سۈرەتنى بېسىپ كىنو كۆرۈشنى باشلىۋېتىڭ
ياللانما قاتىل دېيىشكەن پۇلنى ئالالماي بېسىلىپ قالغان دېلونى ئاشكارىلىۋەتتى
ئۈندىدار سالونى خەۋىرى، نۇر تورى تەرجىمىسى:
ھىندىستاننىڭ ئۇتتار پرادېش ئىشتاتىنىڭ مىرات شەھىرىدە تەخمىنەن بىر يىل ئىلگىرى يۈز بەرگەن بىر قاتىللىق دېلوسىدا ھازىر كىشىنى ھەيران قالدۇرىدىغان بۇرۇلۇش بولغان. سەۋەبى، بىر كەسپىي قاتىل ساقچىغا مەلۇم قىلىپ، ئادەم ئۆلتۈرۈش ۋەزىپىسىنى تاماملىغاندىن كېيىن، ياللىغۇچى ۋەدە قىلغان غايەت زور قالدۇق پۇلنى ئالالمىغانلىقىنى، شۇڭا قارشى تەرەپكە مەلۇم قىلماقچى بولغانلىقىنى ئېيتقان.
بۇ ئىش 2023-يىلى 6-ئاينىڭ 7-كۈنى يۈز بەرگەن بولۇپ، ئايال ئادۋوكات ئانجالى گارگ بىر سۈت يايمىسىدىن ئۆيىگە قايتىش يولىدا ئىككى ھۇجۇم قىلغۇچى سەۋەبلىك ئېتىپ ئۆلتۈرۈلگەن.
دەسلەپتە، ساقچىلار زىيانكەشلىككە ئۇچرىغۇچى ئەنجالىنىڭ بۇرۇنقى ئېرى ۋە قېيىنئاتا-قېيىنئانىسىنى قولغا ئالغان، سەۋەبى ئۇلارنىڭ ئوتتۇرىسىدا مال-مۈلۈك ماجىراسى بار ئىكەن. بىراق، ساقچىلار بىر مەھەل مۇناسىۋەتلىك ئىسپاتلارنى تاپالمىغاچقا ئۇلارنى قويۇپ بەرگەن. دېلو يۈز بېرىپ بىر نەچچە كۈندىن كېيىن، ساقچىلار ئەنجالىنى ئېتىشقا چېتىشلىق ئىككى قاتىل ۋە ئۇنىڭ شېرىكى شارمانى قولغا ئالغان.
ئېيتىشلارغا قارىغاندا، ئۇلار ئايرىم-ئايرىم ھالدا سۇرېش باتى ۋە ياشپال ئىسىملىك ئىككى ئەر ئارقىلىق ياللانغان.
تەكشۈرگۈچىلەرنىڭ ئاشكارىلىشىچە، بۇ ئىككى قاتىل قاتىللىق دېلوسى يۈز بېرىشتىن بىر كېچە بۇرۇن شارمانىڭ ئۆيىدە تۇرغان ئىكەن. ساقچىلار يەنە جىنايەت گۇماندارى ئىشلەتكەن ئىككى موتسىكلىت ۋە بىر تاپانچىنى قولغا چۈشۈرگەن.
(قاتىل)
ھازىر بىر يىلدىن كۆپرەك ۋاقىت ئۆتۈپ كەتتى، يېقىندا كېپىللىككە قويۇپ بېرىلگەن شارما ساقچىغا مەلۇم قىلىپ بىر ئىشنى ئاشكارىلىغان، يەنى زىيانكەشلىككە ئۇچرىغۇچى ئەنجالىنىڭ بۇرۇنقى ئېرى ۋە قېيىنئاتا-قېيىنئانىسى ئوخشاشلا پەردە ئارقىسىدىكى كۈشكۈرتكۈچىلەر ئىكەن.
زىيانكەشلىككە ئۇچرىغۇچى ئەنجالى كېيىن ۋاقتىنچە بۇرۇنقى ئېرىنىڭ نامىدىكى ئۆيدە تۇرغان. كېيىن ئۇنىڭ بۇرۇنقى قېيىنئاتا-قېيىنئانىسى بۇ ئۆينى ياشپال ۋە سۇرېش باتىياغا سېتىپ بەرگەن، لېكىن ئەنجالى تېخى ئۆي كۆچۈشكە تەييارلىق قىلىپ بولالمىغان، ئىككى تەرەپ مۇشۇ سەۋەبلىك تالاش-تارتىشقا پېتىپ قالغان.
شۇنىڭ بىلەن بىر نەچچە ئادەم مەسلىھەتلەشكەندىن كېيىن قاتىل ياللاپ ئەنجالىنى ئۆلتۈرۈشنى قارار قىلغان. ئىككى ئۆي سېتىۋالغۇچى شارما باشقا ئىككى قاتىلنى تېپىپ، ئۇلارغا بۇ قېتىمقى «قاتىللىق ۋەزىپىسى»نى تاماملاشنى ھاۋالە قىلغان، ئىش ھەققى 200 مىڭ رۇپىيە (تەخمىنەن 170 مىڭ يۈەن خەلق پۇلى) بولغان.
