TVB富貴女星絲帶綁身，當自己係「聖誕禮物」
文摘
2024-12-24 23:12
广东
最近莊思敏就喺IG派發聖誕福利，分享咗一輯「聖誕禮物」造型。莊思敏著上一身紅色衣物，再配上絲帶綁身，非常突顯身材。作為「拿督千金」，莊思敏雖然出身富貴，但性格一啲都唔嬌氣，為人貼地。莊思敏向來以大膽形象示人，喺社交平台大曬靚相早已係家常便飯。今個月初佢返馬來西亞出席活動期間，都不忘爭取曬太陽嘅機會。早於2010年，佢就決定做手術，將自己嘅「機場」升級到「崇山峻嶺」。莊思敏對此唔單止大方承認，更揚言自己從此「挺胸做人」。呢種敢於面對自己嘅態度，喺娛樂圈都算係「奇女子」。莊思敏喺馬來西亞出世，細個移居香港，讀書時已經決定唔行普通路線。輟學做全職模特兒，為時裝騷行天橋，又做司儀，早年就已經喺圈中崭露頭角。2010年代起，莊思敏逐漸喺TVB及影圈發展，都叫成功喺娛樂圈打響名堂。雖然事業有翻咁上下，但莊思敏亦曾因JPEX金融騙案事件而陷入法律風波。
