官宣離婚，背後水深？ 子華神又講中
文摘
2024-12-29 23:07
中国香港
日前趙薇宣布離婚，消息好突然，但聲明更加耐人尋味。佢話「多年前已正式與黃先生離婚」，仲強調關於前夫嘅任何事。徹底打破咗一般明星離婚時一貫嘅「再見亦是朋友」嘅套路。呢份聲明睇落，唔單止係情感走到盡頭，更似係要快速劃清界線。我哋粵語叫「割席」，源於古乳有暈：管寧割席拒華歆，謂非同志之人。不過除咗快速割席之外，睇返小燕子同前夫黃先生嘅商業糾紛等事情。又難怪令人「胡思亂想」——並非一單簡單嘅離婚咁簡單。1998年，憑著風靡華語世界嘅《還珠格格》電視劇系列，小燕子一夜爆紅。嗰陣時，佢純粹係一個演員，大概未必諗到自己會同資本市場扯上關係。不過2000年左右，中國影視市場放寬，資本開始大舉進入娛樂圈。雖然早期啲投資無乜成績，但自從佢同黃先生結婚，商業版圖即刻升級。婚後嘅小燕子已經唔「小」，甚至可以話係商界風雲人物。2015年，唐德影視上市，佢所持股票百倍增值——獲得150倍嘅驚人回報率。同年，佢同黃先生豪擲31億港紙入股阿里影業，風光無限。2016年，佢哋用註冊資本200萬嘅「龍薇傳媒」，試圖用50倍槓桿收購萬家文化。不過呢種「刀仔鋸大樹」嘅資本玩法，結果因為資金問題被證監會罰款。佢哋嘅資本神話逐漸消解，公司接連註銷，資產頻被凍結。同時間，黃先生嘅商業帝國亦都喺風雨飄搖中逐步向下。最近更爆出黃先生欠債超過11億港元，甚至話佢連香港租金都交唔起。啱啱前夫黃先生被人入稟香港高等法院，追討欠債7億嘅時候。小燕子選擇喺呢個時候官宣離婚，可能真係佢好心，唔想連累他人。雖知以佢多年商場打滾經驗，當然知點樣將債務風險同自己分隔清楚。愛情婚姻有價，但喺資本遊戲面前，呢啲價值更加明顯係要利益最大化。記得佢曾經講過，拍電影都唔想拍愛情片，因為「愛情最沒意思了。」所以子華神話齋：兒女私情，與其拖泥帶水，不如一刀兩斷。為咗進一步強調唔係自己問題，可以加多一句：錯就要認，要對方認！
