مانا بۇنى سۆيۈش 2-بۆلۈم 75-قىسىم_زىلالە يوقاپ كەتتى

75-قىسىم

زىلالە يوقاپ كەتتى

كۆزنى يۇمۇپ ئاچقۇچە، ئىككى كۈن ئۆتۈپ كەتتى.

چارشەنبە كۈنى ئەتىگەندە، زىلالە بالدۇر ئورنىدىن تۇرۇپ، سۇس گىرىم قىلىپ، كىيىم ئىشكاپىدىن قىزىل رەڭلىك چاپاننى تاللاپ كىيدى.

باشقا ئىش ئۈچۈن ئەمەس، پەقەت ياخشى باشلىنىش بولۇشىنى، ئاكىسىنىڭ بۈگۈن  غەلىبە قىلىشىنى ئۈمىد قىلدى.

ئۇدۇلدىكى ياتاق ئۆيدىكى زۆھرەمۇ رەتلىك كىيىنگەن ئىدى.

بۈگۈن ئۆمەرنىڭ  ئىككىنچى قېتىم سوت قىلىنىدىغانلىقىنى بىلگەن زۆھرەمۇ ئالايىتەن ۋاقىت چىقىرىپ، زىلالەگە ھەمراھ بولۇپ سوت مەھكىمىسىگە بارماقچى بولدى.

 - زىلالە، تېز قاراڭ...

زىلالەنى كۆرگەن زۆھرە تېلېفوننى تۇتۇپ ئۇنىڭ يېنىغا كېلىپ،  ئېكرانىنى كۆرسىتىپ:

- بۈگۈن   ياخشى كۈن، ئۆمەر ئاكامنىڭ ئىشى چوقۇم ئوڭۇشلۇق بولىدۇ. - دېدى.

زىلالە كۈلۈپ تۇرۇپ بېشىنى لىڭشىتتى.

 -  ئەكبەر ئادۋوكاتقا تېلېفون قىلدىم، ئۇلار سائەت توققۇزغا ئۈلگۈرۈپ بارىدىكەن، - دېدى زۆھرە ئۇنىڭ بىلىكىنى تۇتۇپ، - بىز ئاۋۋال ناشتا قىلايلى، ئاندىن ئۆمەر ئاكامغا ئازراق نەرسە تەييارلىۋايلى، - دېدى.

 - نېمە نەرسە؟ - دېدى زىلالە.

 - يېڭى كىيىم ئېلىپ بارايلى.، يەنە ئالما ئېلىۋالايلى... - دېدى زۆھرە كەسكىن تەلەپپۇزدا  - دېدى.

زىلالە كۈلۈپ تۇرۇپ بېشىنى لىڭشىتىپ:

  - ئۇنداقتا  كۆپرەك سېتىۋالايلى، ھەر بىرىمىز بىردىن يەيلى. - دېدى.

 - بولىدۇ.- دېدى زۆھرە سومكىسىنى ئېلىپ، - يۈرۈڭ ماڭايلى! - دېدى.

ئىككىيلەن  كۈلۈشۈپ پەسكە چۈشۈپ، ئولتۇراق رايون ئەتراپىدىكى بىر ئاشخانىغا بېرىپ ناشتا قىلىپ بولغاندىن كېيىن، يېقىن ئەتراپتىكى سودا سارايغا كەلدى.

ۋاقىتنى تېجەش ئۈچۈن، ئىككىيلەن ئىشنى تەقسىم قىلىۋالدى.

زىلالە ئۆمەرگە كىيىم-كېچەك ئېلىشقا مەسئۇل بولدى، زۆھرە پەستىكى تاللا بازىرىغا بېرىپ ئالما   سېتىۋالماقچى بولدى.

زىلالە ئۆمەر ئۈچۈن ئەستايىدىللىق بىلەن بىر يۈرۈش كاستۇم-بۇرۇلكىنى تاللاپ، پۇل ئېلىش پۇكىيىگە كېلىپ ھېسابات قىلدى.

