، تالاش-تارتىش قىلىش، پىتنە-ئىغۋا تارقىتىش ئەھۋاللىرىمۇ بولغان.
مەسىلەن، مېسسىنىڭ مۇخبىر سوفىيە بىلەن ئۆسەك خەۋىرى تارقالغان، ئانتونېللانىڭمۇ بارسېلونا خىزمەتچىسى بىلەن مۇناسىۋىتى قويۇق ئىكەن، لېكىن ئەڭ ئاخىرىدا بۇ ئۆسەك سۆزلەرنىڭ ھېچقايسىسى ئىسپاتلانمىغان.
ئانتونېللا بىلىملىك، ئەزەلدىن مېسسىنىڭ توپ مەيدانى ئىچىدىكى ئىشلىرىغا ئارىلاشمايدۇ، پەقەت پىك يولدىن چىقىپ كەتكەندىن كېيىن، ئۇ شاكىراغا ۋاكالىتەن ئادالەتنى ياقلاپ، پىكنىڭ باشتىن-ئاخىر ۋاز كەچكەنلىكىنى مەسخىرە قىلغان، ھەققانىيەت تۇيغۇسى كۈچلۈك.
لاۋتارونىڭ ئايالى:
لاۋتارونىڭ ئايالى ئاۋگۇستىنا ئەڭ دەسلەپتە ناخشىچى بولغان، كېيىن مودېل ۋە مىليون دەرىجىلىك تور چولپىنىغا ئايلانغان، ئۆزىنىڭ خىزمەت ئىشخانىسى بار بولۇپ، سېرىق چاچ، كۆك كۆز، تېرىسى ئاق، چىرايلىق، بەدەن شەكلى تەنناز.
لاۋتارو ئىتالىيەگە يېڭى كەلگەندە، ئىكاردى بىلەن ۋاندانىڭ ياردىمىگە ئېرىشكەن، بولۇپمۇ ۋاندانىڭ ئۇنىڭغا بولغان غەمخورلۇقى ھەر تەرەپلىمە بولغان.
دىمارىيانىڭ ئايالى: ئەڭ ياخشى شەخسىي ھىمايىچى
دىمارىيانىڭ ئايالى جورگىلىنا ئۇنىڭدىن ئالتە ياش چوڭ بولۇپ، چىرايىدىن قارىغاندا، ئۇ يەنىلا كىچىك قىزلاردەك كۆرۈنەتتى. جورگىلىنا يۇقىرى مەلۇماتلىق ئايال بولۇپ، ئامېرىكىچە ئىنگلىز تىلى، ئەنگلىيەچە ئىنگلىز تىلى ۋە ئىسپانىيەچە ئىنگلىز تىلى قاتارلىق كۆپ دۆلەت شىۋىسىنى پىششىق بىلىدۇ، ئىككىيلەن 2010-يىلى تونۇشقاندىن كېيىن، ئالدى بىلەن پوچتا يوللانمىسى ئارقىلىق باردى-كەلدى قىلىپ، يۈز كۆرۈشكەندىن كېيىن دەرھال بىر جۈپ ئاشىق-مەشۇققا ئايلىنىدۇ.
جورگىلىنا ئېرىنى قوغدىغۇچى تەلۋە بولۇپ، ھەر قېتىم ئېرى ئۇۋالچىلىققا ياكى تەنقىدكە ئۇچرىغاندا، ئۇ بىرىنچى بولۇپ ئورنىدىن تۇرۇپ قايتۇرما زەربە بېرىدۇ. ئەينى يىلى مانچېستىر بىرلەشمىسىدىكى ئىپادىسى ياخشى بولمىغاچقا، تەنقىدكە ئۇچرىغاندا جورگىلىنا مانچېستىرلىقلارنى سۆككەن ھەم بۇ يەردىكى ئېنگىلاندلىقلارنى غەلىتە دەپ مەسخىرە قىلغان. بىر قېتىم ئارگېنتىنا ئۇزۇن يىل چېمپىيون بولمىغان ۋاقىتتا، باشقا دۆلەتلەرنىڭ توپ مەستانىلىرى دىمارىيانى مەسخىرە قىلغان، ئايالىمۇ تۇنجى قېتىم ئوتتۇرىغا چىقىپ قايتۇرما زەربە بەرگەن.
