مانا بۇنى سۆيۈش 2-بۆلۈم 78-قىسىم_ ھەرگىز چۆچۈتۈپ قويمىسۇن

78- قىسىم 

ئىشنىڭ خاتىمىسى (2)

ئەنۋەر ئامالسىز تېلېفوننى ئېلىپ تېلېفون قىلدى.

زۆھرە سومكىسىدىكى ھەميانىدىن بانكا كارتىسىنى چىقىرىپ:

 - بۇ يەردە يەنە ئازراق پۇلۇم بار، ياردىمى بولۇپ قالار، - دېدى.

 -   ھاجىتى يوق. - دېى جەسۇر بېشىنى يېنىك چايقاپ،  - زۆھرە، گېپىمنى ئوبدان ئاڭلاڭ، ئەگەر مەن قەيسەر بىلەن كۆرۈشكىلى بارالىسام،   ئەنۋەر ئىككىڭلار دەرھال ساقچى ئىدارىسىغا بېرىپ، ئۇلارغا زىلالەنىڭ بىخەتەرلىكىگە كاپالەتلىك قىلىشنى ئېيتىڭلار. - دېدى.

 زۆھرە قىپقىزىل كۆزلىرى بىلەن بېشىنى لىڭشىتىپ:

  - بىلدىم، - دېدى.

جەسۇر ئۇنىڭغا ئارتۇقچە پەرۋا قىلماي، بۇرۇلۇپ ئۈستەلگە كېلىپ ئولتۇرۇپ، خاتىرە كومپيۇتېرنى ئېچىپ، ئۆزىنىڭ پاي چېكىنى تۆكمە قىلىپ سېتىشقا باشلىدى.

زۆھرە ياندا تۇرۇپ، ئۇنىڭ بارماقلىرىنىڭ كۇنۇپكا تاختىسىدا ئۇچقاندەك مەشغۇلات قىلىۋاتقانلىقىنى كۆرۈپ، كۆزىنىڭ قۇيرۇقىنى سۈرتۈپ:

- كەچۈرۈڭ، ئىلگىرى  سىزنى خاتا ئەيىبلەپتىمەن. - دېدى.

ئەگەر جەسۇر راستتىنلا پۇل ئۈچۈن زىلالەنى تاشلىۋەتكەن بولسا، ئۇنىڭ ھازىر بارلىق مال-مۈلكىنى دوغا تىكىشى ئەسلا مۇمكىن ئەمەس.

جەسۇر پۈتۈن دىققىتى بىلەن كومپيۇتېر ئېكرانىغا تىكىلىپ قاراپ، جاۋاب بەرمىدى.

40 مىنۇتلۇق توختىماي تۆكمە قىلىپ سېتىشتىن كېيىن، جەسۇر ئاخىرى قەيسەر تەلەپ قىلغان پۇلنى غەملىدى.

تېلېفوننى ئالغاندىن كېيىن، قالدۇق سوممىنى رەسىمگە تارتىپ، قەيسەرنىڭ تېلېفونىغا يوللىدى.

ئاندىن قايتا ئۇرۇش كۇنۇپكىسىنى بېسىپ، قەيسەرگە تېلېفون قىلىپ:

 - سۈرەتنى كۆرۈپ بولغان بولۇشۇڭ مۇمكىن،  پۇلنى تەييارلاپ قويدۇم. - دېدى.

 - ئەركىن ئەپەندىنىڭ ئۈچىنچى بايۋەچچىسى بولۇشقا مۇناسىپكەنسەن، ھەقىقەتەن ئۈنۈملۈك ئىش قىلدىڭ، - دېدى قەيسەر مەمنۇن بولغان ھالدا كۈلۈپ قويۇپ، ـ بىلگەن بولسام، كۆپرەك دېسەم بوپتىكەن، - دېدى.

 - قەيسەر. - دېدى جەسۇر ئارقا چىشىنى چىشلەپ،  - ئالماشتۇرامسەن - يوق؟ - دېدى.