مال سېتىۋېلىش خالتىسىنى كۆتۈرۈپ لىفىتقا چىققاندا يان تېلېفونىنى چىقىرىپ زۆھرەگە تېلېفون قىلىپ:

 - زۆھرە ، كىيىمنى تاللاپ بولدۇم، يەر ئاستى ماشىنا توختىتىش مەيدانىدا سىزنى ساقلايمەن. - دېدى.

- ماقۇل، مەنمۇ ھازىرلا بارىمەن، - دېدى زۆھرە.

تېلېفوننى قويۇۋەتكەندىن كېيىن، زىلالە يەردىكى قەغەز خالتىنى كۆتۈرۈپ، لىفىتتىن چىقىپ، زۆھرەنىڭ ماشىنىسىنىڭ يېنىغا كەلدى.

كەينىدىن تونۇش بىر ئاۋاز ئاڭلاندى.

 - كۆرۈشمىگىلى ئۇزۇن بوپتۇ، زىلالە!

زىلالە بۇرۇلۇپ،  كەينىدىلا تۇرغان  ماسكا ۋە شەپكە كىيىۋالغان ئېگىز بويلۇق سىيمانى كۆرۈپ،  گۇمان بىلەن سىنچىلاپ قاراپ:

- سىز... قەيسەرمۇ؟ - دېدى.

قەيسەر پەس ئاۋازدا كۈلۈپ قويۇپ:

- ئويلىماپتىمەن،  بۇنداق كىيىنىۋالسام تونۇپ قاپسىز، - دېدى.

قارشى تەرەپنىڭ تەلەپپۇزىنىڭ سەل غەلىتە ئىكەنلىكىنى ھېس قىلغان زىلالە كەينىگە ئىككى قەدەم داجىپ:

  -  نېمە قىلماقچىسىز؟ - دېدى.

قەيسەر كۈلۈپ تۇرۇپ ئالدىغا ئىككى قەدەم مېڭىپ:

  - ھېچ ئىش يوق، سىز بىلەن ياخشىراق پاراڭلاشقۇم كەلدى، - دېدى.

قارشى تەرەپنىڭ ياخشى نىيەتتە بولمىغانلىقىنى كۆرۈپ يەتكەن زىلالە كەينىگە بۇرۇلۇپ قاچماقچى بولدى.

قەيسەر ئېتىلىپ كېلىپ، ئۇنىڭ بىلىكىنى تۇتۇپ، ماشىنىنىڭ دېرىزىسىگە باستى.

- مېنى قويۇۋېتىڭ...

زىلالە بار كۈچى بىلەن تىركەشتى، قەيسەر ئوڭ قولىنى كۆتۈرۈپ، بىر پارچە قولياغلىق بىلەن ئاغزى-بۇرنىغا ئېتىۋالدى.

قولياغلىقنىڭ ھىدىنى پۇراپ، زىلالەنىڭ نەپسىنى بوغۇلۇپ، بېشىنى ئىككى تەرەپكە قاچۇردى.

چوڭ كۈچ سېلىشتۇرمىسى ئاستىدا يەنىلا ئامالسىز قالدى، ئۇ ھەرگىزمۇ قەيسەرنىڭ رەقىبى بولالمايدۇ.

 ناھايىتى تېزلا كۈچىنى يوقىتىپ، قەيسەرنىڭ قوينىغا يېقىلدى.

قەيسەر ئۇنى ماشىنىسىنىڭ ئارقا ئورۇندۇقىغا ئېلىپ كىرىپ،  يەردىكى چېچىلىپ ياتقان يان تېلېفون ۋە قەغەز خالتىلارنى ئېلىپ، ماشىنىنى قوزغىتىپ ماشىنا توختىتىش مەيدانىدىن چىقىپ كەتتى.