دىمارىيا ئوخشاشلا ئايالىنى ئىنتايىن ياخشى كۆرەتتى، ئىككىسىنىڭ ھېسسىياتىغا كۆڭۈل قويۇپ قارايتتى.
دې پاۋلونىڭ يېڭى مۇھەببىتى
دې پاۋلونىڭ تاشقى قىياپىتى كېلىشكەن، لېكىن مەيدان سىرتىدا، ئۇ بىر ئۇچىغا چىققان داشقال. ياشلار كوماندىسىدىكى ۋاقتىدىلا، ئۇ بىر پېشقەدەم سەپدىشىنىڭ قىز دوستىنى تارتىۋېلىپ، «كىچىك ئىكاردى» دەپ مەسخىرە قىلىنغان. كېيىن دې پائۇل ئايالى كامىلا بىلەن تونۇشقان، ئىككىيلەن 12 يىل مۇھەببەتلەشكەن، ئىككى بالىسى بار. ئەمما تاشقى جەھەتتىن، دې پائۇل ئىزچىل ئۆزىنى بويتاق دەپ كەلگەن، شۇڭا تاشقى دۇنيا ئۇنىڭ جىنسىي يۆنىلىشىدە مەسىلە بار دەپ گۇمان قىلغان، ئۇنىڭ كوماندىدىكى مەلۇم بىر چوڭامنى ياخشى كۆرۈپ قېلىشى ئەمەلىيەتتە بىر ساختا كۆرۈنۈش.
ھەر قېتىم دۆلەت كوماندىسى مۇسابىقىسى بولغاندا، دې پاۋلو ھەمىشە يالغان گەپ توقۇپ، ئايالىنىڭ مەيداندا پەيدا بولۇشىدىن ساقلىنىدۇ، ئۇ خوتۇنىنى ئۆيدە بالىغا ياخشى قارىسۇن دەيدۇ.
2022-يىلى 8-ئايدا، دې پائۇل بىلەن ئارگېنتىنالىق داڭلىق ناخشىچى دىنىنىڭ قىزغىن سۆيۈشكەندىكى سۈرىتى توردا كەڭ تارقالغان، شۇنىڭدىن كېيىن ئىككەيلەننىڭ مۇھەببىتى ئاشكارىلانغان. دىنىنىڭ داڭقى دې پاۋلونىڭكىدىن قېلىشمايدۇ، ئۇ ئارگېنتىنانىڭ دۆلەت گۆھىرى دەرىجىلىك ناخشىچىسى، ئەمەلىيەتتە، بۇ چاغدا ئىككىسىنىڭ ئارىلىشىۋاتقىنىغا بىر يىلغا يېقىن ۋاقىت بولغان بولۇپ، بۇ ئىشتىن ئۇنىڭ ئەسلى ئايالى كامىلا پۈتۈنلەي خەۋەرسىز ئىدى.
ئىشى ئاشكارىلانغاندا دې پاۋلو: «مېنىڭ بۇرۇنقى ئايالىم بىلەن بولغان مۇناسىۋىتىم ئاللىقاچان بۇزۇلدى، مەن ئىزچىل دىنىنى قوغداپ كەلدىم، بىز ھەقىقىي مۇھەببەت، كەلگۈسىدە قېرىغىچە بىللە بولىمىز.» دېگەن.
