گۈزەل ھايات 9-بۆلۈم 108-قىسىم _ كىلىنىمنىڭ ئاشنىسى كىلىشكەن

108-قىسىم

كىلىنىمنىڭ ئاشنىسى كىلىشكەن

 -  كېسىلى بار!  كىمنى  كېسىلى بار دېدىڭ؟ ! ھۇ سولتەك، ئۆزۈڭ ئاچكۆزلۈك قىلىپ باشقىلارنىڭ قورۇمىسىنى ئوغۇرلۇقچە يەپسەن، يەنە تېخى ئۇنى كېسىلى بار دەپ تىللاۋاتامسەن، مېنىڭچە سېنىڭ تاياق يېگۈڭ باركەن! - دېدى موماي.   

- ۋىيەي ئاپا، بوشىراق ئۇرۇڭ، مەۋلان ئوكۇل سالدۇرۇۋېتىپتۇ؟ يېڭنە چىقىپ كەتسە، ئىششىپ قالىدۇ! -  دېدى خاسىيەت موماينى دەرھال توسۇپ،  .

موماي بىرئاز ئاغرىنغان ھالدا مەۋلانغا قاراپ قويۇپ:

 -   قارىڭە بۇ سولتەك گەپنى بۇراپ كېلىپ زۇبەيدەنى خاتا قىلدى دەيدۇ، شۇنداق تۇرسا ئۇرۇشۇم خاتاما ئەمەسمۇ؟ ! 

خاسىيەت ئامالسىز بېشىنى لىڭشىتىپ:

- توغرا ئاپا... - دېدى.

ھەقىقەتەن ھەددىدىن ئېشىپ كەتتى، بۇ ئېنىقلا ئوغرى نەرسە ئوغرىلاپ يەنە ئوغۇرىنى تۇتۇڭلار دەپ ۋارقىرىغىنىغا ئوخشاش ئىش.

نەدىمۇ خەقنىڭ نەرسىسىنى ئوغرىلاپ يەپ، يەنە كېلىپ خەقنىڭ نەرسىسىنى ياخشى ئەمەس دەپ ئەيىبلەيدىغان ئىش بولسۇن؟

زۇبەيدە بىر چەتتە كۆزىنى چىمچىقلىتىپ قويۇپ، بىر ھازاغىچە ئىنكاس قايتۇرمىدى.

ئىشنىڭ تەرەققىياتى توغرا ئەمەستەك قىلامدۇ قانداق؟

ئۇنىڭ خاتالىقى دېگەنتىغۇ؟

موماي گەرچە گەپ-سۆزلىرىدىن غەزەپلەنگەن بولسىمۇ، لېكىن يەنىلا داۋاملىق ئۇرمىدى.

- ھۇ سولتەك، نەلىرىگىلا قارىسا ئادەمنىڭ كۆزىگە سىغۇدەك يېرى يوق، زۇبەيدەدەك بىر ئوبدان قىزنى بىكاردىن-بىكار نابۇت قىلىۋېتىدىغان بولدى!  - دېدى.

زۇبەيدە بىر چەتتە تۇرۇپ كۈلۈمسىرىدى، بىرەرسى يان باسقاندىكى تۇيغۇ ھەقىقەتەن ياخشى بولىدىكەن.

مەۋلان قاپاقلىرىنى تۈرۈپ سۈكۈتكە چۆمدى.

 -  مەن سېنى ئاگاھلاندۇرۇپ قوياي، كېيىن يەنە زۇبەيدەنى بوزەك قىلىدىغان بولساڭ، قاراپ تۇر، سېنىڭ نېمە دېيىشىڭنى كۈتمەيلا، ئۇنى سەندىن ئاجراشتۇرۋېتىمەن! - دېدى موماي. 

مەۋلاننىڭ ئىپادىسىز چىرايى تۇيۇقسىز ئۆزگىرىپ :

-  ئۇنىڭ قورسىقىدا يەنە ئائىلىمىزنىڭ ئەۋرىسى بار! - دېدى.

موماي سوغۇققىنە:

  -  سىلەر ئاجرىشىپ كەتسەڭلار مېنىڭ ئەۋرەم بولماي قالامدىكەن؟ - دېدى. 