بىردەمدىن كېيىن.

زۆھرە ئالمىنى كۆتۈرۈپ  كېلىپ، ئوڭ-سولغا قاراپ، زىلالەنى كۆرمەي يانفونىنى چىقىرىپ زىلالەگە تېلېفون قىلدى.

تېلېفوندىن  ئاۋازلىق ئەسكەرتىش كەلدى:

كەچۈرۈڭ، سىز ئۇرغان ئابۇنتنىڭ تېلېفونى ئېتىك.

 - غەلىتە ئىشقۇ بۇ!

زۆھرە تەن بەرمەي يەنە بىر قېتىم ئۇردى، نەتىجە يەنىلا ئوخشاش بولدى.

زۆھرە قولىدىكى مال سېتىۋېلىش خالتىسىنى ماشىنىنىڭ ئارقا ساندۇقىغا سېلىپ، ئۈستىگە چىقىپ، ئەرلەر كىيىم-كېچەكلىرىنى ساتىدىغان دۇكانغا كەلدى.

پۈتۈن قەۋەتنى بىر ئايلىنىپ چىقىپمۇ زىلالەنى تاپالمىدى، ئالدىدىكى پۇل ئېلىش پۇكىيىنى كۆرۈپ، سوراپ باقماقچى بولۇپ ئۈلگۈردى.

يان تېلېفوندىن ئۇنىڭ  زىلالە  بىلەن بىللە چۈشكەن سۈرىتىنى چىقىرىپ:

 -  ئاچا،  بۇ قىزنى كۆردىڭىزمۇ؟ - دەپ سورىدى.

 - كۆردۈم، ئۇ بايىلا بىر يۈرۈش كاستۇم-بۇرۇلكا سېتىۋېلىپ، مۇشۇ يەردە پۇل تۆلىدى. - دېدى خىزمەتچى خادىم.

قارشى تەرەپتىن زىلالە سېتىۋالغان كاستۇم-بۇرۇلكىنىڭ ماركىسىنى تەپسىلىي سورىغاندىن كېيىن، زۆھرە بۇرۇلۇپ مەخسۇس سېتىش دۇكىنىغا قاراپ يۈگۈردى، نەتىجىدە مال سېتىۋېلىش يېتەكچىسى  زىلالەنىڭ كەتكەنلىكىنى ئېيتىپ بەردى.

زۆھرە ئۈستۈنكى قەۋەتنى بىر ئايلىنىپ چىقتى، لېكىن يەنىلا ئادەمنى تاپالمىدى.

ئۇ ئامالسىز ماشىنا توختىتىش مەيدانىغا قايتىپ كەلدى، نەتىجىدە يەنىلا زىلالەنىڭ سايىسىمۇ كۆرۈنمىدى.

زۆھرە سائەتكە قاراپ، يانفونىنى چىقىرىپ ئەكبەرگە تېلېفون قىلدى.

تېلېفوننىڭ يەنە بىر تەرىپىدە، ئەكبەر  ئەمدىلا سوت مەھكىمىسىگە كېلىپ، ياردەمچىسى بىلەن ماشىنىدىن چۈشۈپ تېز قەدەم بىلەن پەلەمپەيدىن چىقىۋاتقانىدى.

 - ئەكبەر!

جەسۇرنىڭ ئاۋازىنى ئاڭلىغان  ئەكبەر قەدىمىنى توختاتتى.