بۇ چاغدا كامىلا ھەم ئازابلاندى، ھەم ئۈمىدسىزلەندى، دې پاۋلو ھەتتا بالىنىڭ ھەر ئايلىق بېقىش ھەققىنى بەرمەسلىكتە چىڭ تۇرۇپ، كۆپچىلىك ئارىسىدا غۇلغۇلا قوزغىدى. ئاخىرىدا ئارگېنتىنا پۇتبولچىلار بىرلەشمىسىنىڭ رەئىسى تاپىيانىڭ قاتتىق غەزىپىنى قوزغاپ، ئۇنى دۆلەت كوماندىسىدىن چىقىرىۋەتكىلى تاس قالدى.
دې پائۇل بىلەن دىنېنىڭ مۇناسىۋىتىمۇ ئۇزۇنغا بارمىغان، ئىككەيلەن بۇلتۇر 8-ئايدا ئايرىلىپ كەتكەن، ئايرىلىپ كېتىشتىن بىر ھەپتە بۇرۇن، دې پائۇل يەنىلا مۇھەببىتىنى نامايەن قىلغان. دىنى ئايرىلىپ كەتكەندىن كېيىن قارشى تەرەپنىڭ نۇرغۇن مەخپىيەتلىكىنى ئاشكارىلىدى، مەسىلەن، دۇنيا لوڭقىسى پۇتبول مۇسابىقىسىدە چېمپىيون بولغاندىن كېيىن، دې پائۇل غەرق مەست بولۇپ ئۆزىنى قۇچاقلىغاندا، ئۇ توختىماي «مېسسى، مەن سىزنى سۆيىمەن»، «مېسسى، مەن راستتىنلا بەك ياخشى كۆرىمەن» دەپ ۋارقىرىغان.
مارتىنېزنىڭ ئايالى: تاسادىپىي ئۇچرىشىش ئېلىپ كەلگەن بەخت
قاپقىچى مارتىنېزنىڭ ئايالىنىڭ ئىسمى مەنتىنىيا بولۇپ، مەخسۇس بالىلار ئۈچۈن ياتاق ئۆي ۋە ئويۇنخانا لايىھەلەيدىغان لايىھەلىگۈچى ئىدى. ئەينى يىلى ئۇ ئارسېنالدا توپ تېپىۋاتقاندا، بىر قېتىم لوندون پويىز ئىستانسىسىدا مەنتىنىيا بىلەن ئۇچرىشىپ قېلىپ، قارشى تەرەپنىڭ گۈزەللىكىنى كۆرۈپ، تەشەببۇسكارلىق بىلەن ئېغىز ئاچقان، ئۇ قارشى تەرەپنىڭ ئارگېنتىنالىق بولۇپلا قالماي، يەنە ئۆزى بىلەن بىر يۇرتىدىكى مادېپلاتا ئىكەنلىكىنى بىلدى.
مەنتىنىيا ئارگېنتىنالىق باشقا خەلقئارالىق ئاياللارغا ئازراق ئوخشىمايدۇ، ئۇ ئۆزىنى كۆرسىتىشنى ياقتۇرمايدۇ، ئەڭ كۆپ بولغاندا كوماندا غەلىبە قىلغاندىن كېيىن، ئۇ يولدىشى بىلەن چۈشكەن سۈرىتىنى يوللايدۇ. بۇنداق ئويۇن ئىزناسى بولمىغان مۇھەببەت بەلكىم تېخىمۇ ئۇزاق داۋاملىشىشى مۇمكىن.
گاناچونىڭ قىز دوستى
گاناچو قىز دوستى ئېۋا گارسىيا بىلەن ياش ۋاقتىدا تونۇشقان، ئېۋا گەرچە چىراي-تۇرقى كېلىشكەن، تەنناز قىز بولمىسىمۇ، لېكىن ناھايىتى ئەمەلىي، ئائىلە شارائىتى بىر قەدەر باياشات، ئۇ دائىم ئوغۇل دوستىغا تەنھەرىكەت ئايىغى ئېلىپ بېرىدۇ، جابدۇق، ھەتتا ئېھتىياجلىق بولغان جىنسىي ئويۇنچۇقلارنىمۇ تەمىنلەيدۇ.