 -  خاپا بولمىغىنە، - دېدى قەيسەر كۈلۈپ تۇرۇپ،  - ھازىر، خاتىرە كومپيۇتېرىنى ئېلىپ، ماشىناڭنى ھەيدە، ئون مىنۇتتىن كېيىن، قايتا ئالاقىلىشىمەن. ئېسىڭدە بولسۇن، ساقچىغا مەلۇم قىلما. - دېدى.

ئۈستەلدىكى خاتىرە كومپيۇتېر ۋە ماشىنىنىڭ ئاچقۇچىنى قولىغا ئالغان جەسۇر ئورنىدىن تۇرۇپ ئىشىكنى ئېچىپ:

 - ئىككىڭلار دەرھال ساقچى ئىدارىسىغا بېرىڭلار، ئۇلار  ماشىنامنىڭ ئىزىغا چۈشسۇن، قەيسەر بەك زېرەك، ئۇلارغا ئەسكەرتىپ قويۇشنى ئۇنۇتماڭلار، ھەرگىز چۆچۈتۈپ قويمىسۇن، - دېدى.

- جەسۇر دىرېكتور! -  ئەنۋەر ئېتىلىپ كېلىپ ئۇنى توسۇپ، - قەيسەر سىزگە چىش-تىرنىقىغىچە ئۆچ، بارسىڭىز ھەرگىز بوش قويۇۋەتمەيدۇ، يەنىلا مەن باراي، - دېدى.

 - ئۇنىڭ كۆرمەكچى بولغىنى مەن، ئەگەر مەن بارمىسام،  زىلالەنى بوش قويۇۋەتمەيدۇ. - دېدى جەسۇر ئەنۋەرگە قاراپ كۈلۈپ قويۇپ، -   شۇنچە يىلدىن بۇيان، ماڭا ئىزچىل ياردەم قىلىپ كەلگىنىڭىزگە رەھمەت. - دېدى ۋە ئەنۋەرنىڭ مۈرىسىگە يىنىك ئۇرۇن قويۇپ ئىشخانىدىن  چىقىپ كەتتى.

  - جەسۇر! -  زۆھرە كارىدورغا قوغلاپ چىقىپ يىغلاپ تۇرۇپ،  - زىلالە ئەمەلىيەتتە سىزنى بەك ياخشى كۆرىدۇ، سىز چوقۇم ئۇنىڭ بىلەن بىللە  سالامەت قايتىپ كېلىڭ، توي مۇراسىمى ئۆتكۈزگەندە مەن  قولداش بولىمەن. - دېدى.

 - بولىدۇ. - دېدى جەسۇر ئۇنىڭغا قاراپ ئاغزىنى پۈرۈشتۈرۈپ كۈلۈپ قويۇپ، لىفىتقا چىقتى.

لىفىت پەسكە چۈشۈپ، يەر ئاستى ماشىنا توختىتىش مەيدانىغا كەلگەندە،  ئالدىراپ-تېنەپ ماشىنىغا چىقىپ قوزغاتتى.

دەل شۇ چاغدا قەيسەردىن كۆرۈنمە چاستوتىلىق تېلېفون كەلدى.

جەسۇر تېلېفوننى ئۇلاپ، ئۇنىڭغا ئۆزىنىڭ ماشىنىسىنى كۆرسىتىپ:

 - ھازىر، ماشىنىدا پەقەت مەنلا بار،  ماڭا زىلالەنى كۆرسەت، - دېدى.

  تېلېكامېرانى زىلەلەنىڭ يۈزىگە توغرىلاپ:

 - تەپسىلىي قارا، زىلالە مۇشۇ يەردە، ئەمما  ياۋاشراق بول، بولمىسا،  قولۇم ھەرىكەتكە كەلسە... - دېدى قەيسەر كۈلۈپ تۇرۇپ، -   بىر - بىرىڭلارنى مەڭگۈ كۆرەلمەيسىلەر، - دېدى.

