★
ཟླ11པའི་ཚེས14ཉིན། རྒྱལ་ཁབ་གློག་དྲ་གཅིག་སྒྲིལ་རྫོང་གློག་འདོན་ཀུང་སིས་སོག་རུ་མ་ཞང་ནས་གློག་མ་བཅད་པར་དྲ་འཐེན་པའི་ལས་སྒོ་ངོ་མཚར་བ་ཞིག་སྤེལ། གློག་ཤུགས་བཟོ་པ་རྣམས་ཀྱིས་ལུས་ལ་ཆེད་ལས་ཀྱི་སྒྲིག་ཆས་ཐོགས་ཤིང་གོ་རིམ་ལྡན་པའི་ངང་མཐོ་གནོན་གློག་སྐུད་ཀྱི་སྟེང་ནས་རྩལ་ནུས་ལྡན་པའི་ངང་ལས་སྒོ་སྣ་ཚོགས་སྤེལ། ཐེངས་འདིའི་བྱེད་སྒོ་ལས་སྡོད་དམངས་ཀྱི་གློག་སྤྱོད་པར་བར་ཆད་མི་ཐེབས་པར་བྱས་པར་མ་ཟད། གློག་ཤུགས་ལས་བཟོ་པ་རྣམས་ཀྱི་ལག་རྩལ་གསར་པའི་བེད་སྤྱོད་ལའང་ཐོད་བརྒལ་བྱུང་ནས། གློག་ཆད་པའི་དུས་ཚོད་དང་ཁྱབ་ཁོངས་ཆེས་ཆེར་བསྐྱུངས། ཐེངས་འདིའི་གློག་མ་བཅད་པར་དྲ་བ་འཐེན་པའི་ལས་སྒོ་བདེ་བླག་ངང་སྤེལ་ཆེད། རྒྱལ་ཁབ་གློག་དྲ་གཅིག་སྒྲིལ་རྫོང་གློག་འདོན་ཀུང་སིས་གཙིགས་མཐོང་ཆེན་པོ་བྱས་ཤིང་། ལས་མི་སྔོན་ལ་བཀོད་སྒྲིག་བྱས་ཏེ་ཡུལ་དངོས་ལ་བརྟག་ཞིབ་ནན་ཏན་བྱས། ཉིན་དེའི་ཆུ་ཚོད12ཐོག ཡུལ་དངོས་འགན་འཁུར་པས་ལས་བཟོ་པ་རྣམས་ལ་ལས་སྒོའི་གོ་རིམ་དང་བདེ་འཇགས་ཀྱི་དོན་ཚན་ཞིབ་ཏུ་བསྒོས། གློག་ལས་རླངས་འཁོར་གྱི་གློག་མི་རྒྱུག་པའི་འདེགས་ཆས་ཡར་འཕགས་པ་དང་བསྟུན་ནས་གློག་འགོག་ལྭ་བ་མཐུག་པོ་དང་བདེ་འཇགས་ཞྭ་མོ་གྱོན་པའི་ལས་བཟོ་པ་གཉིས་ཀྱིས་གློག་མ་བཅད་པར་དྲ་འཐེན་པའི་ལས་སྒོ་དངོས་སུ་མགོ་བརྩམས། ཁོ་ཚོ་ནི“བར་སྣང་འཕགས་མི”དང་འདྲ་བར། ལས་རིམ་གྱི་སྒྲིག་ལམ་ལྟར་མཐོན་གནོན་གློག་འཐེན་གྱི་ལས་སྒོ་བར་སྣང་ནས་སྤེལ། ལས་སྒོའི་གོ་རིམ་ཧྲིལ་པོ་འཇིགས་རུང་ཉེན་བྲལ་དུ་བསྟར་ཞིང་ཆེད་ལས་ཚོགས་པས་གློག་མ་བཅད་པའི་འོག་ནས་མཐོ་གནོན་གློག་ལམ་མཐུད་པའི་ལས་རིམ་ཡོངས་སུ་གྲུབ། གློག་ཤུགས་བདེ་བླག་གིས་མཐུད་པ་དང་གློག་ལས་ལག་རྩལ་སྤྱད་པས། གློག་དྲའི་བདག་གཉེར་གྱི་ལས་ཆོད་དང་བདེ་འཇགས་མཐོར་འདེགས་བཏང་བར་མ་ཟད། ཞིང་སྡེའི་སྡོད་དམངས་རྣམས་ཀྱི་འཚོ་བར་གློག་ཆད་པས་བཟོས་པའི་ཤུགས་རྐྱེན་ཡང་ཆེས་ཆེར་བསྐྱུངས་ཏེ། ཞིང་སྡེའི་དཔལ་འབྱོར་གོང་སྤེལ་ལ་སྔར་ལས་བརྟན་ཞིང་བློ་འཁེལ་རི་བའི་གློག་ཤུགས་ཀྱི་འགན་སྲུང་འདོན་སྤྲོད་བྱས།
འདྲ་པར་མནན་ནས་མཚོ་སྔོན་བོད་ཡིག་གསར་འགྱུར་ཚགས་པར་ཀློགས།