2023-يىلى ئېۋا ھامىلىدار بولغان مەزگىلدە، گاناچونىڭ يولدىن چىقىش سەتچىلىكى ئاشكارىلانغان، ئۇ بىر سېرىق چاچلىق تەنناز ئايال بىلەن بىر قېتىملىق ھاراق زىياپىتىدە تونۇشقاندىن كېيىن، قارشى تەرەپنى مېھمانخانىغا تەكلىپ قىلغان. بۇ ئايال بىلىپ تۇرۇپ «ئۇ يەرگە بېرىپ نېمە قىلىسىز؟» دەپ سورىغاندا، گاناچو: «مېھمانخانىغا بارسام باشقىچە بىر مەنزىرە بار» دەپ جاۋاب بەرگەن.
كىشىلەرنىڭ ئانچە چۈشەنمەيدىغىنى شۇكى، ئېۋا ئاخىرىدا يەنىلا قارشى تەرەپنى ئەپۇ قىلغان ھەمدە تۇغقاندىن كېيىن بىر ئائىلىدىكى ئۈچ جاننىڭ بىللە چۈشكەن سۈرىتىنى يوللىغان. شۇنىڭدىن كېيىن، ئېۋا چىرايىنى ئاز كۆرسىتىپ، پۈتۈن زېھنىنى ئۆيىدە بالىغا قاراشقا قاراتتى.
ئېنزونىڭ ئايالى: ئىنگلىز تىلى ئوقۇتقۇچىسىدىن ئېسىلزادە خانىمغىچە
19 يېشىدا دادا بولغان ئېنزو ئەينى چاغدا دەريا قىنىدا توپ تېپەتتى، ئايالى بىلەن بىر ئېغىز كونا ئۆينى ئىجارىگە ئېلىپ ئولتۇراتتى، ئىقتىسادىي قىيىنچىلىقى بار ئىدى. ئۇلارنىڭ قىزى تۇغۇلغاندىن كېيىن، ھەتتا كىيىمنىمۇ نىمكەش سېتىۋالاتتى، زاكا ۋە سۈت پاراشوكىنى ۋاستىچى تەمىنلىگەن، شۇنداق بولسىمۇ، ۋالېنتىنامۇ ئېنزوغا ئىشىنىشنى تاللاپ، يېنىدا تۇرۇپ ئۇنى قوللاپ ئىلھاملاندۇرغان.
ھازىر 4 يىلدىن كېيىن، بۇ ئائىلە ھەشەمەتلىك تۇرمۇش كەچۈردى، ۋالېنتىنامۇ ئېسىلزادە ئايالغا ئايلاندى، تۇرمۇش سۈپىتى تۈز سىزىق بويىچە يۇقىرى كۆتۈرۈلدى.
پالاسىئوسنىڭ ئايالى
لېۋېركۇسېندا توپ تېپىدىغان ئارگېنتىنالىق خەلقئارالىق پالاسىئوس ھازىرقى ئايالى يېسىكانى ئۆز ئىچىگە ئالغان نۇرغۇن ئاياللار تەرىپىدىن ئەخمەق دەپ ئەيىبلەنگەن. بۇ يىل 3-ئايدا، يېسىكا ئېرىنىڭ دۇنيا لوڭقىسى پۇتبول مۇسابىقىسىدە چېمپىيون بولغان ئىمزالىق كىيىمى ۋە ئالتۇن مېدالىنى بىۋاستە سېتىۋەتكەن، سەۋەبى قارشى تەرەپ ئۇلارنىڭ ئارگېنتىنادىكى ئۆيىنىڭ ئىجارە ھەققىنى تۆلىمىگەن.
يېسسىكا ئىلگىرى بىر تور چولپىنى بولۇپ، ئۇ ئېرىنىڭ ئارقا-ئارقىدىن يولدىن چىقىپ كەتكەنلىكىنى بايقىغاندىن كېيىن ئاجرىشىشنى ئوتتۇرىغا قويغان، لېكىن پالاسىئوس رەت قىلىپلا قالماي، يەنە ئايالىغا پۇل بەرمىگەن.