كامېرادىكى زىلالەنى كۆرگەن جەسۇر سەل يېنىكلەپ، يۇقىرى ئاۋازدا تەسەللى بېرىپ:

 -  زىلالە قورقماڭ، مەن ھازىرلا بارىمەن، سىزگە ھېچ ئىش بولمايدۇ. - دېدى.

ئەرنىڭ مۇلايىم ئاۋازىنى ئاڭلىغان زىلالەنىڭ لەۋلىرى تىترەپ كەتتى، ئۇ ئەمدىلا ئېغىز ئېچىشىغا، قەيسەر تېلېفوننى ئېلىپ:

 - ئالدىدىكى تۆت كوچا ئېغىزىدىن ئوڭغا بۇرۇل! - دېدى.

جەسۇر ئۇنىڭ كۆرسەتمىسى بويىچە،  ماشىنانى ئوڭغا بۇراپ:

  - ئەمدىچۇ؟ - دەپ سورىدى.

قەيسەر سوغۇق كۈلۈپ تۇرۇپ:

  - ئالدىرىما، بۇرۇلىدىغان چاغدا  دەپ بېرىمەن! - دېدى.

ئۇ جەسۇرغا ئەلۋەتتە ئىشەنمەيدۇ،  قەستەن شەھەرنى بىر نەچچە قېتىم ئايلىنىپ چىقىشقا بۇيرۇپ، ئاندىن ئۇنى توغرا يولغا باشلىدى.

دېرىزە تۈۋىدە تۇرۇپ، جەسۇرنىڭ ماشىنىسىنىڭ قۇرۇلۇش مەيدانىغا كىرگەنلىكىنى كۆرۈپ زىلالەنى يەردىن تارتىپ ئېلىپ دېرىزە تۈۋىگە ئېلىپ كەلدى.

ئۈستۈنكى قەۋەتتە تۇرۇپ جەسۇرنى كۆرگەن زىلالە دەرھال:

 - چىقماڭ،   خەتەرلىك! - دەپ ۋارقىرىدى. 

زىلالەنىڭ ئاۋازىنى ئاڭلىغان جەسۇر  بېشىنى كۆتۈرۈپ،  دېرىزە يېنىدىكى قىزىل رەڭلىك كۆلەڭگىنى كۆرۈپ:

- مەن ھازىرلا  ئۈستىگە چىقىمەن،قەيسەر ئۇنى قويۇۋەت، - دېدى.

- ھازىر، سېنىڭ بۇيرۇق چۈشۈرۈش سالاھىيىتىڭ يوق. - دېدى قەيسەر قاقاقلاپ كۈلۈپ،  - قولۇڭدىكى تېلېفوننى تاشلاپ،   چاپاننى سال، - دېدى.

جەسۇر يانفونىنى تاشلاپ، ئۇچىسىدىكى پەلتو ۋە چاپىنى سېلىۋېتىپ، خاتىرە كومپيۇتېرنى ئېلىپ، ئىككى قولىنى كۆتۈرۈپ، ئۈستى تەرەپكە قاراپ ئاۋازنى قويۇۋېتىپ:

 -  مەن تەلىپىڭ بويىچە قىلدىم، ئەمدى چىقسام بولامدۇ؟ - دەپ ۋارقىرىدى.

زىلالە جەسۇرنى يەنە توسۇشقا مەجبۇر بولدى،بىراق قەيسەر ئۇنى ئېغىز ئاچۇرمىدى.

زىلالەنىڭ دېرىزە تۈۋىدىن يوقاپ كەتكەنلىكىنى كۆرگەن جەسۇرنىڭ يۈرىكى بىردىنلا بوغۇزىغا كەپلىشىپ قالدى.