مەۋلاننىڭ چىرايى تاتىرىپ كەتكەن بولۇپ، قارىماققا سەل قورقۇنچلۇق كۆرۈنەتتى.

موماي ئۇنىڭغا كۆزىنى قىسىپ قاراپ قويۇپ، چىرايىنى ئۆزگەرتمەي قېشىنى ئېتىپ قويدى.

قارا بۇ سولتەكنىڭ چىرايىنىڭ سەتلىشىپ كەتكىنى!

موماي يېنىك يۆتىلىپ قويۇپ:

- بىزنىڭ  زۇبەيدەنىڭ بۇنداق چىرايلىق، مۇنەۋۋەر ئىكەنلىكىنى، قانچىلىغان ئەرلەرنىڭ ئۇنى قوغلىشىپ قاتار تىزىلغانلىقىنى بىلمەيسەن.

زۇبەيدە، ئەگەر  كېيىن يەنە ئەر كىشى تاللىماقچى بولسىڭىز، چوقۇم كۆزىڭىزنى يوغان ئېچىپ ئوبدان قاراڭ، ئەمدى ئۇنىڭدەك  ئادەمنى تاللىماڭ. تېخىمۇ ئېگىز، تېخىمۇ كېلىشكەن بىرەرسىنى تاللاڭ، ئايال كىشى نېمىنى ئۇتتۇرسىمۇ، يۈزىنى ئۇتتۇرسا بولمايدۇ، سىز ھازىرقىدىنمۇ ياخشى ياشىسىڭىز ئاندىن توغرا بولىدۇ! - دېدى.  

زۇبەيدە چىرايى تاتارغان مەۋلانغا بىر قاراپ قويۇپ،  كۈلۈمسىرىگەن ھالىتىنى بەك تەستە بېسىلىپ، بېشىنى يېنىك لىڭشىتىپ:

  -  موما كۆرسەتمە بەرگىنىڭىزگە رەھمەت، مەن چوقۇم شۇنداق قىلىمەن، -  دېدى. 

- ھىم... ئۇنداق بولسا ياخشى. ھەمىشە ئۆزىڭىزگە ئۇۋال قىلماڭ، ئۆزىڭىزگە ئىشىنىشىڭىز كېرەك، شۇنچە مۇنەۋۋەر تۇرسىڭىز، سىزنى ياخشى كۆرىدىغان ئەر كەم بولامتى؟  - دېدى موماي.

مەۋلاننىڭ چىرايى تۇتۇلۇپ سەتلىشىپلا كەتتى.

بۇ زادى كىمنىڭ مومىسى؟ مەخسۇس ئۇنى تېرىكتۈرۈپ جىلە قىلغىلى كەلدىمۇ؟

 -  ھېچ ئىش بولمىسا كەتسەڭلار بولىدۇ!  - دېدى مەۋلان.

موماي ئۇنىڭغا ئاليىپ قاراپ قويۇپ، سوغۇق دىمىقىنى قېقىپ ، زۇبەيدەگە قاراپ سۆزىنى داۋاملاشتۇرۇپ:

  -  ئېسىمدە قېلىشىچە، ئىككى كۈن ئىلگىرى سىز بىلەن بىللە خەۋەرگە چىققان ھېلىقى ئادەم... ھە...    كىنو ئارتىسى زەپەر دېگەن شۇمۇ؟  مېنىڭچە ئۇ ھەقىقەتەن بولىدىكەن، بويى ئېگىز، ئاپئاق، كېلىشكەن، ئەڭ مۇھىمى سالاپەتلىك، كېيىن بۇ تۇرمۇشنى تۇتۇپ كېتەلمىسىڭىز، ئاۋۋال ئۇنى ئويلىشىپ باقسىڭىز بولغۇدەك... - دېدى.

مەۋلاننىڭ ئۆپكىسى يېرىلىپ كېتەي دەپ قالدى، ئاشقازىنىمۇ مۇجىلىپ ئاغرىۋاتاتتى.

 ئۇنىڭ مومىسى ئەمەس، قېرى جادۇگەر بولدىغۇ.

زۇبەيدەمۇ موماينىڭ سۆزىدىن چۆچۈپ كەتتى، ئۇ زادى مەۋلاننىڭ ئۆز مومىسىمۇ ئەمەسمۇ دەپ قاتتىق گۇمانلاندى.

