影后吳君如，被賣到柬埔寨？
文摘
2024-12-30 23:25
中国香港
作為好朋友，吳君如同森美一直喺娛樂圈都相當搞笑。
「咸豐年前」佢哋就一齊跟泰國著名動作演員Tony Jaa，學過好多「S級」泰語。而最近，佢哋又「同場演出」咗一場幾荒誕又幾搞笑嘅鬧劇。話佢收到「吳君如」嘅求救訊息，仲通過一次視頻通話𠻹。「聽唔聽到？我係君如，我現在被導演賣咗去柬埔寨，要借5000塊，我就搭船返香港呀。」霎眼睇，佢的確有6、7成似吳君如，不過認真小小睇，就知道AI換面式詐騙。另外一個破綻就係「AI吳君如」嘅口音，點會係唔鹹唔淡嘅粵語+煲冬瓜話呢。而森美都好「認真」咁追問：「乜嘢導演呀？你拍KK園之戀？」「AI吳君如」隨即將銀行戶口號碼send過嚟，並且收線。之後，森美就將呢條短片分享出嚟，並tag咗真嘅吳君如帳號，留言問對方：「君如，你喺柬埔寨邊度啊？使唔使搵人嚟救你？依家啲Deepfake都真係幾真，淨係睇樣都真係有機會認錯，除咗口音… 都真係有6、7成似君如㗎。依家真係越嚟越多電話騙案，大家真係要搵啲方法Deepfake詐騙，醒目啲。」而家啲AI愈嚟愈勁，搞到「深偽技術」（Deepfakes）亦都愈嚟愈真。稍微一個唔留神，或者老眼昏花，真係分分鐘都有可能中招。雖然片中嘅「AI吳君如」樣貌都幾真，不過佢啲粵語真係太膠啦。事件曝光之後，可以更容易令更多人知道呢啲詐騙手段。btw，其實AI吳君如，係咪唔小心mix咗鄭中基呀？◂ END ▸