ئىلاجىسىز قالغان يېسىكا مۇسابىقە كىيىمىنى تۆكمە قىلىپ ساتقاندا، ئەگەر ئېرى تۆلەم تۆلەشكە قوشۇلمىسا، ئۇنداقتا ئارگېنتىنا دۆلەت كوماندىسىدىكى بارلىق ماتېرىياللىرىنى ئاشكارىلايدىغانلىقىنى ئېيتتى. ئېيتىشلارغا قارىغاندا، پالاسىئوس تېز سۈرئەتتە پۇل ئۇرۇپ بېرىپ، قارشى تەرەپنىڭ ئاغزىنى ئەتكەن.
ئالۋارېزنىڭ قىز دوستى
ئالۋارېزنىڭ قىز دوستى ئېمىلىي بىر تەنتەربىيە ئوقۇتقۇچىسى، ئىككەيلەن ئىزچىل بىر-بىرىنى ياخشى كۆرۈپ كەلگەن.
دۇنيا لوڭقىسى پۇتبول مۇسابىقىسىنىڭ چىمپىيونلۇقىنى قولغا كەلتۈرگەندىن كېيىنكى روژدېستۋو بايرىمىدا، ئالۋارېز يۇرتىغا قايتىپ ئائىلە يىغىلىشىغا قاتنىشىۋاتقاندا، نۇرغۇن توپ مەستانىلىرى بىلەن ئۇچرىشىپ قالىدۇ، كۆپچىلىك بەس-بەستە ئىمزا قويۇپ سۈرەتكە چۈشمەكچى بولىدۇ، كىچىك ئۆمۈچۈك دەسلەپتە رەت قىلمايدۇ، بۇ چاغدا ئېمىلي تۇيۇقسىز ئېتىلىپ كېلىپ توپ مەستانىلىرىنى توسۇپ: «توختاڭ، توختاڭ! گېپىمنى ئاڭلاڭلار، بالىلار، بۇ سائەتلىك دەرس مېنىڭ، بۈگۈن كەچتە مەن يەنە ئالۋارېز بىلەن بىرگە بولىمەن، شۇڭا ئۇنىڭ زېھنىنى ئىسراپ قىلماڭلار» دەپ ئارقىدىنلا توپ مەستانىلىرىنى قوغلىۋەتتى.
بۇ ئىش يۈز بەرگەندىن كېيىن تارتىلغان سىن كۆرۈنۈشى توردا تېز سۈرئەتتە تارقالدى، ناھايىتى تېزلا بىر توپ مەستانىسى ئېمىلىي بىلەن ئالۋارېزنىڭ ئايرىلىپ كېتىشىنى ئۆتۈندى، 20 مىڭدىن ئارتۇق ئادەم قوللايدىغانلىقىنى بىلدۈردى. ئېمىلىي ئوتتۇرىغا چىقىپ: «ئەينى چاغدا ھەقىقەتەن سەل تىت-تىت بولغان»لىقىنى چۈشەندۈرۈپ، كەچۈرۈم سورىغاندىن كېيىن، بۇ ۋەقە ئاستا-ئاستا تارقىلىپ كەتكەن، ھازىر ئىككىسىنىڭ ھېسسىياتى ئىناق.
ماك ئاللىستېر: ھازىرقى ئۇنىڭ سابىق قىز دوستى
ماك ئاللىستېر قارىماققا بەك ئاقكۆڭۈل كۆرۈنىدۇ. ئۇنىڭ بۇرۇنقى قىز دوستىنىڭ ئىسمى كامىلا بولۇپ، ئىككىيلەن 17 يېشىدا سۇ ئۈزۈش كۆلچىكىدە تونۇشۇپ، بىر كۆرۈپلا ئاشىق بولۇپ قالغان.