پەلەمپەينىڭ ئاستىدىكى جەسۇر ئەمدىلا رەتلەپ چىققان ماتېرىياللارنى كۆتۈرۈپ پەلەمپەيگە چىقىپ:

 - بۇنى بىز كېچىلەپ رەتلەپ چىقتۇق، تيەننىڭ ياتاق بىناسىغا مۇناسىۋەتلىك بەزى ھېساباتلار، بۇ ھېساباتلار شۇنى ئىسپاتلايدۇكى، ۋەقە يۈز بېرىشنىڭ ئالدى-كەينىدە، تيەننىڭ ياتاق بىناسىنىڭ تۈرلۈك چىقىملىرىنى قەيسەر بىر تەرەپ قىلغان، يەنى تيەننىڭ ياتاق بىناسىنى سېلىشقا كېتىدىغان ماتېرىياللارنى سېتىۋېلىش ئىشلىرىنى قەيسەر بىر تەرەپ قىلغان، بۇ ماتېرىياللارنىڭ دېلوغا ئازراق ياردىمى بولۇشى مۇمكىن. - دېدى.

 - بەك ياخشى بولدى!  - دېدى ئەكبەر ئۇنىڭ قولىدىكى ماتېرىيالنى ئېلىپ ۋاراقلاپ  كۆرۈپ، -  بۇ ماتېرىياللار بولسا، بىزنىڭ يېڭىش نىسبىتىمىز تېخىمۇ يۇقىرى بولىدۇ. يۈرۈڭ، بىللە كىرەيلى، - دېدى.

 -  بولدى كىرمەي، - دېدى جەسۇر بېشىنى يېنىك چايقاپ،  - زىلالە  مېنى كۆرۈشنى خالىماسلىقى مۇمكىن، شۇڭا  ئىچىگە كىرمەي. سوت ئاخىرلاشقاندا، ماڭا تېلېفون قىلىشنى ئۇنتۇپ قالماڭ. - دېدى.  

 - بوپتۇ ئەمىسە، - دېدى ئەكبەر بېشىنى يېنىك لىڭشىتىپ،  - ھەرقانداق خەۋەر بولسا،  دەرھال سىزگە ئۇقتۇرىمەن، - دېدى.

جەسۇر ئۇنىڭغا قاراپ بېشىنى لىڭشىتىپ، كەينىگە بۇرۇلۇپ پەلەمپەيدىن چۈشتى.

 - ئەكبەر ئادۋوكات، زۆھرەنىڭ تېلېفونى!

ياردەمچى تېلېفوننى ئەكبەرگە سۇندى.

 - زۆھرە ، بىز ئەمدىلا  كەلدۇق، زىلالە ئىككىڭلار كەلدىڭلارمۇ؟ - دەپ سورىدى ئەكبەر.

 - ئۇنى بىر دېمەڭ، مەن ھازىرمۇ سودا سارايدا،  ئىككىمىز ئىككىگە بۆلۈنۈپ نەرسە - كېرەكلەرنى سېتىۋالماقچى بولۇشقان،  تۇيۇقسىز زىلالە يوقاپ كەتتى. - دېدى زۆھرە.

 -  ئۇ يەنە باشقا نەرسە سېتىۋالغىلى كەتتىمۇ يا؟ - دېدى ئەكبەر.

 - مەن پۈتۈن قەۋەتنى ئاختۇردۇم، پەقەت تاپالمىدىم. كىيىمنى ئېلىپ بولغاندىن كېيىن ماڭا تېلېفون قىلغان، لېكىن ھازىر  تېلېفونى ئېتىك چىقىۋاتىدۇ،  ئەكبەر ئادۋوكات، زىلالەگە بىرەر ئىش بولماس؟ -  دېدى زۆھرە ئەندىشە ئىچىدە.

 ئەكبەر ۋاقىتقا بىر قارىۋېتىپ، پەلەمپەيدىن چۈشۈپ كېتىۋاتقان جەسۇرغا قاراپ، كاللىسىنى جىددىي ئىشلىتىپ:

-  سىز قايسى سودا سارايدا؟ - دەپ سورىدى.

 - زامانىۋى شەھەرچىدە. - دېدى زۆھرە.

- بولىدۇ،  جايىڭىزدا ساقلاپ تۇرۇڭ، مەن ھازىرلا جەسۇرنى ياردەمگە ئەۋەتەي، - دېدى.