ئۇ يەردىكى خاتىرە كومپيۇتېرنى ئېلىپ، ئەڭ تېز سۈرئەتتە بىنانىڭ ئىشىكىگە قاراپ يۈگۈردى.

يول بويى ئۇچقاندەك يۈگۈرۈپ، ئەڭ ئۈستۈنكى قەۋەتكە چىقتى، جەسۇر ئوڭغا بۇرۇلۇپلا زىلالەنى تۇتۇپ چىقىۋاتقان قەيسەرنى كۆردى.

تۇتىشىش مۇشۇ يەردىن باشلاندى.قەيسەر بۇ ئىشنى پۈتۈنلەي قارا نىيەت بىلەن باشلىغاچقا جەسۇرغا قىلچە ھاياتلىق يولى بېرىشنى ئويلاشمىغانىدى. زىلالەگىمۇ ھەم. بىراق جەسۇرمۇ ئۇنداق ئاسان تەن بەرمەيدۇ. ئۇلار بۇ تاشلاندۇق بىنا ئۈستىدە ھارغۇچە تۇتۇشتى.خېلىدىن كىيىن جەسۇر قەيسەرنى بويسۇندۇردى .جەسۇر قەيسەرنى مەھكەم تۇتۇۋېلىپ  زىلالەنىڭ پۇت قولىنى بوشىتىپ تېزدىن ماشىنىنىڭ يېنىغا بېرىپ زۆھرە بىلەن    ئالاقىلىشىپ ئورنىنى ئېيتىپ  بېرىشنى تاپىلىدى. زىلالە ماقۇل بولۇپ تېزدىن تاشلاندۇق بىنادىن چۈشۈپ ماشىنىنىڭ يېنىغا يۈگۈردى. دەل مۇشۇ چاغدا   بىر بۇلۇڭغا مۈكۈنۈپ كۆزىتىپ تۇرغان ئابلىكىم ۋە قول ئاستىدىكى قارا نىيەتلەر قول سېلىپ جەسۇر ۋە زىلالەنى قىيىن ئەھۋالدا قويدى.  ئابلىكىم جەسۇرنى يارلاندۇرۇپ قەيسەرنى قۇتقۇزۇۋالدى. زىلالە بولسا كەينىدىن قوغلاپ كېلىۋاتقان ئىككى ئەرنى كۆرۈپ تېزدىن ماشىنىغا چىقىپ ماشىنا بىلەن ئىككى ئەرنى يارلاندۇرۇپ قۇتۇلغاندىن كىيىن زۆھرەگە تېلېفون قىلدى. بىراق دەل مۇشۇ پىيىتتە يەنە بىر ئەر كېلىپ ئۇنىڭ بىلىكىن تۇتۇۋېلىپ ماشىنىدىن تارتىپ چۈشۈردى...

 بىنا ئاستىدا زىلالەنىڭ  ئىككى ياردەمچىسىنى يىقىتقانلىقىنى كۆرگەن ئابلىكىم ئەمدى غالجىرلىشىپ جەسۇرغا قاتتىق ھەيۋە قىلدى. جەسۇرمۇ بوش كەلمەي ئىككىيلەن قاتتىق تۇتىشىپ قالدى. بۇ تۇتىشىشتا جەسۇر  خېلىلا ئېغىر يارىلانغان بولسىمۇ مىڭ تەسلىكتە ئابلىمنى يىقىتىپ ئۇنى بىر پولات چىۋىققا باغلاپ قويدى.   جەسۇرنىڭ پۇتى، بىلى قاتتىق يارىلانغان ئىدى. بىراق  پۇت قولىنى تەستە سۆرەپ زىلالەنىڭ يېنىغا بارماقچى بولۇپ بىنادى مىڭ تەسلىكتە چۈشۈپ زىلالە تەرەپكە ئېتىلدى.  بۇ يەردە بىر سۇ يىغىلىپ قالغان چوڭقۇرلۇقى بىرەر مېتىر كېلىدىغان ئازگال  بولۇپ ئۈستىگە چوڭ-چوڭ تاختاي تاشلاندۇق نەرسىلەر تاشلانغان بولغاچقا بىر تەرىپىدىن ئازگال بارلىقىنى بىلگىنى بولمايتتى. جەسۇر زىلالەنىڭ يېنىغا تېز سۈرئەتتە بارىمەن دەپ قىسقا يولنى تاللاپ گاراڭلىقتا بۇ تاختايغا دەسسەپ تېيىلىپ بېشى بىر تاشقا تېگىپ كەتتى. ھەم گۈپلا قىلىپ يىقىلىپ تاختاي، سولىياۋ ئەخلەتلەر ئارىسىغا كۆمۈلۈپ قالدى. ،. ئۇ ھېلىمۇ بەرداشلىق بىرىۋاتاتتى. بىراق بۇ يىقىلىش ئۇنىڭ ئىسىنى پۈتۈنلەي يۇقاتتى. بەك كۆپ يېرى يارىلىنىپ ھالسىزلىنىپ كەتكەچكە ماغدۇرسىرلىنىپ ھوشىدىن كەتتى.

