自從2024年初馬浚偉新官上任新城電台首席運營總監後之後。
佢一直對電台各方面進行全面改革，包括好重要嘅新城勁爆頒獎禮。
而當中最具爭議性嘅一項就係——取消「豬肉獎」。
亦即係大幅縮減獎項數量，以及將評選機制改為內部、外部投票。
力求提高獎項嘅公正性同埋權威性。
改革本意係好嘅，想擺脫過去「人人有份」嘅印象，令獎項更具含金量。
不過呢項改革，唔單止冇辦法令部分唱片公司接受，更引嚟佢哋直接杯葛。
● 豬肉獎改革，唱片公司杯葛
日前「新城勁爆頒獎禮2024」就喺香港會議展覽中心舉行。
雖然而家頒獎典禮依然可以用「星光熠熠」形容。
不過除咗張敬軒、林家謙、李幸倪、泳兒、江海珈等歌手之外。
其他歌手對好多人嚟講都比較陌生。
而三大唱片公司華納、寰亞同ViuTV，完全冇派歌手出席。
亦即係——集體杯葛。
即係話，不再「太公分豬肉」之後嘅頒獎禮，佢哋係唔認可？
三大唱片公司除咗冇派旗下歌手出席之外，佢哋亦不遵從慣例——
即係就算旗下歌手獲獎，佢哋都不再透過VCR，或者其他方式表示感謝。
呢種集體完全杯葛，明顯對新城電台嘅新頒獎方式充滿敵意。
雖然以前新城一個音樂頒獎禮就派100幾個「豬肉獎」，人人有份永不落空，的確太濫太硬膠。
不過新人事新作風，何況係向好嘅方向改革。
新城將獎項數量大幅縮減至67個，都算係循序漸進，意圖令頒獎禮回歸公平同公正。
反觀三大唱片公司寧願選擇杯葛，都唔支持一下新城改革，實在有啲～
● 市場收縮，山頭林立，利字當頭
至於呢三大唱片公司集體杯葛，背後究竟有咩深層原因呢。
一嚟，可能係因為新城電台長期喺香港四大頒獎禮中影響力最弱嘅一個。
再加上過去頒發氾濫「豬肉獎」嘅習慣，令樂壇力量更加分化。
二嚟，香港樂壇早已明日黃花，加上市場不斷收窄，唱片公司為咗自身利益。
早已形成各自陣營，甚至涇渭分明，難以達成共識。
加上佢哋已經係香港樂壇本地市場舉足輕重，就好事佢哋旗下歌手分別有呢啲：
香港華納有林峯、洪嘉豪、張天賦、陳蕾、Dear Jane等等。
香港寰亞就有鄭伊健、馮允謙 陳健安、鄭秀文、鄧麗欣、鄭欣宜、C AllStar等等。
而ViuTV，最犀利就係擁有香港頂流男團Mirror，女團Collar，粉絲號召力驚人。
加上ViuTV自己又有「Chill Club 推介榜年度推介」呢個音樂頒獎禮，人哋都成功舉辦咗4屆。
所以，即使新城改變獎項設置，呢啲主流唱片公司依然唔願意放低過往嘅分歧。
● 杯葛又好，亡羊補牢也罷
儘管喺「新城勁爆頒獎禮2024」中，張敬軒榮獲「勁爆年度歌手」獎項成為焦點。
並且成功刷新佢個人紀錄，不過呢一幕依然無法掩蓋香港樂壇嘅現實困境。
作為香港樂壇常勝軍嘅佢，攞獎一方面叫做有音樂實力，另一方面亦都反映出樂壇一直縮水。
無論新城頒獎禮嘅改革如何，作為明日黃花嘅香港樂壇，再改革恐怕都只不過係亡羊補牢。
香港樂壇嘅根基已經冇晒，業界生態早已被破壞。
當年TVB與四大唱片公司交惡，而家又有唱片公司杯葛。
如此香港樂壇，單憑新城，或者CEO馬俊偉，無論如何都係改變唔到架啦。
而家就算只搞一個「四台聯頒」，就算隆而重之好有權威性。
對好多人嚟講，已經冇晒吸引，更加唔重要冇所謂。
講開又講，容祖兒嘅《心淡》已經係2003年，即係21年前嘅舊歌了。
◂ END ▸