تېلېفوننى قويۇۋەتكەندىن كېيىن، ئەكبەر پەلەمپەيدىن ئالدىراپ چۈشتى.

ئۇنىڭ قوغلاپ كېلىۋاتقانلىقىنى كۆرگەن ئەنۋەر ماشىنىنى توختاتتى.

ئارقا ئورۇندۇقتىكى جەسۇر ماشىنىنىڭ ئىشىكىنى ئىتتىك ئېچىپ:

 - نېمە ئىش بولدى؟ - دەپ سورىدى.

 - زۆھرە زىلالەنى يوقاپ كەتتى دەيدۇ، بۇ يەردە سوت ئېچىلىشقا ئاز قالدى، مەن بارسام ئۈلگۈرەلمەيمەن، سىز بېرىپ قاراپ باقالامسىز؟ - دېدى.

زىلالەنىڭ ئىشىنى ئاڭلىغان جەسۇر دەرھال جىددىي تەلەپپۇزدا:

 - نېمە ئىش بوپتۇ؟ - دەپ سورىدى.

 -  كونكرېت ئەھۋالنى مەنمۇ بىلمەيمەن، سىز بىۋاسىتە زامانىۋى شەھەرچىنىڭ ماشىنا توختىتىش مەيدانىغا بېرىپ زۆھرەنى ئىزدەڭ، ئۇ ئەھۋالنى چۈشىنىدۇ. - دېدى ئەكبەر.

- ماقۇل،  ھازىرلا باراي.  - دېدى جەسۇر ئوڭ قولىنى سوزۇپ، ئەكبەرنىڭ بىلىكىدىن تۇتۇپ، -  ئۆمەرنىڭ دېلوسىنى سىزگە تاپشۇردۇم. - دېدى.

ئەكبەر بېشىنى لىڭشىتىپ:

  - خاتىرجەم بولۇڭ. - دېدى.

جەسۇر كەينىگە بۇرۇلۇپلا ئالدىراپ-تېنەپ ماشىنىنىڭ ئارقا ئورۇندۇقىغا چىقىپ:

 - زامانىۋى شەھەرچىگە...  تېز ھەيدەڭ. - دېدى.

ئەنۋەر ماشىنىنى قوزغاتتى، جەسۇر يانفونىنى چىقىرىپ زۆھرەگە تېلېفون قىلىپ:

- ماڭا دەڭە، زىلالەگە زادى نېمە ئىش بولدى؟ - دەپ سورىدى.

زۆھرەمۇ ھازىر باشقا ئىشلار بىلەن ھېسابلىشىپ ئولتۇرىدىغان ۋاقىت ئەمەسلىكىنى بىلەتتى،  شۇڭا دەرھال ئىشنىڭ جەريانىنى  تەپسىلىي سۆزلەپ بەردى.

- ئۇقتۇم، مەن ھازىر يولدا، يېنىڭىز كېتىۋاتىمەن، جىددىيلەشمەي ساقلاپ تۇرۇڭ، - دېدى جەسۇر.

تېلېفوننى قويۇۋەتكەندىن كېيىن،  زىلالەگە تېلېفون قىلدى.

دەرۋەقە، زۆھرە ئېيتقاندەك،  قارشى تەرەپنىڭ تېلېفونىنى ئېتىك ئىكەنلىكى ئەسكەرتىلدى.

بۈگۈن ئۆمەرگە سوت ئاچىدىغان كۈن، مۇشۇنداق مۇھىم ۋاقىتتا، زىلالەنىڭ يان تېلېفونىنى ئېتىۋېتىشى مۇمكىن ئەمەس.

بۇ ئىش بەكلا نورمال ئەمەس.

جەسۇر تېلېفوننى چىڭ سىقىمداپ تۇتقاندا،  يۈرىكىمۇ تەڭلا قارتلا قىلىپ قالدى.