تاشلاندۇق بىنانىڭ يەنە بىر تەرىپىدىكى  قەيسەر كۈچەپ تاختىپەردىن ئۆمىلەپ چۈشتى.

بايا، جەسۇر ئاكا-ئۇكا ئىككىيلەن ئېلىشىۋاتقان پۇرسەتتىن پايدىلىنىپ قېچىپ بەشىنچى قەۋەتكە چۈشىۋالغانىدى.

ساقچى ماشىنىسىنىڭ ئاۋازىنى ئاڭلاپ، ئالاقزەدە بولۇپ تۆت ئەتراپقا قارىدى.

قىيپاش ئۇدۇلىدا ئۆرۈلۈپ چۈشكەن ياتاق بىناسى بار ئىدى.

بىنانىڭ يېرىمى يانتۇ بولۇپ، ئانچە يىراق بولمىغان يەرگە بىر مۇنچە نەرسىلەر دۆۋىلەپ قويۇلغانىدى.

بۇ يەردە شۇنى دەپ ئۆتۈش كېرەككى قەيسەر ھەممىسىنى باشلاپ كەلگەن بۇ يەر باشقا يەر ئەمەس .دەل قەيسەر ساختا قۇرۇلۇش ماتېرىياللىرى  ئىشلىتىپ ئۆرۈلۈپ چۈشكەن ياتاق بىناسىنىڭ قۇرۇلۇش قىلىنىۋاتقان ۋە يېرىم يولدا ئۆرۈلۈپ چۈشۈش سەۋەبىدىن  ئىش توختىتىلغان  بىنا ئىدى.

ئەگەر  سەكرەپ ئۆتۈپ كەتسە، بەلكىم ساقچىلار بىناغا چىقىشتىن بۇرۇن قېچىپ كېتەلىشى مۇمكىن.

 كەينىگە بىر نەچچە قەدەم چېكىنىپ، شىددەت بىلەن سەكرىدى.

بەدىنى بوشلۇقتا قىيپاش ئۇچۇپ، مۇۋەپپەقىيەتلىك ھالدا تاختىپەردىن  ئۇدۇلدىكى بىناغا سەكرىدى.

يەردىن ئۆمىلەپ تۇرۇپ، پۇت-قولىنى تەپسىلىي سىيلاپ، ئۆزىنىڭ ئېغىر يارىلانمىغانلىقىنى بىلدى.

دەرۋەقە، تەلىيى ئوڭدىن كەلگەندەك قىلاتتى.

ئىچ-ئىچىدىن خۇشاللىق چىقىپ تۇرغان قەيسەر  تاشلاندۇق بىنا ئىچىگە كىرىپ، پەلەمپەيگە قاراپ يۈگۈردى.

