冇眼睇！亞洲小姐2024決賽，比堅尼+孖煙囪
文摘
2024-12-30 23:25
中国香港
由亞洲電視舉辦嘅2024年《第35屆亞洲小姐競選全球大賽（香港賽區）總決賽》，噚晚圓滿結束。呢位擁有香港大學中國歷史系博士學位嘅學霸，已經係第3次參選亞姐。佢曾於2020年同2021年參選，不過都係陪跑收場。今次終於捧走冠軍寶座，陳美濤就自嘲參加亞姐好似去咗「夏令營」。作為香港青年作家，寫過《宋朝穿越指南》等11本書，難怪回答都「零舍不同」。至於被認為有幾分似已故亞姐陳寶蓮嘅亞軍，北方佳麗張文婧，就話會將獎金捐作慈善用途。雖然睇落，亞姐選美已經有啲進步，但「嗰浸除」依然喺度。除咗以上將獎金捐返畀大會之外，喺泳裝環節，一樣冇令觀眾失望。佢就係11號佳麗張玉潔，以一身「創意造型」成功成為全場焦點。只見佢上身著住比堅尼，下身就完全估佢唔到，著上一條孖煙囪泳褲。其他佳麗都係正正常常嘅比堅尼，你就著四角孖煙囪咁「唔老禮」。雖然造型標新立異，不過眼球博盡，掀起亞視亞姐熱話，都係功德無量。有功勞，咁亞視應該識做，例如頒發一個「創意造型獎」畀佢。不過做得好嘅，都應該讚吓，好似今年亞姐又的確有啲進步。無論係參賽佳麗嘅整體質素，定係舞台設計同流程安排，都睇得出主辦方嘅努力。特別係陳美濤呢啲高學歷有顏值嘅佳麗奪冠，算係提升咗賽事水平。