ئۇنىڭدىن باشقا، ئانجالىنىڭ بۇرۇنقى ئېرى ۋە قېيىنئاتا-قېيىنئانىسىمۇ بۇ ئىشقا ئارىلاشقان، شارما ئاشكارىلاپ مۇنداق دېگەن: «2023-يىلى 5-ئاينىڭ 28-كۈنى ئانجالىنىڭ بۇرۇنقى ئېرى ۋە قېيىنئاتا-قېيىنئانىسى مېنى ئۆزلىرىنىڭ دۇكىنىغا چاقىرىپ كېلىپ، ماڭا ئانجالىنى ئۆلتۈرۈشۈم كېرەكلىكىنى ئېيتتى. شۇنداقلا ئۇلار ئانجالىنى ئىزچىل بىزنى پاراكەندە قىلىپ، بارلىق مال-مۈلكىمىزنى تارتىۋالدى، يەنە تېخى بىزگە نۇرغۇن دەۋا قىلدى دېدى دېگەن.»
قارشى تەرەپ ئۇنىڭغا ئىككى مىليون رۇپىيە (تەخمىنەن 170 مىڭ يۈەن خەلق پۇلى) ۋە مىرات TP ناگار شەھىرىدىكى بەش دۇكاننى ھەق سۈپىتىدە بېرىشكە ۋەدە بەرگەن ھەمدە ئالدىن 100 مىڭ رۇپىيە (8500 يۈەن) تۆلىگەن. ئەنجالىنىڭ بۇرۇنقى ئېرى ۋە قېيىنئاتا-قېيىنئانىسى شارما قاتارلىقلارنى دەرھال ھەرىكەتكە كېلىشكە ئۈندىگەن. ئەگەر ئۇلار دەرھال قول سالسا، يەنە 500 مىڭ رۇپىيە (تەخمىنەن 43 مىڭ يۈەن خەلق پۇلى) ئارتۇق ھەق بېرىدىغانلىقىنى ئېيتقان.
ئەنجالىنىڭ بۇرۇنقى ئېرى قاتىللارغا ئەنجىلانىڭ تۇرمۇش ئادىتىنى، قاچان سىرتقا چىقىدىغانلىقىنى ئاشكارىلىغان. پاجىئە يۈز بەرگەندىن كېيىن شارما ۋە ئىككى قاتىل قولغا ئېلىنغان. لېكىن ئۇ زور سوممىلىق قالدۇق پۇلنى ئېلىش ئۈچۈن، ساقچىلارنىڭ تەكشۈرۈشىگە دۇچ كەلگەندە ئەنجالىنىڭ بۇرۇنقى ئېرى ۋە قېيىنئاتا-قېيىنئانىسىنى ئىقرار قىلمىغان. بۈگۈنكى كۈندە شارما كېپىللىككە قويۇپ بېرىلگەندىن كېيىن، ئانجالىنىڭ بۇرۇنقى ئېرى ۋە قېيىنئاتا-قېيىنئانىسىنى ئىزدەپ پۇل ئالماقچى بولغان. بىراق، قارشى تەرەپ پۇلنى تۆلەشنى رەت قىلغان.
شارما قاتتىق غەزەپلىنىپ، ساقچىلارغا ئەنجالىنىڭ بۇرۇنقى ئېرى، قېيىنئاتا-قېيىنئانىسى بىلەن پاراڭلاشقان ئۈنئالغۇ لېنتىسىنى ئىسپات سۈپىتىدە تەمىنلىگەن. ئۇ ساقچى تەرەپنىڭ تېزدىن ھەرىكەت قوللىنىپ، قايتا تەكشۈرۈشنى قانات يايدۇرۇشىنى ئۈمىد قىلغان، ئۇ مۇنداق دېگەن: «بىز قولغا ئېلىنغاندىن كېيىن ئېشىپ قالغان ئىش ھەققىنى ئالماقچى بولدۇق، شۇڭا ئەنجالىنىڭ بۇرۇنقى ئېرى، قېيىنئاتا-قېيىنئانىسىنىڭ ئىسمىنى ئاشكارىلىمىدۇق. ھازىر بىز ئۆتكۈزگەن خاتالىقىمىزغا پۇشايمان قىلىمىز، مانا بۇ بىزنىڭ بارلىق تەپسىلاتلارنى ئاشكارىلىشىمىزنىڭ سەۋەبى.»
مىرات شەھىرىنىڭ يۇقىرى دەرىجىلىك ساقچىسى ئايۇش ۋىكرام مۇنۇلارنى بىلدۈرگەن: «ساقچى تەرەپ تەكشۈرۈشنى قانات يايدۇرىدۇ، ئەگەر يېڭى دېلو ئەھۋالى بايقالسا، جاۋابكارغا ھەرىكەت قوللىنىدۇ.»