بۇرۇنلا لىڭشىپ قالغان بىنا نەدىمۇ  قۇرامىغا يەتكەن ئەرنىڭ بەدەن ئېغىرلىقىنى كۆتۈرەلىسۇن؟

بوشلۇقتا ئېسىلىپ تۇرۇپ قالغان سېمونت پارچىسى تەۋرىنىپ يەرگە چۈشۈپ، پارە-پارە بولۇپ كەتتى.

قەيسەر ئىشنىڭ توغرا ئەمەسلىكىنى ھېس قىلىپ، ئالاقزادىلىك ئىچىدە سۈرئىتىنى تېزلەتتى.

ئەمما كېچىككەنىدى.

ئۇنىڭ ئايىغى ئاستىدىكى تاختاي سۇنۇپ كەتكەن بولۇپ،  سېمونت پارچىلىرى بىلەن بىللە ئۈچىنچى قەۋەتتىن  خارابىلىك دۆۋىسىگە قاتتىق چۈشتى.

قەيسەر تىركىشىپ  يەنە ئورنىدىن تۇردى.

 ئۈستى تەرەپتىكى بىنا، زەنجىرسىمان ھالەتتە تەسىرگە ئۇچراپ ئۆرۈلۈپ چۈشۈشكە باشلىدى.

سېمونت، خىش  پارچىسى... بىراقلا گۈمۈرۈلۈپ چۈشتى.

 قەيسەر بېشىنى كۆتۈرۈپ، چۈشۈۋاتقان خىش پارچىلىرىنى كۆرۈپ، ھەرىكەت قىلغۇدەك كۈچىمۇ قالمىغاچقا، يەردە ئولتۇرۇپ ، بېشىنى مەھكەم تۇتۇپ، تۈگۈلۈۋالدى.

ھاياتلىقنىڭ ئەڭ ئاخىرقى بىر نەچچە سېكۇنتىدا، كۆز ئالدىدا ئايلانما پانۇسلار چاقنىغاندەك مەنزىرە شەكىللەندى.

قەيسەر يەنە شۇ كۈنگە قايتىپ كەلگەندەك بولدى، ئۆمەر ئۇنى كۆرسىتىپ تۇرۇپ:

 - قەيسەر،  بۇنداق ئىشنى قىلسىڭىز، چوقۇم جازاسىنى تارتىسىز! - دېدى. 

شۇ چاغدا، ئۇ پەقەت سۇس كۈلۈپ قويۇپ:

 - جازاسىنى تارتىسىز؟ مەن پەقەت تۈرمىگە كىرىدىغان ئادەمنىڭ  مەن ئەمەس، سىز ئىكەنلىكىڭىزنى بىلىمەن!  - دېگەنىدى.

 قەيسەر ئەمدى ئۆزىنىڭ خاتالاشقانلىقىنى بىلدى.

 راستتىنلا قىلغان ئەسكى ئىشىنىڭ جازاسىنى تارتىدىكەن .

خارابىلىكنىڭ سىرتىدا قالغان بارماقلىرى ئاخىرقى قېتىم كۈچسىز مىدىرلىدى، ئۇ ئۆزى پەيدا قىلغان يامان ئاقىۋەت ئىچىدە ئۈن-تىنسىز ھاياتىنى ئاخىرلاشتۇردى.

زىلالە ھېلى ئەرنىڭ ئىسكەنجىسىدىن قۇتۇلالماي تىركىشىۋاتقاندا ساقچىلار يېتىپ كېلىپ زىلالەنى قۇتۇلدۇرىۋالدى. زىلالە ئۇ ئەردىن قۇتۇلۇپ بىرىنچى بولۇپ جەسۇرنى ئىزدىدى  . ھەممە يەر تىپتىنچ ئىدى. جەسۇرغا نېمە ئىش بولدى. زىلالە ھەممە يەردىن جەسۇرنى ئىزدىدى. بىراق ھەر قانچە قىلىپمۇ جەسۇرنى تاپالمىدى.