ئىككىيلەن ئۇزۇن يىل مۇھەببەتلەشكەن بولۇپ، ئىزچىل بىر-بىرىنى ياخشى كۆرۈپ كەلگەن، 2022-يىلى دۇنيا لوڭقىسى چېمپىيونلۇقىغا ئېرىشكەندىن كېيىن، كامىلا يەنە ماك ئاللىستېر بىلەن چېمپىيونلۇقنى بىللە تەبرىكلىگەن.
2023-يىلى 6-ئايدا، لىۋېرپول بىلەن توختام ئىمزالىغاندا، كىشىلەر ماك ئاللىستېرنىڭ يېنىدىكى قىز دوستىنىڭ ئورنىنى سېرىق چاچلىق گۈزەل قىز ئېۋا ئالغانلىقىنى بايقىغان. ئېۋا يات ئادەم ئەمەس، ئۇ دەل كامىلانىڭ ئۇزۇن يىللىق يېقىن دوستى ۋە كىچىك سىڭلىسى، ئىلگىرى ئۇ ماك ئاللىستېرنى يېزنام دەپ چاقىراتتى، ھازىر ئۇنىڭ ئايالى بولۇپ قالدى.
تالىئافىكونىڭ ئايالى: چىرايلىق مال سېتىۋالغۇچى
تالىيافىكونىڭ خانىمى كارولىن ئىسىملىك داڭلىق مودېل. ئۇنىڭ بەدىنى قاۋۇل بولۇپلا قالماي، تۇرمۇش ئۇسۇلىمۇ ناھايىتى مودا، دائىم ئۆزىنىڭ فىرانسىيە بۇقا بىلەن ئېلىشىش ئىتىنى ئېلىپ شەخسىي ئايروپىلانغا ئولتۇرۇپ دۇنيانىڭ ھەرقايسى جايلىرىدا سەيلە-ساياھەت قىلىپ، مال سېتىۋالىدۇ.
ئىككىيلەن ئىبىزا ئارىلىدا دەم ئېلىۋاتقاندا ئۇچرىشىپ قېلىپ، بىر قېتىملىق تېننىس توپ مۇسابىقىسىدە ھېسسىياتىنى چوڭقۇرلاشتۇرغان. ئارگىنتىنا دۇنيا لوڭقىسى پۇتبۇل مۇسابىقىسىدە چىمپيون بولغاندىن كېيىن، بۇ بىر جۈپ ئەر-خوتۇن رەسمى توي مۇراسىمى ئۆتكۈزدى.
ئىككى ۋاراتارنىڭ ئايالى: ھەر ئىككىلىسى تەنناز
ئارگېنتىنالىق زاپاس قاپقىچى ئارمانىنىڭ ئايالى دانىئېلا كولۇمبىيەلىك داڭلىق مودىل. ئىككەيلەننىڭ مۇھەببەتلىشىۋاتقىنىغا ئۇزۇن يىل بولدى.
يەنە بىر ۋاراتار رۇلىنىڭ ئايالى روسسىئومۇ بىر تەنناز، ئۇنىڭ بىر جۈپ يېشىل كۆزى ۋە سۇس رەڭلىك چېچى بار، گىرىمچىك. ئىككىيلەن 20 يېشىدا بىللە بولغان، كېيىن 2018-يىلى، ھازىر بىر ئوغۇل پەرزەنتلىك بولغان.
پارېدېس ۋە لوسېلسونىڭ ئايالى: ياخشى دوست، مۇۋەپپەقىيەت قازانغان سودىگەرلەر
پارېدېس بىلەن قىز دوستى گارانتنىڭ مۇھەببەتلىشىۋاتقىنىغا ئون يىل بولدى. گالانتېنىڭ مىجەزى ئوچۇق-يورۇق. گالانت ھازىر بىر تېرە ئاسراش بۇيۇملىرى شىركىتى ۋە ئىككى ھۆسىن تۈزەش ئورنى ئاچتى.
