60幾歲男人，被兩大女神示愛
文摘
2024-12-19 23:23
广东
仲要係當住成萬人面前被示愛，仲要係一次過兩大女神。日前12月17日晚，劉德華一連20場《今天…is the Day巡迴演唱會》香港站，正式喺紅館開鑼。呢場闊別六年嘅演出，未開場已經一票難求，紅館座無虛席，氣氛勁高。舞台上嘅劉德華精神奕奕，又唱又跳，完全睇唔出已經63歲。而台下同樣都星光熠熠，梁詠琪、陳慧琳等等圈中好友都盛裝到場支持。作為1995年二人合作嘅經典電影《烈火戰車》主題曲。《情深的一句》仲係第15屆香港電影金像獎最佳電影歌曲𠻹。難怪聽到劉德華喺舞台上大唱《情深的一句》時，佢會感觸到眼濕濕。而同場嘅陳慧琳亦都即場配合，二人一齊企起身，用手勢做出「心心」送畀劉德華。梁詠琪事後喺社交平台發文感慨：「多年以後聽到《情深的一句》，依然感動！拍《烈火戰車》嘅回憶，返晒嚟！」喺劉德華嘅演藝生涯入面，佢一直以「勤力」同「完美主義」著稱。從TVB藝員訓練班出身，經歷過電視小生、電影巨星以及歌手嘅轉型。而佢成名背後嘅辛酸，大概都可以拍翻好幾部勵志電影。「無論係台前幕後，或者觀眾，大家咁多年嚟一直支持我，我好感激。」劉德華就表示過，佢唔會諗住做一個超人，淨係會諗住做翻劉德華。雖然外界一直覺得佢係一個完美主義者，不過佢就話自己一早放低咗。雖然呢排港產片風頭躉係黃子華嘅《破·地獄》當之無愧。不過《焚城》都算拍得唔錯，電影結合咗動作同懸疑元素。電影講述一名消防員喺火場中面對嘅人性考驗，台詞唔多但情感頗為豐富。而劉德華更突破咗以往一啲偶像框架，展現更加多元化嘅演技。記得劉德華之前講過，「其實一個演員，最緊要就係唔好怕轉變。」票房方面，《焚城》喺香港票房有4000萬，內地票房有2.58億，算係唔差。對於已經60幾歲嘅劉德華，佢依然用實力同熱誠感動著無數人。無論你係唔係佢fans都好，佢嘅勤力的確係有目共睹。靚仔、有錢、有實力，又如此自律，真係非一般人可以做到。話說絕大部分人如果中咗1千萬，都去嘆世界啦，仲自律條毛咩。但對於坐擁百億身家嘅劉德華嚟講，完全唔係咁樣一回事。不過佢就喺台上自嘲：「唔好叫我老公啦，我60幾，經唔起咁嘅勾引！」