ئەگەر راست گەپ قىلىۋاتقان بولسا، ئۇنداقتا كاللىسى شۇنچىلىك ئۇچۇق ئىكەن. 

نەدىمۇ ئۆزىنىڭ نەۋرە كېلىنىنى زاپاس مۇھەببەت ئىزدەشكە كۈشكۈرتكەن بار؟

 - موما... - زۇبەيدە پەس ئاۋازدا چاقىرىدى، مەۋلاننىڭ ھازىرقى چىرايىغا  ئۇدۇل قاراشقا پېتىنالمىدى، ھازىر پەقەت مومىسىنىڭ مەۋلانغا رەھىم قىلىشىنى، ئۇنى غىدىقلاپ جىلە قىلماسلىقىنى ئۈمىد قىلدى.

موماينىڭ مەۋلاننى قانچىلىك ياخشى كۆرمەيدىغانلىقىنى ھازىر ئازراق ھېس قىلدى.

ئەزەلدىن بىر ئادەمنىڭ يەنە بىر ئادەمنى كۆرسە ئاشقازىنى ئاغرىيدىغىنىنى ئاڭلاپ باقمىغان، لېكىن مەۋلان زەپەرنى كۆرسە ئاشقازىنى ئاغرىيدىكەن.

- ھىم؟ ئۇ كىنو ئارتىسى ھازىرمۇ بىزنىڭ بۇ شەھەردىمۇ؟ - دەپ سورىدى موما.

زۇبەيدە بىردەم تۇرۇپ قالغاندىن كېيىن، بېشىنى لىڭشىتىپ:

  -  ھەئە. - دېدى.  ئۇنىڭ ئۈستىگە قوشنا ئۆيدە تۇرىدۇ.

 -  پۇرسەت بولسا ماڭا تونۇشتۇرۇپ قويۇڭ! ئېكراندىن كۆرسىمۇ بەك كېلىشكەن ئىكەن،  ھەقىقىي ئادەمنى كۆرۈپ باققۇم بار...  ھازىر يېشىمنىڭ چوڭىيىپ قالغانلىقىغا قارىماڭ، مەندە يەنىلا كىچىك ۋاقتىمدىكى ناتىۋان قىزلارنىڭ قەلب  بار، شۇنداق كېلىشكەن يىگىت تۇرسا، پۇرسەت بولسا چوقۇم كۆرۈپ بېقىشىنى ئويلايمەن! - دېدى موماي. 

مەۋلان ئاچچىقتىن گەپمۇ قىلالماي قالدى. 

زۇبەيدە كۈلۈپ تۇرۇپ:

- ماقۇل.  - دېدى.

ئۇ گېپىنى تۈگىتىپ تۇرىشىغا ، مەۋلاننىڭ سۈرلۈك ئاۋازى ئاڭلاندى:

  -  زۇبەيدە! 

- ھە؟  - دېدى زۇبەيدە.

مەۋلان ئۇنىڭغا ئالىيىپ قارىدى، زۇبەيدە ئالدىراپ-تېنەپ كۆزىنى باشقا ياققا قارىتىۋالدى.

- ئۇكۇل تۈگىدى، يىڭنىنى تارتىۋېتىڭ! - دېدى مەۋلان. 

زۇبەيدە كۆزىنى كۆتۈرۈپ ئاسما بوتۇلكىسىغا بىر قارىۋەتكەندىن كېيىن، دەرھال بېرىپ:

  -  يەنە بىر بوتۇلكا بار ... - دېدى.

 -  سالغۇزمايمەن! - دېدى مەۋلان.

- مەۋلان... - دېدى  خاسىيەت ئوغلىغا ئىچ ئاغرىتىپ، تەبىئىيلا قوشۇلمىدى.

زۇبەيدەمۇ گەپ قىلماي، ئۈن-تىنسىز ھالدا يىڭنىنى يەنە بىر بوتۇلكىغا سانجىدى.

 -  زۇبەيدە!  - دېدى مەۋلان.

زۇبەيدە ئوڭايسىزلانغان ھالدا:

 - غەلۋە قىلماڭ، يەنە ئازراق چىداڭ، - دېدى. 

