處境劇《愛·回家之開心速遞》一直係TVB嘅重頭劇之一。
劇集雖然已經播出7年，但收視同廣告依然高企，相當犀利。
而劇中嘅多年CP，由張景淳飾演嘅龔燁，以及由呂慧儀飾演嘅熊若水，亦長期深受觀眾喜愛。
甚至係唔少觀眾心目中嘅「神級CP」。
近日張景淳就喺IG上分享咗6年前二人拍攝《愛·回家》時，被剪走嘅浪漫場面，引發一片熱議。原嚟喺2018年聖誕節，原本劇本安排咗一場龔燁衝動抱住熊若水嘅劇情。張景淳留言話：「一個拔足衝上前直接抱住媽呢空的一個幻想⋯但理智的龔燁當然最後沒有選擇太衝動。」當年拍咗出唔到街，但呢段情節而家終於見光，都算可以令網民搵返「失落嘅甜蜜」。其實喺張景淳公開嘅舊照中，龔燁同熊若水明顯已經「行得好埋」。其中一幕，龔燁從背後攬實熊若水，頭部更依偎着對方。熊若水亦面露羞澀，場面浪漫到差啲令人以為係睇緊韓劇。更有網民希望戲外成真：「多謝張sir，感謝分享，唔知道⋯會唔會⋯可唔可以⋯塞驚無神經常地不其然放驚喜呢」。喺2024年嘅「520」，張景淳同呂慧儀同步喺IG放閃。佢哋唔單止一齊晒咗一條甜蜜片段，仲佩戴住一對疑似情侶戒指。其實張景淳同呂慧儀，二人喺《愛·回家》中合作咗咁多年，默契十足。雖然長腳蟹結過婚有個10𡃁歲個仔，不過真愛面前，呢啲根本唔係咩問題。所以，就算現實中呢對CP再進一步都唔算過份，甚至可以話係水到渠成。雖然二人一直對緋聞低調應對，但張景淳成日話呂慧儀係自己嘅「戰友」。不過愛情始終係兩個當事人嘅事，外界唯有「靜觀其變」，或者耐心等下佢哋有冇好消息公佈。
