之後成功嫁入豪門，更搬入千呎半山豪宅，盡享闊太生活。
點知住入豪宅，都難逃「通渠命運」。
1. 豪宅水浸田，真假通渠佬
日前，陳詩欣喺IG限時動態爆料，屋企廁所條渠塞咗。
於是佢即時上網搵通渠佬解決。
點知結果仲衰過塞渠。
第一次搵嘅「名不見經傳」師傅，話幫通好條渠要收4200蚊，仲要求佢哋12個鐘唔好沖廁。
聽話嘅陳詩欣於是照做，點知12個鐘過後，條渠竟然更加「水浸田」。
無計可施之餘，陳詩欣於是凌晨再打電話畀管理處介紹嘅熟手師傅。
終於呢位係真·通渠佬。
幫佢通好條渠，只係收咗4000蚊。
不過前前後後兩日洗咗8000幾蚊，陳詩欣無奈咁提醒大家：
通渠師傅唔可以亂搵，第一次張單仲無公司名，根本搵唔返個通渠佬。
2. 豪門少奶奶，老公錫到燶
講到陳詩欣嫁入豪門之後嘅生活，用「勁曬命」形容都不為過。
唔單止經常喺社交平台分享周遊列國，享受美食。
又經常大曬奢華行頭，非常享受少奶奶生活。
而佢老公除咗出身豪門，更加係學霸，係倫敦藝術大學時裝學院高材生。
重點係，佢老公對佢寵愛有加，食飯都會親手幫佢剝蝦。
比較離譜嘅係，過慣富貴生活嘅陳詩欣，早前竟然自爆——
唔知港鐵入閘之後要收錢。
雖然佢只係為咗行捷徑，從同一個站入，同一個站出。
但係「嘟卡」入閘，佢點會以為唔使畀錢。
豪門少奶奶，果然要表現出離地，先至襯得起呢個哚。
3. 少奮鬥幾廿年，做少奶好過做小花
陳詩欣除咗主持過《3日2夜》《學是學非》節目之外。
亦都擔任過《姊妹淘》及《流行都市》等嘅主持工作。
模特兒出道佢，樣靚身材正，都成功彈出過。
因此都有機會參演《愛．回家》《痞子殿下》及《美麗戰場》等劇集。
原本有機會繼續上位嘅佢，拍拖結婚之後，漸漸淡出幕前。
呢個肯定嘅，小花再捱都不過係變成大花。
離一線花旦仲係十萬八千里之遙。
嫁入豪門就唔同，即刻少奮鬥幾十年。
不過就算係嫁咗入豪門都好，佢老公一直冇下達「封凶令」。
所以大家先至可以喺社交平台繼續睇到陳詩欣派發福利。
重溫·講女系列·陳詩欣：TVB小花：整靚個胸，冧死老公
◂ END ▸