مەۋلان ئاغزىنى پۈرۈشتۈرۈپ:

  -  داۋاملىق سالغۇزسام بولىدۇ، ئۇلارنى دەرھال يولغا سېلىۋېتىڭ، ھازىر ئاشقازىنىم ئاغرىپلا قالماي، ئۆپكەممۇ ئاغرىۋاتىدۇ! تېز بولۇڭ!  - دېدى.

 زۇبەيدە تېخىمۇ ئوڭايسىزلىنىپ قالدى.

ئۇنىڭغا رەھىم قىلسا بولمامدۇ؟

ھەممىسى چوڭلار تۇرسا، ئۇلارنى قانداقمۇ قوغلىغىلى بولسۇن...

- ھۇ سولتەك!  كىمگە قىيداۋاتىسەن؟ !  - دېدى موماي.

مەۋلاننىڭ بۇنداق تۈز گەپلىرىنى ئەخمەقمۇ ئاڭلاپ چۈشىنەلەيدۇ، موماي ئاچچىقىدا قولىنى سوزۇپ ئۇنىڭ قۇلىقىدىن تۇتۇۋېلىپ:

 -  قانىتىڭ قېتىپ، بىزنىمۇ قوغلاشقا جۈرئەت قىلىۋاتامسەن؟ ئاسما ئاستۇرمايسەن، شۇنداقمۇ؟ مەن ساڭا يېڭىنەڭنى يۇلۇپ ئېلىپ بېرەي!  - دېدى- دە،  ئېڭىشىپ تۇرۇپ مەۋلاننىڭ قولىدىكى  يىڭنىنى تارتىپ ئېلىۋەتمەكچى بولدى، يىڭنە بىلەن قولىنى ئۆتمە تۈشۈك قىلىۋەتمىسە ھەرگىز ئاچچىقىنى باسالمايدىغاندەك قىلاتتى.

خاسىيەت بىلەن زۇبەيدە موماينىڭ بۇ ھەرىكىتىدىن قورقۇپ يۈزلىرى ئاقىرىپ كەتتى، خاسىيەت دەرھال موماينى قۇچاقلىۋالدى، زۇبەيدە موماينىڭ راستىنلا  تارتىۋېلىشىدىن ئەنسىرەپ، دەرھال ئېڭىشىپ مەۋلاننىڭ يىڭنە سانجىلغان قولىنى قوغدىدى!

موماي زۇبەيدەنىڭ مەۋلاننى قوغداۋاتقانلىقىغا قاراپ، كۆزلىرىدە كۈلكە جىلۋىلنىپ:

- زۇبەيدە ئۇنى قوغدىماڭ،  ئەرزىمەيدۇ ... ئۇ بايا نېمە دېدى، ئويلىمىغان يەردىن ئاپىسى ئىككىمىزنى بىللە قوغلاپ چىقارماقچى بولدى، بۇ ئادەمنىڭ دەيدىغان گېپىمۇ؟ نېرى تۇرۇڭ، بۇ بىزنىڭ ئۇنىڭ بىلەن بولغان ئىشىمىز، سىز بىلەن ئالاقىسى يوق!  - دېدى. 

زۇبەيدە بېشىنى تۆۋەن سېلىپ مەۋلاننىڭ قولىنى تەكشۈردى، شۇنداق قىينىسىمۇ ھېچ ئىش بولماپتۇ.

ئاندىن  كەينىگە بۇرۇلۇپ مەۋلاننىڭ ئورنىدا ئامالسىز چۈشەندۈرۈپ:

  -  موما، سىز مەۋلاننى خاتا چۈشىنىپ قالدىڭىز، ئۇ ... ئاغرىپ قېلىپ كەيپىياتىڭىز ياخشى ئەمەس، كۆپرەك يول قويۇڭ... - دېدى. 

 -  ئاغرىپ قالسا كاللىسىنىمۇ يىتۈرۈپ قويامدىكەن؟ نېرى تۇرۇڭ، بولمىسا سىزنىمۇ قوشۇپ ئۇرۋېتىمەن! - دېدى موماي. 

موماي شۇنداق دېگىنىچە خاسىيەتنى ئىتتىرىۋېتىپ، ھاسىسىنى كۆتۈرۈپ زۇبەيدەنىڭ بەدىنىگە قارىتىپ پۇلاڭلاتتى.

