每年視帝、視后嘅競爭都係最大亮點，今年更因為內地影視平台統計數據，增添咗好多話題。
數據顯示，羅仲謙同YoYo陳自瑤主演嘅《婚後事》勇奪2024年TVB劇集評分榜首。
佢哋力壓台慶大熱《黑色月光》同《巾幗梟雄之懸崖》，直接坐正「劇王」寶座，成為熱話。
而兩位主演嘅演技都被網民狂讚，話一定要佢哋攞埋視帝視后咁話。
● 羅仲謙：第一次「出軌」深層次角色
《婚後事》喺播出時已經掀起熱潮。
YoYo憑住呢套劇第一次做「女一」嘅劇集，演繹歇斯底里嘅女主戲份。
連「毒舌」網民都讚佢演技終於爆發。
而羅仲謙飾演出軌嘅已婚男人，就被話「脫胎換骨」。
劇中幾場痛哭戲份，演技感染力滿分。
羅仲謙接受訪問時笑住話：「呢個角色好複雜，係我第一次挑戰咁深層嘅性格。」
「可能而家做咗丈夫同爸爸，對婚姻角色會有啲新嘅體會，特別係做錯事之後嘅悔意同內心掙扎，真係好有感觸！」
莫非，佢好似成龍大哥話齋，同樣「犯咗天下男人都會犯嘅錯誤」，對唔住楊怡？
● YoYo：我想同「呢個老公」攞獎，但佢～
至於YoYo首次角逐視后，並成功入圍10強。
YoYo就話：「我真係好開心，呢套劇對我嚟講意義重大，因為角色被大家接受，已經係最大嘅獎勵！」
佢仲話，雖然對手真係好勁，但佢當然都希望自己攞到。
講到今次提名視帝仲有自己老公王浩信，視后提名就有羅仲謙老婆楊怡。
YoYo就話，雖然自己想同羅仲謙「夫妻檔攞獎」，但對方似乎想同自己老婆攞獎多啲。
● 台慶劇重頭劇直接收皮？
喺內地評分榜中，除咗《婚後事》穩坐第一之外。
其他爆冷上榜嘅包括《反黑英雄》、《神耆小子》同《企業強人》。
反而台慶重頭劇《黑色月光》竟然連5強都入唔到。
最離譜另一部重頭劇《法證先鋒VI：倖存者的救贖》，播出時已經被吐槽，而家更直接慘變為評分榜包尾。
不過TVB自己搞嘅10強，就同內地評分榜出現巨大分歧。
當中啱啱播完嘅新劇《異空感應》就喺網上爆紅。
可惜依然未能入圍，唔少網民集體為之抱不平。
◂ END ▸