گالانت بىلەن لوسېلسونىڭ ئايالى ئالكاسېر يېقىن دوستلاردىن. ئالكاسېر گۈزەللىك ۋە ئەقىل-پاراسەتنى ئۆزىگە مۇجەسسەملىگەن، ئۇنىڭ ئوبرازى گۈزەل بولۇپلا قالماي، يەنە سۇ ئۈزۈش كىيىمى مودېلى، ئالىي مەكتەپتە تەنتەربىيە ۋە فىزىكىلىق داۋالاش كەسپىدە ئوقۇغان، ئوقۇش پۈتتۈرگەندىن كېيىن سالامەتلىكنى ئەسلىگە كەلتۈرۈش ئۇستىسى بولغان. ئەينى يىلى ئارگېنتىنادا لوسېلسونىڭ يارىسىنى داۋالاۋاتقاندا، ئىككىيلەن بىر يەرگە كەلگەن.
ئوتامېندىنىڭ ئايالىنىڭ ئىسمى سېلېستېر بولۇپ، 2021-يىلى بېنفىكادا توپ تېپىۋاتقان ئوتامېندىنىڭ ئۆيىدە قارا نىيەتلەر ئۇچراپ، بوينىنى قارشى تەرەپ تاسما بىلەن قاتتىق بوغۇپ قويغاندا، ئايالى سېلېستېر كۆكرەك كېرىپ ئوتتۇرىغا چىقىپ، ساقچىغا مەلۇم قىلىپ، جىنايەتچىلەرنى تۇتۇشقا ياردەم بەرگەن.
رومېرونىڭ ئايالى كارېن كاۋالېرنىڭ ھېقىققا ئوخشاش قوش كۆز قارىچۇقى بار، كىرپىكى ئۇزۇن، كالپۇكى يۇمران قىزىل، تېرىسى ئاپئاق.
مونتېلنىڭ ئايالى كارىنامۇ ياخشى بەدەن شەكلىگە ئىگە گۈزەل قىز بولۇپ، ئېرى ئېنگلاند ئالىي بىرلەشمىسىگە چۈشكەندىن كېيىن، كارىنا دائىم ساھىبخان مەيدانغا كېلىپ يولدىشىغا مەدەت بەرگەن. ئاكۇنىيانىڭ ئايالى جۇلىيا نىسبەتەن كەمتەر بولۇپ، ئىككىسى 2012-يىلى تونۇشقان.
لىساندىرو بىلەن قىز دوستى لوپېز 14 ياش ۋاقتىدا تونۇشقان بولۇپ، ھازىرغىچە بىر-بىرى بىلەن بىللە بولۇپ كەلگەن.
مولىنانىڭ ئايالى باربارا مودېل بولۇپ، ئىككىسىنىڭ مۇھەببەتلىشىۋاتقىنىغا 5 يىل بولدى. باربارا ئۆزىنىڭ بىكىنى سۈرىتىنى تورغا چىقىرىپ، ئېرى بىلەن بىللە بولغان ھەشەمەتلىك تۇرمۇشىنى كۆش-كۆز قىلىشنى ياخشى كۆرىدۇ.
يۇقارقىلاردىن باشقا بۇ قېتىم دۆلەت كوماندىسىغا تاللىنالمىغان دىبالانىڭ قىز دوستى ئورىياننامۇ مودېل بولۇپ، ئىككەيلەن 2018-يىلى تونۇشقاندىن كېيىن مۇھەببەتلەشكەن.
ئورىئانا 2021-يىلى مۇنۇلارنى ئاشكارىلىغان: «مەن ئەمەلىيەتتە بىر قوش جىنىسلىق ئاشىق، ھەم ئەرلەرنى، ھەم ئاياللارنى ياخشى كۆرىمەن.»؛ لېكىن بۇ ئۇنىڭ دىبالا بىلەن ئارىلىشىشىغا توسقۇنلۇق قىلالمايدۇ. دىبالامۇ بۇنىڭغا پەرۋا قىلمايدىغاندەك قىلىدۇ، بۇلتۇر 10-ئايدا، ئىككى تەرەپ تويغا پۈتۈشكەن.
كىنولار
تەۋسىيەلىك رومانلار
