港姐17歲拍拖，拍咗13年，而家30歲分手
文摘
2024-12-22 23:00
广东
2020年落選港姐黃婉恩，從17歲起，就與議員何君堯嘅姪仔何俊彥拍拖。黃婉恩接受訪問時表示，「我哋係因為太了解所以分手。」黃婉恩又話，結束一段13年感情確實好難，不過大家對未來嘅諗法已經唔同。分手初期，佢話非常唔慣，更因為知道對方有新女友而感到好唔舒服。不過經過四個月調整，黃婉恩話已經走出失戀陰霾，強調要愛自己，先有勇氣面對未來。現年30歲嘅黃婉恩，曾以清純形象進入2020年香港小姐最後十強。雖然未能奪得桂冠，但其後被TVB睇中，簽約成為旗下藝人。早前佢更獲邀擔任《中年好聲音2》人氣王譚輝智新歌MV女主角，曝光率唔算低。黃婉恩近年經常以索爆形象示人，無論係之前萬聖節扮士兵曬長腿。定係泳池派對著上短裙露出deep deep事業線。外貌升級之餘嘅佢，身材亦都愈來愈Fit，整體上比起2020年參選時更靚。雖然黃婉恩嘅演藝事業發展一般般，但外貌與身材，絕對係事業加分項。又因為喺的士車廂內影照，因此冇扣安全帶，被質疑罔顧安全。不過佢就強調自己並非出身富裕家庭，完全係「純屬誤會」。此外，佢亦曾被前新城電台DJ林柏希暗指呃飲呃食，引發小風波。不過又咁講，做得娛樂圈，無論紅黑，甚至招致批評，都無可厚非。反而係呢啲花邊新聞，都可以幫藝人keep住一定嘅曝光率。至於黃婉恩用咗13年青春，換嚟一句「太了解對方而分手」。其實正路係，咪話13年，3年冇表示，就應該立即止蝕離場。不過每個人都受困於當局者迷，就當愛一個上一課都冇辦法。希望佢未來更珍惜自己嘅寶貴時間，搵到一個真心愛佢嘅人。
