又快到一年一度嘅《萬千星輝頒獎典禮》。
今日TVB就公佈咗視帝視后等獎項嘅十強名單。
睇下今年邊個可以大熱奪冠，或者黑馬跑出，又或者繼續淪為陪跑。
【視后十強】
視后最後十強中，最估唔到嘅應該就係有蔡思貝《飛常日誌》啦。
不過難得嘅係，今年佢可以同陳自瑤一齊爭視后，已經好有話題。
今年大劇《黑色月光》應該就係大熱，視后唔係楊怡，咁就好可能係林夏薇。
至於胡定欣《巾幗梟雄之懸崖》，大概就好似佢喺劇中霸氣不足一樣，差啲啲。
【視帝十強】
前幾日啱啱講過，王浩信就憑《黑色月光》喺內地華鼎獎攞咗個「全球獎」——
「全球最佳電視劇男演員」
睇嚟王浩信都有唔少機會。加上又可以同老婆陳自瑤一齊競逐視帝視后。
簡直就係相得益彰，龍鳳和鳴。
而羅仲謙《婚後事》都可以，同樣可以同老婆楊怡一齊相得益彰，龍鳳和鳴。
煎Pan《逆天奇案2》有啲睇頭，起碼套劇有睇頭。
黎耀祥，作為三屆視帝，今次又係佢嘅經典IP《巾幗梟雄》系列。
原本都可以話係大熱，不過時移勢易，廉頗老矣，唔容易。
至於其他幾位，真係有啲難估——
難估係因為個個都熟口熟面，但個個發揮都係咁上下。
【劇集十強】
最佳劇集方面，《企業強人》係今年大製作，故事、卡司都夠強勁。
同時男女主角陳豪、張曦雯、龔嘉欣齊齊入圍視帝視后，劇集優勢自然唔細。
不過《飛常日誌》雖然係「新丁」，但劇情貼地，觀眾共鳴感強烈，都有可能會成為黑馬嘅。
當然啦，最終係點，好大程度都要睇返主角們自己個山頭。
下一個月19號晚，自然會一揭分曉。
◂ END ▸