مەۋلان بۇنى كۆرۈپ، قاپقارا كۆزلىرى بىردىنلا سوۋۇپ كەتتى-دە، دەرھال قولىنى كۆتۈرۈپ زۇبەيدەنىڭ بېشىنى تۇتقىنىچە تارتىپ كېلىپ قۇچاقلىۋېلىپ قوغدىدى.

موماي سۇس كۈلۈمسىرەپ قويدى، تاياق يەنىلا مەۋلاننىڭ بىلىكىگە چۈشتى.

خېلىلا كۈچەپ ئۇرغانىدى.

ئۇ ئەلۋەتتە راست ئۇردى، بولمىسا بۇ زېرەك ئەبلەخنى قانداق ئالدىيالايتتى.

ئەگەر بۇ يەرگە كەلمىگەن بولسا،  ئەسلىدە بۇ سولتەكنىڭ زۇبەيدەگە بۇنچە كۆڭۈل بۆلىدىغانلىقىنى بىلمەي يۈرەتتى.

زۇبەيدە ئاغرىقنى سەزمىگەن بولسىمۇ، ئەمما بەدىنىگە كالتەك چۈشكەن ئاۋاز ئۇنى يەنىلا ھاڭ-تاڭ قالدۇردى، ئېسىنى يىغىپ دەرھال ئورنىدىن تۇردى، ئەمما مەۋلاننىڭ يىڭنە سانجىلغان بىلىكىدە ئۇنى باغرىغا باسقانلىقىنى، موماينىڭ ھاسىسىنىڭ ئۇنىڭ مۈرىسىگە چۈشكەنلىكىنى كۆردى.

بۇنداق چوڭ ھەرىكەت بىلەن ئۇكۇل يېڭىنىسى  تومۇر ئورنىدىن چىقىپ كېتىپتۇ.

زۇبەيدەمۇ كەينىدىكى موماينىڭ قايتا ئۇرۇش - ئۇرماسلىقىغا پەرۋا قىلماي، دەرھال مەۋلاننىڭ قولىنى تۈزلەپ، ئازراق تىترىگەن ھالدا يىڭنىنى تارتىپ چىقاردى.

ئاق رەڭلىك پاختا شارچىسى كۆزنى يۇمۇپ ئاچقۇچە قىپقىزىل بويالدى، زۇبەيدە ھېچنېمىگە قارىماي قولى بىلەن كۈچەپ بېسىپ، يېنىدىن يېڭى پاختا شارچىنى ئېلىپ، ئالماشتۇرۇپ، يەنە كۈچەپ باستى.

ئاندىن بېشىنى كۆتۈرۈپ مەۋلانغا قاراپ:

  -  ئاغرىدىمۇ؟  - دەپ سورىدى.

مەۋلان ئۇنىڭغا بىر ھازا قاراپ تۇرغاندىن كېيىن، بېشىنى چايقاپ:

  -  ھېچقىسى يوق. - دېدى.

خاسىيەت ئۆينىڭ قالايمىقان، ئوسال ھالىتىگە قاراپ چىقتى، ئاسما بوتۇلكىسى تەۋرىنىپ تۇراتتى، سۇيۇقلۇق  نەيچىسىمۇ تارتىپ چىقىرىلدى،  يېڭنى ئۇچىدىن سۇيۇقلۇق يەرگە ئېقىپ چۈشتى، مەۋلاننىڭ قولىدىنمۇ بىر مۇنچە قىزىل سۇيۇقلۇق ئاقتى... 

ھەقىقەتەن ھەممە يەر قالايمىقان بولۇپ كەتتى.

بۇلارغا قاراپ سەل ئۇۋالچىلىق ھېس قىلىپ:

- ئاپا،  نېمىشقا بۇنداق قىلىسىز؟ ! - دېدى. 

ئۇ شۇنداق دېگىنىچە موماينى قويۇۋېتىپ، سافادا ئولتۇرۇپ، كۆز ياشلىرىنى سۈرتتى.

موماي ئۆزىنىڭ كېلىنىنى يىغلىتىۋەتكەنلىكىنى كۆرۈپ، چىرايى ئۆزگىرىپ، بىر مەھەل ئوڭايسىزلىنىپ قالدى.