དར་ལག་རྫོང་འབོས་པ་ཞང་གིས་ཁྱིམ་ཚང་དུ་སོང་ནས་བསྐྱར་དབུལ་སྔོན་འགོག་གྲལ་བཤེར་དང་སྲིད་ཇུས་དྲིལ་སྒྲོག་བྱས་ཏེ་མི་སེམས་དྲོ་རུ་བཅུག་པ།
མངའ་ཁུལ་གྱི་འབྲོག་པ་མང་ཚོགས་ཀྱིས་བསྐྱར་དབུལ་སྔོན་འགོག་གི་འགུལ་རྣམ་ལྟ་ཞིབ་ཚད་ལེན་གྱི་རོགས་སྐྱོར་སྲིད་ཇུས་ཀྱི་ཤེས་ཚད་ཇེ་མཐོར་བཏང་སྟེ། མཐའ་གཅིག་ཏུ་གཞི་ཁྱོན་རང་བཞིན་གྱི་བསྐྱར་དབུལ་མི་འབྱུང་བའི་ཚད་མཐའ་བརྟན་སྲུང་བྱེད་ཆེད། ཉེ་ཆར། འབོས་པ་ཞང་གིས་དར་ལག་རྫོང་གི་དབུལ་ཐར་འགག་སྒྲོལ་གྲུབ་འབྲས་སྲ་བརྟན་དང་རྒྱ་སྐྱེད་པ་དེ་གྲོང་གསེབ་དར་སྤེལ་དང་ནུས་ལྡན་སྒོས་མཐུད་སྦྲེལ་བྱེད་པའི་གཙོ་གནད་བྱ་བའི་བཀོད་གཏོང་གྲོས་ཚོགས་ཐེངས་བཞི་པའི་དགོངས་དོན་དང་བླང་བྱར་གཞིགས་ཏེ། ཞང་ཏང་ཨུའི་ཧྲུའུ་ཅི་གཞོན་པའམ་ཞང་སྲིད་གཞུང་གི་ཞང་ཀྲང་ལིའུ་ཧྲེང་པིང་གིས་སྣེ་ཁྲིད་ཅིང་། སྡེ་སྡོད་ལས་བྱེད་རུ་ཁག་དང་རུ་དཔུང་འགན་ལེན་གྱི་ལས་བྱེད་པ། འབོས་པ་མངགས་གཏོང་ཁང་གི་ལས་བྱེད་པ་བཅས་རྩ་འཛུགས་བྱས་ནས། བསྐྱར་དབུལ་སྔོན་འགོག་གི་འགུལ་རྣམ་ལྟ་ཞིབ་ཚད་ལེན་གྱི་རོགས་སྐྱོར་སྲིད་ཇུས་ཀྱི་དྲིལ་སྒྲོག་བྱ་འགུལ་སྤེལ།
ཐེངས་འདིའི་བྱ་འགུལ་ཁྲོད། ལས་བྱེད་པས་གཅིག་ནས་གཞི་རྩའི་གནས་ཚུལ་ལ་ཞིབ་བཤེར་བྱས་པ། དབུལ་ཐར་ཁྱིམ་ཚང་དང་ལྟ་ཞིབ་ཚད་ལེན་ཁྱིམ་ཚང་གི་ཁོངས་མི་དང་ཡོང་སྒོ བདེ་ཐང་གནས་ཚུལ་སོགས་གཞི་རྩའི་གནས་ཚུལ་ལ་ཞིབ་བཤེར་བྱས་ཏེ། གཞི་གྲངས་ཡང་དག་པར་ཁག་ཐེག་བྱས། གཉིས་ནས་འཚོ་བའི་གནས་ཚུལ་ལ་དཔྱད་དཔོག་བྱས་པ། སྡོད་ཁང་བདེ་འཇགས་དང་འཐུང་ཆུ་བདེ་འཇགས། སློབ་གསོ་དང་སྨན་བཅོས་སོགས་ཀྱི་གནས་ཚུལ་ལ་རྒྱུས་ལོན་ཟབ་མོ་བྱས་ཏེ། བྱེ་བྲག་གི་དཀའ་ཁག་ཟིན་ཐོར་བཀོད། གསུམ་ནས་འཕེལ་རྒྱས་དགོས་མཁོར་བརྟག་ཞིབ་བྱས་པ། འབྲོག་པའི་ཁྱིམ་ཚང་གི་ཐོན་སྐྱེད་འཚོ་བའི་དགོས་མཁོ་དང་། ཁྱད་པར་དུ་རྩལ་ནུས་གསོ་སྦྱོང་དགོས་མཁོ་སོགས་འདྲི་རྩད་བྱས་ཏེ་ཟིན་ཐོར་བཀོད། བཞི་ནས་སྲིད་ཇུས་དྲིལ་སྒྲོག་དང་སྒྲོག་འགྲེལ་བྱས་པ། ལས་བྱེད་པས་གོ་བདེ་ལ་འཛིན་སླ་བའི་སྐད་ཆས་རོགས་སྐྱོར་བྱ་ཡུལ་ལ་སྨན་བཅོས་རོགས་སྐྱོར་དང་ལས་ཞུགས་རོགས་སྐྱོར། སློབ་གསོ་ཁ་གསབ་སོགས་ཀྱི་སྲིད་ཇུས་རོལ་མྱོང་བྱེད་ཆོག་པར་གསལ་བཤད་དང་། ཡུལ་དངོས་སུ་ཁོ་ཚོའི་དོགས་གཞི་བསལ་ཏེ། དབུལ་ཐར་ཁྱིམ་ཚང་དང་ལྟ་ཞིབ་ཚད་ལེན་ཁྱིམ་ཚང་གིས་སྣ་སོ་སོའི་སྲིད་ཇུས་རྟོགས་ཚད་དང་ཡིད་ཚིམ་ཚད་ཇེ་མཐོར་བཏང་། དུས་མཚུངས་སུ་འབྲོག་པའི་ཁྱིམ་མིར་བདེ་ཐང་ཤེས་བྱ་དང་འཕྲོད་བསྟེན་གོམས་གཤིས་ཀྱི་གནད་ཆེའི་རང་བཞིན་ཧུར་ཐག་གིས་དྲིལ་སྒྲོག་བྱས་ཏེ། འབྲོག་པ་མང་ཚོགས་ཀྱིས་ཚན་རིག་དང་མཐུན་པའི་ཡ་རབས་བདེ་ཐང་གི་འཚོ་བའི་གོམས་གཤིས་ཤིག་ཆགས་པར་ཧུར་ཐག་གིས་སྐུལ་འདེད་བྱས།
རྗེས་ཕྱོགས། འབོས་པ་ཞང་གིས་བསྐྱར་དབུལ་སྔོན་འགོག་གི་ལྟ་ཞིབ་ཚད་ལེན་བྱ་བར་རྒྱུན་མཐུད་སྒོས་ཤུགས་སྣོན་པ་དང་། རང་ནུས་ཅི་ཡོད་སྒོས་འགུལ་རྣམ་ལྟ་ཞིབ་ཚད་ལེན་གྱི་རོགས་སྐྱོར་བྱ་བའི་ཟབ་ཚད་དང་རྒྱ་ཆེ་ཚད་ཇེ་མཐོར་གཏོང་བ་དང་། ‘སྔ་མོ་ནས་ཤེས་པ་དང་ཐེ་གཏོགས་བྱེད་པ། རོགས་སྐྱོར་བྱེད་པ། གཙང་སེལ་བྱེད་པའི’སྔ་མོ་བཞི་ཡི་རྩ་དོན་ཁྱོན་ཡོངས་སུ་དངོས་འབེབས་བྱེད་པར་ཁག་ཐེག་བྱེད་པ། གཞི་ཁྱོན་རང་བཞིན་གྱི་བསྐྱར་དབུལ་སྔོན་འགོག་བྱེད་པའི་འགོག་ཐིགས་དང་ཚད་མཐའ་བརྟན་པོར་བསྐྲུན་ཏེ། དབུལ་ཐར་འགག་སྒྲོལ་གྲུབ་འབྲས་སྲ་བརྟན་དང་རྒྱ་སྐྱེད་པ་དེ་གྲོང་གསེབ་དར་སྤེལ་དང་ནུས་ལྡན་སྒོས་མཐུད་སྦྲེལ་བྱེད་པར་རྨང་གཞི་བརྟན་པོ་འདིང་རྒྱུ་རེད། །
འདྲ་པར་མནན་ནས་མཚོ་སྔོན་བོད་ཡིག་གསར་འགྱུར་ཚགས་པར་ཀློགས།
